500 हेक्टर खालील जलक्षेत्र असलेल्या तलावांच्या मत्स्य व्यवसाय ठेक्यासाठी 15 ऑक्टोबरला लिलाव

 500 हेक्टर खालील जलक्षेत्र असलेल्या तलावांच्या

मत्स्य व्यवसाय ठेक्यासाठी 15 ऑक्टोबरला लिलाव

लातूर, दि.3 (जिमाका) :- 3 जुलै 2019 च्या शासन निर्णयानुसार लातूर जिल्ह्यातील 500 हेक्टर खालील जलक्षेत्र असलेल्या चाकूर तालुक्यातील जानवळ (13 हे.) , केंद्रेवाडी ( 31.83 हे), अहमदपूर तालुक्यातील मोळवण (9.33 हे) व जळकोट तालुक्यातील डोंगरगाव (34.21 हे.) हे पाटबंधारे तलाव लातूर जिल्ह्यातील पात्र मत्स्यव्यवसाय सहकारी संस्था यांना (बोली) जाहीर लिलाव पध्दतीने ठेक्याने देण्यात येणार आहेत. यासाठी 15 ऑक्टोबर, 2024 रोजी दुपारी 3 वाजता लातूर सहाय्यक आयुक्त मत्स्यव्यवसाय यांच्या दालनात जिल्हास्तरीय तलाव ठेका समिती सभेचे आयोजन करण्यात आले आहे. 

या सभेमध्ये लातूर जिल्ह्यातील पाटबंधारे तलाव ठेक्याने देण्याबाबत कार्यवाही प्रस्तावित आहे. लिलावातील तलावाची न्युनतम ठेका रक्कम, तलाव ठेका सुरक्षा अनामत व वार्षिक इष्टमंम मत्स्यबोटूकली संचयन किंमत 10 टक्के रक्कम तसेच अटी शर्ती सहाय्यक आयुक्त मत्स्यव्यवसाय लातूर यांच्या कार्यालयात (सुट्टीचे दिवस वगळून) कार्यालयीन वेळेत पाहण्यास मिळतील. तरी पात्र संस्थेने बोली लिलाव प्रक्रियेत भाग घ्यावा, असे आवाहन लातूर जिल्ह्याच्या सहाय्यक आयुक्त मत्स्यव्यवसाय यांनी केले आहे.

            लिलावात भाग घेणाऱ्या मत्स्यव्यवसाय सहकारी संस्थांनी शासन निर्णयातील अटी शर्तीनुसार आवश्यक कागदपत्रे 14 ऑक्टोबर, 2024 रोजी दुपारी 12 वाजेपर्यंत सहाय्यक आयुक्त मत्स्यव्यवसाय, लातूर या कार्यालयास सादर करावीत, असे सहाय्यक आयुक्त मत्स्यव्यवसाय तेजस्विनी प्र. करळे यांनी कळविले आहे.

*****