लातूर येथे 23 ते 25 मे दरम्यान जी.डी.सी. अँन्ड ए. परीक्षा; प्रवेश पत्रासाठी संपर्क साधण्याचे आवाहन
लातूर येथे 23 ते 25 मे दरम्यान जी.डी.सी. अँन्ड ए. परीक्षा;
प्रवेश पत्रासाठी संपर्क साधण्याचे आवाहन
लातूर, दि. 20 (जिमाका): सहकार आयुक्त व निबंधक सहकारी संस्था, महाराष्ट्र राज्य, पुणे यांच्या कार्यालयामार्फत दि. 23, 24 व 25 मे 2025 रोजी जी.डी.सी. अँन्ड ए. परीक्षा लातूर येथील श्री. मारवाडी राजस्थान विद्यालय, शासकीय रुग्णालयासमोर, सिग्नल कँम्प येथील परीक्षा केंद्रावर आयोजित करण्यात येत आहे.
ज्या परीक्षार्थींना अद्याप हॉल तिकिट मिळालेले नाही किंवा मोबाइलद्वारे संदेश प्राप्त झालेला नाही, अशांनी स्वतःचा एक फोटो आणि पॅनकार्ड, निवडणूक मतदान ओळखपत्र किंवा ड्रायव्हिंग लायसन्स यापैकी कोणत्याही ओळखपत्राची झेरॉक्स प्रत सोबत घेऊन जिल्हा उपनिबंधक, सहकारी संस्था, मध्यवर्ती प्रशासकीय इमारत, जुने जिल्हाधिकारी कार्यालय, लातूर येथे हॉल तिकिट प्राप्त करावे. तसेच, परीक्षेच्या दिवशी एक तास अगोदर परीक्षा केंद्रावरील कार्यालयात संपर्क साधावा. अधिक माहितीसाठी कार्यालयाचा दूरध्वनी क्रमांक 02382-245193 वर संपर्क करावा, असे आवाहन जिल्हा उपनिबंधक सहकारी संस्था व चिफ कंडक्टर, जी.डी.सी. अँन्ड ए. परीक्षा, लातूर यांनी केले आहे.
*****
Comments
Post a Comment