लातूर येथील जवाहर नवोदय विद्यालय प्रवेशासाठी येत्या १३ डिसेंबर २०२५ रोजी परीक्षा होणार

लातूर येथील जवाहर नवोदय विद्यालय प्रवेशासाठी येत्या १३ डिसेंबर २०२५ रोजी परीक्षा होणार · इयत्ता सहावीच्या ८० जागासाठी परीक्षेचे आयोजन लातूर दि. २७ : येथील जवाहर नवोदय विद्यालयातील इयत्ता सहावी वर्गाच्या प्रवेश परीक्षेचे प्रवेश पत्र वेबसाइटवर उपलब्ध झाले असून ते डाउनलोड करून घेण्याचे आवाहन लातूर येथील जवाहर नवोदय विद्यालयाचे प्राचार्य गणपती मस्के यांनी केले आहे. ज्या पालकांनी आपल्या पाल्याचे अर्ज जवाहर नवोदय विद्यालय प्रवेश परीक्षा इयत्ता सहावीसाठी ऑनलाइन पद्धतीने दाखल केले आहेत, त्यांची प्रवेश परीक्षा १३ डिसेंबर २०२५ रोजी घेण्यात येणार आहे. तरी सर्व पालकांनी आपल्या पाल्याचे प्रवेश पत्र वेबसाइट वरुन डाउनलोड करून घ्यावेत. प्रवेश पत्रावर दिलेल्या सूचनेप्रमाणे संबंधित परीक्षा केंद्रावर विद्यार्थ्याला उपस्थित ठेवावे. याबाबत अधिक माहितीसाठी लातूर जवाहर नवोदय विद्यालय लातूर येथे कार्यालयीन वेळेत सकाळी ९ ते दुपारी १ वाजेपर्यंत (सुट्टीचे दिवस वगळून ) संपर्क साधावा, असे आवाहन लातूर येथील जवाहर नवोदय विद्यालयाचे प्राचार्य गणपती मस्के यांनी केले आहे. ****