जिल्हा माहिती कार्यालय, लातूर

महाराष्ट्र लोकसेवा हक्क अधिनियमांतर्गत अधिसूचित सेवांचा आढावा प्रथम अपिलीय अधिकाऱ्यांनी विहित कालावधीत अपिलांचा निपटारा करावा- सेवा हक्क आयुक्त डॉ. किरण जाधव लातूर, दि. ०५: नागरिकांना पारदर्शक, गतिमान आणि कालबद्ध सेवा मिळावी, यासाठी राज्यात महाराष्ट्र लोकसेवा हक्क अधिनियम लागू करण्यात आला आहे. या अधिनियमांतर्गत अधिसूचित विविध शासकीय सेवांचा लाभ नागरिकांना नियत कालावधीत उपलब्ध करून देणे बंधनकारक आहे. अशा सेवा उपलब्ध न झाल्याने प्रथम अपिलीय अधिकाऱ्यांकडे आलेली प्रकरणे सुनावणी घेवून विहित कालावधीत निकाली काढावीत, अशा सूचना छत्रपती संभाजीनगर विभागाचे राज्यसेवा हक्क आयुक्त डॉ. किरण जाधव यांनी आज येथे दिल्या. महाराष्ट्र लोकसेवा हक्क अधिनियमांतर्गत अधिसूचित सेवांचा आढावा घेण्यासाठी जिल्हाधिकारी कार्यालयात आयोजित बैठकीत ते बोलत होते. जिल्हाधिकारी डॉ. भारत बास्टेवाड, पोलीस अधीक्षक अमोल तांबे, जिल्हा परिषदेचे मुख्य कार्यकारी अधिकारी राहुल कुमार मीना, लातूर शहर महानगर पालिका आयुक्त राहुल कुलकर्णी, अपर जिल्हाधिकारी शिल्पा करमकर, उपजिल्हाधिकारी गणेश पवार, सायली ठाकूर, जिल्हा परिषदेचे उपमुख्य कार...

उदगीर येथे अवैध सावकारी प्रकरणी छापा; सहकार व पोलिस विभागाची संयुक्त कारवाई लातूर, दि. ०५ : जिल्ह्यातील उदगीर तालुक्यातील कथित विनापरवाना अवैध सावकारी व्यवहाराबाबत सहकार विभागाकडे प्राप्त झालेल्या तक्रारीच्या चौकशी अनुषंगाने महाराष्ट्र सावकारी (नियमन) अधिनियम २०१४ च्या कलम १६ अंतर्गत कार्यवाही करण्यात आली आहे. उदगीर येथील मिनी उद्योग भवनजवळील रहिवासी सुधीर जगन्नाथ पारसेवार यांच्या विरोधात दाखल झालेल्या तक्रारीनुसार सहकार विभाग आणि पोलिस विभागाच्या संयुक्त पथकाने ५ ऑक्टोबर २०२६ रोजी त्यांच्या राहत्या घरी झडती व तपासणी मोहीम राबवली. या झडती कारवाईदरम्यान पुढील चौकशीसाठी संशयित असलेले कोरे बॉन्ड, कोरे चेक, व्याजाचा उल्लेख असलेल्या हिशोब वह्या आणि खरेदी-विक्री दस्तऐवजांच्या प्रती ताब्यात घेण्यात आल्या असून सावकारी कायद्यांतर्गत पुढील कायदेशीर चौकशी केली जाणार आहे. लातूरचे जिल्हाधिकारी डॉ. भारत बास्टेवाड आणि पोलिस अधीक्षक अमोल तांबे यांच्या मार्गदर्शनाखाली तसेच विभागीय सहनिबंधक नानासाहेब चव्हाण व जिल्हा उपनिबंधक विष्णू पोतांगळे यांच्या नियंत्रणाखाली ही कारवाई करण्यात आली. या मोहिमेत उदगी...

लातूर येथील रंगरूट प्रशिक्षण केंद्राच्या वतीने 'स्वच्छता ही सेवा', वृक्षारोपण आणि रक्तदान शिबीर उत्साहात लातूर, दि. ०३ (जिमाका): येथील रंगरूट प्रशिक्षण केंद्राच्या आणि विविध संस्थांच्या वतीने पर्यावरण संवर्धन, स्वच्छता आणि सामाजिक जबाबदारीची जाणीव वाढीस लावण्यासाठी 'स्वच्छता ही सेवा - २०२६', 'एक पेड माँ के नाम' अंतर्गत वृक्षारोपण तसेच भव्य रक्तदान शिबिराचे यशस्वी आयोजन करण्यात आले. या उपक्रमांमध्ये अधिकारी, कर्मचारी, प्रशिक्षणार्थी आणि ग्रामस्थांनी उत्स्फूर्त व सक्रिय सहभाग नोंदविला. 'स्वच्छता ही सेवा - २०२६' अभियानाअंतर्गत येथील प्राथमिक आरोग्य केंद्र परिसरात स्वच्छता मोहीम राबविण्यात आली. या मोहिमेत आरोग्य केंद्राचे अधिकारी, कर्मचारी व ग्रामस्थांनी एकत्र येऊन परिसर व आजूबाजूच्या क्षेत्राची स्वच्छता केली. याप्रसंगी उपस्थितांना स्वच्छतेचे महत्त्व पटवून देत स्वच्छ व निरोगी वातावरण राखण्याबाबत जनजागृती करण्यात आली. रंगरूट प्रशिक्षण केंद्रात १ हजार रोपांची लागवड लातूर येथील रंगरूट प्रशिक्षण केंद्रात 'एक पेड माँ के नाम' या अभियानाअंतर्गत वृक्षार...

हिंगोली जिल्ह्यात भूकंपाची नोंद; नागरिकांनी अफवांवर विश्वास न ठेवता सतर्क राहण्याचे आवाहन लातूर, दि. 3 :दि. 3 ऑक्टोबर 2026 रोजी सकाळी 7.46 व 09.43 वाजता हिंगोली जिल्ह्यातील पांगरा शिंदे तालुका वसमत येथे भूकंपाची अनुक्रमे 3.3 आणि 4.5 रिस्टर स्केल इतक्या तीव्रतेच्या भूकंपाची नोंद झाली. या भूकंपामुळे नांदेड जिल्ह्यात आणि लातूर जिल्ह्यातील अहमदपूर येथील काही भागात सौम्य धक्के जाणवले. या भूकंपाचा केंद्रबिंदू मौजे पांगरा शिंदे तालुका वसमत जिल्हा हिंगोली येथे होता. प्राथमिक माहितीनुसार कोणतीही जीवित अथवा वित्तहानी झालेली नाही अशी माहिती लातूर जिल्हा प्रशासनाने दिली आहे. नागरिकांनी भूकंपाचे धक्के बसत असताना पटकन मोकळ्या जागेत जावे, विशेषत कच्चे बांधकाम, (दगड मातीचे बांधकाम) असलेल्या घरांमध्ये राहणाऱ्या नागरिकांनी सतर्क रहावे, असे आवाहन करण्यात आले आहे. तसेच नागरिकांनी अफवांवर विश्वास न ठेवता प्रशासनाने दिलेल्या अधिकृत माहितीची व सूचनांची नोंद घ्यावी, असे आवाहन लातूरचे पालकमंत्री शिवेंद्रसिंहराजे भोसले आणि जिल्हाधिकारी डॉ. भारत बास्टेवाड यांनी केले आहे. दि. 3 ऑक्टोबर 2026 रोजी सकाळी 7.46 व 09...

जलसेवा संकल्प अभियानामध्ये पाण्याच्या वापराबाबत जनजागृतीवर भर द्यावा-जिल्हाधिकारी डॉ. भारत बास्टेवाड • जलसंपदा विभागाच्या जलसेवा संकल्प अभियानाला प्रारंभ • २ ते १७ ऑक्टोबर दरम्यान विविध उपक्रमांचे आयोजन लातूर, दि. ०२ : जिल्ह्यातील सिंचन प्रकल्पातील सद्यस्थितीतील जलसाठा अतिशय कमी आहे. त्यामुळे नागरिकांमध्ये उपलब्ध पाण्याचा काटकसरीने वापर करण्याबाबत जनजागृतीसाठी उपक्रम जलसंपदा विभागाच्या वतीने जलसेवा संकल्प अभियानाअंतर्गत आयोजित करावेत, असे जिल्हाधिकारी डॉ. भारत बास्टेवाड यांनी सांगितले. जलसेवा संकल्प अभियानाला जिल्हाधिकारी डॉ. बास्टेवाड यांच्या हस्ते सुरुवात झाली. जिल्हाधिकारी कार्यालयात आयोजित या कार्यक्रमाला जिल्हा परिषदेचे अतिरिक्त मुख्य कार्यकारी अधिकारी असलम तडवी, लातूर लाभक्षेत्र विकास प्राधिकरणाच्या प्रशासक तथा अधीक्षक अभियंता रुपाली ठोंबरे, कार्यकारी अभियंता महेंद्र काळे, मयूर महाजन, मधुमती तोरणाळे व नागेश व्हट्टे, महावितरणचे अधीक्षक अभियंता प्रशांत दाणी, जिल्हा अधीक्षक कृषी अधिकारी दिलीप जाधव यांची प्रमुख उपस्थिती होती. यावेळी उपस्थितांना जलजागृतीची शपथ देण्यात आली. पाण्या...

राज्य सेवा हक्क आयुक्त डॉ. किरण जाधव यांचा सोमवारी लातूर दौरा; लोकसेवा हक्क अधिनियमाच्या अंमलबजावणीचा घेणार आढावा लातूर, दि. ०२ : महाराष्ट्र लोकसेवा हक्क अधिनियम, २०१५ च्या प्रभावी अंमलबजावणीच्या अनुषंगाने छत्रपती संभाजीनगर येथील राज्य सेवा हक्क आयुक्त डॉ. किरण जाधव हे सोमवार, ५ ऑक्टोबर २०२६ रोजी लातूर जिल्ह्याच्या दौऱ्यावर येत आहेत. राज्य सेवा हक्क आयुक्त डॉ. जाधव यांच्या उपस्थितीत ५ ऑक्टोबर रोजी सकाळी ११ वाजता लातूर जिल्हाधिकारी कार्यालय येथे जिल्ह्यातील सर्व विभाग प्रमुखांची बैठक आयोजित करण्यात आली आहे. या बैठकीमध्ये १ एप्रिल २०२६ ते सप्टेंबर २०२६ अखेरपर्यंत प्राप्त झालेले अर्ज, प्रथम व द्वितीय अपील निकाली काढण्याच्या कामकाजाचा आढावा घेण्यात येणार आहे. दुपारी ३:०० वाजता लातूर जिल्हा अधीक्षक भूमि अभिलेख कार्यालयाला भेट देवून आढावा घेतील. ***

निम्न तेरणा प्रकल्पाला लातूरचे जिल्हाधिकारी डॉ. भारत बास्टेवाड यांची भेट; पाणी वापराच्या नियोजनाचा आढावा ▪️अवैध पाणी उपसा रोखण्यासाठी तातडीने कार्यवाही करण्याच्या सूचना लातूर, दि. ०२ : माकणी येथील निम्न तेरणा प्रकल्पाला जिल्हाधिकारी डॉ. भारत बास्टेवाड यांनी आज भेट दिली. यावेळी त्यांनी प्रकल्पातील उपलब्ध पाणीसाठा आणि पाणी पुरवठा नियोजनाचा आढावा घेतला. तसेच प्रत्यक्ष पाणीसाठा आणि अवैध पाणी उपसा रोखण्यासाठी करण्यात येत असलेल्या उपाययोजनांचा आढावा घेतला. लातूर जिल्हा परिषदेचे अतिरिक्त मुख्य कार्यकारी अधिकारी असलम तडवी, जलसंपदा विभागाच्या अधीक्षक अभियंता रुपाली ठोंबरे, कार्यकारी अभियंता नागेश व्हट्टे, उपविभागीय अभियंता संभाजी मोरे, महावितरणचे अधीक्षक अभियंता प्रशांत दाणी, ग्रामीण पाणी पुरवठा यंत्रणेचे कार्यकारी अभियंता बाळासाहेब शेलार, औसाचे तहसीलदार घनश्याम अडसूळ, किल्लारीचे अपर तहसीलदार रामेश्वर स्वामी यांच्यासह संबंधित विभागांचे लातूर व धाराशिव जिल्ह्यातील अधिकारी यावेळी उपस्थित होते. निम्न तेरणा प्रकल्पातून धाराशिव जिल्ह्यातील काही शहरे, गावांसह लातूर जिल्ह्यातील निलंगा, औसा शहर आ...