आषाढी वारी-2023 करिता मानाच्या पालख्या, वारकऱ्यांच्या वाहनांना पथकरातून मिळणार सवलत
आषाढी वारी-2023 करिता मानाच्या
पालख्या,
वारकऱ्यांच्या वाहनांना
पथकरातून मिळणार सवलत
लातूर दि. 16 (जिमाका): आषाढी वारीसाठी पंढरपूरला येणाऱ्या व जाणाऱ्या दहा मानाच्या पालख्या, तसेच 13 जून ते 3 जुलै 2023 या
कालावधीत ज्या मार्गावरून जाणाऱ्या व येणाऱ्या वारकऱ्यांच्या व भाविकांच्या हलक्या
व जड वाहनांसाठी पथकरातून सूट देण्याचा निर्णय शासनाने घेतला आहे. यासाठी प्रवेशपत्र
देण्यासाठी लातूर उप प्रादेशिक परिवहन अधिकारी कार्यालयात 13 जून ते 3 जुलै या
कालावधीत सकाळी 9 ते रात्री 10 पर्यंत स्वतंत्र कक्ष सुरु राहणार असल्यची माहिती
उप प्रादेशिक परिवहन अधिकारी विजय भोये यांनी दिली.
पंढरपूर आषाढी यात्रेसाठी टोल नाक्यावरून जाणाऱ्या व
येणाऱ्या जड व हलक्या वाहनधारकांनी पथकर सूट मिळविण्यासाठी उप प्रादेशिक परिवहन
कार्यालयातून पथकर सवलत प्रवेशपत्र (टोल फ्री पास) प्राप्त करून घ्यावे, असे आवाहन श्री. भोये यांनी केले
आहे.
*****
Comments
Post a Comment