जागतिक ज्येष्ठ नागरिक दिनानिमित्त लातूर येथे 1 ऑक्टोबर रोजी आरोग्य तपासणी शिबीर

जागतिक ज्येष्ठ नागरिक दिनानिमित्त लातूर येथे 1 ऑक्टोबर रोजी आरोग्य तपासणी शिबीर लातूर, दि. 30 : जागतिक ज्येष्ठ नागरिक दिनाचे औचित्य साधून 1 ऑक्टोबर 2025 रोजी सकाळी 6:30 ते 8:30 या वेळेत लातूर येथील जिल्हा क्रीडा संकुलात सहाय्यक आयुक्त समाज कल्याण कार्यालय आणि लातूर जिल्हा ज्येष्ठ नागरिक संघ यांच्या संयुक्त विद्यमाने आरोग्य तपासणी शिबिराचे आयोजन करण्यात आले आहे. या शिबिराला समाज कल्याणचे प्रादेशिक उपायुक्त अविनाश देवसटवार, महाराष्ट्र राज्य ज्येष्ठ नागरिक कार्यकारी समितीचे शासकीय सदस्य बी. आर. पाटील, जिल्हा ज्येष्ठ नागरिक संघाचे अध्यक्ष आर. बी. जोशी, सचिव प्रकाश घादगिने यांच्यासह विविध पदाधिकारी उपस्थित राहणार आहेत. लातूर जिल्ह्यातील सर्व ज्येष्ठ नागरिकांनी या शिबिराला उपस्थित राहावे, असे आवाहन समाज कल्याणचे सहाय्यक आयुक्त यादव गायकवाड आणि महाराष्ट्र ज्येष्ठ नागरिक संघ लातूर शाखा यांनी केले आहे.