विलासराव देशमुख शासकीय वैद्यकीय महाविद्यालय व रुग्णालयात जैव-वैद्यकीय कचरा व्यवस्थापन कार्यशाळा संपन्न

 

विलासराव देशमुख शासकीय वैद्यकीय महाविद्यालय व रुग्णालयात

 जैव-वैद्यकीय कचरा व्यवस्थापन कार्यशाळा संपन्न       

 

 लातूर,दि.28(जिमाका) विलासराव देशमुख शासकीय वैद्यकीय महाविद्यालय व रुग्णालय लातूर येथे जैव-वैद्यकीय (Bio-Medical Waste Management) कचऱ्याचे व्यवस्थापन या विषयावर सात दिवसीय कार्यशाळेचे आयोजन करण्यात आले होते. या वैद्यकीय महाविद्यालयाचे अधिष्ठाता डॉ. सुधीर देशमुख यांच्या सूचनेनुसार सुक्ष्मजीवशास्त्र विभागाचे विभाग प्रमुख डॉ. संतोष मांगलकर यांच्या मार्गदर्शनाखाली सहयोगी प्राध्यापक डॉ. नामदेव सुर्यवंशी यांनी  या कार्यशाळेचे आयोजन केले होते.

जैव-वैद्यकीय कचऱ्याचे विलगीकरण शास्त्रोक्त पध्दतीने कसे करावे व योग्य व्यवस्थापन केल्याने आरोग्य कर्मचारी, डॉक्टर्स, नर्सेस तसेच रुग्णांना होणारी इजा व जंतूसंसर्ग रोखणे कसे शक्य आहे याबाबत प्रात्याक्षिक दाखविण्यात आले. तसेच जैव- वैद्यकीय कचऱ्याची हाताळणी योग्य पध्दतीने करणे कायद्याच्या अनुषंगाने बंधनकारक असून त्यामूळे वायु व जलप्रदूषण रोखणे आवश्यक आहे, असे प्रशिक्षणा दरम्यान सांगण्यात आले.

या बाबत या वैद्यकीय महाविद्यालयातील सर्व विभाग निहाय डॉक्टर्स, परिचर्या, तंत्रज्ञ व वर्ग 04 कर्मचारी असे एकुण516 अधिकारी व कर्मचाऱ्यांना प्रशिक्षण देण्यात आले. ही कार्यशाळा यशस्वीपणे पार पाडण्यासाठी सुक्ष्मजीवशास्त्र विभागाचे सहाय्यक प्राध्यापक डॉ. बालाजी  पुरी, डॉ. वर्षा कलशेट्टी, निवासी डॉक्टर्स डॉ. प्रिया भारती, डॉ. आश्वीनी माने, डॉ. पिजुष मुजूमदार, कर्मचारी अझर शेख व श्री.मुजावर यांनी परिश्रम घेतले.

 





                                                            ****

Comments

Post a Comment

Popular posts from this blog

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन लातूर, दि. १६ : मत्स्यव्यवसाय विभागांतर्गत राबविण्यात येणाऱ्या विविध योजनांच्या लाभासाठी जिल्ह्यातील मत्स्यव्यवसायाशी संबंधित व्यक्ती व संस्थांनी 'राष्ट्रीय मत्स्यव्यवसाय डिजिटल प्लॅटफॉर्म' (एनएफडीपी) पोर्टलवर आपली नोंदणी करावी, असे आवाहन मत्स्यव्यवसाय विभागाच्या सहायक आयुक्त श्रीमती तेजस्विनी सिंधू प्रदीप करळे यांनी केले आहे. जिल्ह्यातील सर्व वैयक्तिक मच्छिमार, मत्स्यसंवर्धक, मत्स्य विक्रेते, मच्छिमार सहकारी संस्थांचे सभासद आणि मत्स्यउत्पादन शेतकरी संघ यांना विभागाच्या कोणत्याही योजनेचा लाभ घेण्यासाठी या पोर्टलवर नोंदणी असणे अनिवार्य आहे. ही नोंदणी https://nfdp.dpf.gov.in किंवा https://pmmkssy.dof.gov.in या लिंकवर स्वतः किंवा जवळच्या 'सीएससी' केंद्रात जाऊन विनामूल्य करता येईल. नोंदणीसाठी ओळखपत्र आणि बँक पासबुक सोबत असणे आवश्यक आहे. यासोबतच, ई-श्रम कार्डसाठीची नोंदणी https://eshram.gov.in या लिंकवर करावी. तसेच अपघात गट विमा नोंदणीबाबतची ३३ कॉलमची माहिती आणि 'केसीसी' संदर्भातील कागद...
Read more

माविमच्या नवतेजस्विनी महोत्सवाचा समारोप महिलांनो स्वप्न मोठी पहा आणि ते जिद्दीने पूर्ण करा जिल्हाधिकारी पी. बी. पृथ्वीराज यांचे महिला बचत गटांना आवाहन

Image
  माविमच्या नवतेजस्विनी महोत्सवाचा समारोप महिलांनो स्वप्न मोठी पहा आणि ते जिद्दीने पूर्ण करा जिल्हाधिकारी पी.   बी. पृथ्वीराज यांचे महिला बचत गटांना आवाहन   ▪ महिला बचत गटाच्या कायम स्वरूपी विक्री केंद्रासाठी जिल्हा प्रशासन प्रयत्न करणार ▪ महिला बचत गटाच्या 88 स्टॉल मधून 12 लाख रुपयांची विक्री   लातूर दि.27 ( जिमाका ) महिलांनो तुमच्यात मोठी गुणवत्ता आहे. काम करण्याची तयारी आहे त्यासाठी स्वप्न मोठी पहा आणि ते तेवढ्याच जिद्दीने पूर्ण करा असे आवाहन जिल्हाधिकारी पी.   बी. पृथ्वीराज यांनी महिला बचत गटांच्या महिलांना केले.                महिला आर्थिक विकास महामंडळ (माविम) जिल्हा कार्यालय लातूर यांच्या वतीने दि 24 ते 26 मार्च 2023 या कालावधीमध्ये कल्पतरू मंगल कार्यालय, दत्त मंदिर जवळ औसा रोड, लातूर येथे महिला बचत गटांनी उत्पादित केलेल्या वस्तूचे जिल्हा स्तरीय भव्य प्रदर्शन व विक्री “ नवतेजस्विनी महोत्सव ” चे आयोजन करण्यात आले होते.   त्या महोत्सवाच्या समारोप प्रसंगी ते बोलत होते.   ...
Read more

सर्वांगीण उन्नतीवर भर-अ‍ॅड. यशोमती ठाकूर मंत्री, महिला व बालविकास

  सर्वांगीण उन्नतीवर भर महिलांचा विकास आणि बालकांचे योग्य पोषण हे उद्दिष्ट ठेवून उद्याचा उज्ज्वल भारत घडवण्यासाठी हा विभाग सतत कार्यरत आहे. त्यानुसार गेल्या दोन वर्षात नियोजनबद्ध कामही सुरू आहे. महिलांच्या सक्षमीकरणाचा ध्यास आणि बालकांचा विकास साधण्यासाठी महिला आणि बालविकास विभागामार्फत सातत्याने नवनवीन उपक्रम आणि उपाययोजना राबवण्यात येत आहेत. अ‍ॅड. यशोमती ठाकूर मंत्री, महिला व बालविकास महिला व बालविकास हे मंत्रालयाच्या माध्यमातून राज्यातील माता-भगिनी व बालकांच्या सर्वांगीण विकासावर आमचा भर आहे. आम्ही प्रामुख्याने आर्थिक, सामाजिक, सक्षमीकरणावर विशेष लक्ष देत आहोत. कोरोनासारख्याच्या या बिकट काळातही महिला व बालकल्याण विभाग सातत्याने कार्यरत राहून विभागाच्या विविध योजना शेवटच्या घटकांपर्यंत पोहोचून त्या माध्यमातून विकासासाठी आम्ही कटिबद्ध आहोत. कुपोषणाचे निर्मूलन हे आमचे प्रमुख उद्दिष्ट आहे. ग्रामीण भागातील अंगणवाडी सेविका आणि मदतनीस या क्षेत्रात अत्यंत महत्त्वाचे कार्य करत आहेत. कुपोषणाचे निर्मूलन, लसीकरण, गरोदर तसेच स्तनदा मातांचे संगोपन, बालकांचे पोषण अशा विविध पातळ्यां...
Read more