जिल्हा माहिती कार्यालय, लातूर

  दहावी व बारावीच्या खेळाडू विद्यार्थ्यांनी वाढीव क्रीडा गुणांसाठी प्रस्ताव 15 मार्च पर्यंत सादर करावेत                                                        -जिल्हा क्रीडा अधिकारी लातूर दि.24 ( जिमाका ):- माध्यमिक व उच्च माध्यमिक शालांत प्रमाणपत्र परीक्षेस होणाऱ्या खेळाडू विद्यार्थ्यांना क्रीडा सवलतीचे वाढीव गुण देण्याबाबत क्रीडा आयुक्तांनी सर्व जिल्हा क्रीडा अधिकाऱ्यांना सुचित केलेले आहे. कोविड-19 च्या प्रादुर्भावामूळे सन 2021-22 या वर्षात माध्यमिक शालांत प्रमाणपत्र इयत्ता दहावीसाठी   बाबतीत इयत्ता सातवी व इयत्ता आठवी मध्ये शिकत असताना या खेळाडूने विविध स्पर्धेतील सहभाग विचारात घेण्यात येईल. तसेच इयत्ता बारावी साठी प्रविष्ठ होणाऱ्या (खेळाडू) विद्यार्थ्यांच्या बाबतीत सदर विद्यार्थी इयत्ता नववी व इयत्ता दहावी म...

  बोगस वैद्यकीय व्यावसायिक शोधमोहिम व प्रतिबंध कार्यवाहीची जिल्हास्तरीय पुनर्विलोकन समितीची बैठक संपन्न लातूर दि.24 ( जिमाका ):-   जिल्ह्यातील बोगस वैद्यकीय व्यावसायिक शोधमोहिम व प्रतिबंधासाठी येत्या 15 दिवसांच्या आत प्रत्येक तालुकानिहाय समित्या स्थापन करण्यात याव्यात. तसेच त्या-त्या तालुक्यातील समित्यांनी बोगस वैद्यक व्यावसायिकांची माहिती तयार ठेवावी. या समित्यामार्फत बोगस डॉक्टरांविरुध्द कार्यवाहीसाठी पंचनामे करुन त्यांच्यावर गुन्हा दाखल करण्यासंदर्भात कार्यवाही करण्याबाबत कार्यवाही करण्यात यावी. तसेच नागरिकांनी बोगस डॉक्टरांविरुध्द माहिती प्रशासनास द्यावी, जेणे करुन त्यांच्यावर योग्य ती कार्यवाही करण्यात येईल, असे जिल्हाधिकारी पृथ्वीराज बी. पी. यांनी निर्देश दिले. जिल्ह्यातील बोगस वैद्यक व्यवसायिकावर कार्यवाही करण्यासाठी जिल्हास्तरीय पुनर्विलोकन समितीची ( बोगस वैद्यकीय व्यावसायिक प्रतिबंध) बैठक जिल्हाधिकारी कार्यालयात जिल्हाधिकारी पृथ्वीराज बी. पी. यांच्या अध्यक्षतेखाली संपन्न झाली. या बैठकीत ते बोलत होते. या बैठकीस जिल्हा परिषदचे मुख्य कार्यकारी अधिकारी अभिनव गोयल,...

  अतिवृष्टी व पुरपरिस्थितीमुळे शेतीपिकांचे नुकसान झालेल्या बाधित शेतकऱ्यांना मदत • लातूर जिल्ह्यात 97 कोटी 49 लाख 67 हजार मदत            लातूर दि.23 ( जिमाका ) :- माहे ऑगस्ट ते सप्टेंबर, 2021 या कालावधीत अतिवृष्टी व पुरपरिस्थितीमुळे शेतीपिकांचे नुकसान झाल्याने बाधित शेतकऱ्यांना उर्वरित मदतीचे वाटप करण्यासाठी महसूल व वन विभाग शासन निर्णय क्रमांक सीएलएस-2021/ प्र.क्र. 258/म-3, दिनांक 21 ऑक्टोबर, 2021 अन्वये निश्चित केलेल्या वाढीव दरानुसार उर्वरित आवश्यक निधी लेखाशिर्ष 22452452 अंतर्गत रुपये 66 कोटी 58 लाख 22 हजार व लेखाशिर्ष 22452309 अंतर्गत रुपये 30 कोटी 91 लाख 45 हजार याप्रमाणे एकूण रक्कम 97 कोटी 49 लाख 67 हजार इतका निधी संबंधित तहसीलदारांना वितरीत करण्यात आलेला आहे.             लातूर तालुक्यासाठी 15 कोटी 92 लाख 4 हजार , औसा तालुक्यासाठी 17 कोटी 35 लाख 37 हजार, रेणापूर तालुक्यासाठी 9 कोटी 37 लाख 36   हजार, निलंगा तालुक्यासाठी 17 कोटी 74 लाख 24 हजार , शिरुर अनंतपाळ ताल...

  भारत निवडणूक आयोगाची मतदार जागृती स्पर्धा सुरु “ माझे मत माझे भविष्य-एका मताचे सामर्थ्य ” -पाच प्रकारच्या स्पर्धा, प्रवेशिका स्वकारण्याची मुदत 15 मार्च 2022 -पहिल्या राष्ट्रीय मतदार जागृती स्पर्धेमध्ये सहभागी व्हा, आकर्षक रोख पारितोषिके मिळवा          लातूर,दि.23,(जिमाका):- सर्जनशील माध्यमातून प्रत्येक मताचे महत्व पटवून देण्यासाठी भारत निवडणूक आयोगाने 2022 च्या राष्ट्रीय मतदार दिनानिमित्त “ माझे मत माझे भविष्य-एका मताचे सामर्थ्य ” ही राष्ट्रीय मतदार जागृती स्पर्धा सुरु केली आहे. SVEEP (Systemativ Voters Education Participation) मतदारांचे पध्दतशीर शिक्षण आणि निवडणूक सहभाग कार्यक्रमाअंतर्गत्‍ राष्ट्रीय मतदार जागृती स्पर्धा आयोजित करुन निवडणूक आयोग सामान्य लोकांच्या प्रतिभा आणि सर्जनशीलतेचा वापर करुन त्यांच्या सक्रिय सहभागातून लोकशाही बळकट करत आहे. यामध्ये सर्व वयोगटांना सहभागी होता येणार आहे.सामूहिक सहभागातून लोकशाहीतील प्रत्येक मताचे महत्व विशद करण्याच्या मध्यवर्ती संकल्पनेवर आधारित कल्पना व मजकूरांचा गौरव करणे असा यामागील उद्देश आहे असे तहस...

  तुर पिक विमा धारक शेतकऱ्यांना 25 टक्के आगाऊ रक्कम मंजूर                                      -जिल्हाधिकारी पृथ्वीराज बी.पी.               लातूर दि.23(जिमाका):-   खरीप हंगाम 2021 प्रधानमंत्री पिक विमा योजना अंतर्गत जिल्ह्यातील 86 हजार 249 हे.   क्षेत्रावर   तूर पिकाची पेरणी केलेली होती . त्यापैकी 60856.71 हेक्टर एवढ्या क्षेत्रावर विमा संरक्षण घेण्यात आले होते. जिल्हाधिकारी पृथ्वीराज बी.पी. यांनी योजनेतील Mid Season Adversity या जोखीमे अंतर्गत तूर पीक विमा धारक शेतकऱ्यांना 25 टक्के विमा नुकसान भरपाई आगाऊ स्वरूपात देण्याबाबतची   अधिसूचना निर्गमित करुन आदेश जारी केले आहेत. जिल्ह्यातील एकूण 60 महसूल मंडळांमध्ये सर्व तुर पिक विमा धारक शेतकऱ्यांना 25 टक्के आगाऊ नुकसान भरपाई रक्कम   म्हणून 39.17 कोटी रुपये मंजूर करण...

  मुल्यसाखळी विकासाचे उपप्रकल्प राबविण्यासाठी अर्ज करावेत    --- स्मार्टचे प्रकल्प संचालक धीरज कुमार लातूर दि.22 ( जिमाका ) :- बाळासाहेब ठाकरे कृषी व्यवसाय व ग्रामीण परिवर्तन (स्मार्ट) प्रकल्पांतंर्गत महाराष्ट्रातील समुदाय आधारित संस्थांकडून मूल्यसाखळी विकासाचे उपप्रकल्प राबविण्यासाठी अर्ज मागविण्यात येत असल्याचे पुणे स्मार्टचे प्रकल्प संचालक धीरज कुमार यांनी एका प्रसिध्दी पत्रकाद्वारे कळविले आहे. अर्ज हे शेतामाल, शेळ्या ( मांस व दुध ) आणि परसबागेतील कुक्कूटपालन ( अंडी ) यांच्या मुल्यसाखळी विकासाच्या उपप्रकल्पांसाठी आहेत. अर्ज सादर करण्यासाठी पात्र समुदाय आधारित संस्थांमध्ये शेतकरी उत्पादक कंपनी आणि त्यांचे फेडरेशन्स, महाराष्ट्र राज्य ग्रामीण जीवनोन्नती अभियानांतर्गत स्थापित प्रभाग संघ, महिला आर्थिक विकास महामंडळाद्वारे स्थापित लोकसंचलित साधन केंद्र यांचा समावेश आहे. या संदर्भातील माहिती अर्ज सादर करण्यासाठी पात्रतेचे निकष, अर्जाचा नमुना इत्यादी माहिती https://www.smart-mh.org या संकेतस्थळावर उपलब्ध आहे. इच्छूकांनी अर्जाचा नमुना संकेतस्थळावरुन डाऊनलोड करुन प्रिंट...

                                      महा-शरद पोर्टलवर दिव्यांग व्यक्तींची नोंदणी करावी *लातूर दि.22 ( जिमाका ) :-* दिव्यांग व्यक्तींना त्यांचे जीवन सुगम्यतायुक्त जगणे सुलभ व्हावे, यासाठी दिव्यांग व्यक्ती व विद्यार्थ्यांसाठी शासनाने महा शरद पोर्टल सुरु केले आहे. या पोर्टलद्वारे शासनाच्या मंच्यावर दिव्यांग व्यक्तींसाठी सहाय्यक उपकरणे उपलब्ध होण्यासाठी नोंदणी करणे आवश्यक   असल्याने   समाज कल्याण सभापती रोहिदास वाघमारे व जिल्हा समाज कल्याण अधिकारी सुनिल खमितकर यांनी केले आहे. या पोर्टलवर सामाजिक दानशूर व्यक्ती, सामजिक संस्था, कंपन्या यांना तसेच देणगी देवू इच्छिणाऱ्या वर्गणीदारांना एकत्र आणून वर्गणीदारांचे सहकार्य पोर्टलद्वारे मिळविण्यात येत आहे. पोर्टलच्या माध्यमातून दिव्यांगांना महाराष्ट्र राज्य दिव्यांग वित्त व विकास मंडळाच्या योजनांची माहिती देणे, विविध प्रकारच्या माहितीच्या आधारे दिव्यांगांची परिस्थिती व गरजा समजून घेणे. दिव्यांग व्यक्ती, अशासकीय संघटना, समाज सेवक आणि देणगीदार ...