सर्व शासकीय, खासगी आस्थापनांनी ३१ जुलैपर्यंत मनुष्यबळाचे त्रैमासिक विवरणपत्र सादर करावे

सर्व शासकीय, खासगी आस्थापनांनी ३१ जुलैपर्यंत मनुष्यबळाचे त्रैमासिक विवरणपत्र सादर करावे लातूर, दि. १८ : सर्व शासकीय आणि खासगी आस्थापनांनी कार्यरत मनुष्यबळाची माहिती दर्शविणारे त्रैमासिक विवरणपत्र (ईआर-१) प्रत्येक तिमाही संपल्यानंतर ३० दिवसांच्या आत ऑनलाइन सादर करणे बंधनकारक आहे. सेवायोजन कार्यालये रिक्तपदे सक्तीने अधिसूचित करणारा अधिनियम, १९५९ आणि त्याअंतर्गत नियमावली, १९६० नुसार, सर्व आस्थापनांनी हे विवरणपत्र तातडीने सादर करावे, असे देण्यात आले आहेत. केंद्र आणि राज्य शासन, अंगीकृत उद्योग, व्यवसाय, महामंडळे, स्थानिक स्वराज्य संस्था, जिल्हा परिषद, पंचायत समिती, महापालिका, नगरपालिका तसेच खासगी क्षेत्रातील सर्व आस्थापनांना ईआर-१ विवरणपत्र सादर करणे अनिवार्य आहे. या विवरणपत्रासाठी आस्थापनांनी https://rojgar.mahaswayam.gov.in या वेबपोर्टलवर नियोक्ता लॉगइनद्वारे प्रवेश करावा. यासाठी 'एम्प्लॉयर (लिस्ट अ जॉब)' पर्यायावर क्लिक करून, युजर आयडी आणि पासवर्ड वापरून लॉगइन करावे. त्यानंतर डॅशबोर्डवरील 'ईआर-१' पर्याय निवडून 'एंटर ईआर-१' वर क्लिक करावे. यानुसार, त्रैमासिक विवरणपत्र ३१ जुलै २०२५ पूर्वी ऑनलाईन सादर करावे, असे आवाहन सहायक आयुक्त निशांत सूर्यवंशी यांनी केले आहे. विवरणपत्र सादर करताना तांत्रिक अडचणी उद्भवल्यास ०२३८२-२९९४६२ या क्रमांकावर संपर्क साधावा, असेही त्यांनी कळविले आहे. *****