जिल्हा माहिती कार्यालय, लातूर

राष्ट्रीय एकात्मता वाढवून विविधतेत एकतेचे दर्शन घडविणारा सोहळा लोहपुरुष सरदार वल्लभभाई पटेल यांच्या जयंतीनिमित्त दरवर्षी 31 ऑक्टोबर हा राष्ट्रीय एकता दिवस म्हणून साजरा केला जातो. भारताची एकता, अखंडता आणि राष्ट्रीय एकात्मतेचे प्रतीक म्हणून या दिवसाकडे पाहिले जाते. यानिमित्त देशभर विविध कार्यक्रमांचे ३० ऑक्टोबर ते १५ नोव्हेंबर दरम्यान आयोजन करण्यात आले असून ‘राष्ट्रीय एकता दिवस’ आणि ‘भारत पर्व २०२५’ हे या कार्यक्रमाचा भाग आहे. भारताचे पहिले उपपंतप्रधान आणि पहिले गृहमंत्री लोहपुरुष सरदार वल्लभभाई पटेल यांनी स्वातंत्र्यानंतर संस्थानांचे विलिनीकरण करून देशाची भौगोलिक आणि राजकीय एकता साध्य केली. कणखर निर्णयक्षमता, मुत्सद्देगिरी, नैतिक धैर्य आणि देशप्रेम, राष्ट्रीय एक्य ही त्यांची गुणात्मक वैशिष्ट्ये होती. त्यांच्या धैर्यवान नेतृत्वाने आणि मुत्सद्दी दृष्टिकोनाने भारताच्या अखंडतेचा पाया रचला. त्यांच्या स्मृतीप्रित्यर्थ गुजरातमध्ये उभारलेला १८२ मीटर उंच ‘स्टॅच्यू ऑफ युनिटी’ आज जगातील सर्वाधिक उंच पुतळा असून, २०२४-२५ या वर्षात तब्बल ६०.५९ लाख पर्यटकांनी येथे भेट दिली आहे. प्रधानमंत्री नरेंद्र मो...

भारताचे लोहपुरुष सरदार वल्लभभाई पटेल यांच्या जयंतीनिमित्त दरवर्षी ३१ ऑक्टोबर राष्ट्रीय एकता दिवस म्हणून साजरा केला जातो. या वर्षी त्यांच्या १५० व्या जयंतीच्या निमित्ताने हा दिवस भव्य स्वरूपात साजरा केला जाणार आहे. हा दिवस भारताच्या एकता, अखंडता आणि राष्ट्रीय एकजुटतेचे प्रतीक असून, ५६२ संस्थान एकत्रित येऊन आधुनिक भारताची पायाभरणी करणाऱ्या सरदार पटेलांच्या अद्वितीय कार्याला अभिवादन करणार आहे. एकतानगर येथे भव्य परेड आणि सांस्कृतिक कार्यक्रम या वर्षीचा उत्सव नैसर्गिक सौंदर्य आणि सांस्कृतिक समृद्धीचा संगम असणाऱ्या गुजरातमधील नर्मदा जिल्ह्यातील एकतानगर येथे आयोजित केला जाणार आहे. हे ठिकाण “विविधतेत एकता” या भारताच्या संकल्पनेचे प्रतीक म्हणून निवडले गेले आहे. या सोहळ्याचे मुख्य आकर्षण म्हणजे केंद्रीय सशस्त्र पोलीस दल राज्य पोलीस दल आणि राष्ट्रीय कॅडेट कोर यांच्या सहभागाने भव्य परेड आणि सांस्कृतिक उत्सव आयोजित करण्यात आला आहे. राष्ट्रीय कॅडेट्स कोर आणि शालेय बँड यांचे सादरीकरण या परेडमध्ये सीमा सुरक्षा बल, केंद्रीय राखीव पोलीस दल, केंद्रीय औद्योगिक सुरक्षा बल, भारत- तिबेट सीमा पोलीस, सशस्त्र स...

1 ते 15 नोव्हेंबर 2025 दरम्यान केवडिया गुजरात येथे होणाऱ्या भारत पर्व महोत्सवात महाराष्ट्र शासनाच्या सांस्कृतिक कार्य विभागाचा सहभाग मुंबई, दि २८ : 31 ऑक्टोबर 2025 रोजी सरदार वल्लभभाई पटेल यांच्या सार्ध शताब्दी (150 व्या) जयंती वर्षानिमित्त केंद्रीय गृह मंत्रालयामार्फत केवडिया, गुजरात येथे आयोजित करण्यात येणाऱ्या राष्ट्रीय संचलन कार्यक्रमात यंदा प्रथमच महाराष्ट्र राज्याचा चित्ररथ सहभागी होणार आहे. महाराष्ट्र शासनाच्या सांस्कृतिक कार्य विभागातर्फे या वर्षी “स्वराज्य: एकतेचा धागा” या संकल्पनेवर हा चित्ररथ साकारण्यात आला आहे. या चित्ररथात अग्रभागी छत्रपती शिवाजी महाराज सिंहासनावर विराजमान असल्याचे दर्शन घडते. त्यांच्या मागे वारकरी संप्रदायातील वारकरी यांची मूर्ती तर पार्श्वभूमीवर मराठा आरमारातील प्रसिद्ध गुराब नौका दर्शविण्यात आली आहे. या माध्यमातून राज्याच्या वैभवशाली इतिहासाची आणि एकतेची झलक दर्शविण्यात आली आहे. या चित्ररथासोबत 14 कलाकारांचा चमू सांस्कृतिक सादरीकरण करणार असून, महाराष्ट्राच्या विविधतेतून एकतेचा संदेश देणारे हे सादरीकरण राष्ट्रीय स्तरावर राज्याची सांस्कृतिक ओळख अधोरेखित क...

एखाद्या राष्ट्राचे मूल्यमापन केवळ त्याच्या भूगोलाने नव्हे तर त्याच्या संस्थांची कार्यक्षमता, निष्पक्षता आणि लवचिकतेने केली जाते. स्वातंत्र्योत्तर भारतात, अखिल भारतीय सेवा (आयएएस, आयपीएस आणि आयएफओएस) या प्रशासनाच्या कण्याप्रमाणे कार्य करत आहेत, या सेवांनी केंद्र आणि राज्यांमधील सुसंवाद सुनिश्चित केला आणि शासन व नागरिक यांच्यातील दुवा साधला. या सेवांचे वेगवेगळ्या क्षेत्रात केलेले योगदान हे दर्शवते की सरदार वल्लभभाई पटेल यांची दृष्टी आजही एका मजबूत, एकसंघ आणि प्रतिसादक्षम राष्ट्राच्या कार्यपद्धतीस दिशा देणारी आहे. स्टील फ्रेमचा जन्म स्वातंत्र्यानंतरच्या राष्ट्राची स्थिती ओळखून, सरदार वल्लभभाई पटेल यांनी व्यावसायिक, निष्पक्ष आणि कार्यक्षम नागरी सेवांची आवश्यकता अधोरेखित केली. हीच “स्टील फ्रेम” केंद्राला विविध राज्यांशी जोडेल, धोरणांची समतोल अंमलबजावणी करेल आणि कायदा व सुव्यवस्था राखून आर्थिक व सामाजिक विकासाला चालना देईल. हे निक्षून सांगितले. सरदार वल्लभभाई पटेल यांना ठाऊक होते की केवळ राजकीय एकता पुरेशी नाही; मजबूत संस्था हाच तत्त्वांना व्यवहारात उतरवण्याचा आणि शांतता व प्रगती टिकवून ठेवण...

पदवीधर मतदार यादीत 6 नोव्हेंबरपर्यंत नाव नोंदविता येणार लातूर, दि. 17 (जिमाका): भारत निवडणूक आयोग व राज्याचे मुख्य निवडणूक अधिकारी यांच्या निर्देशानुसार ०५-औरंगाबाद विभागाकरीता पदवीधर मतदारसंघासाठी नव्याने मतदारयादी तयार करण्याचा कार्यक्रम घोषित करण्यात आला आहे. यानुसार मतदारयादीत नाव समावेश करण्याची अंतिम मुदत ६ नोव्हेंबर २०२५ पर्यंत आहे. पदवीधर मतदारसंघाची मतदारयादी प्रत्येक निवडणुकीपूर्वी नव्याने तयार केली जाते. त्यानुसार सर्व पदवीधारकांनी विहित नमुन्यात नव्याने अर्ज दाखल करणे आवश्यक आहे. या अनुषंगाने ०५-औरंगाबाद विभागाकरीता नव्याने तयार होणाऱ्या मतदारयादीत नाव समावेश करण्यासाठी लातूर तालुका हद्दीत सर्वसाधारण रहिवासी असलेल्या सर्व पदवीधारकांनी लातूर तहसील कार्यालय येथे नियुक्त पथकाकडे ६ नोव्हेंबर २०२५ पर्यंत अर्ज सादर करावेत, असे आवाहन लातूर उपविभागीय अधिकारी रोहिणी नऱ्हे-विरोळे व तहसीलदार सौदागर तांदळे यांनी दिले आहे. *****

लातूर जिल्हा कुटुंब कल्याण आणि लसीकरणात राज्यात दुसऱ्या क्रमांकावर लातूर, दि. १७ (जिमाका) : आरोग्य व्यवस्थापन व माहिती पद्धती (एचएमआयएस) अंतर्गत कुटुंब कल्याण, माता-बाल संगोपन व लसीकरण कार्यक्रमात लातूर जिल्ह्याने उल्लेखनीय कामगिरी साध्य केली असून, ऑगस्ट २०२५ अखेरच्या राज्यस्तरीय जिल्हानिहाय अहवालानुसार लातूर जिल्हा दुसऱ्या क्रमांकावर पोहोचला आहे. पुणे येथील राज्य कुटुंब कल्याण कार्यालयाचे अतिरिक्त संचालक यांनी तयार केलेल्या या अहवालात एकूण गरोदर माता नोंदणी, १२ आठवड्यापूर्वी नोंदणी, गरोदर मतांचे लसीकरण, आयएफए १८० गोळ्या वितरण, प्रसुतीपूर्व चार तपासण्या, अति जोखमीच्या व रक्तक्षयग्रस्त मातांचे उपचार, एकूण प्रसूती, बालक नोंदणी, कमी वजनाच्या बालकांचे प्रमाण, झिरो डोसपासून गोवर-रुबेला पर्यंतचे प्राथमिक लसीकरण व संपूर्ण सुरक्षित बालक यासारख्या आरोग्य निर्देशकांचा विचार करून ही रँकिंग ठरविण्यात आली आहे. जिल्हा परिषदेचे मुख्य कार्यकारी अधिकारी राहूलकुमार मीना, जिल्हा आरोग्य अधिकारी डॉ. बालाजी शिंदे, जिल्हा शल्य चिकित्सक डॉ. प्रदीप ढेले, जिल्हा माता व बालसंगोपन अधिकारी डॉ. नितीन बोडके, अतिर...

लातूर जिल्ह्यात शस्त्रबंदी व जमावबंदी आदेश जारी लातूर, दि. 17 (जिमाका) : कायदा व सुव्यवस्था, सार्वजनिक शांतता व सुरक्षितता अबाधित राखण्यासाठी अपर जिल्हादंडाधिकारी केशव नेटके यांनी महाराष्ट्र पोलीस अधिनियम 1951 च्या कलम 37 (1) व (3) नुसार संपूर्ण लातूर जिल्ह्याच्या हद्दीत शस्त्रबंदी व जमावबंदी आदेश जारी केले आहेत. हा आदेश संपूर्ण लातूर जिल्ह्याच्या हद्दीत 22 ऑक्टोबर, 2025 रोजीच्या 00.01 वाजेपासून ते 5 नोव्हेंबर, 2025 रोजीच्या 24.00 वाजेपर्यंत (दोन्ही दिवस धरुन) लागू राहील. शस्त्रबंदी व जमावबंदी काळात या आदेशान्वये शस्त्रे, सोटे, तलवारी, भाले, दंडे, बंदुका, सुरे, काठ्या, लाठ्या किंवा शारीरिक इजा करण्यासाठी वापरता येईल, अशी कोणतीही वस्तू सोबत घेऊन फिरता येणार नाही. कोणताही दाहक पदार्थ किंवा स्फोटक पदार्थ बाळगता येणार नाही, दगड किंवा इतर क्षेपणास्त्रे, सोडावयाची किंवा फेकावयाची उपकरणे बाळगणे किंवा जमा करणे किंवा तयार करण्यास मनाई राहील. व्यक्तीचे प्रेत, आकृत्या किंवा प्रतिमा यांचे प्रदर्शन करता येणार नाही. तसेच जाहीरपणे घोषणा करणे, गाणे म्हणजे वाद्य वाजविण्यास मनाई राहील. ज्यामुळ...

सशस्त्र सैन्यदलामध्ये अधिकारी पदाच्या मोफत पूर्वप्रशिक्षणाची सुवर्णसंधी • जिल्हा सैनिक कल्याण केंद्रात 2 नोव्हेंबर रोजी मुलाखतीचे आयोजन लातूर, दि. 16 (जिमाका): भारतीय सशस्त्र सैन्यदल, नौदल व वायुदलामध्ये अधिकारी पदावर भरती होण्यासाठी सर्व्हिस सिलेक्शन बोर्डाच्या परीक्षेची पूर्वतयारी करुन घेण्यासाठी नाशिक येथील नाशिक रोडच्या छात्रपूर्व प्रशिक्षण केंद्रामध्ये राज्य शासनातर्फे राज्यातील नवयुवक व नवयुवतींसाठी 3 नोव्हेंबर 2025 ते 12 नोव्हेंबर, 2025 या कालावधीत एसएसबी कोर्स क्र. 63 आयोजित करण्यात येत आहे. या कोर्ससाठी प्रशिक्षणार्थीची निवास, भोजन आणि प्रशिक्षणाची निःशुल्क सोय करण्यात येणार आहे. तरी लातूर जिल्ह्यातील इच्छुक उमेदवारांनी लातूर जिल्हा सैनिक कल्याण कार्यालयात 2 नोव्हेंबर 2025 रोजी मुलाखतीसाठी उपस्थित राहावे, असे आवाहन जिल्हा सैनिक कल्याण अधिकारी ले. कर्नल (नि.) शरद पांढरे यांनी केले आहे. मुलाखतीस येताना डिपार्टमेंट ऑफ सैनिक वेलफेअर (डीएसडब्ल्यू) यांच्या संकेतस्थळावर सर्च करून त्यामधील एसएसबी-63 कोर्ससाठी (किंवा संबंधित जिल्हा सैनिक कल्याण कार्यालयाने प्रिंट...

लातूरला प्रथमच जलतरण राज्यस्तरीय शालेय क्रीडा स्पर्धां; १६ ते १८ ऑक्टोबर दरम्यान आयोजन लातूर, दि. १५ (जिमाका) : राज्य शासनाच्या क्रीडा व युवक सेवा संचालनालयाच्या वतीने २०२५-२६ या वर्षी आयोजित राज्यस्तरीय शालेय क्रीडा स्पर्धांपैकी जलतरण स्पर्धेचे आयोजन प्रथमच लातूर जिल्ह्यात करण्यात आले आहे. लातूर जिल्हा क्रीडा परिषद आणि शिवछत्रपती शिक्षण संस्थेचे राजर्षी शाहू महाविद्यालय (स्वायत्त) यांच्यावतीने या स्पर्धा १६ ते १८ ऑक्टोबर २०२५ या कालावधीत हरंगुळ रेल्वे स्टेशन जवळील राजर्षी शाहू महाविद्यालय क्रीडा संकुल येथे होणार आहेत. या स्पर्धेत अमरावती, औरंगाबाद, नागपूर, नाशिक, लातूर, मुंबई, पुणे, कोल्हापूर व शिवछत्रपती क्रीडापीठ या ९ विभागांतून १४, १७ व १९ वर्षांखालील मुला-मुलींसह सुमारे १ हजार खेळाडू, संघव्यवस्थापक व तांत्रिक अधिकारी सहभागी होणार आहेत. स्पर्धेसाठी जलतरण तलाव सज्ज करण्यात आला असून, खेळाडूंची निवास व्यवस्था संकुलातील वसतीगृह व सामाजिक न्याय विभागाच्या वसतिगृहात करण्यात आली आहे. जिल्हाधिकारी तथा जिल्हा क्रीडा परिषदेच्या अध्यक्ष वर्षा ठाकूर-घुगे यांच्या अध्यक्षतेखाली आयोजन समिती स...

रब्बी हंगामासाठी चारा बियाणे वाटप योजनेकरिता 28 ऑक्टोबरपर्यंत ऑनलाईन अर्ज करण्याचे आवाहन लातूर, दि. 15 : सन 2025-26 या आर्थिक वर्षात रब्बी हंगामासाठी पशुसंवर्धन विभागाच्यावतीने सुधारित संकरित चारा बियाणे 100 टक्के अनुदानावर वाटप करण्यात येणार आहे. या योजनेंतर्गत जिल्ह्यातील सर्व 10 तालुक्यांमधून पात्र शेतकऱ्यांकडून अर्ज मागविण्यात आले होते. त्यानुसार पशुपालाकांनी www.zplatur.gov.in या संकेतस्थळावर उपलब्ध असलेल्या गुगल फॉर्म लिंकच्या मदतीने 28 ऑक्टोबर 2025 पर्यंत ऑनलाईन अर्ज सादर करावेत, असे आवाहन करण्यात आले आहे. अर्जदाराकडे भारत पशुधन प्रणालीवर नोंदणीकृत किमान 3 ते 4 जनावरे असणे आवश्यक असून चारा उत्पादनासाठी स्वतःची शेतजमीन आणि सिंचन सुविधा असावी. सर्व प्रवर्गातील पशुपालकांना या योजनेचा लाभ घेता येईल. लाभार्थी निवड पात्र अर्जांमधून सोडत पद्धतीने होईल. लातूर जिल्ह्यातील सर्व प्रवर्गातील पशुपालकांनी जास्तीत जास्त संख्येने या योजनेसाठी ऑनलाईन अर्ज करावेत, असे आवाहन जिल्हा परिषदेचे मुख्य कार्यकारी अधिकारी राहुल कुमार मीना, अतिरिक्त मुख्य कार्यकारी अधिकारी ए. जे. तडवी आणि जिल्हा पशुसं...

लातूरला प्रथमच जलतरण राज्यस्तरीय शालेय क्रीडा स्पर्धां; १६ ते १८ ऑक्टोबर दरम्यान आयोजन लातूर, दि. १५ (जिमाका) : राज्य शासनाच्या क्रीडा व युवक सेवा संचालनालयाच्या वतीने २०२५-२६ या वर्षी आयोजित राज्यस्तरीय शालेय क्रीडा स्पर्धांपैकी जलतरण स्पर्धेचे आयोजन प्रथमच लातूर जिल्ह्यात करण्यात आले आहे. लातूर जिल्हा क्रीडा परिषद आणि शिवछत्रपती शिक्षण संस्थेचे राजर्षी शाहू महाविद्यालय (स्वायत्त) यांच्यावतीने या स्पर्धा १६ ते १८ ऑक्टोबर २०२५ या कालावधीत हरंगुळ रेल्वे स्टेशन जवळील राजर्षी शाहू महाविद्यालय क्रीडा संकुल येथे होणार आहेत. या स्पर्धेत अमरावती, औरंगाबाद, नागपूर, नाशिक, लातूर, मुंबई, पुणे, कोल्हापूर व शिवछत्रपती क्रीडापीठ या ९ विभागांतून १४, १७ व १९ वर्षांखालील मुला-मुलींसह सुमारे १ हजार खेळाडू, संघव्यवस्थापक व तांत्रिक अधिकारी सहभागी होणार आहेत. स्पर्धेसाठी जलतरण तलाव सज्ज करण्यात आला असून, खेळाडूंची निवास व्यवस्था संकुलातील वसतीगृह व सामाजिक न्याय विभागाच्या वसतिगृहात करण्यात आली आहे. जिल्हाधिकारी तथा जिल्हा क्रीडा परिषदेच्या अध्यक्ष वर्षा ठाकूर-घुगे यांच्या अध्यक्षतेखाली आयोजन समित...

कर्मवीर दादासाहेब गायकवाड सबळीकरण व स्वाभिमान योजना शेत जमीन विक्री करण्यास इच्छुक शेतकऱ्यांना आपली जमीन शासनास विक्री करण्याची संधी लातूर, दि. 15 (जिमाका): महाराष्ट्र शासनाच्या सामाजिक न्याय व विशेष सहाय्य विभागाचा शासन निर्णय 14 ऑगस्ट, 2018 नुसार अनुसूचित जाती व नवबौध्द घटकातील भूमिहीन व दारिद्रय रेषेखालील कुटूंबांना 4 एकर जिरायती (कोरडवाहू) किंवा 2 एकर बागायती (ओलीताखालील) जमिन 100 टक्के अनुदानावर वाटप करण्यासाठी कर्मवीर दादासाहेब गायकवाड सबळीकरण व स्वाभिमान योजना कार्यान्वित आहे. या योजनेंतर्गत लातूर जिल्ह्यातील जमीन विक्री करण्यास इच्छुक असलेल्या शेतकऱ्यांकडून जमीन खरेदी करावयाची आहे. तरी जे शेतकरी आपली जमीन शासनास शासकीय (रेडीरेकनर) दराने विकण्यास तयार आहेत, अशा शेतकऱ्यांनी आपले अर्ज सहाय्यक आयुक्त, समाज कल्याण, दुसरा मजला, भारतरत्न डॉ. बाबासाहेब आंबेडकर सामाजिक न्याय भवन, शिवनेरी गेट समोर जुनी डालडा फॅक्टरी कंपाऊंड, लातूर यांच्याकडे सादर करावेत, असे आवाहन समाज कल्याण सहाय्यक आयुक्त यादवराव गायकवाड यांनी केले आहे. जे शेतकरी शासनास जमीन विकण्यास इच्छुक आहेत, त्यांच्याकडे किम...

‘अमृत’तर्फे महाराष्ट्रात दीपावलीमध्ये होणार विश्वविक्रमी दुर्गोत्सव लातूर, दि. १४ (जिमाका) : छत्रपती शिवाजी महाराजांच्या पदस्पर्शाने पावन झालेल्या दुर्ग, गड यांचा सार्थ अभिमान अवघ्या भारत देशाला आहे. दर दिवाळी सणामध्ये बच्चेकंपनी मातीचे किल्ले बनवून छत्रपतींच्या कार्याचे स्मरण आणि अभिवादन करत असते. याच दुर्गांच्या प्रतिकृती साकारण्यासाठी महाराष्ट्र शासनाच्यावतीने महाराष्ट्र संशोधन, उन्नती व प्रशिक्षण प्रबोधिनी अर्थात ‘अमृत’ ने दुर्गोत्सवाचे आयोजन या दीपावलीमध्ये केले आहे. हा एक विश्वविक्रम करण्याचा संकल्प अमृतने केला आहे. शिवछत्रपतींच्या पराक्रमांचे साक्षीदार असलेल्या 12 दुर्गांना युनेस्कोच्या जागतिक वारसाच्या वास्तूंमध्ये समाविष्ट करण्यासाठी राज्य शासनाने केलेल्या प्रयत्नांना यश आले आणि साऱ्या महाराष्ट्राचा ऊर अभिमानाने भरुन आला. दरवर्षी दिवाळीच्या सुट्टीमध्ये घरोघरी बालदोस्त आणि तरुण, ज्येष्ठ मंडळीसुध्दा दुर्गांच्या प्रतिकृती साकारतात. नागरिकांनी आपल्या अंगणात, बाल्कनीमध्ये, हाऊसिंग सोसायटीच्या सार्वजनिक जागांमध्ये या 12 दुर्गांपैकी कोणतीही एक हुबेहुब प्रतिकृती बनवावी आणि http:/...

पूरग्रस्त पशुपालकांसाठी लातूर जिल्हा प्रशासनाचा अभिनव उपक्रम; गमाविलेल्या पशुधनाच्या बदल्यात गोशाळांमधून जनावरांचे वाटप सुरू • उदगीर तालुक्यातील गोशाळेमार्फत 16 पशुधनाचे वाटप लातूर दि. १४ : अतिवृष्टी व पूरपरिस्थितीमुळे जिल्ह्यात अनेक पशुपालकांचे मौल्यवान पशुधन मृत झाले आहे. या नैसर्गिक आपत्तीमुळे पशुपालकांच्या उपजीविकेवर परिणाम झाला असून, त्यांना दिलासा देण्यासाठी लातूर जिल्हा प्रशासनाने एक अभिनव व संवेदनशील उपक्रम हाती घेतला आहे. पूर परिस्थितीत गमाविलेल्या पशुधनाच्या बदल्यात या उपक्रमाअंतर्गत जिल्ह्यातील विविध गोशाळांमधील गायी, बैल, कालवडी व गोऱ्हे हे पशुपालकांना देण्यात येत आहेत. जिल्हाधिकारी वर्षा ठाकूर-घुगे यांच्या मार्गदर्शनाखाली जिल्हा पशुसंवर्धन विभागाच्या समन्वयातून हा उपक्रम राबविण्यात येत आहे. आपत्तीग्रस्त पशुपालकांना पुन्हा एकदा उत्पादनक्षम पशुधन उपलब्ध करून देऊन त्यांचे आर्थिक पुनर्वसन करणे, हा उपक्रमाचा उद्देश आहे. या उपक्रमांतर्गत उदगीर तालुक्यातील पूरग्रस्त शेतकऱ्यांना सोमनाथपूर येथील श्री गोरक्षण गोशाळेमार्फत एकूण 16 पशुधनांचे वाटप करण्यात आले आहे. हा उपक्रम जिल्ह्य...

दीपावली सणानिमित्त 21 व 23 ऑक्टोबर रोजी विलासराव देशमुख वैद्यकीय महाविद्यालयातील ओपीडी राहणार बंद लातूर, दि. 14 (जिमाका): दिपावली सणानिमित्त विलासराव देशमुख शासकीय वैद्यकीय महाविद्यालयातील व रुग्णालयातील बाह्यरुग्ण विभाग (ओपीडी) दीपावली सणानिमित्त मंगळवार, 21 ऑक्टोबर आणि गुरुवार, 23 ऑक्टोबर 2025 रोजी बंद राहील. तसेच सोमवार, 20 ऑक्टोबर आणि बुधवार, 22 ऑक्टोबर 2025 रोजी ओपीडी सुरु राहील. रुग्णालयाची आपत्कालीन सेवा 24 तास सुरु राहणार आहे. शुक्रवार, 24 ऑक्टोबर, 2025 रोजी पासून बाह्यरुग्ण विभाग नियमित वेळेप्रमाणे सुरु राहील, असे विलासराव देशमुख शासकीय वैद्यकीय महाविद्यालयातील व रुग्णालयामार्फत कळविण्यात आले आहे. *****

सर्व शासकीय व खाजगी आस्थापनांनी ईआर-1 विवरणपत्र सादर करण्याचे आवाहन लातूर, दि. 14 (जिमाका) : सर्व शासकीय व खाजगी आस्थापनांना त्रैमासिक विवरणपत्र ईआर-1 प्रत्येक तिमाही संपल्यानंतर 30 दिवसांच्या आत ऑनलाईन सादर करणे बंधनकारक आहे. ही तरतूद रिक्तपदे सक्तीने अधिसुचित करणारा अधिनियम 1959 आणि त्याअंतर्गत नियमावली 1960 नुसार लागू आहे. केंद्र व राज्य शासन, अंगिकृत उद्योग, व्यवसाय, महामंडळे, स्थानिक स्वराज्य संस्था, जिल्हा परिषद, पंचायत समिती, महापालिका, नगरपालिका तसेच खाजगी क्षेत्रातील आस्थापनांनी हे विवरणपत्र 31 ऑक्टोबर 2025 पूर्वी ऑनलाईन सादर करण्याचे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त निशांत सूर्यवंशी यांनी केले आहे. ईआर-1 सादर करण्यासाठी नियोक्त्यांनी https://rojgar.mahaswayam.gov.in या वेबपोर्टलवर एम्प्लॉयर लॉगईनमध्ये युजर आयडी आणि पासवर्ड वापरून लॉगईन करावे. त्यानंतर डॅशबोर्डवरील ईआर-1 ऑप्शनवर क्लिक करून, एंटर ईआर-1 वर क्लिक करत विवरणपत्र सादर करावे, विवरणपत्र सादर करताना तांत्रिक अडचणी उद्भवल्यास 02382-299462 या क्रमांकावर संपर्क साधावा, असेह...

प्रिमॅट्रिक शिष्‍यवृत्‍ती योजनेसाठी विद्यार्थ्यांनी महाडीबीटी पोर्टलवर अर्ज भरण्‍याचे आवाहन लातूर, दि. 9 (जिमाका) : शैक्षणिक वर्ष 2025-26 पासून इयत्‍ता पाचवी ते दहावीच्‍या विमुक्‍त जाती व भटक्‍या जमाती, इतर मागास प्रवर्ग आणि विशेष मागास प्रवर्गातील विद्यार्थ्‍यांसाठी प्रिमॅट्रिक शिष्‍यवृत्‍ती योजनेचे अर्ज भरणेसाठी महाडीबीटी पोर्टल सुरु करण्‍यात आलेले आहे. सरल पोर्टलद्वारे महाडीबीटी पोर्टलवर सर्व विद्यार्थ्‍यांचा डेटा उपलब्‍ध करुन दिलेला आहे. तरी पात्र शिष्‍यवृत्‍तीधारक विद्यार्थ्‍यांचे अर्ज मुख्‍याध्‍यापक यांनी तात्‍काळ महाडीबीटी पोर्टलवर भरून ऑनलाईन भरलेले अर्ज महाडीबीटी पोर्टलवरुन ऑनलाईन सहायक संचालक, इतर मागास बहुजन कार्यालय, लातूर यांचेकडे मंजुरीसाठी पाठवावेत, असे आवाहन लातूर येथील इतर मागास बहुजन कल्‍याण सहायक संचालक अभय अटकळ इतर यांनी केले आहे. ****

सीआरपीएफ कॅम्पमध्ये वन्यजीव सप्ताह साजरा वृक्षारोपण आणि जैवविविधता रक्षणावर मार्गदर्शन लातूर, दि. ०९ : लातूर वनविभाग, लातूर जिल्हा जैवविविधता समिती व केंद्रीय राखीव पोलिस दलाच्यावतीने वन्यजीव सप्ताहानिमित्त लातूर येथील सीआरपीएफ प्रशिक्षण केंद्राच्या प्रांगणात वृक्षारोपण करण्यात आले. यावेळी पर्यावरण संतुलन व जैवविविधता रक्षण यावर तज्ज्ञांनी मार्गदर्शन केले. विभागीय वनाधिकारी जे. एन. येडलावार, सहाय्यक वनरक्षक रागुल शेळके यांच्या मार्गदर्शनाखाली वन्यजीव सप्ताह साजरा झाला. या कार्यक्रमाच्या अध्यक्षस्थानी कमाडंट पारसनाथ होते. वनपरिक्षेत्र अधिकारी धनंजय पोटे, सहाय्यक कमांडंट विशाल कोरे, प्रशांतकुमार रॉय, जैवविविधता समिती सदस्य शहाजी पवार वनपरीमंडळ अधिकारी निलेश बिराजदार, सर्पमित्र नेताजी जाधव, बालाजी पाटील, महेश पवार, जी.एच घुले आदिंची उपस्थिती होती. यावेळी वनपरिक्षेत्र अधिकारी पोटे यांनी वन्यजीव सप्ताह व वनकायद्याबाबत अभ्यासपूर्ण माहिती दिली. एखाद्या वन्यजीवास मारण्याचा विचार व त्यासाठी केलेली कृती हाही गुन्हा असल्याचे सांगत त्यांनी वने व वन्यजीव रक्षणाची अनिवार्यता सांगितली. शहाजी पवा...

जिल्हा परिषद, पंचायत समिती सदस्‍य आणि पंचायत समिती सभापती आरक्षण सोडत सोमवारी · आरक्षणाचे प्रारूप १४ ऑक्टोबरला होणार प्रसिद्ध · १७ ऑक्टोबरपर्यंत हरकती व सूचना सादर करता येणार लातूर, दि. ९ (जिमाका): जिल्ह्यातील सर्व पंचायत समिती सभापती, जिल्हा परिषद व पंचायत समिती सदस्य पदाच्या आरक्षण निश्चितीसाठी जिल्ह्यात १३ ऑक्टोबर २०२५ रोजी आरक्षण सोडतीचे आयोजन करण्यात आले आहे. जिल्हा परिषद सदस्य आणि पंचायत समिती सभापती पदासाठी आरक्षण सोडत जिल्हाधिकारी कार्यालयाच्या नियोजन समिती सभागृहात १३ ऑक्टोबर रोजी दुपारी ३ वाजता होईल. तसेच पंचायत समिती सदस्य पदाची आरक्षण सोडत संबंधित तालुक्याच्या ठिकाणी निश्चित केलेल्या ठिकाणी याच दिवसी सकाळी ११ वाजता होणार आहे. तरी जिल्‍हा परिषद अथवा पंचायत समितीतील ज्‍या रहिवाशांची आरक्षण सोडतीच्‍या सभेस उपस्थित राहण्‍याची इच्‍छा आहे, त्‍यांनी या आरक्षण सोडत सभेस उपस्थित राहण्याचे अवाहन जिल्‍हाधिकारी वर्षा ठाकूर-घुगे यांनी केले आहे. राज्य शासनच्या ९ सप्टेंबर, २०२५ रोजीच्या अधिसुचनेनुसार लातूर जिल्‍हा परिषद अंतर्गत पंचायत समिती सभापती पदासाठी अनुसूचित जात...

माजी सैनिकांनी कौशल्य विकास प्रशिक्षणासाठी नाव नोंदणी करण्याचे आवाहन लातूर, दि. 07 (जिमाका): पुणे येथील ज्ञानदीप समाज विकास संस्था यांच्या संचलनाखालील पुणे येथील करिअर डेव्हलपमेंट ॲन्ड रिसर्च इन्स्टिट्यूट येथे माजी सैनिकांसाठी कौशल्य विकास प्रशिक्षण कार्यक्रम राबविला जात आहे. माजी सैनिकांना त्यांच्या आवडीच्या क्षेत्रात करिअर करण्याची इच्छा असल्यास त्यांना फोनद्वारे समुपदेशन करून प्रशिक्षण दिले जाईल, अशी माहिती करिअर डेव्हलपमेंट ॲन्ड रिसर्च इन्स्टिट्यूट, पुणे यांनी दिली आहे. तरी 35 ते 40 वयोगटातील इच्छुक माजी सैनिकांनी आपले डिस्चार्ज बुक आणि ओळखपत्र घेऊन जिल्हा सैनिक कल्याण कार्यालय, लातूर येथे 15 ऑक्टोबर 2025 पर्यंत नाव नोंदणी करावी, असे आवाहन जिल्हा सैनिक कल्याण अधिकारी ले. कर्नल शरद पांढरे (नि.) यांनी केले आहे. *****

आंबिया बहारमध्ये डाळिंब, आंबा पिकासाठी विमा योजना लागू लातूर, दि. 07 (जिमाका): सन 2025-26 या वर्षात आंबिया बहारमध्ये आंबा, डाळिंब, केळी, पपई व द्राक्ष या पिकांसाठी पुर्नरचित हवामान आधारीत फळपिक विमा योजना लातूर जिल्ह्यातील अधिसूचित तालुक्यातील अधिसूचित महसूल मंडळामध्ये लागू करण्यात आली आहे. ही योजना कार्यान्वित करणारी विमा कंपनी शासनाच्या महावेध प्रकल्पांतर्गत स्थापन केलेल्या हवामान केंद्रात नोंदवल्या गेलेल्या हवामानाच्या तपशीलानुसार विमा योजनेत भाग घेतलेल्या शेतकऱ्यांना परस्पर नुकसान भरपाई देईल. लातूर जिल्ह्यात ही योजना बजाज अलीयान्झ जनरल इन्शुरन्स कंपनी लि पुणे या विमा कंपनी मार्फत कार्यान्वित केली जात आहे. जिल्ह्यातील अधिसूचित फळपिके व महसूल मंडळ लातूर , औसा, निलंगा, रेणापूर, शिरुर अनंतपाळ, उदगीर, अहमदपूर, चाकूर, जळकोट, देवणी या सर्व तालुक्यातील सर्व महसूल मंडळासाठी आंबा फळपिकासाठी ही योजना लागू असून यासाठी विमा हप्ता भरण्याची अंतिम तारीख 31 डिसेंबर, 2025 आहे. तर संरक्षित रक्कम 1 लाख 70 हजार रुपये असून शेतकऱ्यांनी भरावयाचा हप्ता 8 हजार 500 रुपये इतका आहे. डाळींब या पिकासाठी ...

लातूर येथे मुख्याध्यापक, प्राचार्यांसाठी 8 ऑक्टोबर रोजी ‘जागर योजनांचा’ कार्यशाळेचे आयोजन लातूर, दि. 07 (जिमाका): शिक्षणाधिकारी (योजना) कार्यालय आणि लातूर जिल्हा खाजगी मुख्याध्यापक संघ यांच्या संयुक्त विद्यमाने लातूर जिल्ह्यातील सर्व जिल्हा परिषद शाळा, माध्यमिक, उच्च माध्यमिक विद्यालये आणि कनिष्ठ महाविद्यालयांच्या मुख्याध्यापक व प्राचार्यांसाठी एकदिवसीय ‘जागर योजनांचा’ कार्यशाळेचे आयोजन करण्यात आले आहे. बुधवार, 8 ऑक्टोबर 2025 रोजी दयानंद सभागृह, लातूर येथे दुपारी 12 वाजता ही कार्यशाळा होईल. कार्यशाळेचे उद्घाटन लातूरच्या जिल्हाधिकारी तथा उल्लास नवभारत साक्षरता कार्यक्रम नियामक परिषदेच्या अध्यक्षा वर्षा ठाकूर-घुगे यांच्या हस्ते होणार आहे. यावेळी प्रमुख पाहुणे म्हणून लातूर जिल्हा परिषदेचे मुख्य कार्यकारी अधिकारी राहूल कुमार मीना, महाराष्ट्र राज्य माध्यमिक व उच्च माध्यमिक शिक्षण मंडळाचे लातूर विभागीय अध्यक्ष सुधाकर तेलंग, लातूर विभागीय शिक्षण उपसंचालक तथा शिक्षणाधिकारी (माध्यमिक) डॉ. दत्तात्रय मठपती, लातूर जिल्हा शिक्षण व प्रशिक्षण संस्थेचे प्राचार्य डॉ. मारुती सलगर आणि शिक्षणाधिकारी (प...

रब्बी हंगामासाठी दुभत्या जनावरांसाठी चारा बियाणे वाटप योजनेकरिता 15 ऑक्टोबरपर्यंत अर्ज करण्याचे आवाहन लातूर, दि. 06 : सन 2025-26 या आर्थिक वर्षात रब्बी हंगामासाठी दुभत्या जनावरांना खाद्य उपलब्धतेसाठी पशुसंवर्धन विभागाच्यावतीने सुधारित संकरित चारा बियाणे 100 टक्के अनुदानावर वाटप करण्यात येणार आहे. या योजनेंतर्गत जिल्ह्यातील सर्व 10 तालुक्यांमधून पात्र शेतकऱ्यांकडून अर्ज मागविण्यात आले असून पशुपालाकांनी परिपूर्ण अर्ज नजीकच्या पशुवैद्यकीय दवखान्यात 15 ऑक्टोबर 2025 पर्यंत सादर करावेत, असे आवाहन करण्यात आले आहे. अर्जदाराकडे भारत पशुधन प्रणालीवर नोंदणीकृत किमान 3 ते 4 जनावरे असणे आवश्यक असून चारा उत्पादनासाठी स्वतःची शेतजमीन आणि सिंचन सुविधा असावी. सर्व प्रवर्गातील पशुपालकांना या योजनेचा लाभ घेता येईल. अर्जाचा नमुना आणि आवश्यक कागदपत्रे संबंधित तालुक्याचे पशुधन विकास अधिकारी (विस्तार), पंचायत समिती किंवा नजीकच्या पशुवैद्यकीय दवाखान्यात उपलब्ध आहेत. पूर्णपणे भरलेले अर्ज 15 ऑक्टोबर 2025 पर्यंत नजीकच्या पशुवैद्यकीय दवाखान्यात सादर करावेत. लाभार्थी निवड पात्र अर्जांमधून सोडत पद्धतीने होईल. 16...

8 ऑक्टोबर रोजी 'जागेवरच निवड संधी' रोजगार मेळव्याचे आयोजन लातूर, दि. 6 (जिमाका): जिल्हा कौशल्य विकास, रोजगार व उद्योजकता मार्गदर्शन केंद्र व मॉडेल करिअर सेंटर यांच्या संयुक्त विद्यमाने आयोजित पंडीत दीनदयाल उपाध्याय जागेवरच निवड संधी अर्थात प्लेसमेंट ड्राईव्हचे 8 ऑक्टोबर, 2025 रोजी सकाळी 11 वाजता लातूर येथील जिल्हा कौशल्य विकास, रोजगार व उद्योजकता मार्गदर्शन केंद्र येथे आयोजन करण्यात आले आहे. या उपक्रमात नामांकित आस्थापना, उद्योजक सहभागी होणार आहेत. या आस्थापनेमध्ये दहावी, बारावी, कोणतीही पदवी, पदव्युत्तर पदवी, आय.टी.आय., डिप्लोमा, तसेच इतर शैक्षणिक पात्रतेच्या उमेदवारांना यामध्ये सहभागी होता येणार आहे. या रोजगार मेळाव्यात जिल्हयातील नामांकित एकूण 04 आस्थापना, उद्योजक सहभागी होणार आहेत. लातूर मल्टीस्टेट को-ऑप क्रेडिट सोसायटी, लि.लातूर, मांजरा महिला अर्बन को-ऑप क्रेडिट सोसायटी लातूर, पावरकॉम व्हेंनचर्स इंडिया प्रा.लि. नीट इंडिया प्रा.लि. लातूर या आस्थापनेमध्ये एकूण 40 जागेसाठी विविध पदांसाठी जागेवरच निवड केली जाणार आहे. यासाठी बी.कॉम, एम.कॉम, एम.बी.ए. तसेच कोणतीही पदवी, पदव्य...

लातूर जिल्ह्यात १७४ उमेदवारांना शासकीय सेवेत नियुक्ती! शासकीय नोकरी ही समाजसेवेची संधी समजून काम करा- पालकमंत्री शिवेंद्रसिंहराजे भोसले • अनुकंपा धोरणातील बदलामुळे नियुक्ती प्रक्रिया गतिमान लातूर, दि. ०४ : जिल्ह्यात १०३ अनुकंपाधारक उमेदवारांना गट-क आणि गट-ड संवर्गात, तसेच महाराष्ट्र लोकसेवा आयोगाद्वारे (एमपीएससी) सरळसेवा परीक्षेतून निवड झालेल्या ७१ उमेदवारांना लिपिक-टंकलेखक पदावर नियुक्ती देण्यात आली आहे. शासकीय सेवेत दाखल झालेल्या या सर्व नवनियुक्त उमेदवारांनी शासकीय नोकरी ही समाजसेवेची संधी समजून काम करावे आणि आपल्या सेवेतून समाज व जिल्ह्याच्या विकासाला प्राधान्य द्यावे, असे प्रतिपादन राज्याचे सार्वजनिक बांधकाम मंत्री तथा पालकमंत्री शिवेंद्रसिंहराजे भोसले यांनी केले. जिल्हाधिकारी कार्यालयातील नियोजन समिती सभागृहात आयोजित कार्यक्रमात पालकमंत्री श्री. भोसले यांच्या हस्ते अनुकंपा तत्त्वावर गट-क, गट-ड संवर्गातील आणि एमपीएससीद्वारे लिपिक-टंकलेखक पदावर निवड झालेल्या उमेदवारांना नियुक्ती आदेश प्रदान करण्यात आले. या कार्यक्रमाला सहकारमंत्री बाबासाहेब पाटील, आमदार विक्रम काळे, आमदार संभाज...

दिव्यांग कन्येच्या हस्ते मुख्यमंत्री सहायता निधीसाठी २१ हजारांची मदत ! लातूर, दि. ०१ : आंतरराष्ट्रीय कन्या दिवसाचे औचित्य साधून लातूर शहरातील संजय राजुळे यांनी आपली ०९ वर्षीय दिव्यांग मुलगी कु. साईश्रद्धा हिच्या हस्ते लातूरचे जिल्हाधिकारी वर्ष ठाकूर-घुगे यांच्याकडे मुख्यमंत्री सहायता निधी अंतर्गत २१ हजारांचा धनादेश दिला आहे. अतिवृष्टी आणि पुरामुळे संकटात सापडलेल्या शेतकऱ्यांसाठी ही मदत देण्यात आली. या उपक्रमाचे जिल्हाधिकाऱ्यांनी कौतुक करीत शेतकऱ्यांच्या मदतीसाठी नागरिकांनी पुढे येवून मुख्यमंत्री सहायता निधीमध्ये योगदान देण्याचे आवाहन केले. लातूर जिल्ह्यासह महाराष्ट्रातील अनेक जिल्ह्यात अतिवृष्टी आणि पूरस्थितीमुळे शेती पिकं आणि शेतजमिनीचे नुकसान झाले आहे. या संकट काळात शेतकऱ्यांच्या मदतीसाठी संजय राजुळे यांनी त्यांची ०९ वर्षीय दिव्यांग मुलगी कु. साईश्रद्धा संजय राजुळे हिच्या हस्ते मुख्यमंत्री सहायता निधीसाठी २१ हजार रुपयांचा धनादेश लातूरच्या जिल्हाधिकारी वर्षा ठाकूर-घुगे यांच्याकडे सुपूर्द केला. याप्रसंगी जिल्हा पोलीस अधीक्षक अमोल तांबे, जिल्हा परिषदेचे मुख्य कार्यकारी अधिकारी राहुल ...

मुख्यमंत्री देवेंद्र फडणवीस यांचा पुढाकार अनुकंपाचा अनुशेष संपणार! 4 ऑक्टोबरला 10,309 नियुक्तीपत्रे प्रदान करणार, यातील 5187 अनुकंपा उमेदवारांना मुंबई, 1 ऑक्टोबर मुख्यमंत्री देवेंद्र फडणवीस यांनी वर्षानुवर्षे रखडलेली अनुकंपा प्रकरणे मार्गी लावण्याच्या सूचना दिल्यानंतर आता ही प्रक्रिया अंतिम टप्प्यात आली असून, येत्या 4 ऑक्टोबर रोजी 5187 अनुकंपा उमेदवारांना शासकीय नोकरीची नियुक्तीपत्रे प्रदान केली जाणार आहेत. याचवेळी 5122 एमपीएससीद्वारे नियुक्तांनाही प्रमाणपत्र दिली जाणार असून, एकाचदिवशी 10,309 उमेदवार शासकीय नोकरीत दाखल होतील. अशाप्रकारचा हा इतिहासातील एक अनोखा कार्यक्रम ठरेल. शासकीय नोकरीत असताना कर्मचार्‍याचा मृत्यू झाल्यास त्याच्या पत्नी अथवा अपत्याला नोकरी दिली जाते. पण, कधी तांत्रिक कारणाने तर कधी प्रशासकीय दिरंगाईने या नियुक्त्या रखडत होत्या. त्यामुळे त्यांना दीर्घ प्रतिक्षा करावी लागते. अशात या संवेदनशील विषयात मुख्यमंत्री देवेंद्र फडणवीस यांनी लक्ष घातले. त्यांनी सामान्य प्रशासन विभागाला सूचना केल्या. सातत्याने प्रशासकीय बैठकांमध्ये त्याचा आढावा घेतला आणि नवीन अनुकंपा धोरण तय...

जागतिक ज्येष्ठ नागरिक दिनानिमित्त लातूर येथे आरोग्य तपासणी शिबिराचे आयोजन लातूर, दि. 01 : जागतिक ज्येष्ठ नागरिक दिनाचे औचित्य साधून 1 ऑक्टोबर 2025 रोजी जिल्हा क्रीडा संकुल येथे समाज कल्याण विभाग, जिल्हा शल्य चिकित्सक, अपोलो मल्टिस्पेशालिटी हॉस्पिटल आणि जिल्हा ज्येष्ठ नागरिक संघ यांच्या संयुक्त विद्यमाने आरोग्य तपासणी शिबिराचे आयोजन करण्यात आले होते. यामध्ये 120 पेक्षा अधिक ज्येष्ठ नागरिकांची आरोग्य तपासणी करण्यात आली. छत्रपती शिवाजी महाराज, महात्मा ज्योतिबा फुले, छत्रपती शाहू महाराज आणि भारतरत्न डॉ. बाबासाहेब आंबेडकर यांच्या प्रतिमांना पुष्पहार अर्पण करून या शिबिराची सुरुवात झाली. यावेळी समाज कल्याणचे प्रादेशिक उपायुक्त अविनाश देवसटवार, सहाय्यक आयुक्त यादव गायकवाड, ज्येष्ठ कार्यकारी समितीचे शासकीय सदस्य बी.आर. पाटील, जिल्हा ज्येष्ठ नागरिक संघाचे आर.बी. जोशी, महाराष्ट्र नागरिक कार्यकारी समितीचे शासकीय सदस्य प्रकाश घाडगिने, जिल्हा ज्येष्ठ नागरिक संघाचे सचिव रमेश भोयरेकर, प्रकाश निला, शहाजी घाडगे, किरण बंड्डे, बलभिम पाटील आणि इतर पदाधिकारी उपस्थित होते. ज्येष्ठ नागरिकांच्या आरोग्य त...

माजी सैनिक, शहीद परिवार आणि अवलंबितांसाठी लातूर येथे मार्गदर्शन शिबिर लातूर, दि. 16 : जिल्ह्यातील माजी सैनिक, शहीद परिवार, विधवा आणि त्यांच्या अवलंबितांना केंद्र आणि राज्य सैनिक कल्याण विभागाच्या विविध योजनांबाबत मार्गदर्शन करण्यासाठी लातूर येथे शिबिराचे आयोजन करण्यात आले आहे. या शिबिरात महिला बचत गटांमार्फत 15 लाखांपर्यंत आणि स्वयंरोजगाराद्वारे 6 लाखांपर्यंत अनुदानाच्या योजनांची माहिती देऊन सैनिकांना आर्थिकदृष्ट्या सक्षम करण्याचे उद्दिष्ट आहे. हे मार्गदर्शन शिबिर 7 ऑक्टोबर 2025 रोजी सकाळी 11 वाजता जिल्हा सैनिक कल्याण कार्यालय, लातूर येथे होणार आहे. जास्तीत जास्त संख्येने उपस्थित राहण्याचे आवाहन जिल्हा सैनिक कल्याण अधिकारी ले. कर्नल शरद पांढरे (नि.) यांनी केले आहे. *****

विलासराव देशमुख शासकीय वैद्यकीय रुग्णालयाचा बाह्यरुग्ण विभाग 2 ऑक्टोबर रोजी बंद राहणार लातूर, दि. 01 (जिमाका) : दसरा सणानिमित्त शासकीय सुट्टी असल्यामुळे विलासराव देशमुख शासकीय वैद्यकीय रुग्णालयातील बाह्यरुग्ण विभाग गुरुवार, 02 ऑक्टोबर,2025 रोजी बंद राहील. तसेच शुक्रवार, 3 ऑक्टोबर,2025 पासून बाह्यरुग्ण विभाग (ओपीडी) नियमित वेळेप्रमाणे सुरु राहील, असे विलासराव देशमुख शासकीय वैद्यकीय महाविद्यालय व रुग्णालयाचे वैद्यकीय अधीक्षक डॉ. सचिन जाधव यांनी कळविले आहे. ****

लातूर येथील मेस्को क्षेत्रीय कार्यालयात लिपिक पदासाठी भरती लातूर, दि. 01 : येथील मेस्को क्षेत्रीय कार्यालयामध्ये लिपिक पदासाठी भरती प्रक्रिया राबविली जाणार आहे. यासाठी इच्छुक उमेदवारांनी आपल्या अर्ज व सर्व मूळ कागदपत्रासह मुलाखतीसाठी 10 ऑक्टोबर, 2025 रोजी जिल्हा सैनिक कल्याण कार्यालय, लातूर येथे स्वत: उपस्थित राहावे. निवड करण्यात आलेल्या उमेवारास तात्काळ कामावर घेण्यात येणार आहे असे लातूर येथील जिल्हा सैनिक कल्याण अधिकारी ले. कर्नल शरद पांढरे, (नि.) यांनी कळविले आहे. जिल्ह्यातील सर्व माजी सैनिक (जेसीओज तथा ओआर), माजी सैनिक विधवा व माजी सैनिक युद्ध विधवा यांनी संधीचा लाभ घ्यावा, असे आवाहन त्यांनी केले आहे. ****

मराठी ग्रंथांच्या शासनमान्य यादीसाठी प्रकाशकांना आवाहन लातूर, दि. 01 : राज्यातील शासकीय व शासनमान्य सार्वजनिक ग्रंथालयांना मराठी भाषेत प्रकाशित ग्रंथांची माहिती आणि खरेदीसाठी मार्गदर्शन व्हावे, यासाठी ग्रंथालय संचालनालयाकडून ग्रंथ निवड समितीच्या शिफारशींनुसार दरवर्षी शासनमान्य ग्रंथांची यादी प्रकाशित केली जाते. यासाठी 2024 या कॅलेंडर वर्षात (1 जानेवारी 2024 ते 31 डिसेंबर 2024) प्रकाशित झालेल्या आणि प्रथम आवृत्ती असलेल्या मराठी ग्रंथांची प्रत्येकी एक प्रत विनामुल्य ग्रंथालय संचालक, ग्रंथालय संचालनालय, नगर भवन, टाऊन हॉल, मुंबई - 400 001 यांच्याकडे 15 ऑक्टोबर 2025 पर्यंत पाठवावी, असे आवाहन ग्रंथालय संचालनालय, महाराष्ट्र राज्यचे प्र. ग्रंथालय संचालक तथा राज्य ग्रंथालय नियोजन समितीच्या उपसमितीचे अध्यक्ष अशोक मा. गाडेकर यांनी केले आहे. यापूर्वी संचालनालयास पाठविलेल्या ग्रंथांची पुन्हा प्रत पाठवण्याची आवश्यकता नाही. हे निवेदन महाराष्ट्र शासनाच्या www.maharashtra.gov.in आणि ग्रंथालय संचालनालयाच्या www.dol.maharashtra.gov.in या संकेतस्थळांवर उपलब्ध आहे, असे श्री. गाडेकर यांनी कळविले आहे. ***...

भारतीय टपाल विभागाची परदेशी पार्सल सेवा सुलभ, सुरक्षित आणि किफायतशीर लातूर, दि. ०१ : भारतीय टपाल विभागाने नागरिकांसाठी परवडणाऱ्या दरात परदेशी पार्सल सेवा सुरू केली आहे. या सेवेद्वारे फराळ, भेटवस्तू, दस्तऐवज किंवा महत्वाचे सामान घरबसल्या परदेशात पाठवता येईल. ही सेवा लहान ते मोठ्या आकाराच्या पार्सल्ससाठी उपलब्ध आहे. सर्व वर्गातील नागरिकांसाठी परवडणारे दर, पार्सल पूर्णपणे सुरक्षित पद्धतीने पाठविण्याची सुविधा, नियोजित वेळेत गंतव्य स्थळी पोहोच, सुलभ प्रक्रिया, जवळच्या टपाल कार्यालयातून सहज सेवा, पार्सलची स्थिती ऑनलाइन तपासण्याची सोय ही या सुविधेची प्रमुख वैशिष्ट्ये आहेत. जवळच्या टपाल कार्यालयात पार्सल जमा करतेवेळी त्याचे वजन आणि गंतव्य स्थानानुसार दर निश्चित करण्यात येतील. त्यानुसार ग्राहकाला रसीद आणि ट्रॅकिंग आयडी मिळेल. पार्सल सुरक्षितपणे परदेशात पोहोचवले जाईल. या सुविधेमुळे सणासुदीत भेटवस्तू पाठवणे सोपे झाले आहे. तसेच व्यावसायिक आणि औपचारिक दस्तऐवजांसाठी विश्वासार्ह सेवा उपलब्ध झाली आहे. या सेवेच्या अधिक माहितीसाठी लातूर जिल्ह्यातील नागरिकांनी श्री. मोहन सोनटक्के (मो. 9834958317) यांच...