जुन्या वाहनांवर 30 एप्रिलपूर्वी एचएसआरपी नंबर प्लेट बसविण्याचे आवाहन

 जुन्या वाहनांवर 30 एप्रिलपूर्वी

एचएसआरपी नंबर प्लेट बसविण्याचे आवाहन

लातूर,दि.11,(जिमाका):-  वाहनांच्या नंबर प्लेटमध्ये छेडछाड व बनावटगिरी करुन होणारे गुनहे कमी करणे, रस्तयावर धावणाऱ्या वाहनांची ओळख पटविणे व तसेच राष्ट्रीय सुरक्षेच्या दृष्टिकोनातून सर्व वाहनांना एच.एस.आर.पी. बसविणे अत्यावश्यक असून याबाबत सर्वोच्च न्यायालयाने निर्देशही दिले आहेत. या निर्देशांची अंमलबजावणी व नागरिकांच्या सुरक्षिततेच्या दृष्टिकोनातून वाहनांना एच.एस.आर.पी. बसविण्याचे महत्व लक्षात घेवून महाराष्ट्र शासनाने 9 एप्रिल, 2019 पूर्वी उत्पादित झालेल्या सर्व जुन्या नोंदणीकृत वाहनांना एच.एस.आर.पी. बसविण्याचा निर्णय घेतला आहे.

लातूर जिल्ह्यातील 1 एप्रिल, 2019 पूर्वी उत्पादित झालेलया सर्व जुन्या नोंदणीकृत वाहनांना एच.एस.आर.पी. फिटमेंट सेंटर येथून एच.एस.आर.पी. नंबर प्लेट बसविण्याची कार्यवाही सुरु आहे. परिवहन विभागाच्या https://transport.maharashtra.gov.in/ZoneWise WebsiteRedirect. html या संकेतस्थळाचा वापर करून लातूर जिल्हयातील अधिकृत फिटमेंट सेंटरवर एच.एस.आर.पी. नंबर बसविण्यासाठी बुकींगची सुविधा उपलब्ध करुन दिली आहे. एच.एस.आर.पी.  नंबर प्लेट बसविण्याची अंतिम मुदत 30 एप्रिल, 2025 रोजी पर्यंत आहे.

लातूर जिल्ह्यातील सर्व वाहनधारकांना आवाहन करण्यात येते की, वाहनधारकांची फसवणूक टाळण्यासाठी परिवहन विभागाच्या संकेतस्थळावरील अधिकृत लिंकचा वापर करुन एचएसआरपी नंबर प्लेट बसविण्यासाठी बुकींग करावी. एच.एस.आर.पी. बसविण्याची कार्यवाही लवकरात लवकर करावी, असे आवाहन प्रादेशिक परिवहन अधिकारी विजय चव्हाण यांनी केले आहे.

****