जिल्हा माहिती कार्यालय, लातूर

राष्ट्रीय बाल स्वास्थ्य कार्यक्रम अंतर्गत २४ बालकांवर होणार हृद्यरोग विषयक उपचार • जिल्हाधिकारी, मुख्य कार्यकारी अधिकारी यांचा पालकांशी संवाद • पुणे येथील विविध रुग्णालयांमध्ये होणार उपचार लातूर, दि. १० : राष्ट्रीय बाल स्वास्थ्य कार्यक्रमांतर्गत सन २०२५-२६ मध्ये जिल्ह्यातील अंगणवाडी आणि शासकीय, निमशासकीय शाळांमधील ० ते १८ वर्षे वयोगटातील बालकांची व विद्यार्थ्यांची तपासणी करण्यात आली. यामध्ये हृद्यदोष आढळलेल्या २४ बालकांवर पुणे येथील विविध नामांकित रुग्णालयांमध्ये मोफत शस्त्रक्रिया केली जाणार असून यासाठी ही बालके रवाना झाली. यानिमित्ताने जिल्हाधिकारी वर्षा ठाकूर-घुगे, जिल्हा परिषदेचे मुख्य कार्यकारी अधिकारी राहुल कुमार मीना यांनी जिल्हाधिकारी कार्यालयात त्यांच्या पालकांशी  संवाद साधला. आरोग्य उपसंचालक डॉ. रेखा गायकवाड, जिल्हा शल्य चिकित्सक डॉ. प्रदीप ढेले, निवासी वैद्यकीय अधिकारी डॉ. अशोक सारडा, डॉ. आनंद कलमे तसेच राष्ट्रीय बाल स्वास्थ कार्यक्रमाचे अधिकारी व कर्मचारी उपस्थित होते. राष्ट्रीय बाल स्वास्थ कार्यक्रम अंतर्गत ० ते ६ वर्षे वयोगटातील बालकांची वर्षातून दोन वेळा आणि ६ ते १८ ...

निलंगा नगरपरिषद, रेणापूर नगरपंचायत हद्दीत २० डिसेंबर रोजी मद्यविक्री बंद · मतमोजणी होणाऱ्या सर्व ठिकाणी २१ डिसेंबर रोजी मद्यविक्री बंद लातूर, दि. १० : राज्य निवडणूक आयोगाने जाहीर केलेल्या कार्यक्रमानुसार निलंगा नगरपरिषद आणि रेणापूर नगरपंचायत सार्वत्रिक निवडणुकीसाठी २० डिसेंबर २०२५ रोजी मतदान होणार आहे. तसेच दिनांक २१ डिसेंबर २०२५ रोजी जिल्ह्यातील उदगीर, अहमदपूर, औसा, निलंगा नगरपरिषद आणि रेणापूर नगरपंचायतीची मतमोजणी होणार आहे. त्यामुळे २० डिसेंबर रोजी निलंगा नगरपरिषद व रेणापूर नगरपंचायत हद्दीतील सर्व प्रकारची मद्यविक्री बंद राहणार आहे. तसेच २१ डिसेंबर रोजी उदगीर, अहमदपूर, औसा, निलंगा नगरपरिषद आणि रेणापूर नगरपंचायतीची मतमोजणी होणाऱ्या ठिकाणची सर्व प्रकारची मद्यविक्री बंद राहणार आहे. जिल्हाधिकारी वर्षा ठाकूर -घुगे यांनी महाराष्ट्र मद्य निषेध कायदा, १९४९ व महाराष्ट्र विदेशी मद्य (रोखीने विक्री, मद्यविक्री नोंदवही इ.) नियम १९६९ च्या संबंधित कलमान्वये प्रदान करण्यात आलेल्या अधिकाराचा वापर याबाबतचे आदेश निर्गमित केले आहेत. या आदेशाचे उल्लंघन करणाऱ्या अनुज्ञप्तीधारकांविरुध्द महाराष्ट...

पदवीधर मतदार संघ मतदार यादीमध्ये 18 डिसेंबरपर्यंत नाव नोंदविता येणार · दावे व हरकती दाखल करण्यासाठी 18 डिसेंबरपर्यंत मुदत लातूर, दि. 9 (जिमाका) : भारत निवडणूक आओग व मुख्य निवडणूक अधिकारी यांच्या निर्देशानुसार 05-औरंगाबाद विभाग पदवीधर मतदार संघासाठी नव्याने मतदान याद्या तयार करण्याचा कार्यक्रम घोषित करण्यात आला आहे. त्यानुसार 6 नोव्हेंबर, 2025 पर्यंत नमुना 18 प्राप्त झालेले अर्जांची प्रारूप यादी 3 डिसेंबर, 2025 रोजी प्रसिध्द करण्यात आलेली आहे. या यादीवर 18 डिसेंबर 2025 पर्यंत दावे व हरकती स्वीकारण्यात येणार आहेत. दावे व हरकती दाखल करताना नमुना अर्ज 7 व 8 मध्ये हरकती दाखल करता येतील. तसेच मतदार यादीमध्ये नव्याने नाव समाविष्ट करण्यासाठी 18 डिसेंबर पर्यंत नमुना अर्ज 18 ऑनलाईन किंवा ऑफलाईन पध्दतीने सादर करता येणार आहे. नमुना अर्ज 18 ऑनलाईन पध्दतीने सादर करण्यासाठी htps://www.mahaelection.gov.in/citizen/login लिंकचा वापर करावा. त्या अनुषंगाने 05- औरंगाबाद विभाग पदवीधर मतदर संघाकरिता नव्याने तयार होणाऱ्या मतदार यादीत नाव समावेश करण्यासाठी लातूर तालुक्यातील सर्वसाधारण रहिवास असलेल...

लातूर येथे सशस्त्र सेना ध्वजदिन निधी संकलनास प्रारंभ शासनाच्या जास्तीत जास्त योजनांचा लाभ सैनिक, माजी सैनिक कुटुंबियांना देण्यासाठी प्रयत्न करणार -जिल्हाधिकारी वर्षा ठाकूर-घुगे · सलग दुसऱ्या वर्षी निधी संकलनात लातूर जिल्हा राज्यात द्वितीय लातूर, दि. ०९ : सशस्त्र सेना ध्वजदिन निधी संकलनास जिल्ह्यात आजपासून प्रारंभ झाला आहे. देशाच्या संरक्षणासाठी लढणाऱ्या, बलिदान करणाऱ्या सैनिकांविषयी कृतज्ञता व्यक्त करण्याची संधी यामाध्यमातून आपल्याला प्राप्त होते. त्यामुळे प्रत्येक व्यक्तीने सशस्त्र सेना ध्वजदिन निधीमध्ये आपले योगदान द्यावे, असे आवाहन जिल्हाधिकारी वर्षा ठाकूर-घुगे यांनी केले. तसेच शासनाच्या विविध योजनांचा लाभ जिल्ह्यातील सैनिक, माजी सैनिक कुटुंबियांना मिळवून देण्यासाठी जिल्हा प्रशासनाच्या माध्यमातून प्रयत्न करण्यात येणार असल्याचे त्यांनी सांगितले. जिल्हाधिकारी कार्यालयाच्या नियोजन समिती सभागृहात आयोजित कार्यक्रमात जिल्हाधिकारी तथा जिल्हा सैनिक बोर्डाच्या अध्यक्ष श्रीमती ठाकूर-घुगे यांच्या हस्ते सशस्त्र सेना ध्वजदिन निधी संकलनास सुरुवात करण्यात आली. जिल्हा परिषदेचे उपमुख्य क...

लातूर जिल्ह्यात शस्त्रबंदी व जमावबंदी आदेश जारी लातूर, दि. 8 (जिमाका) : कायदा व सुव्यवस्था, सार्वजनिक शांतता व सुरक्षितता अबाधित राखण्यासाठी अपर जिल्हादंडाधिकारी केशव नेटके यांनी महाराष्ट्र पोलीस अधिनियम 1951 च्या कलम 37 (1) व (3) नुसार संपूर्ण लातूर जिल्ह्याच्या हद्दीत शस्त्रबंदी व जमावबंदी आदेश जारी केले आहेत. हा आदेश संपूर्ण लातूर जिल्ह्याच्या हद्दीत 6 डिसेंबर, 2025 रोजीच्या 00.01 वाजेपासून ते 20 डिसेंबर, 2025 रोजीच्या 24.00 वाजेपर्यंत (दोन्ही दिवस धरुन) लागू राहील. शस्त्रबंदी व जमावबंदी काळात या आदेशान्वये शस्त्रे, सोटे, तलवारी, भाले, दंडे, बंदुका, सुरे, काठ्या, लाठ्या किंवा शारीरिक इजा करण्यासाठी वापरता येईल, अशी कोणतीही वस्तू सोबत घेऊन फिरता येणार नाही. कोणताही दाहक पदार्थ किंवा स्फोटक पदार्थ बाळगता येणार नाही, दगड किंवा इतर क्षेपणास्त्रे, सोडावयाची किंवा फेकावयाची उपकरणे बाळगणे किंवा जमा करणे किंवा तयार करण्यास मनाई राहील. व्यक्तीचे प्रेत, आकृत्या किंवा प्रतिमा यांचे प्रदर्शन करता येणार नाही. तसेच जाहीरपणे घोषणा करणे, गाणे म्हणजे वाद्य वाजविण्यास मनाई राहील. ज्यामुळे सभ...

अत्याचारग्रस्तांच्या वारसांनी नोकरीसाठी १० डिसेंबरपर्यंत अर्ज करण्याचे आवाहन लातूर, दि. ०५ : सामाजिक न्याय व विशेष सहाय विभागाच्या २० नोव्हेंबर २०२५ रोजीच्या शासन निर्णयानुसार अनुसूचित जाती व अनुसूचित जमाती (अत्याचार प्रतिबंध) अधिनियम, १९८९ (सुधारीत अधिनियम, २०१५) अंतर्गत दाखल खून किंवा अत्याचारामुळे झालेल्या मृत्यूच्या प्रकरणांमध्ये दिवंगत व्यक्तीच्या कुटुंबातील एका पात्र वारसास शासकीय किंवा निमशासकीय सेवेत नोकरी देण्याची तरतूद करण्यात आली आहे. या अनुषंगाने लातूर जिल्ह्यातील अशा प्रकरणांतील पात्र वारसांनी १० डिसेंबर २०२५ पर्यंत अर्ज करावे, असे आवाहन लातूर जिल्ह्याचे समाज कल्याण सहायक आयुक्त तथा जिल्हा दक्षता व नियंत्रण समितीचे सदस्य सचिव यादव गायकवाड यांनी केले आहे. सामाजिक न्याय विभागाच्या २० नोव्हेंबर २०२५ रोजीच्या शासन निर्णयानुसार अनुसूचित जाती अनुसूचित जमाती (अत्याचार प्रतिबंध) अधिनियम १९८९ (सुधारित अधिनियम, २०१५) अंतर्गत दाखल खून किंवा अत्याचाराच्या अनुषंगाने झालेल्या मृत्यूच्या प्रकरणातील दिवंगत व्यक्तीच्या कुटूंबातील एका पात्र वारसास शासकीय अथवा निमशासकीय नोकरी देण्याच्या अन...

नोंदणी व मुद्रांक विभागात नवीन ९६५ पदनिर्मितीसह ३,९५२ पदे मंजूर -नोंदणी महानिरीक्षक रविंद्र बिनवडे विभागाच्या सुधारित आकृतीबंधास शासनाची मंजुरी लातूर, दि. ०५ : नोंदणी व मुद्रांक विभागाच्या सुधारित आकृतीबंधास मंजुरी देणारा शासन निर्णय महसूल व वन विभागाने जारी केला आहे. यामुळे विभागात नवीन ९६५ पदांच्या निर्मितीने मंजूर पदांची संख्या वाढून ३ हजार ९५२ झाली असल्याची माहिती नोंदणी महानिरीक्षक रविंद्र बिनवडे यांनी दिली. महसूलमंत्री चंद्रशेखर बावनकुळे यांच्या निर्देशांची अंमलबजावणी करत मुद्रांक शुल्क व नोंदणी विभागामध्ये ९६५ नवीन पदांची निर्मिती करून एकूण ३ हजार ९५२ पदांचा नवा आकृतीबंध ४ डिसेंबर २०२५ रोजी महसूल व वन विभागाच्या शासन निर्णयान्वये मंजूर करण्यात आला आहे. यात विद्यमान ३,०९४ मंजूर पदांपैकी १०७ पदे रद्द करण्यात आली आहेत. नवीन दुय्यम निबंधक कार्यालयांची निर्मिती, दस्त संख्येत झालेली वाढ आणि वाढलेली कामकाजाची व्याप्ती लक्षात घेता अपर मुख्य सचिव विकास खारगे यांनी यासाठी महत्त्वपूर्ण मार्गदर्शन केले होते. सुधारित आकृतीबंध विभाग अधिक सक्षम, कार्यक्षम आणि बळकट करण्यास उपयुकत ठरणार...

जिल्हा विधी सेवा प्राधिकरणमार्फत लातूर कारागृहात जनजागृती शिबीर लातूर, दि. ०५ : महाराष्ट्र राज्य विधी सेवा प्राधिकरण यांच्या किमान समान कार्यक्रमानुसार एड्स या आजाराबाबत जनजागृतीसाठी लातूर कारागृह येथे जिल्हा विधी सेवा प्राधिकरण, लातूर जिल्हा न्यायालय व जिल्हा एड्स प्रतिबंध व नियंत्रण विभाग जिल्हा कार्यक्रम अधिकारी, जिल्हा शल्य चिकित्सक यांच्या संयुक्त विद्यमाने जनजागृती शिबिराचे आयोजन करण्यात आले होते. जिल्हा विधी सेवा प्राधिकरणचे अध्यक्ष तथा प्रमुख जिल्हा व सत्र न्यायाधीश संजय भारुका यांच्या मार्गदर्शनाखाली झालेल्या या शिबिरात जिल्हा विधी सेवा प्राधिकरणचे व्यंकटेश गिरवलकर, वैद्यकीय महाविद्यालयाचे समुपदेशक तानाजी भोसले, उडाण संस्थेचे प्रकल्प व्यवस्थापक प्रमोद सोमवंशी, शासकीय वैद्यकीय महाविद्यालयाचे श्री. ढोपरे यांनी मार्गदर्शन केले. कारागृह अधीक्षक श्री. मुलाणी यावेळी उपस्थित होते. यावेळी श्री. गिरवलकर यांनी एड्स आजाराबाबत कैद्यांना एचआयव्ही, एड्स म्हणजे काय, या आजार कसा पसरतो व त्याची लक्षणे काय आहेत, याबाबत माहिती दिली. एड्सबाबत असलेली उपचार पध्दतीबाबत तसेच सदरील आजारास प्रतिबंध...

लातूर येथे मेस्को क्षेत्रीय कार्यालयात लिपिक पदासाठी भर्ती लातूर, दि. ०१ (जिमाका): जिल्ह्यातील माजी सैनिक यांनी लातूर मेस्को क्षेत्रीय कार्यालय येथे लिपिक टंकलेखक पद तात्पुरत्या स्वरूपात एकत्रित मानधनवर भरण्यात येणार आहे. तसेच या पदासाठी सैन्य सेवेत लिपिक या कामाचा अनुभव व मराठी, इंग्लिश टायपिंग असल्यास प्राधान्य दिले जाईल. या पदासाठी इच्छूक माजी सैनिकांनी आपल्या अर्ज व सर्व मूळ कागदपत्रांसह 5 डिसेंबर, 2025 रोजी लातूर जिल्हा सैनिक कल्याण कार्यालय येथे कागदपत्रे जमा करुन नाव नोंदणी करावी, असे जिल्हा सैनिक कल्याण अधिकारी ले. कर्नल शरद पांढरे (नि.) यांनी कळविले आहे. ****

जागतिक एड्स दिनानिमित्त आयोजित सायकल रॅलीला उत्स्फूर्त प्रतिसाद लातूर, दि. ०१: जिल्हा एड्स प्रतिबंध व नियंत्रण पथक, जिल्हा शल्यचिकित्सक कार्यालयाच्यावतीने ०१ डिसेंबर जागतिक एड्स दिनानिमित्त जनजागृती सायकल रॅलीचे आयोजन करण्यात आले होते. भारतरत्न डॉ. बाबासाहेब आंबेडकर पार्क येथून निघालेल्या या सायकल रॅलीला आरोग्य सेवा उपसंचालक डॉ. रेखा गायकवाड व सहाय्यक संचालक संजय ढगे यांच्या हस्ते हिरवी झेंडी दाखविण्यात आली. जिल्हा शल्यचिकित्सक डॉ. प्रदीप एम. ढेले, जिल्हा परिषदेचे वैद्यकीय अधिकारी डॉ. सुधीर बनशेळकीकर, निवासी वैद्यकीय अधिकारी डॉ. अशोक सारडा, वैद्यकीय अधिकारी डॉ. आनंद कलमे, जिल्हा कार्यक्रम अधिकारी बिपीनचंद्र बोर्डे, विभागीय कार्यक्रम व्यवस्थापक पवन वाडकर तसेच आरोग्य विभागातील अधिकारी व कर्मचारी उपस्थित होते. जागतिक एड्स दिनाचे घोषवाक्य ‘अडथळ्यांवर मात करुन, एकजूटीने एचआयव्ही, एड्सला लढा देवू, नवं परिवर्तन घडू’ चा नारा देवून जनजागरण सायकल रॅलीला सुरुवात झाली. छत्रपती शिवाजी महाराज शहीद भगतसिंग चौक येथून पुन्हा भारतरत्न डॉ. बाबासाहेब आंबेडकर पार्क येथे आल्यानंतर सायकल रॅलीचा समारोप कर...