ईआर-1 विवरणपत्र सादर करण्याचे आवाहन
ईआर-1 विवरणपत्र सादर करण्याचे आवाहन
लातूर, दि. 09 (जिमाका) : सेवायोजन कार्यालये (रिक्तपदे अधिसुचित करण्याची सक्ती करणारा) कायदा -1959 अन्वये कलम -5 मधील तरतुदीनुसार शासकीय, निमशासकीय, खाजगी आस्थापनेत काम करीत असलेल्या कर्मचाऱ्यांच्या सांख्यिकी माहितीचे तिमाही विवरणपत्र ईआर-1 प्रत्येक तिमाही संपताच पुढील 30 दिवसाच्या आत सादर करणे संबंधित आस्थापनेस बंधनकारक आहे. त्यासाठी कौशल्य, रोजगार, उद्योजकता व नाविण्यता विभागाने विकसित केलेल्या संकेतस्थळ www.rojgar.mahaswayam.gov.in या संकेतस्थळावर (वेबसाईट) ऑनलाईन पध्दतीने दिनांक 30 जुलै, 2024 पर्यंत भरणे आवश्यक आहे.
उद्योजक, आस्थापना यांना ऑनलाईद्वारे विवरणपत्र भरताना काही तांत्रिक अडचण येत असतील, तर त्यांनी 02382-299462 या दूरध्वनी क्रमांकावर संपर्क साधावा, असे आवाहन सहाय्यक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, लातूर यांच्यावतीने करण्यात आले आहे.
Comments
Post a Comment