जिल्हा माहिती कार्यालय, लातूर

  ·          प्रमाणपत्राशिवाय वेतन देयके स्वीकारली जाणार नाहीत         लातूर , दि. १३ (जिमाका) :- राज्य शासनाच्या नियोजन विभागाने २ सप्टेंबर , २०२६ रोजी निर्गमित केलेल्या शासन परिपत्रकान्वये राज्याच्या सेवेतील सर्व अधिकारी व कर्मचाऱ्यांचा ' सर्वकष माहितीकोष-२०२६ ' अद्ययावत करण्यात येणार असून , या प्रक्रियेसाठी जिल्ह्यातील सर्व आहरण व संवितरण अधिकाऱ्यांनी विहित वेळापत्रकानुसार कार्यवाही करून सहकार्य करावे , असे आवाहन लातूर जिल्हा सांख्यिकी कार्यालयाचे उप आयुक्त सं. क. ब. कलशेट्टी यांनी केले आहे.             या मोहिमेंतर्गत १ जुलै , २०२६ हा संदर्भ दिनांक मानून शासनाच्या सेवेतील नियमित आस्थापनेवरील कर्मचाऱ्यांसह नियमितेतर आस्थापनेवरील म्हणजेच कार्यव्ययी आस्थापनेवरील , रोजंदारीवरील , अंशकालीन , मानसेवी तसेच तदर्थ तत्त्वावर नेमणूक करण्यात आलेल्या सर्व प्रकारच्या अधिकारी व कर्मचाऱ्यांची माहिती संकलित करून माहितीकोष अद्ययावत केला जाणार आहे. या प्रक्रियेनुस...

          लातूर , दि. १३ : राज्य सहकारी निवडणूक प्राधिकरण यांच्या निर्देशानुसार लातूर जिल्हा मध्यवर्ती सहकारी बँक लि. निवडणुकीची मतमोजणी  दि. १६ नोव्हेंबर २०२६ रोजी जिल्हाधिकारी कार्यालय (तळमजला) , लातूर येथे होणार आहे. ही मतमोजणी प्रक्रिया शांततेत , निर्भय व न्याय्य वातावरणात पार पाडण्यासाठी आणि जिल्ह्यातील कायदा व सुव्यवस्था अबाधित राखण्याच्या दृष्टिकोनातून जिल्हाधिकारी तथा जिल्हादंडाधिकारी डॉ. भारत बास्टेवाड यांनी भारतीय नागरिक सुरक्षा संहिता २०२३ चे कलम १६३ (२) अन्वये प्रतिबंधात्मक आदेश लागू केले आहेत.             या आदेशानुसार सोमवार , १६ नोव्हेंबर २०२६ रोजी सकाळी ६ वाजल्यापासून ते मतमोजणी प्रक्रिया पूर्ण होईपर्यंत मतमोजणी केंद्राच्या ठिकाणापासून २०० मीटर परिसरामध्ये सर्व राजकीय पक्ष , कार्यालये आणि उमेदवारांचे मंडप तसेच दुकाने उभारण्यास सक्त मनाई करण्यात आली आहे. यासोबतच या प्रतिबंधित क्षेत्रात मोबाईल फोन , स्मार्ट फोन , कॉर्डलेस फोन , पेजर , वायरलेस सेट , ध्वनीक्षेपके व इतर कोणतीही इलेक्ट्रॉन...

          लातूर , दि. १३ : जिल्हा मध्यवर्ती सहकारी बँक निवडणूक २०२६ करिता रविवार , १५ नोव्हेंबर २०२६ रोजी मतदान होणार आहे. जिल्ह्यातील औसा , रेणापूर , निलंगा , शिरूर अनंतपाळ , देवणी , अहमदपूर , चाकूर व जळकोट येथील तहसील कार्यालयांमध्ये तसेच उदगीर येथील प्रशासकीय भवन इमारतीच्या तळमजल्यावरील खोली क्रमांक २ अशा एकूण दहा मतदान केंद्रांवर ही मतदान प्रक्रिया पार पडणार आहे. ही संपूर्ण प्रक्रिया शांततेत , निर्भय वातावरणात पार पाडण्यासाठी आणि कायदा व सुव्यवस्था अबाधित राखण्यासाठी जिल्हाधिकारी तथा जिल्हादंडाधिकारी डॉ. भारत बास्टेवाड यांनी   मतदान केंद्र परिसरात भारतीय नागरिक सुरक्षा संहिता २०२३ चे कलम १६३ लागू करण्याचे आदेश निर्गमित केले आहेत.             या आदेशानुसार , १५ नोव्हेंबर २०२६ रोजी सकाळी ६ वाजल्यापासून ते मतदानाची प्रक्रिया पूर्ण होईपर्यंत मतदान केंद्रांच्या ठिकाणापासून २०० मीटरच्या परिसरात पाच किंवा त्यापेक्षा जास्त व्यक्तींना एकत्र येण्यास सक्त मनाई करण्यात आली आहे. या २०० मीटरच्...

आपत्कालीन व दुष्काळी परिस्थितीत फळबाग पिकांच्या व्यवस्थापनासाठी मार्गदर्शक उपाययोजना सध्या पावसाअभावी निर्माण झालेल्या पाण्याची कमतरता आणि आपत्कालीन परिस्थितीच्या पार्श्वभूमीवर फळबागांचे संगोपन व संरक्षण करण्यासाठी कृषी विभागामार्फत विविध पिकांसाठी खालीलप्रमाणे तातडीच्या उपाययोजना सुचवण्यात आल्या आहेत: १. पेरू • आच्छादनाचा वापर: जमिनीतील पाण्याचे बाष्पीभवन रोखण्यासाठी वाळलेला पालापाचोळा, काडी-कचरा, गवत, गव्हाचे काड किंवा प्लॅस्टिक कागदाचा वापर करून आच्छादन करावे. • बाष्पीभवन नियंत्रण: केओलिन ८ टक्के द्रावणाची फवारणी करावी जेणेकरून पाण्याचा बाष्पीभवनाचा वेग कमी होईल. • छाटणी व पोषण: झाडांची हलकी छाटणी करून आकार मर्यादित ठेवावा. झाडे तग धरून ठेवण्यासाठी १ टक्के पोटॅश (०:०:५०) ची फवारणी करावी. पाऊस लांबल्यास चांगला पाऊस पडेपर्यंत नवीन लागवड टाळावी. २. द्राक्ष • छाटणी व्यवस्थापन: खरड छाटणीनंतर काड्यांची संख्या मर्यादित ठेवावी आणि वाढरोधक संजीवकांची योग्य मात्रेत फवारणी करावी. • पाणी व अन्नद्रव्य व्यवस्थापन: बाष्परोधक केओलिनची फवारणी करावी. पाण्याची कमतरता असताना नत्राचा वापर क...

एकात्मिक फलोत्पादन विकास अभियानांतर्गत अर्ज करण्याचे आवाहन लातूर, दिनांक 05 (जिमाका) : एकात्मिक फलोत्पादन विकास अभियान सन 2026-27 अंतर्गत विविध घटकांसाठी इच्छुक शेतकऱ्यांनी महा डीबीटी पोर्टलवर विविध घटकांसाठी अनु.जाती व अन.जमाती प्रवर्गातील पात्र लाभार्थ्यांनी महा-डीबीटी पोर्टलवर अर्ज करावेत, असे आवाहन जिल्हा अधिक्षक कृषी अधिकारी दिलीप जाधव यांनी केले आहे. ड्रॅगन फ्रुट, विड मॅट (तण नियंत्रक), मिरची, अले व हळद लागवड, फुलपिक लागवड, मशरुम उत्पादन, हरीतगृह, शेडनेट हाऊस, मधुमक्षिका पालन, प्लॅस्टिक मल्चिंग, सामुहिक शेततळे, वैयक्तीक शेततळे अस्तरीकरण, कांदाचाळ, फार्म गेट पॅक हाऊस तसेच औषधी व सुगंधी वनस्पतींची लागवड, जुन्या फळबागांचे पुनरुज्जीवन तसेच यांत्रिकीकरण घटकांतर्गत ट्रॅक्टर 20 अश्वशक्तीपर्यंत, पॉवर टिलर 8 अश्वशक्ती पेक्षा कमी व जास्त, स्प्रे पंप 16 लिटरपेक्षा जास्त क्षमतेचे इत्यादी घटकासाठी अनु.जाती व अनु.जमाती प्रवर्गाकरीता इच्छुक शेतकऱ्याकडून अर्ज मागविण्यात येत आहेत. त्यानुसार https://mahadbt.maharashtra.gov.in/farmer/login/login या संकेतस्थळावर इच्छुक अर्जदारांनी वैयक्तीक शेतकरी...

लातूर जिल्ह्यात रब्बी हंगामासाठी प्रधानमंत्री सुधारित पीक विमा योजना लागू लातूर, दि. ०५ (जिमाका): सन २०२६-२७ पासून प्रधानमंत्री सुधारित पीक विमा योजना लागू करण्यात आली असून, लातूर जिल्ह्यामध्ये ही योजना एस.बी.आय. जनरल इन्शुरन्स कंपनी लिमिटेड यांच्यामार्फत राबविण्यात येत आहे. या योजनेंतर्गत रब्बी हंगामातील ज्वारी (जिरायत व बागायत) पिकासाठी ३० नोव्हेंबर तर गहू (बागायत) व हरभरा पिकासाठी १५ डिसेंबर ही अंतिम मुदत निश्चित करण्यात आली आहे. ही योजना अधिसूचित मंडळातील अधिसूचित पिकांसाठी लागू असून कर्जदार व बिगर कर्जदार शेतकऱ्यांसाठी ऐच्छिक स्वरूपाची आहे. योजनेत सहभागासाठी ई-पीक पाहणी करणे आणि फार्मर आयडी असणे अनिवार्य करण्यात आले आहे. योजनेअंतर्गत ज्वारी जिरायत व बागायत पिकासाठी जोखीमस्तर ७० टक्के असून विमा संरक्षित रक्कम प्रति हेक्टरी ३६,००० रुपये आहे, तर शेतकऱ्याने भरावयाचा विमा हप्ता ५४० रुपये आहे. तसेच गहू बागायत पिकासाठी जोखीमस्तर ७० टक्के, विमा संरक्षित रक्कम प्रति हेक्टरी ४५,००० रुपये आणि शेतकऱ्याने भरावयाचा विमा हप्ता ६७५ रुपये आहे. हरभरा पिकासाठी जोखीमस्तर ७० टक्के...