सहायक वसतिगृह अधिक्षिका पदासाठी 7 नोव्हेंबरपर्यंत अर्ज करण्याचे आवाहन

                                                      सहायक वसतिगृह अधिक्षिका पदासाठी

7 नोव्हेंबरपर्यंत अर्ज करण्याचे आवाहन

लातूर दि.4(जिमाका) : जिल्हा सैनिक कल्याण कार्यालयाच्या आस्थापनेवरील सैनिक मुलांचे व मुलींचे वसतिगृह व विश्रामगृह येथील सहायक वसतिगृह अधिक्षिका हे अशासकीय रिक्त पद भरण्यात येणार आहे. याकरिता माजी सैनिक, आजी सैनिक पत्नी, विधवा तसेच इतर नागरिकांनी 7 नोव्हेंबर 2022 पर्यंत अर्ज लातूर जिल्हा सैनिक कल्याण अधिकारी कार्यालयात सादर करावेत.

सहायक वसतिगृह अधिक्षिका पदासाठी प्रतिमाह 9 हजार 902 रुपये मानधन देण्यात येणार आहे, असे निवासी उपजिल्हाधिकारी तथा जिल्हा सैनिक कल्याण अधिकारी विजयकुमार ढगे यांनी कळविले आहे.