विनाअनुदानित क्रीडा प्रकारांच्या जिल्हास्तरीय क्रीडा स्पर्धांच्या आयोजनासाठी 19 जुलै रोजी बैठकीचे आयोजन

 विनाअनुदानित क्रीडा प्रकारांच्या जिल्हास्तरीय

क्रीडा स्पर्धांच्या आयोजनासाठी 19 जुलै रोजी बैठकीचे आयोजन

लातूर, दि. 11 (जिमाका) : क्रीडा व युवक सेवा संचालनालयाने सन 2024-2025 या वर्षात 44  विनाअनुदानित खेळ प्रकारांना मान्यता दिली आहे. या खेळांच्या जिल्हास्तर स्पर्धांचे आयोजन त्या-त्या खेळांच्या अधिकृत जिल्हा संघटनांची तांत्रिक आणि आर्थिक मदत घेवून करायचे आहे. यासाठी जिल्हास्तर शालेय स्पर्धांच्या आयोजनाची चर्चा करण्यासाठी 19 जुलै, 2024 रोजी सकाळी 11 वाजता लातूर जिल्हा क्रीडा संकुल येथे बैठक आयोजित करण्यात आली आहे. या बैठकीसाठी संबंधित खेळ संघटनेच्या लातूर जिल्ह्याच्या अध्यक्ष, सचिव यांनी कागदपत्रासह उपस्थित राहण्याचे आवाहन जिल्हा क्रीडा अधिकारी यांनी केले आहे.

आपल्या खेळाच्या अधिकृत राज्य संघटनेची आपल्या जिल्हा संघटनेला मान्यता असल्याच्या पत्राची प्रत, आपल्या जिल्हा संघटनेची धर्मादाय आयुक्ताकडे नोंदणी केलल्या प्रमाणपत्राची प्रत, जिल्हा संघटनेच्या कार्यकारणीची यादी त्यांच्या पत्ता आणि संपर्क क्रमांकासह, खेळाबाबतची माहिती (उदा. खेळ, सांघिक आहे की, वैयक्तिक, खळाडू संख्या, वजनगट, खेळाची नियमावली), आपली संघटना जिल्हा स्पर्धेचे आयोजन स्वबळावर (तांत्रिक आणि आर्थिक ) करण्यास तयार असल्याचे हमीपत्र सोबत आणावे.

मान्यता मिळालेल्या खेळांमध्ये अष्टे डू आखाडा, युनिफाईट, कुडो, स्पीडबॉल, टें सू डो, फिल्ड आर्चरी, मॉन्टेक्स बॉल क्रिकेट, मिनिगोल्फ, सुपर सेवन क्रिकेट, बेल्ट रेसलिंग, फ्लोअरबॉल, थाबॉक्सिंग, हाफ किडोबॉक्सिंग, रोप स्कीपिंग, सिलंबम, वूडबॉल, टेनिस व्हॉलीबॉल, थांगता मार्शल आर्ट्स, कुराश, लगोरी, रस्सीखेच, पॉवरलिफिटींग, बीच व्हॉलिबॉल, टार्गेट्बॉल, टेनिस क्रिकेट, जि कुने दो, फुटसॉल, कॉर्फबॉल, टेबल सॉकर, हुपकॉन दोन, फुटसाल, कॉर्फबॉल, टेबल सॉकर, हुपकॉन दो, युग मूग डो, वोविनाम, ड्रॉप रो बॉल, ग्रॅपलिंग, पेटाक्यु, लंगडी, जम्परोप, स्पोट्स डान्स, चॉकबॉल, कुडो, म्युजिकल चेअर, टेनिस बॉल क्रिकेट, चायक्वांदो, फटबॉल टेनिस आदी खेळांचा समावेश आहे. अधिक माहितीसाठी जिल्हा क्रीडा अधिकारी कार्यालय, लातूर यांच्याशी संपर्क साधावा, असे आवाहन जिल्हा क्रिडा अधिकारी लातूर यांनी केलेले आहे.

****

Comments

Post a Comment

Popular posts from this blog

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन लातूर, दि. १६ : मत्स्यव्यवसाय विभागांतर्गत राबविण्यात येणाऱ्या विविध योजनांच्या लाभासाठी जिल्ह्यातील मत्स्यव्यवसायाशी संबंधित व्यक्ती व संस्थांनी 'राष्ट्रीय मत्स्यव्यवसाय डिजिटल प्लॅटफॉर्म' (एनएफडीपी) पोर्टलवर आपली नोंदणी करावी, असे आवाहन मत्स्यव्यवसाय विभागाच्या सहायक आयुक्त श्रीमती तेजस्विनी सिंधू प्रदीप करळे यांनी केले आहे. जिल्ह्यातील सर्व वैयक्तिक मच्छिमार, मत्स्यसंवर्धक, मत्स्य विक्रेते, मच्छिमार सहकारी संस्थांचे सभासद आणि मत्स्यउत्पादन शेतकरी संघ यांना विभागाच्या कोणत्याही योजनेचा लाभ घेण्यासाठी या पोर्टलवर नोंदणी असणे अनिवार्य आहे. ही नोंदणी https://nfdp.dpf.gov.in किंवा https://pmmkssy.dof.gov.in या लिंकवर स्वतः किंवा जवळच्या 'सीएससी' केंद्रात जाऊन विनामूल्य करता येईल. नोंदणीसाठी ओळखपत्र आणि बँक पासबुक सोबत असणे आवश्यक आहे. यासोबतच, ई-श्रम कार्डसाठीची नोंदणी https://eshram.gov.in या लिंकवर करावी. तसेच अपघात गट विमा नोंदणीबाबतची ३३ कॉलमची माहिती आणि 'केसीसी' संदर्भातील कागद...
Read more

सहकारी संस्थांच्या लेखापरिक्षकांसाठी नामतालिका तयार करण्याची प्रक्रिया सुरू; ६ एप्रिलपासून ऑनलाईन अर्जांचे आवाहन

सहकारी संस्थांच्या लेखापरिक्षकांसाठी नामतालिका तयार करण्याची प्रक्रिया सुरू; ६ एप्रिलपासून ऑनलाईन अर्जांचे आवाहन लातूर, दि. २ (जिमाका): महाराष्ट्र सहकारी संस्था अधिनियम १९६० चे कलम ८१(१) (ब) आणि महाराष्ट्र सहकारी संस्था नियम १९६१ चे नियम ६९ (१) (फ) मधील तरतुदीनुसार, सहकारी संस्थांच्या लेखापरिक्षणासाठी सन २०२६-२०२८ या कालावधीची राज्यस्तरीय लेखापरिक्षकांची नवीन नामतालिका तयार करण्यात येणार आहे. या प्रक्रियेसाठी इच्छुक उमेदवारांकडून ६ एप्रिल ते २० एप्रिल २०२६ या कालावधीत ऑनलाईन पद्धतीने अर्ज मागविण्यात येत आहेत. पात्र लेखापरिक्षकांनी https://mahasahakar.maharashtra.gov.in/en/ या संकेतस्थळावर जाऊन विहित मुदतीत आपले अर्ज सादर करावेत. ऑनलाईन अर्जासंदर्भातील सविस्तर परिपत्रकीय सूचना सहकार विभाग, सहकार आयुक्त व निबंधक यांच्या संकेतस्थळावर उपलब्ध करून देण्यात आल्या आहेत. तसेच, या सूचनांची प्रत सर्व जिल्हा उपनिबंधक, जिल्हा विशेष लेखापरिक्षक आणि विभागीय सहनिबंधक यांच्या कार्यालयामध्येही इच्छुकांच्या माहितीसाठी उपलब्ध आहे. तरी संबंधित व्यावसायिक आणि संस्थांनी या संधीचा लाभ घेऊन वेळेत अर्ज सादर...
Read more

सहकारी गृहनिर्माण संस्था निवडणूक निर्णय अधिकारी पॅनेलसाठी अर्ज करावेत

  सहकारी गृहनिर्माण संस्था निवडणूक निर्णय अधिकारी पॅनेलसाठी अर्ज करावेत लातूर दि.   13   :   “ ई ”  वर्गातील संस्था म्हणजेच 250 पर्यंत किंवा त्यापेक्षा कमी सभासद असणाऱ्या सहकारी गृहनिर्माण संस्थांच्या निवडणुका घेण्यासाठी 20 ते 31 जानेवारी, 2025 या कालावधीकरीता निवडणूक निर्णय अधिकारी यांची नामतालिका (पॅनल) तयार करण्यात येणार आहे. यासाठी विहीत नमुन्यातील अर्ज शासकीय विभागातील (सहकार‍ विभागातील कार्यरत अधिकारी, कर्मचारी वगळून), स्थानिक स्वराज्य संस्थेतील, सहकारी संस्थेतील कायम कार्यरत अधिकारी, कर्मचारी (वरीष्ठ लिपीक किंवा त्यापेक्षा जादा दर्जा असलेल्या कर्मचारी), प्रमाणित लेखापरीक्षक , वकील (पाच वर्षाचा कामाचा अनुभव), शासकीय सेवेतून, स्थानिक स्वराज्य संस्थेतून सेवानिवृत्त झालेला अधिकारी, कर्मचारी (वयाची 65 वर्ष पेक्षा जास्त नसलेल्या) यांच्याकडून मागविण्यात आले आहेत.   विहीत नमुन्यातील अर्ज 20 ते  31 जानेवारी, 2025 या कालावधीत (शासकीय सुट्टीचे दिवस वगळून) लातूर,बीड, नांदेड व धाराशिव जिल्हा उपनिबंधक सहकारी संस्था यांच्या कार्यालयात कार्यालयीन वेळेत मिळू शकत...
Read more