तोंडारपाटी येथील शासकीय निवासी शाळेत प्रवेश प्रक्रिया सुरू

 तोंडारपाटी येथील शासकीय निवासी शाळेत प्रवेश प्रक्रिया सुरू

लातूर, दि. १५ : उदगीर तालुक्यातील तोंडारपाटी येथील अनुसूचित जाती व नवबौद्ध मुलांच्या शासकीय निवासी शाळेत इयत्ता ६ वी ते १०वीच्या सेमी-इंग्रजी माध्यमाच्या रिक्त जागांसाठी प्रवेश प्रक्रिया सुरू झाली आहे. सामाजिक न्याय व विशेष सहाय्य विभागांतर्गत २०१३ पासून कार्यरत असलेल्या या शाळेत अनुसूचित जाती (८० टक्के), अनुसूचित जमाती (१० टक्के), विमुक्त जाती (५ टक्के), दिव्यांग (३ टक्के) आणि विशेष मागास प्रवर्ग (२ टक्के) आदी प्रवर्गातील विद्यार्थ्यांच्या प्रवेशासाठी जागा आरक्षित आहेत.

या शाळेला आयएसओ मानांकन प्राप्त असून, ती लातूरमधील सामाजिक न्याय विभागाची दहावी मानांकित शाळा आहे. येथे इलीमेंटरी व इंटरमीडिएट परीक्षांची तयारी, २ हजारपेक्षा अधिक संदर्भ पुस्तकांचे ग्रंथालय, ई-लायब्ररी, वृत्तपत्रे, अत्याधुनिक प्रयोगशाळा, डिजिटल वर्गखोल्या, संगणक प्रयोगशाळा, आर.ओ. पाणी, २४ तास वीज व सुरक्षा, सुसज्ज जिम यांसारख्या सुविधा उपलब्ध आहेत. विद्यार्थ्यांना नाश्ता, दूध, अंडी, फळे, दोनवेळचे जेवण, गणवेश, शैक्षणिक साहित्य, कॉट, गादी, उशी, साबण, तेल, पेस्ट आदी पुरवले जातात. तरी इच्छुकांनी ३० जून २०२५ पर्यंत नावनोंदणी करावी, असे आवाहन समाज कल्याण सहाय्यक आयुक्त एस. एन. चिकुर्ते आणि शाळेच्या मुख्याध्यापकांनी केले आहे.

*****