अन्न व्यावसायिकांसाठी परवाना व नोंदणीसाठी येत्या सोमवारी हत्तेनगर येथे नोंदणी मार्गदर्शन विशेष कॅम्प

 

अन्न व्यावसायिकांसाठी परवाना व नोंदणीसाठी

येत्या सोमवारी हत्तेनगर येथे नोंदणी मार्गदर्शन विशेष कॅम्प

 

लातूर दि.25(जिमाका):-अन्न सुरक्षा व मानदे कायदा 2006 नियमन 2011 हा महाराष्ट्रासह संपूर्ण देशात दिनांक 5 ऑगस्ट, 2011 पासून लागू करण्यात आला आहे. या कायद्याचा प्रमुख उद्देश जनतेस सुरक्षित, सकस व निर्भेळ अन्न उपलब्ध करुन देणे हा आहे. त्याअंतर्गत अन्न व्यावसायिकांसाठी परवाना व नोंदणी घेणे आवश्कय आहे.

सोमवार, दिनांक 28 फेब्रुवारी, 2022 रोजी 11-00 ते 2-00 या वेळेत कृष्णा एजन्सीज, हत्ते नगर, लातूर येथे परवाना व नोंदणीबाबत विशेष कँम्प आयोजित करण्यात आलेला आहे असे सहाय्यक आयुक्त (अन्न), अन्न व औषध प्रशासन म.राज्य, लातूर यांनी प्रसिध्दी पत्रकाव्दारे कळविले आहे.

 

 

0000