जिल्हा माहिती कार्यालय, लातूर

लातूर, दि. ३० : जिल्हा परिषदेचे मुख्य कार्यकारी अधिकारी राहुल कुमार मीना यांच्या मार्गदर्शनाखाली शिक्षण विभागामार्फत जिल्ह्यातील सर्व व्यवस्थापनाच्या व सर्व माध्यमांच्या शाळांमध्ये 'सेवा संकल्प अभियान' राबवण्यात येत आहे. या अभियानांतर्गत विद्यार्थ्यांमध्ये सामाजिक जाणीव, स्वच्छतेची सवय, व्यसनमुक्ती तसेच सर्जनशीलता आणि सामाजिक बांधीलकी निर्माण करण्याच्या उद्देशाने विविध उपक्रमांचे आयोजन केले जात आहे. या अभियानांतर्गत ३० सप्टेंबर २०२६ रोजी 'माझ्या स्वप्नातील भारत तथा विकसित भारत २०४७' या विषयावर वक्तृत्व स्पर्धेचे आयोजन करण्यात आले होते. या स्पर्धेत लातूर जिल्ह्यातील २ हजार १३२ शाळांमधील १ लाख ५३ हजार ७६१ विद्यार्थ्यांनी उत्स्फूर्त सहभाग घेतला. यामध्ये लातूर तालुक्यातील २७८ शाळांमधील ३६,२३५ विद्यार्थी, औसा तालुक्यातील २१३ शाळांमधील २,१४५ विद्यार्थी, निलंगा तालुक्यातील १८६ शाळांमधील १,८६५ विद्यार्थी, देवणी तालुक्यातील १०२ शाळांमधील ७५६ विद्यार्थी, उदगीर तालुक्यातील २८४ शाळांमधील २,४५६ विद्यार्थी, जळकोट तालुक्यातील १०७ शाळांमधील ७०५ विद्यार्थी, चाकूर तालुक्यातील १६५ शाळांमध...

जिल्हा स्कूल बस परिवहन समितीच्या बैठकीत विद्यार्थ्यांच्या सुरक्षित प्रवासाबाबत चर्चा लातूर, दि. ३० (जिमाका): पोलीस अधीक्षक कार्यालयात मंगळवारी जिल्हा स्कूल बस परिवहन समितीची १४ वी बैठक जिल्हा पोलीस अधीक्षक अमोल तांबे यांच्या अध्यक्षतेखाली पार पडली. या बैठकीला उपप्रादेशिक परिवहन अधिकारी अमरसिंग गवारे, सहाय्यक प्रादेशिक परिवहन अधिकारी आशिषकुमार अय्यर, लातूर शहर वाहतूक नियंत्रण अधिकारी मनोज जिरगे, शिक्षणाधिकारी श्री. क्षीरसागर, विस्तार अधिकारी मधुकर ढमाले, जिल्हा समन्वयक श्री. भापकर, महाराष्ट्र राज्य मार्ग परिवहन महामंडळाचे वाहतूक निरीक्षक बोयणे, महानगरपालिकेचे श्री. सेवाळकर तसेच लातूर जिल्हा विद्यार्थी वाहतूक संघटनेचे श्रीकृष्ण पांडे व इतर पदाधिकारी उपस्थित होते. या बैठकीमध्ये विद्यार्थ्यांच्या सुरक्षित प्रवासाच्या दृष्टीने विविध महत्वपूर्ण उपाययोजनांवर सविस्तर चर्चा करण्यात आली. विद्यार्थी वाहतुकीसाठी लागू असलेल्या सर्व नियमांचे काटेकोरपणे पालन करणे सर्व संबंधितांसाठी बंधनकारक असल्याचे सांगत, या नियमांची योग्य अंमलबजावणी होत आहे याची खात्री करण्याची जबाबदारी संबंधित यंत्रणांची राहील, ...

भारतरत्न डॉ. बाबासाहेब आंबेडकर स्वाधार योजनेसाठी अर्ज करण्यास 10 ऑक्टोबरपर्यंत मुदतवाढ लातूर, दि. 30 (जिमाका): सामाजिक न्याय व विशेष सहाय्य विभागांतर्गत लातूर जिल्ह्यामध्ये मुलांची १४ व मुलींची १२ अशी एकूण २६ शासकीय वसतिगृहे कार्यरत आहेत. यामध्ये लातूर शहरात मुलांची ६ व मुलींची ४ वसतिगृहे, औसा, निलंगा, उदगीर, देवणी व चाकूर येथे प्रत्येकी मुलांचे एक व मुलींचे एक वसतिगृह, अहमदपूर येथे मुलांची दोन व मुलींची दोन वसतिगृहे, तर रेणापूर येथे मुलांचे एक आणि जळकोट येथे मुलींचे एक वसतिगृह सुरू आहे. सदर वसतिगृहांची सन २०२६-२७ या शैक्षणिक वर्षाची प्रवेश प्रक्रिया ऑनलाईन पद्धतीने सुरू असून, विद्यार्थ्यांनी अर्ज भरण्यासाठी https://hmasnew.mahait.org या नवीन वेब लिंकचा वापर करावा. जिल्ह्यात इयत्ता अकरावी व बारावीमध्ये शिक्षण घेणाऱ्या तसेच व्यावसायिक अभ्यासक्रम वगळून बिगर व्यावसायिक पदवी, पदविका व पदव्युत्तर अभ्यासक्रमात शिक्षण घेत असलेल्या सर्व पात्र विद्यार्थ्यांना या योजनेअंतर्गत प्रवेश अर्ज भरता येईल. याशिवाय अभ्यासक्रमाच्या मध्यंतरीच्या वर्षात प्रवेशित असलेल्या विद्यार्थ्यांनाही वसतिगृह प्रवेशास...

शासकीय अधिकारी, कर्मचारी यांचा सर्वंकष माहितीकोष 2026 करिता माहिती सादर करण्याचे आवाहन लातूर, दि.30 (जिमाका) : राज्य शासनाच्या नियोजन विभागाच्या 2 सप्टेंबर,2026 रोजीच्या परिपत्रकानुसार शासनाच्या सेवेतील सर्व अधिकारी, कर्मचाऱ्यांचा सर्वंकष माहितीकोष 2026 अद्ययावत करण्यांत येणार आहे. या माहिती मध्ये नियमित आस्थापनेवरील कर्मचारी व नियमितेतर आस्थापनेवरील कर्मचारी (कार्यव्ययी आस्थापनेवरील, रोजंदारीवरील, अंशकालीन, मानसेवी ईत्यादी), तसेच तदर्थ तत्वावर नेमणुका करण्यांत आलेले कर्मचारी, अशा सर्व प्रकारच्या कर्मचा-यांची माहिती गोळा करण्यांत येणार आहे. त्यानुषंगाने 1 जुलै, 2026 या संदर्भ दिनांकास कर्मचाऱ्यांचा सेवार्थ आय.डी, भविष्य निर्वाह निधी, डी.सी.पी.एस खाते क्रमांक, पॅन क्रमांक, आधार क्रमांक, कर्मचा-याचे संपूर्ण नांव, जन्मदिनांक, लिंग, सेवेत रुजू झाल्याचा दिनांक, सेवा निवृत्तीचा दिनांक, सेवेत रुजू झाल्यानंतरचे पदनाम, कर्मचा-यांचा भ्रमणध्वनी क्रमांक, कर्मचा-यांचा ई-मेल आय.डी. सामाजिक प्रवर्ग, कर्मचा-याची जात, धर्म, स्वग्राम, दिव्यांग व्यक्ती ईत्यादी स्थायी स्वरुपाची माहिती तसेच (लागू असल...

आदर्श आचारसंहितेमुळे ५ ऑक्टोबरचा जिल्हास्तरीय लोकशाही दिन स्थगित लातूर, दि. ३० (जिमाका) : दर महिन्याच्या पहिल्या सोमवारी जिल्हास्तरीय लोकशाही दिनाचे आयोजन करण्यात येते. मात्र, सध्या विधान परिषदेच्या पदवीधर मतदारसंघांची द्विवार्षिक निवडणूक-२०२६ ची निवडणूक प्रक्रिया सुरू आहे. या निवडणुकीच्या आदर्श आचारसंहिता लागू करण्यात आलेली आहे. या आचारसंहितेच्या नियमांची व तरतुदींची अंमलबजावणी सुरू असल्यामुळे येत्या सोमवारी, म्हणजेच ५ ऑक्टोबर २०२६ रोजी आयोजित करण्यात येणारा जिल्हा लोकशाही दिन स्थगित करण्यात आला आहे, अशी माहिती जिल्हा प्रशासनाकडून प्रसिद्धीपत्रकाद्वारे देण्यात आली आहे. ****

लातूर जिल्ह्यातील चारा जिल्ह्याबाहेर पाठविण्यास मनाई लातूर, दि. ३० (जिमाका): जिल्ह्यात यंदाच्या हंगामात अपेक्षित पाऊस न झाल्यामुळे दुष्काळी परिस्थिती निर्माण झाली असून, जिल्ह्यात पिण्याच्या पाण्यासोबतच जनावरांचा चारा व पाण्याचा तुटवडा निर्माण होण्याची शक्यता आहे. त्यामुळे आपत्ती व्यवस्थापन अधिनियम २००५ मधील तरतुदीनुसार लातूर जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ. भारत बास्टेवाड यांनी लातूर जिल्ह्यात उत्पादित झालेला किंवा उपलब्ध असलेला कडबा, सुका चारा, घास, उसाचे वाडे इत्यादी प्रकारचा चारा जिल्ह्याबाहेर अन्य जिल्ह्यात कोणत्याही व्यावसायिक किंवा इतर कारणांसाठी वाहतूक करण्यास पूर्णपणे बंदी घालण्यात घातली आहे. लातूर जिल्ह्यातून परवानगीशिवाय चारा बाहेर पाठविण्यावर सक्त प्रतिबंध करण्यात आला असून, जिल्ह्यातील सर्व चारा उत्पादक, व्यापारी आणि संस्था यांनी आपल्याकडील चारा प्रथमतः स्थानिक स्तरावर लातूर जिल्ह्यातील शेतकऱ्यांना व गोशाळांना उपलब्ध करून देणे बंधनकारक राहील. या आदेशाचे उल्लंघन करणाऱ्या व्यक्ती व वाहनांवर आपत्ती व्यवस्थापन अधिनियम २००५ मधील कलम ५१ ते...

किल्लारी भूकंपातील मृतांना जिल्हा प्रशासनाच्यावतीने अभिवादन लातूर, दि. ३० : औसा तालुक्यातील किल्लारी येथील ३० सप्टेंबर १९९३ रोजी झालेल्या भूकंपात मृत्युमुखी पडलेल्या नागरिकांना जिल्हा प्रशासनाच्यावतीने अभिवादन करण्यात आले. तसेच पोलीस दलामार्फत हवेत बंदुकीच्या तीन फैरी झाडून मानवंदना देण्यात आली. जिल्हाधिकारी डॉ. भारत बास्टेवाड, जिल्हा परिषदेचे मुख्य कार्यकारी अधिकारी राहूल कुमार मीना यांनी यावेळी स्मृतीस्तंभाला पुष्पचक्र अर्पण करून अभिवादन केले. औसा-रेणापूरचे उपविभागीय अधिकारी अविनाश कोरडे, औसाचे पोलीस उपाधीक्षक कुमार चौधरी, तहसीलदार घनश्याम अडसूळ, किल्लारीचे अपर तहसीलदार रामेश्वर स्वामी, किल्लारीचे सहायक पोलीस निरीक्षक महावीर जाधव यांच्यासह अधिकारी, कर्मचारी व नागरिक यावेळी उपस्थित होते. ***

देवणी तालुक्यात अवैध सावकारीविरोधात सहकार विभाग आणि पोलीस प्रशासनाची संयुक्त कारवाई • वलांडी, कवठाळा येथे तीन ठिकाणी धाडी लातूर, दि. ३० : सहकार विभागाकडे प्राप्त झालेल्या तक्रारीच्या आधारे देवणी तालुक्यातील वलांडी येथील पांडुरंग रामचंद्र पांचाळ यांच्याविरोधात अवैध सावकारी प्रकरणी सहकार आणि पोलीस विभागाच्या संयुक्त पथकाने ३० सप्टेंबर २०२६ रोजी झडतीची कार्यवाही केली. त्यांच्या वलांडी व कवठाळा येथील राहत्या घरासह वलांडी येथील श्रीराम मोबाईल शॉप अशा एकूण तीन ठिकाणी एकाच वेळी ही कार्यवाही करण्यात आली. लातूरचे जिल्हाधिकारी डॉ. भारत बास्टेवाड व पोलीस अधीक्षक अमोल तांबे यांच्या मार्गदर्शनाखाली, तसेच विभागीय सहनिबंधक सहकारी संस्था नानासाहेब चव्हाण व लातूरचे जिल्हा उपनिबंधक विष्णू पोतंगले यांच्या प्रत्यक्ष नियंत्रणाखाली ही कामगिरी झाली. या कारवाईत पथक प्रमुख म्हणून दीपक कांबळे, श्याम जाधव आणि रवी गायकवाड यांनी काम पाहिले. या मोहिमेदरम्यान पोलीस विभाग आणि सामाजिक वनीकरण विभागातील कर्मचाऱ्यांनी पोलीस संरक्षण व पंचांची महत्त्वाची भूमिका निभावली. या झडतीदरम्यान पुढील चौकशीच्या दृष्टीने अत्यंत मह...

लातूर येथे स्व. अण्णासाहेब पाटील यांची जयंती साजरी लातूर, दि. २८ : कौशल्य विकास, रोजगार व उद्योजकता मार्गदर्शन केंद्र तसेच अण्णासाहेब पाटील आर्थिक मागास विकास महामंडळाच्या लातूर जिल्हा कार्यालयात स्व. अण्णासाहेब पाटील यांची जयंती साजरी करण्यात आली. प्रारंभी स्व. अण्णासाहेब पाटील यांच्या प्रतिमेस पुष्पहार अर्पण करून अभिवादन करण्यात आले. कौशल्य विकास केंद्राचे आयुक्त श्री. सूर्यवंशी यांनी याप्रसंगी उपस्थितांना मार्गदर्शन केले. त्यानंतर महामंडळाचे जिल्हा समन्वयक प्रशांत पाटील यांनी आर्थिकदृष्ट्या दुर्बल घटकांच्या सक्षमीकरणासाठी महामंडळाच्या माध्यमातून राबवल्या जाणाऱ्या विविध कर्ज योजना, व्याज परतावा योजना आणि शासकीय सवलतींबाबत माहिती दिली. यावेळी महामंडळाचे जिल्हा समन्वयक प्रशांत पाटील, नागेश लामदाडे, अविनाश उखंडे यांच्यासह महामंडळाच्या विविध योजनांतून कर्ज व अर्थसहाय्य मिळवून यशस्वी उद्योग उभा केलेले लाभार्थी, कार्यालयातील वरिष्ठ अधिकारी आणि कर्मचारी मोठ्या संख्येने उपस्थित होते.

लातूर जिल्ह्यात आज भटके-विमुक्त हक्क व प्रमाणपत्र अभियान अंतर्गत ११ ठिकाणी विशेष शिबिरांचे आयोजन लातूर, दि. २८ : इतर मागास बहुजन कल्याण सहायक संचालक कार्यालयामार्फत जिल्ह्यातील विविध तालुक्यांमध्ये २७ सप्टेंबर ते २९ सप्टेंबर २०२६ दरम्यान भटके-विमुक्त हक्क व प्रमाणपत्र अभियान राबविण्यात येत आहे. या अंतर्गत २९ सप्टेंबर रोजी जिल्ह्यातील विविध ११ ठिकाणी विशेष शिबिरांचे आयोजन करण्यात आले आहे. भटके विमुक्त प्रवर्गातील बांधवांना सर्वसाधारण रहिवास ठिकाण निश्चित नसल्याने त्यांना येणाऱ्या अडचणी दूर करून, त्यांच्या हक्काची ओळखपत्रे, प्रमाणपत्रे व कल्याणकारी योजनांचा प्रत्यक्ष लाभ थेट वस्त्यांवर जावून उपलब्ध करून देण्यासाठी हे अभियान राबविले जात आहे. लातूर जिल्ह्यात २९ सप्टेंबर रोजी सकाळी ११ ते सायंकाळी ५ या कालावधीत शासकीय गोडाऊनच्या पाठीमागे, तुळजाभवानी नगर, भोईवस्ती, लातूर या ठिकाणी विशेष शिबीराचे आयोजन करण्यात आले आहे. तसेच रेणापूर तालुक्यातील मोहननगर येथे सकाळी १० ते दुपारी २ वा. दरम्यान, तर कैकाडी वस्ती येथे दुपारी २ ते सायंकाळी ६ वाजेपर्यंत शिबीर होईल. औसा तालुक्यात नागरसोगा येथील चंदनवाले ...

लातूर जिल्ह्यात दुष्काळ निवारणासाठी जिल्हास्तरीय 'वॉर रूम' पाणी आणि चारा टंचाईविषयक उपाययोजनांचे सूक्ष्म नियोजन करा-जिल्हाधिकारी डॉ. भारत बास्टेवाड · नुकसान पंचनामे कामकाज आणि सवलतींची अंमलबजावणीबाबत आढावा लातूर, दि. २८ : लातूर जिल्ह्यामध्ये मान्सून २०२६ मध्ये पर्जन्यमानातील घट आणि पावसाच्या सलग खंडामुले गंभीर परिस्थिती निर्माण झाल्याने पिकांची वाढ, उत्पादकता, भूजल पातळी आणि चाऱ्याच्या उपलब्धतेवर थेट परिणाम झाला आहे. त्यामुळे पाणी टंचाई व चारा टंचाई निर्माण होण्याची शक्यता असल्याने या अनुषंगाने उपाययोजनांचे सूक्ष्म नियोजन करण्याच्या सूचना जिल्हाधिकारी डॉ. भारत बास्टेवाड यांनी आज येथे दिल्या. लातूर जिल्ह्यातील सर्व दहाही तालुक्यांमध्ये दुष्काळ जाहीर करण्यात आला असून ट्रिगर १ अंतर्गत सवलती लागू करण्यात आल्या आहेत. या सवलतींच्या अंमलबजावणीविषयी आढावा घेण्यासाठी जिल्हाधिकारी डॉ. बास्टेवाड यांच्या अध्यक्षतेखाली बैठकीचे आयोजन करण्यात आले होते. जिल्हा परिषदेचे मुख्य कार्यकारी अधिकारी राहुल कुमार मीना, लातूर शहर महानगरपालिका आयुक्त राहुल कुलकर्णी, अपर जिल्हाधिकारी शिल्पा करम...

सैनिकांचे पेन्शन आणि ‘स्पर्श’ प्रणालीबाबतच्या अडचणी सोडविण्यासाठी ४ ऑक्टोबर रोजी बेळगावात मेळावा लातूर, दि. २८ : जिल्ह्यातील सर्व माजी सैनिक, वीरनारी, वीरमाता, वीरपिता, विधवा व तसेच सर्व वयोवृद्ध सैनिकांच्या पेन्शन व ‘स्पर्श’ प्रणाली संदर्भातील शंका आणि अडचणींचे निरसन करण्यासाठी रविवार, ४ ऑक्टोबर, २०२६ रोजी बेळगाव येथे विशेष मेळाव्याचे आयोजन करण्यात आले आहे. मराठा लाईट इन्फंट्री रेजिमेंट सेंटर, बेळगावच्या स्टेडियमवर सकाळी ७ वाजल्यापासून हा मेळावा होणार आहे. माजी सैनिक व त्यांच्या कुटुंबियांना पेन्शन व ‘स्पर्श’ प्रणालीच्या अनुषंगाने येणाऱ्या विविध अडचणी सोडवण्यासाठी या मेळाव्यात मार्गदर्शन करण्यात येणार आहे. या मेळाव्यात पेन्शन व ‘स्पर्श’ संबंधी असलेल्या शंका व अडचणीचे निरसन करण्याबरोबच माजी सैनिक आणि त्यांच्या कुटुंबियांसाठी असलेल्या अन्य शासकीय योजनांची माहितीही देण्यात येणार आहे. संबंधीत योजनांचा लाभ घेण्याच्या दृष्टीने आवश्यक मार्गदर्शनादेखील यावेळी करण्यात येईल. त्यामुळे जिल्ह्यातील सर्व सेवानिवृत्त सैनिक अधिकारी, माजी सैनिक, वीरनारी, वीरमाता, वीरपिता, तसेच स...

माजी सैनिक मुलींचे वसतीगृहात आज शौर्य दिन लातूर, दि. 28 : भारतीय सैन्यदलाने 29 सप्टेंबर 2016 रोजी पाकिस्तान हद्दीत सर्जिकल स्ट्राइकद्वारे अतिरेक्यांचा खात्मा केला. भारतीय सैन्याची ही अभिमानास्पद कामगिरी राज्यातील जनतेपर्यंत व्यापक पोचविण्यासाठी व माजी सैनिकांचा सन्मान करण्यासाठी प्रतिवर्षी 29 सप्टेंबर रोजी शौर्य दिन साजरा केला जातो. त्यानुसार 29 सप्टेंबर 2026 रोजी सकाळी 11 वाजता लातूर येथील माजी सैनिक मुलींचे वसतिगृह येथे शौर्य दिन साजरा करण्यात येणार आहे. लातूर जिल्ह्यातील वीर पत्नी, वीर माता, वीर पिता, शौर्यपदक धारक, माजी सैनिक, माजी सैनिकांच्या विधवा पत्नी, शासकीय व विविध अधिकारी, पदाधिकारी, कर्मचारी तसेच शाळा, कॉलेजमधील विद्यार्थी यांनी या कार्यक्रमामध्ये उपस्थित राहावे, असे आवाहन लातूर येथील जिल्हा सैनिक कल्याण अधिकारी ले. कर्नल शरद पांढरे (नि.) यांनी केले आहे. ****

आंतरराष्ट्रीय ज्येष्ठ नागरिक दिनानिमित्त लातूर येथे १ ऑक्टोबर रोजी आरोग्य तपासणी शिबिराचे आयोजन लातूर, दि. २८ : राज्य शासनाच्या सामाजिक न्याय व विशेष सहाय्य विभागामार्फत दरवर्षी १ ऑक्टोबर हा दिवस आंतरराष्ट्रीय ज्येष्ठ नागरिक दिन म्हणून साजरा करण्यात येतो. यानिमित्त लातूर समाज कल्याण सहायक आयुक्त कार्यालय आणि जिल्हा ज्येष्ठ नागरिक संघ यांच्या संयुक्त विद्यमाने १ ऑक्टोबर २०२६ रोजी सकाळी ६:३० ते ८:३० या वेळेत लातूर जिल्हा क्रीडा संकुल येथे ज्येष्ठ नागरिकांसाठी विशेष आरोग्य तपासणी शिबिराचे आयोजन करण्यात आले आहे. केंद्र शासनाने ज्येष्ठ नागरिकांच्या कल्याणासाठी आई-वडील व ज्येष्ठ नागरिकांच्या चरितार्थ व कल्याणासाठी अधिनियम २००७ पारित करून तो १ मार्च २००९ पासून लागू केला आहे. या अधिनियमाच्या अनुषंगाने राज्य शासनाने २३ जून २०१० अन्वये नियम २०१० पारित केलेले आहेत. याच पार्श्वभूमीवर १ ऑक्टोबर रोजी आंतरराष्ट्रीय ज्येष्ठ नागरिक दिनाचे औचित्य साधून विशेष आरोग्य तपासणी शिबिराचे आयोजन करण्यात आले आहे. तरी लातूर जिल्ह्यातील सर्व ज्येष्ठ नागरिकांनी या आरोग्य तपासणी शिबिरास बहुसंख्येने उपस्थित राहून ...

▪️ लातूर जिल्हा परिषद अंतर्गत शाळांमध्ये आयोजित विशेष उपक्रमात शिक्षक, विद्यार्थ्यांसह नागरिकांचा उत्स्फूर्त सहभाग लातूर, दि. २७ (जिमाका) : शालेय विद्यार्थ्यांमध्ये सामाजिक जाणीव, स्वच्छता, पर्यावरण संवर्धन आणि सामाजिक बांधिलकी निर्माण करण्याच्या उद्देशाने लातूर जिल्हा परिषदेच्या प्राथमिक शिक्षण विभागाच्या वतीने १७ सप्टेंबर ते १७ ऑक्टोबर २०२६ या कालावधीत ‘सेवा संकल्प अभियान’ मोठ्या उत्साहात राबविण्यात येत आहे. या अभियानांतर्गत मुख्य कार्यकारी अधिकारी राहूल कुमार मीना यांच्या मार्गदर्शनाखाली २६ सप्टेंबर २०२६ रोजी लातूर जिल्ह्यातील २,५२८ शाळांमध्ये शाळा भरण्यापूर्वी एक तास अगोदर शाळा व शाळेच्या परिसरात ‘स्वच्छता अभियान’ हा विशेष उपक्रम राबवून स्वच्छतेचा संदेश देण्यात आला. लातूर तालुक्यात ३११ पैकी २९५ शाळांमध्ये हा उपक्रम राबविण्यात आला असून यामध्ये १,३४८ शिक्षक व १,५४० नागरिक सहभागी झाले, औसा तालुक्यात २८५ पैकी २७९ शाळांमध्ये उपक्रम राबवून १,३३२ शिक्षक व ८१२ नागरिक सहभागी झाले, निलंगा तालुक्यात ३३६ पैकी ३२७ शाळा सहभागी झाल्या असून ९७५ शिक्षक व ६५४ नागरिक सहभागी झाले, देवणी तालुक्यात ११७ ...

‘राष्ट्रनेता ते राष्ट्रपिता’ अभियानांतर्गत लातूर तालुक्यात सहा ठिकाणी २९ सप्टेंबर रोजी भटके विमुक्त हक्क व प्रमाणपत्र अभियान लातूर, दि. २५ : राज्यातील विमुक्त जाती व भटक्या जमातीच्या ज्या नागरिकांना सर्वसाधारण रहिवास ठिकाण निश्चित नसल्याने मूलभूत अधिकार आणि शासकीय योजनांचे लाभ मिळण्यास अडचणी येतात, अशा नागरिकांना मदत करण्यासाठी राष्ट्रनेता ते राष्ट्रपिता अभियानांतर्गत भटके विमुक्त हक्क व प्रमाणपत्र अभियान ही विशेष मोहीम राबवली जात आहे. महसूल विभाग आणि इतर मागास बहुजन कल्याण विभाग यांच्या संयुक्त विद्यमाने लातूर तालुक्यात सहा ठिकाणी २९ सप्टेंबर २०२६ रोजी विशेष शिबिरांचे आयोजन करण्यात आले आहे. या अभियानांतर्गत नागरिकांना ओळखपत्रे आणि विविध शासकीय दाखले मिळवून देण्यासाठी मदत केली जाणार आहे. लातूर तालुक्यातील शामनगर-चंदनवाले, वैशाली नगर-राजगौंड, महादेव नगर-वैंदु, भोईवस्ती-भोई समाज, वडारवस्ती (खाडगाव रोड-वडार समाज) आणि मुरुड-वेदू समाज या ठिकाणी हे शिबीर पार पडणार आहे. या शिबीर नियोजनासाठी इतर मागास बहुजन कल्याण विभागाचे भागवत केंद्रे यांची समन्वयक म्हणून नियुक्ती करण्यात आली आहे. या शिबि...

लातूर येथे 'महा-उपलब्धी' ॲपबाबत ६ ऑक्टोबर रोजी निवृत्तीवेतनधारकांसाठी कार्यशाळेचे आयोजन लातूर, दि. २५ : वित्त विभागाच्या १९ जून २०२६ च्या शासन निर्णयानुसार १ जुलै २०२६ पासून निवृत्तीवेतनधारक व कुटुंब निवृत्तीवेतनधारकांसाठी "Maha-UPLABDHI" (महा-उपलब्धी) हे मोबाईल ॲप कार्यान्वित करण्यात आले आहे. या ॲपमुळे निवृत्तीवेतनविषयक सर्व सेवा जलद आणि अत्यंत पारदर्शक पद्धतीने उपलब्ध होणे शक्य झाले आहे. या मोबाईल ॲपबाबत व्यापक जनजागृती करण्यासाठी लातूर कोषागार कार्यालय यांच्या वतीने ६ ऑक्टोबर २०२६ रोजी सकाळी ११ वाजता कोरे गार्डन सभागृह, मोतीनगर, लातूर येथे विशेष कार्यशाळेचे आयोजन करण्यात आले आहे. या कार्यशाळेस वित्त विभागाचे प्रधान सचिव ऑनलाईन उपस्थित राहून उपस्थितांना थेट मार्गदर्शन करणार आहेत. तरी लातूर कोषागार कार्यालयांतर्गत निवृत्तीवेतन व कुटुंब निवृत्तीवेतन घेणाऱ्या सर्व निवृत्तीवेतनधारकांनी या कार्यशाळेला न चुकता उपस्थित राहावे, असे आवाहन लातूरचे जिल्हा कोषागार अधिकारी डॉ. उ. भा. पाटील यांनी केले आहे. ****

लातूर जिल्ह्यात रब्बी हंगामासाठी महाडीबीटी प्रणालीवर बियाणे अनुदानाकरिता अर्ज करण्याचे कृषी विभागाचे आवाहन लातूर, दि. २५ : राष्ट्रीय अन्न सुरक्षा आणि पोषण अभियान (अन्नधान्य पिके) योजने अंतर्गत रब्बी हंगाम २०२६-२७ साठी पिक प्रात्यक्षिके व प्रमाणित बियाणे वितरणाकरिता महाडीबीटी प्रणालीवर अर्ज करण्याची प्रक्रिया सुरू झाली आहे. या योजनेचा लाभ घेण्यासाठी शेतकऱ्यांनी तातडीने अर्ज करण्याचे आवाहन जिल्हा अधीक्षक कृषी अधिकारी दिलीप जाधव यांनी केले आहे. या योजनेअंतर्गत लाभार्थ्यांची निवड ‘प्रथम अर्ज करणाऱ्यास प्रथम प्राधान्य’ या तत्त्वावर केली जाणार आहे. प्रमाणित बियाणे वितरण (रब्बी ज्वारी, मका व हरभरा) या बाबीसाठी वैयक्तिक शेतकऱ्यांनी आपल्या ‘अॅिग्रिस्टॅक’ फार्मर आयडीद्वारे अर्ज करणे आवश्यक आहे. तसेच, पीक प्रात्यक्षिकांसाठी (रब्बी ज्वारी, मका व हरभरा) नोंदणीकृत शेतकरी गट, शेतकरी उत्पादक कंपन्याआणि शासकीय यंत्रणेकडे नोंदणीकृत असणाऱ्या गटांच्या प्राधिकृत सदस्यांनी आपल्या अॅतग्रिस्टॅक फार्मर आयडीचा वापर करून महाडीबीटी पोर्टलवर आजच अर्ज नोंदवावेत. योजनेंतर्गत रब्बी ज्वारी पीक प्रात्यक्षिकासाठी ७,५...

लातूर जिल्ह्यात सेवा संकल्प अभियान' महिला शेतकऱ्यांना मिळणार स्वतंत्र प्रमाणपत्र लातूर, दि. २५ : नानाजी देशमुख कृषि संजीवनी प्रकल्प टप्पा २.० अंतर्गत सन २०२६ हे वर्ष महिला शेतकरी सशक्तीकरण वर्ष म्हणून घोषित करण्यात आले असून या पार्श्वभूमीवर ‘महिला शेतकरी कायदा – २०२६ ची प्रभावी अंमलबजावणी सुरू करण्यात आली आहे. या अंतर्गत शेती करणाऱ्या महिला, महिला शेतमजूर आणि शेतीपूरक व्यवसाय करणाऱ्या महिलांना 'महिला शेतकरी' म्हणून एक नवीन आणि स्वतंत्र ओळख मिळणार असून तसे अधिकृत प्रमाणपत्र त्यांना प्रदान केले जाणार आहे. हे प्रमाणपत्र प्राप्त झाल्यानंतर ग्रामीण भागातील महिला अधिक सक्षम बनून आपल्या हक्काच्या शासकीय योजनांचा थेट लाभ सहजपणे घेऊ शकतील. या अनुषंगाने सेवा संकल्प अभियानांतर्गत ग्रामीण भागात युवक मंडळ, ग्रामपंचायत, अंगणवाडी सेविका, आशा वर्कर, शिक्षक, उमेद, माविम, महिला बचत गट, शेतकरी उत्पादक कंपन्या आणि एनजीओ यांच्या सक्रिय सहकार्यातून विविध जनजागृती उपक्रम आयोजित केले जात आहेत. यामध्ये देखावे, खेळ, सांस्कृतिक कार्यक्रम, शालेय प्रभात फेऱ्या आणि विशेष ग्रामसभांच्या माध्यमातून महिला...

बहुदिव्यांग विद्यार्थ्यांच्या चेहऱ्यावर फुलले आनंदाचे हास्य; हरंगुळ येथे जिल्हा विधी सेवा प्राधिकरणातर्फे शालेय साहित्य वाटप लातूर, दि. २५ : शिक्षणाची स्वप्ने प्रत्येक मुलाच्या डोळ्यांत असतात; मात्र काही मुलांच्या या स्वप्नांना समाजाच्या खंबीर आधाराची गरज असते. याच भावनेतून बहुदिव्यांग विद्यार्थ्यांच्या शिक्षणाला माणुसकीचा आधार देणारा एक अत्यंत संवेदनशील उपक्रम हरंगुळ (बु.) येथे पार पडला. लातूर जिल्हा विधी सेवा प्राधिकरण आणि आपले आरोग्य-आपलीच जबाबदारी फाऊंडेशन यांच्या संयुक्त विद्यमाने हरंगुळ (बु.) येथील संवेदना सेरब्रल पाल्सी विकसन केंद्र (बहुदिव्यांग मुलांची शाळा) येथील विद्यार्थ्यांना शालेय साहित्याचे वाटप करण्यात आले. हा उपक्रम जिल्हा विधी सेवा प्राधिकरणाचे सचिव व्यंकटेश गिरवलकर यांच्या हस्ते झाला. वह्या, पुस्तके आणि विविध शैक्षणिक साहित्य मिळाल्यानंतर दिव्यांग विद्यार्थ्यांच्या चेहऱ्यावर उमटलेले आनंदाचे हास्य आणि त्यांच्या डोळ्यांतील नवचमक उपस्थितांसाठी अत्यंत भावनिक क्षण ठरला. या साहित्याच्या रूपाने विद्यार्थ्यांच्या शिक्षणाच्या स्वप्नांना एक नवा आणि भक्कम आधार मिळाला आहे. या ...

लातूर जिल्ह्यातील १३ ठिकाणचे 'रोजगार महाकुंभ मेळावे' स्थगित लातूर, दि. २४ : राज्य शासनाच्या कौशल्य, रोजगार, उद्योजकता व नाविन्यता विभागाच्या माध्यमातून 'युवा शक्ती हीच राष्ट्र शक्ती' या संकल्पनेला अनुसरून २९ सप्टेंबर २०२६ रोजी लातूर जिल्ह्यात एकाच दिवशी १३ विविध ठिकाणी आयोजित करण्यात आलेले 'रोजगार महाकुंभ मेळावे' तूर्तास स्थगित करण्यात आले आहेत. औरंगाबाद (छत्रपती संभाजीनगर) पदवीधर मतदारसंघातील विधानपरिषद निवडणुकीची अधिसूचना प्राप्त झाली असून २२ सप्टेंबर २०२६ पासून आदर्श आचारसंहिता लागू झाली आहे, त्यामुळे हा निर्णय घेण्यात आला आहे. यापूर्वी जिल्ह्यातील जिल्हा कौशल्य विकास, रोजगार व उद्योजकता मार्गदर्शन केंद्र (शासकीय तंत्र प्रशाळा, लातूर), महिला बीसीए महाविद्यालय (एम.आय.डी.सी लातूर), गुरूजी खाजगी आयटीआय (वासणगाव रोड, लातूर), प्रचिती कॉम्प्युटर्स इन्स्टिट्यूट (मेन रोड, लातूर), जन शिक्षण संस्था (अंबेजोगाई रोड, लातूर), प्रथम एज्युकेशन फाउंडेशन प्रा. लि. (किल्लारी, ता. औसा), साई कॉम्प्युटर इन्स्टिट्यूट (रामनगर, औसा), शहीद श्रीधर चव्हाण शासकीय औद्योगिक प्रशिक्षण संस्...

सेवा संकल्प अभियान आणि श्री गणेश आरोग्याचा अभियानांतर्गत लातूर जिल्हा परिषदेत रक्तदान, आरोग्य तपासणी शिबिराला प्रतिसाद लातूर, दि. २४ : राज्य शासनाच्या निर्देशानुसार १७ सप्टेंबर ते १७ ऑक्टोबर २०२६ या कालावधीत राज्यात ‘सेवा संकल्प अभियान’ राबविण्यात येत आहे. या अभियानांतर्गत लातूर जिल्हा परिषदेचे मुख्य कार्यकारी अधिकारी राहुलकुमार मीना यांच्या संकल्पनेतून २४ सप्टेंबर २०२६ रोजी लातूर जिल्हा परिषद येथील यशवंतराव चव्हाण सभागृहात अधिकारी व कर्मचाऱ्यांसाठी रक्तदान, रक्तदाब व रक्तशर्करा तपासणी शिबिराचे आयोजन करण्यात आले होते. या शिबिरामध्ये जिल्हा परिषदेतील तसेच विविध विभागांतील अधिकारी व कर्मचाऱ्यांनी सहभाग नोंदवून रक्तदान केले. तसेच रक्तदाब व रक्तशर्करेची तपासणी करून घेतली. शिबिरादरम्यान अधिकारी व कर्मचाऱ्यांना आरोग्यविषयक मार्गदर्शन करण्यात आले असून त्या माध्यमातून उच्च रक्तदाब व मधुमेहाचे प्राथमिक निदान, आरोग्य तपासणी आणि वेळेवर उपचारासाठी आवश्यक मार्गदर्शन करण्यात आले, तसेच रक्तदानाचे महत्त्व आणि नियमित आरोग्य तपासणीबाबत व्यापक जनजागृती करण्यात आली. या शिबिरासाठी विलासराव देशमुख शासकीय...

लातूर, दि. २४ : पावसाअभावी खरीप पिकांचे मोठ्या प्रमाणात नुकसान झाले आहे. सहकार मंत्री बाबासाहेब पाटील यांनी अहमदपूर तालुक्यातील खंडाळी, अंधोरी आणि किनगाव परिसरातील या नुकसानीची पाहणी केली. यावेळी त्यांनी उपस्थित शेतकऱ्यांशी संवाद साधत त्यांना धीर दिला. शासन शेतकऱ्यांना सर्वोतोपरी मदत करणार असल्याचे त्यांनी यावेळी सांगितले. जिल्हा परिषदेचे समाज कल्याण सभापती उत्तमराव माने, अहमदपूर पंचायत समितीचे सभापती सुरज पाटील, उपविभागीय अधिकारी मंजुषा लटपटे, तहसीलदार उज्ज्वला पांगारकर, गट विकास अधिकारी पंकज शेळके, तालुका कृषि अधिकारी श्री. बावगे यांच्यासह संबंधित विभागाचे अधिकारी यावेळी उपस्थित होते. यावर्षी अतिशय कमी पाऊस झाल्याने पिकांचे मोठे नुकसान झाले आहे. त्यामुळे शेतकऱ्यांवर बिकट परिस्थिती ओढवली आहे. या परिस्थितीची शासनाला पूर्णतः जाणीव असून शेतकऱ्यांना आवश्यक सर्व सहकार्य करण्याची भूमिका शासनाने घेतली आहे. या संकटाच्या काळात सरकार पूर्ण ताकदीने शेतकऱ्यांच्या पाठीशी उभे राहील, असे मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री सुनेत्राताई पवार यांनी स्पष्ट केले आहे...

सेवा संकल्प अभियानांतर्गत जात पडताळणी समितीची विशेष मोहीम लातूर, दि. २३ (जिमाका) : राज्य शासनाच्या वतीने १७ सप्टेंबर ते १७ ऑक्टोबर २०२६ या कालावधीत राबविण्यात येत असलेल्या सेवा संकल्प अभियानाच्या अनुषंगाने भारतरत्न डॉ. बाबासाहेब आंबेडकर संशोधन व प्रशिक्षण संस्था (बार्टी) यांनी दिलेल्या सूचनांनुसार लातूर जिल्हा जात प्रमाणपत्र पडताळणी समितीच्या वतीने सन २०२६-२७ या शैक्षणिक वर्षात १२ वी विज्ञान शाखा व व्यावसायिक अभ्यासक्रमांमध्ये प्रवेश घेतलेल्या मागासवर्गीय विद्यार्थ्यांना जात वैधता प्रमाणपत्र मिळण्यासाठी विशेष मोहीम राबविण्यात येत आहे. या अभियानांतर्गत ज्या मागासवर्गीय विद्यार्थ्यांनी अद्याप जात पडताळणी समितीकडे ऑनलाईन अर्ज जमा केलेले नाहीत, त्यांनी आपले अर्ज तात्काळ ऑनलाईन भरून समितीकडे जमा करावेत, तसेच ज्या विद्यार्थ्यांच्या प्रकरणांमध्ये त्रुटी कळविण्यात आल्या आहेत, अशा अर्जदार व पालकांनी मूळ कागदपत्रांसह २८, २९ व ३० सप्टेंबर २०२६ आणि ०५ व ०६ ऑक्टोबर २०२६ या कालावधीत सकाळी ११ ते दुपारी २ या वेळेत कार्यालयात उपस्थित राहून त्रुटींची पूर्तता करावी. दिलेल्या वेळेत त्रुटींची पूर्तता क...

पीक परिस्थितीच्या पाहणीसाठी मुख्यमंत्री शेतकऱ्यांच्या बांधावर! पिकांचे सरसकट नुकसान; मदतही सरसकट देणार-मुख्यमंत्री देवेंद्र फडणवीस • लातूर जिल्ह्यातील जाऊ आणि खरोसा येथे पिकांची पाहणी; शेतकऱ्यांशी संवाद • शेतकऱ्यांना थेट मदत देण्यासाठी गतीने पावले उचलण्यास सुरुवात • संकटकाळात शेतकऱ्यांना एकटे सोडणार नाही; शासन पूर्ण ताकदीने पाठीशी उभे राहणार लातूर, दि. २३ (विमाका) : मराठवाड्यासह राज्यातील अनेक जिल्ह्यांत यावर्षी अतिशय कमी पाऊस पडला आहे. त्यामुळे पिकांचे मोठे नुकसान झाल्याचे दिसून येत आहे. लातूर जिल्ह्यात सर्वात कमी म्हणजेच केवळ ५० टक्के पाऊस झाला असून, येथील नदी-नाले व विहिरी कोरड्या पडल्या आहेत. पावसाअभावी पिकांचे सरसकट नुकसान झाल्याचे दिसत असून, राज्य शासनही शेतकऱ्यांना सरसकट मदत करेल. या संकटकाळात शेतकऱ्यांना एकटे न सोडता शासन पूर्ण ताकदीने त्यांच्या पाठीशी उभे राहून आवश्यक ती सर्व मदत करेल, अशी ग्वाही मुख्यमंत्री देवेंद्र फडणवीस यांनी दिली. पीक परिस्थितीच्या पाहणीसाठी मुख्यमंत्री श्री. फडणवीस यांच्या दौऱ्याला लातूर येथून सुरुवात झाली. यावेळी त्यांनी लातूर जिल्ह्यातील जाऊ आणि खरोसा...

  पिकांचे सरसकट नुकसान ; मदतही सरसकट देणार- मुख्यमंत्री देवेंद्र फडणवीस   लातूर जिल्ह्यातील जाऊ आणि खरोसा येथे पिकांची पाहणी; शेतकऱ्यांशी संवाद शेतकऱ्यांना थेट मदत देण्यासाठी गतीने पावले उचलण्यास सुरुवात संकटकाळात शेतकऱ्यांना एकटे सोडणार नाही ; शासन पूर्ण ताकदीने पाठीशी उभे राहणार   लातूर, दि. २३ (विमाका) : मराठवाड्यासह राज्यातील अनेक जिल्ह्यांत यावर्षी अतिशय कमी पाऊस पडला आहे. त्यामुळे पिकांचे मोठे नुकसान झाल्याचे दिसून येत आहे. लातूर जिल्ह्यात सर्वात कमी म्हणजेच केवळ ५० टक्के पाऊस झाला असून , येथील नदी-नाले व विहिरी कोरड्या पडल्या आहेत. पावसाअभावी पिकांचे सरसकट नुकसान झाल्याचे दिसत असून , राज्य शासनही शेतकऱ्यांना सरसकट मदत करेल. या संकटकाळात शेतकऱ्यांना एकटे न सोडता शासन पूर्ण ताकदीने त्यांच्या पाठीशी उभे राहून आवश्यक ती सर्व मदत करेल , अशी ग्वाही मुख्यमंत्री देवेंद्र फडणवीस यांनी दिली.   पीक परिस्थितीच्या पाहणीसाठी मुख्यमंत्री श्री. फडणवीस यांच्या दौऱ्याला लातूर येथून सुरुवात झाली. यावेळी त्यांनी लातूर जिल्ह्यातील जाऊ आणि खरोस...

शासन शेतकऱ्यांच्या पाठीशी खंबीरपणे उभे - मुख्यमंत्रीदेवेंद्र फडणवीस दुष्काळाच पहिली अधिसूचना लवकरच लातूर, दि. 23 (जिमाका) :   शासनाने दुष्काळाची परिस्थिती अतिशयगांभीर्याने घेतली आहे. शासन दुष्काळाची पहिली अधिसूचना लवकरच प्रसिद्ध करणार असल्याचीमाहिती मुख्यमंत्री देवेंद्र फडणवीस यांनी आज दिली. शासन शेतकऱ्यांच्या पाठीशी खंबीरपणेउभे असल्याचेही यावेळी त्यांनी सांगितले.लातूर, धाराशीव जिल्ह्यातील पीक-पाणी परिस्थितीच्या पाहणीसाठी मुख्यमंत्रीफडणवीस यांचे आज (ता.23) सकाळी लातूर विमानतळावर आगमन झाले, यावेळी त्यांनी माध्यमांशीसंवाद साधला. दुष्काळाच्या संबंधाने करावयाच्या आवश्यक त्या उपयोजनांबाबत शासनस्तरावरयोग्य कार्यवाही सुरू आहे. तसेच दुष्काळासंदर्भातील अहवाल शासनास प्राप्त झालेले आहेत.सध्याची परिस्थिती अतिशय गंभीर आहे. शेतकऱ्यांना आवश्यक ती मदत शासन करत आहे. सोबतचपुण्यश्लोक अहिल्यादेवी होळकर शेतकरी कर्जमुक्ती योजनेचा लाभही देण्यात येत आहे. यासाठीआवश्यक तेवढा ‍निधी उपलब्ध करून देण्यात येणार असल्याचेही मुख्यमंत्री फडणवीस म्हणाले.दुष्काळी परिस्थितीत आवश्यक असणारे पाणी, जनावरांचा चारा आदी बाबीं...

मुख्यमंत्री देवेंद्र फडणवीस यांचे लातूर विमानतळावर आगमन लातूर, दि.23 (विमाका) : मुख्यमंत्री देवेंद्र फडणवीस यांचे लातूर येथील विमानतळावर आगमन झाले. लातूर, धाराशिव जिल्ह्यातील पीक परिस्थितीची आज ते पाहणी करणार आहेत. मुख्यमंत्री श्री. फडणवीस यांच्या समवेत सार्वजनिक बांधकाम मंत्री तथा लातूर जिल्ह्याचे पालकमंत्री शिवेंद्रसिंहराजे भोसले, परिवहन मंत्री तथा धाराशिव जिल्ह्याचे पालकमंत्री प्रताप सरनाईक यांचे आगमन झाले. याप्रसंगी सहकार मंत्री बाबासाहेब पाटील, खासदार ओमप्रकाश राजेनिंबाळकर, आमदार बसवराज पाटील, आमदार संभाजी पाटील निलंगेकर, आमदार संजय बनसोडे, आमदार अभिमन्यू पवार, लातूरच्या महापौर जयश्री सोनकांबळे उपस्थित होते. यावेळी मुख्यमंत्री फडणवीस यांनी लोकप्रतिनिधी आणि स्थानिक नागरिकांचे निवेदने स्वीकारली.

पालकमंत्री शिवेंद्रसिंहराजे भोसले यांचा लातूर जिल्हा दौरा कार्यक्रम लातूर, दि. २२ : राज्याचे सार्वजनिक बांधकाम मंत्री तथा लातूर जिल्ह्याचे पालकमंत्री शिवेंद्रसिंहराजे भोसले हे बुधवार, २३ सप्टेंबर २०२६ रोजी लातूर जिल्हा दौऱ्यावर येत आहेत. त्यांचा दौरा कार्यक्रम पुढीलप्रमाणे आहे. पालकमंत्री श्री. भोसले यांचे सकाळी ९.५० वाजता लातूर विमानतळ येथे आगमन होईल. सकाळी १०.५५ वाजता ते निलंगा तालुक्यातील जाऊ येथे पीक-पाणी परिस्थितीची पाहणी करतील. तसेच, सकाळी ११.३५ वाजता औसा तालुक्यातील खरोसा येथे पीक-पाणी परिस्थितीची पाहणी करतील. **

मुख्यमंत्री देवेंद्र फडणवीस यांचा लातूर जिल्हा दौरा कार्यक्रम लातूर, दि. २२ : मुख्यमंत्री देवेंद्र फडणवीस हे बुधवार, २३ सप्टेंबर २०२६ रोजी लातूर जिल्हा दौऱ्यावर येत आहेत. त्यांचा दौरा कार्यक्रम पुढीलप्रमाणे आहे. मुख्यमंत्री श्री. फडणवीस यांचे सकाळी ९.५० वाजता लातूर विमानतळ येथे आगमन होईल. सकाळी १०.५५ वाजता ते निलंगा तालुक्यातील जाऊ येथे पीक-पाणी परिस्थितीची पाहणी करतील. तसेच, सकाळी ११.३५ वाजता औसा तालुक्यातील खरोसा येथे पीक-पाणी परिस्थितीची पाहणी करतील. त्यानंतर धाराशिव जिल्ह्याकडे प्रयाण करतील. **

दिवाळी २०२६ निमित्त लातूर जिल्ह्यात तात्पुरत्या फटाका विक्री परवान्यासाठी २८ सप्टेंबरपर्यंत अर्ज करण्याचे आवाहन लातूर, दि. २१ : दिवाळी २०२६ सणानिमित्त जिल्ह्यात तात्पुरत्या स्वरूपात फटाका विक्री दुकाने सुरू करण्यासाठी परवान्याकरिता २८ सप्टेंबर २०२६ पर्यंत अर्ज सादर करण्याचे आवाहन जिल्हाधिकारी कार्यालयामार्फत करण्यात आले आहे. ‘एक्सप्लोसिव्ह रूल्स २००८’ मधील नियम ८४ नुसार सुरक्षा अटींच्या अधीन राहून तात्पुरता परवाना देण्याचे अधिकार जिल्हादंडाधिकारी यांना असून यानुसार अर्जांची छाननी, स्थळ पाहणी आणि विविध परवानग्यांची कार्यवाही पूर्ण केली जाणार आहे. अर्जदारांनी २८ सप्टेंबर २०२६ पर्यंत सेतू सुविधामधून प्राप्त विहित नमुन्यातील अर्ज, आधार कार्ड अथवा विजेचे बिल यांसारखा रहिवास पुरावा, स्थानिक स्वराज्य संस्थेचा नाहरकत दाखला, जागेच्या मालकीचा पुरावा किंवा भाडेपट्टा, तसेच जागा भाडेतत्त्वावर असल्यास जागामालकाचे संमतीपत्र, प्रस्तावित दुकानाच्या जागेचा नकाशा व लेआउट प्लॅन या आवश्यक कागदपत्रांसह अर्ज सादर करावयाचे आहेत. त्यानंतर १८ ऑक्टोबर २०२६ पर्यंत तहसीलदार व पोलीस विभागाकडून प्रत्यक्ष स्थळ ...

  लातूर प्रतिनिधी : महाराष्ट्राची वैभवशाली सांस्कृतिक अस्मिता असलेल्या गणेशोत्सवाला राज्य शासनाने ‘ राज्य महोत्सव ’ म्हणून दर्जा दिला आहे. महाराष्ट्राच्या या गौरवशाली परंपरेला जागतिक स्तरावर नेणे तसेच महाराष्ट्रातील गणेशोत्सवाला युनेस्कोचा वारसा दर्जा व यासंदर्भातील अन्य जागतिक मानांकने प्राप्त करून देण्यासाठी राज्य शासनामार्फत व्यापक मोहीम हाती घेण्यात आली आहे. गणेशोत्सव हा महाराष्ट्राचे केवळ सांस्कृतिक वैभव नसून तो अध्यात्मिक , धार्मिक , सामाजिक तसेच उद्यमशीलतेला चालना देणारी व्यापक लोकचळवळ आहे. महाराष्ट्रातील गणेशोत्सवाचे जागतिक संस्थांसाठी दस्तऐवजीकरण करणे व या उत्सवाशी संबंधित परंपरा , कला , चालीरीती व सांस्कृतिक वारशाचे जतन करण्यासाठी सांस्कृतिक कार्य विभागामार्फत विशेष मोहीम राबविण्यात येत आहे. शहरांमधील गणेशोत्सवाशी संबंधित घरगुती व सार्वजनिक परंपरा , गणेशमूर्ती स्थापना , सजावट , हस्तकला , चालीरीती , कला सादरीकरण , खाद्यपरंपरा , आठवणी , छायाचित्रे व व्हिडिओ नागरिकांना WhatsApp च्या माध्यमातून नोंदविता व अपलोड करता येणार आहेत. जनतेच्या सहभागातून तयार होणारा हा महाराष्ट्राच्...

महिला शेतकरी प्रमाणपत्रासाठी अर्ज करण्याचे आवाहन लातूर, दि. २१ : महाराष्ट्र महिला शेतकरी सक्षमीकरण अधिनियम, २०२६ अंतर्गत महिला शेतकरी प्रमाणपत्रासाठीच्या ऑनलाइन पोर्टलचा शुभारंभ राज्याचे कृषीमंत्री दत्तात्रय भरणे यांचे हस्ते करण्यात आला आहे. शेतीच्या प्रत्येक टप्प्यावर महिला शेतकऱ्यांचे योगदान अत्यंत मोलाचे आहे. त्यांच्या या योगदानाला अधिकृत ओळख मिळावी आणि शासनाच्या विविध योजनांचा लाभ त्यांना अधिक सुलभतेने मिळावा, यासाठी महिला शेतकरी प्रमाणपत्र हा महत्त्वपूर्ण उपक्रम आहे. या माध्यमातून राज्यातील पात्र महिला शेतकऱ्यांना अधिकृत ओळख मिळणार असून, कृषी योजना, कृषी कर्ज, विमा, कृषी निविष्ठा, विस्तार सेवा तसेच विविध शासकीय कल्याणकारी योजनांचा लाभ अधिक सुलभतेने मिळण्यास मदत होणार आहे. विशेष म्हणजे, महिला शेतकरी म्हणून मान्यता देताना केवळ जमिनीची मालकी हा निकष न ठेवता शेतीतील प्रत्यक्ष सहभागाला महत्त्व देण्यात आले आहे. पिकांची लागवड, बीजोत्पादन, पशुसंवर्धन, दुग्ध व्यवसाय, कुक्कुटपालन, मत्स्यव्यवसाय, मधुमक्षिकापालन, फलोत्पादन, पुष्पोत्पादन यांसह विविध शेती व शेतीपूरक कामांमध्ये सहभागी महिलांचा...

'महाविस्तार एआय' ॲपमुळे कृषी विषयक माहिती आता एका क्लिकवर - सूर्यकांत लोखंडे ▪बोरफळ येथे माहिती व जनसंपर्क विभागाचा 'लोकसंवाद' उपक्रम लातूर, दि. २१ : राज्याच्या कृषि विभागाने कृत्रिम बुद्धिमत्तेवर आधारित 'महाविस्तार एआय' ॲप विकसित केले आहे. या ॲपमुळे शेतकर्यांना शेतीविषयी अचूक माहिती आणि मदत एकाच क्लिकवर मिळणार असल्याचे कृषि विभागाचे सूर्यकांत लोखंडे यांनी सांगितले. गणेशोत्सवानिमित्त माहिती व जनसंपर्क विभागाच्या जिल्हा माहिती कार्यालयामार्फत औसा तालुक्यातील बोरफळ येथील चौकातला राजा गणेश मंडळाच्या सहकार्याने लोकसंवाद २०२६ कार्यक्रमाचे आयोजन करण्यात आले होते. मुख्यमंत्री वैद्यकीय सहायता कक्षाचे डॉ. ऋषिकेश खारोळकर, कौशल्य विकास अधिकारी गिरीश महामुनी, प्रभारी जिल्हा माहिती अधिकारी तानाजी घोलप, विभागीय माहिती कार्यालयातील सहायक अधीक्षक अशोक माळगे यांची यावेळी प्रमुख उपस्थिती होती. पीक वाढीच्या टप्प्यानुसार पीक सल्ला, पीक प्रमाणित कार्यपद्धती, हवामानाचा अचूक अंदाज, खत मात्रा गणक, कीड - रोग ओळख व यावर उपाय, पिकांचे बाजारभाव, यशस्वी शेतकऱ्यांच्या यशोगाथा, गोदाम उपलब्...

माहिती व जनसंपर्क विभागामार्फत राज्यभरात राबविण्यात येत असलेल्या 'लोकसंवाद२०२६' या उपक्रमांतर्गत #लातूर तालुक्यातील #मुरुड येथील महाराज गणेश मंडळ येथे नागरिकांना आरोग्य विभागाच्या सेवा, उद्योग क्षेत्रातील संधी आणि खादी ग्रामोद्योग महामंडळाच्या विविध योजनांची सविस्तर माहिती देण्यात आली. यावेळी मार्गदर्शन करताना जिल्हा खादी ग्रामोद्योग अधिकारी चिंतामणी गुट्टे यांनी खादी ग्रामोद्योग व उद्योग विभागांतर्गत मिळणाऱ्या रोजगाराच्या संधी आणि सवलतींची माहिती दिली. तसेच, मुरुड ग्रामीण रुग्णालयाचे डॉ. ठोंबरे, आरोग्य मित्र धनंजय नवगिरे आणि गोविंद सुरवसे यांनी महात्मा ज्योतिराव फुले जनआरोग्य योजना आणि आयुष्मान भारत प्रधानमंत्री जनआरोग्य योजनेबाबत सविस्तर मार्गदर्शन केले. ​#गणेशोत्सव  ​#लोकसंवाद२०२६

 *माहिती व जनसंपर्क विभागाचा अभिनव उपक्रम* लातूर, दि. १७ : महाराष्ट्राच्या सार्वजनिक जीवनातील लोकसहभागाचा महत्त्वाचा उत्सव असलेल्या गणेशोत्सवाच्या माध्यमातून शासनाच्या विविध योजना, उपक्रम आणि धोरणात्मक निर्णयांची माहिती जनतेपर्यंत थेट पोहोचविण्यासाठी माहिती व जनसंपर्क विभागाच्यावतीने राज्यभर ‘लोकसंवाद-२०२६’ हा विशेष जनजागृती उपक्रम राबविण्यात येत आहे. लातूर जिल्ह्यात निलंगा तालुक्यातील आनंदवाडी (गौर) येथून या उपक्रमाला प्रारंभ झाला. या उपक्रमात कृषि विभाग, जिल्हा खादी ग्रामोद्योग विभागाच्या योजनांची माहिती देण्यात आली. यावेळी जिल्हा खादी ग्रामोद्योग अधिकारी चिंतामणी गुट्टे, उपकृषी अधिकारी सुनील घारोळे, प्रभारी जिल्हा माहिती अधिकारी तानाजी घोलप, आनंदवाडी (गौर) येथील संयुक्त गणेश मंडळाचे अध्यक्ष गणेश संजय चामे, उपाध्यक्ष ग्यानदेव गोपाळ चामे, सचिव रमण ज्ञानोबा चामे यांच्यासह ग्रामस्थ उपस्थित होते. ग्रामीण भागातील युवक-युवतींना स्वतःचा उद्योग, व्यवसाय सुरू करण्यासाठी मुख्यमंत्री रोजगार निर्मिती कार्यक्रम अंतर्गत अर्थसहाय्य देत आहे. यामाध्यमातून मळणी यंत्रे, तेल घाणे यासारख्या शेतीशी नि...

भारतरत्न डॉ. बाबासाहेब आंबेडकर स्वाधार योजनेच्या ऑनलाईन अर्ज नूतनीकरणासाठी ३० सप्टेंबर अंतिम मुदत · पात्र विद्यार्थ्यांनी महा-आयटी पोर्टलवर अर्ज सादर करावेत लातूर, दि. १६: अनुसूचित जाती व नवबौध्द समाजातील विद्यार्थ्यांसाठी राबविण्यात येणाऱ्या भारतरत्न डॉ. बाबासाहेब आंबेडकर स्वाधार योजनेच्या सन २०२६-२७ या शैक्षणिक वर्षातील अर्जांच्या नूतनीकरणासाठी ३० सप्टेंबर २०२६ ही अंतिम मुदत देण्यात आली आहे. पात्र विद्यार्थ्यांनी या मुदतीत आपले ऑनलाईन अर्ज महाआयटी पोर्टलवर सादर करावेत, असे आवाहन लातूर येथील समाज कल्याणचे सहाय्यक आयुक्त यादव गायकवाड यांनी केले आहे. सामाजिक न्याय व विशेष सहाय्य विभागाच्या २६ डिसेंबर २०२४ च्या शासन निर्णयानुसार या योजनेत सुधारणा करण्यात आल्या आहेत. सन २०१७ पासून सुरू असलेल्या या योजनेच्या सुधारित मार्गदर्शक सूचना आणि अटी-शर्ती शासनाच्या स्तरावरून निश्चित करण्यात आल्या असून, सदर शासन निर्णय शासनाच्या www.maharashtra.gov.in या अधिकृत संकेतस्थळावर माहितीसाठी उपलब्ध आहे. शासकीय निर्णयातील सर्व अटी व शर्तींच्या अनुषंगाने, ज्या पात्र विद्यार्थ्यांनी सन २०२५-२६ मध...

लातूर येथील मेस्को क्षेत्रीय कार्यालय लिपीक पदासाठी भरती लातूर दि. १६ (जिमाका): जिल्ह्यातील माजी सैनिक यांनी  लातूर मेस्को क्षेत्रीय कार्यालय येथे एका माजी सैनिक लिपीक पदावर तात्पुरत्या स्वरूपात एकत्रित मानधनावर नियुक्ती करण्यात येणार आहे. या पदासाठी उमेदवार हा माजी सैनिक असावा. माजी सैनिक लिपिकास प्राधान्य). उम्मेदवारांचे  वय हे माजी सैनिकासाठी ५८ वर्षापेक्षा कमी असावे. उमेदवारांची शैक्षणिक पात्रता इयत्ता बारावी आणि संगणकीय ज्ञान एमएससीआयटी (MSCIT) उत्तीर्ण असावे. तसेच मराठी व इंग्रजी टंकलेखन व मराठी व इंग्रजी भाषेचे ज्ञान (लिहिणे व वाचणे) असणे गरजेचे आहे. उमेदवार हा महाराष्ट्राचा रहिवासी असावा व शारीरिकदृष्ट्या सक्षम उम्मेदवारांची मेस्कोच्या नियमाप्रमाणे व मेस्कोच्या गरजेनुसार कार्य करण्याची तयारी असावी.    तरी या पदासाठी पात्र व इच्छूक माजी सैनिकांनी आपला अर्ज व सर्व मुळ कागदपत्रासह सोमवार, २१ सप्टेंबर,२०२६ रोजी लातूर जिल्हा सैनिक कल्याण कार्यालय येथे कागद पत्र जमा करुन नाव नोंदणी करावी , असे लातूर येथील जिल्हा सैनिक कल्याण अधिकारी ले. कर्नल शरद पांढरे (नि.) यांनी आवाहन केले आहे. ...

सावित्रीबाई फुले आधार योजना व पंडीत दीनदयाल उपाध्याय स्वंयमयोजनेसाठी ३० सप्टेंबरपर्यंत ऑनलाईन अर्ज करावेत  लातूर, दि. १६  : राज्य शासनाच्या इतर मागास बहुजन कल्याण विभागामार्फत इतर मागास वर्ग, विमुक्त जाती व भटक्या जमाती (भटक्या जाती क वगळून) आणि विशेष मागास प्रवर्गातील उच्च शिक्षण घेणाऱ्या वसतिगृहात प्रवेश न मिळालेल्या विद्यार्थ्यांसाठी शासनाने सन २०२६-२७ साठी सावित्रीबाई फुले आधार योजना व पंडीत दीनदयाल उपाध्याय स्वयंम योजना सरू केलेली आहे. प्रति जिल्हा ६०० विद्यार्थ्यांना या योजनेचा लाभ देण्यात येणार आहे.महसुली विभाग शहरातील व उर्वरित क वर्ग महानगरपालिका क्षेत्रामध्ये उच्च शिक्षण घेणाऱ्या विद्यार्थ्यांसाठी  भोजन, निवास व निर्वाह भत्ता ४३ हजार रुपये, जिल्ह्याच्या ठिकाणी उच्च शिक्षण घेणाऱ्या विद्यार्थ्यांसाठी भोजन, निवास व निर्वाह भत्ता ३८ हजार रुपये व तालुक्याच्या ठिकाणी उच्च शिक्षण घेणाऱ्या विद्यार्थ्यांसाठी भोजन, निवास व निर्वाह भत्ता विद्यार्थ्यांच्या आधार क्रमांक सलग्न असलेल्या बँक खात्यात थेट जमा करण्यात येणार आहे.या योजनेतर्गत अर्ज करण्याकरीता विद्यार्थी वसतिगृह प्रवेशास पात्र अ...

इतर मागास वर्ग, विमुक्त जाती व भटक्या जमाती,विशेष मागास प्रवर्गातील उच्च विद्यार्थ्यांसाठी वसतिगृह सुविधा •       वसतिगृह प्रवेशासाठी ऑनलाईन अर्ज करण्यास ३० सप्टेंबरपर्यंत मुदतवाढ  लातूर, दि. १६  : राज्य शासनाच्या इतर मागास बहुजन कल्याण विभागामार्फत इतर मागास वर्ग, विमुक्त जाती व भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी लातूर येथे १०० विद्यार्थी क्षमतेचे मुलींचे व मुलांचे १०० विद्यार्थी क्षमतेचे प्रत्येकी एक वसतिगृह सुरू करण्यात आले आहे. या वसतिगृहात विद्यार्थ्यांची भोजन, निवास, शैक्षणिक साहित्य याची निःशुल्क व्यवस्था करण्यात येते. सन २०२६-२७ साठी रिक्त असलेल्या जागेवर वसतिगृह प्रवेशासाठी https://hmasnew.mahait.org  या संकेतस्थळावर ऑनलाईन पध्दतीने अर्ज करण्यास ३० सप्टेंबर, २०२६ पर्यंत मुदतवाढ देण्यात आली आहे.वसतिगृहात प्रवेशासाठी विद्यार्थी महाराष्ट्राचा रहिवाशी असावा. सक्षम प्राधिकारी यांनी दिलेले जातीचे प्रमाणपत्र,  तसेच जात वैधता प्रमाणपत्र असणे आवश्यक आहे. विद्यार्थ्यांच्या पालकाचे उत्पन्न २ लाख ५० हजार रुपयापेक्षा जास्त नसावे. विद्यार्थ्यांन...