गिग वर्कर,प्लॅटफॉर्म वर्कर व ॲग्रिगेटर यांनी ई-श्रम पोर्टलवर नोंदणी करावी --- जिल्हाधिकारी वर्षा ठाकूर-घुगे

 

गिग वर्कर,प्लॅटफॉर्म वर्कर व ॲग्रिगेटर यांनी ई-श्रम पोर्टलवर नोंदणी करावी

--- जिल्हाधिकारी वर्षा ठाकूर-घुगे    

लातूर, दि. 27 (जिमाका):  ई-श्रम पोर्टलवर केंद्र शासनाने गिग वर्कर,प्लॅटफॉर्म वर्कर ॲग्रिगेटर यांची नोंदणी करण्यास सुरुवात केलेली आहे. साधारणत: ‍गिग व प्लॅटफॉर्म वर्कर म्हणजे शेरिंग वाहन कामगार,अन्न व किराणा पुरवठा करणारे कामगार, लॉजिस्टीक सेवा देणारे कामगार, इ मार्केटमध्ये ऑनलाईन काम करणारे कामगार प्रोफेशनल सर्विस देणारे कामगार, हेल्थ केअर सेवा देणारे कामगार, ट्रॅव्हल व आदरातिथ्य करणारे,कामगार मिडिया सर्विसेस ई.सर्व प्लॅटफॉर्म गिग वर्करच्या व्याख्येत येतात.

अमॅझोन, फलीपकार्ट, मिंत्रा,स्नॅपडिल,अजिओ,मिशो,स्विगी,झोमॅटो अशा वेगवेगळया ऑनलाईन प्लॅटफॉर्म वर काम करणारे कामगार हे सर्व ई-श्रम eshram.gov.in वर नोंदणी करु शकतील.  केंद्र सरकारकडे त्यांचा डेटा तयार होईल, म्हणून 1 एप्रिल, 2025 पासून सर्व गिग कामागारांनी ई-श्रमपोर्टलवर नोंदणी करावी. तसेच डिजिटल मध्यस्थी म्हणून काम करणारे सर्व सेवा पुरवठादार यांची ॲग्रिगेटर म्हणून नोंदित होणे आवश्यक आहे. तरी सर्व ॲग्रिगेटर यांनी 31 मार्च, 2025 रोजी पर्यंत register.eshram .gov.in /#/user/platform-worker-registration या साईटवर नोंदणी करावी, असे आवाहन जिल्हाधिकारी वर्षा ठाकूर-घुगे यांनी केले आहे.

****