जिल्हा माहिती कार्यालय, लातूर

 लातूर जिल्हा कारागृहातील बंदीजण चालविणार उपहारगृह ! • जिल्हाधिकारी वर्षा ठाकूर-घुगे यांच्या हस्ते उद्घाटन • जिल्हास्तरावर मोठ्या स्वरूपातील पहिलाच उपक्रम • बंदीजणांच्या पुनर्वसनासाठी उपक्रम लातूर, दि. 28 (जिमाका) : आपल्या हातून घडलेल्या अपराधाची शिक्षा बंदीजन कारागृहात भोगत असतात. मात्र, ही शिक्षा पूर्ण करून कारागृहातून बाहेर पडल्यानंतर समाजात स्वाभिमानाने जगण्याची त्यांची इच्छा असते. शिक्षेचा कालावधी पूर्ण होत आलेल्या अशा बंदीजणांना समाजाच्या प्रवाहात आणण्यासाठी लातूर जिल्हा कारागृहामार्फत विशेष उपक्रम हाती घेण्यात आला आहे. यासाठी जिल्हास्तरावर पहिल्यांदाच लातूर जिल्हा कारागृह येथे बंदीजणांचे मोठ्या स्वरूपातील शृंखला उपहारगृह आणि लाँड्री सुरु करण्यात आली आहे. खुल्या कारागृहातील बंदीजण हे उपहारगृह आणि लाँड्री चालविणार आहेत. जिल्हाधिकारी वर्षा ठाकूर-घुगे यांच्या हस्ते गुरुवारी या शृंखला उपहारगृह आणि लाँड्रीचे उद्घाटन करण्यात आले. अतिरिक्त पोलीस अधीक्षक डॉ. अजय देवरे, जिल्हा विधी सेवा प्राधिकरणचे अमित तिवारी, प्रभारी कारागृह अधीक्षक एस. एस. हिरेकर, तुरुंग अधिकारी मेघा बाहेकर यावेळ

 उदगीर आगारामार्फत विद्यार्थिनींना एसटी पासचे वितरण लातूर, दि. २८ : पुण्यश्लोक अहिल्याबाई होळकर योजनेअंतर्गत उदगीर बस आगारामार्फत आगार प्रमुख सतीश तिडके, गटशिक्षणाधिकारी शफिक शेख यांच्या उपस्थितीत उदगीर येथील विद्यावर्धिनी हायस्कूलमध्ये पाचवी ते दहावी वर्गात शिकणाऱ्या विद्यार्थिनींना मोफत एसटी पासेसचे वितरण करण्यात आले. यावेळी वाहतूक निरीक्षक सुरेश कजेवाड, मुख्याध्यापक व्ही.एम बांगे, उपमुख्याध्यापक बी.बी नागरवाड, पर्यवेक्षक राम ढगे, कला शिक्षक तथा पास विभाग प्रमुख एन. आर जवळे, बी.व्ही. बिरादार, डी.पी बिरादार यांच्यासह शाळेतील शिक्षक, शिक्षकेतर कर्मचारी, पासधारक विद्यार्थी उपस्थित होते. महाराष्ट्र राज्य मार्ग परिवहन महामंडळाने एक पाऊल पुढे टाकत विद्यार्थ्यांना शाळेतच पास वितरण करण्याचा निर्णय घेतला आहे. त्या अनुषंगाने उदगीर आगारामार्फत उदगीर, जळकोट, देवणी, शिरूर अनंतपाळ तालुक्यातील ग्रामीण भागातील विद्यार्थ्यांना वाटप करण्यात आले आहे. त्यामुळे विद्यार्थ्यांना तास बुडवून पास घेण्याकरिता रांगेत ताटकळत उभे राहावे लागणार नाही.                                       ** 

  जिल्हाधिकारी वर्षा ठाकूर-घुगे यांच्या संकल्पनेतून टाकळी येथे साकारणार ‘बांबू म्युझियम’ ·          फळझाडे, औषधी वनस्पतींसह बांबू लागवड होणार ·          आर्ट ऑफ लिव्हिंग संस्थेचा पुढाकार लातूर ,   दि.   2 7  ( जिमाका)  :  जिल्ह्याला हरित जिल्हा बनविण्यासाठी जिल्हाधिकारी वर्षा ठाकूर-घुगे यांच्या संकल्पनेतून ‘माझं लातूर, हरित लातूर’ अभियान राबविले जात आहे. यनिमीत्तने वृक्ष लागवडीसाठी विविध संस्थांनी पुढाकार घेण्याचे आवाहन करण्यात आले होते. या आवाहनाल प्रतिसाद देत लातूर तालुक्यातील टाकळी ब येथे आर्ट ऑफ लव्हिंगच्या माध्यमातून 10 हजार वृक्षांची लागवड होत असून आज जिल्हाधिकारी श्रीमती ठाकूर-घुगे यांच्या हस्ते वृक्षारोपणाला प्रारंभ झाला. याठिकाणी जिल्हाधिकारी यांच्या संकल्पनेतून ‘बांबू म्युझियम’ साकारले जाणार असून यामध्ये विविध देशातील बांबूच्या प्रजातींची लागवड केली जाणार आहे. तसेच फळझाडे, औषधी वनस्पतींचीही लागवड केली जाणार आहे. या ठिकाणी 1 हजार बांबू रोपांची लागवड करून वृक्षारोपण मोहिमेला प्रारंभ झाला. याप्रसंगी उपजिल्हाधिकारी अहिल्या गाठाळ, सरपंच मनीषा उपाडे, आर्ट ऑफ लिव्हिंगचे संचालक सामाज

  मुख्यमंत्री रोजगार निर्मिती कार्यक्रम योजनेचा लाभ घेण्याचे आवाहन लातूर ,   दि.   2 7  ( जिमाका)  :  राज्याच्या नवीन औद्योगिक धोरण-2019 अंतर्गत एक नाविन्यपुर्ण योजना व कार्यक्रम महाराष्ट्र शासनाने हाती घेतला आहे. यामध्ये स्थानिक पातळीवर व्यापक प्रमाणात रोजगाराच्या संधी उपलब्ध होण्यासाठी सूक्ष्म व लघु उपक्रमांचा चालना दिली जात आहे. याकरिता जिल्हा उद्योग केंद्राच्या माध्यमातून मुख्यमंत्री रोजगार निर्मिती कार्यक्रम योजना राबविण्यात येत असून जात प्रवर्ग ,  उद्योग क्षेत्रानुसार अनुदान दिले जाणार आहे. तरी या योजनेचा जिल्ह्यातील युवक-युवतींनी लाभ घेण्याचे आवाहन जिल्हा उद्योग केंद्राचे महाव्यवस्थापक यांनी केले आहे. मुख्यमंत्री रोजगार निमित्ती कार्यक्रम योजनेंतर्गत जिल्हा उद्योग केंद्राकडून बँकेच्या कर्ज मंजुरीनंतर 15 ते 35 टक्के अनुदान दिले जाते. या योजनेचा लाभ घेण्यासाठी पात्र अर्जदारांनी आवश्यक कागदपत्रांसह  https://maha-cmegp.gov.in   या संकेतस्थळावर ऑनलाईन अर्ज करावेत. जिल्ह्यातील स्थानिक असलेले किमान 18 ते 45 वयोगटातील स्वयंरोजगार करू इच्छिणारे उमेदवार ,  विशेष प्रवर्गासाठी (अनुसूचित जात

  प्रधानमंत्री पीक विमा योजना खरीप हंगाम -2024 पीक विमा प्रस्ताव सादर करताना दक्षता घेण्याचे आवाहन लातूर ,  दि. 26 (जिमाका) :   प्रधानमंत्री पीक विमा योजना खरीप हंगाम -2024 पीक विमा पोर्टल सुरु झाले असून पीक विमा प्रस्ताव सादर करण्याची अंतिम मुदत 15 जुलै 2024 पर्यंत आहे. पीक विमा प्रस्ताव सादर करताना शेतकऱ्यांनी दक्षता घेण्याचे आवाहन जिल्हा अधीक्षक कृषि अधिकारी रमेश जाधव यांनी केले आहे. प्रधानमंत्री पीक विमा योजनेचा विमा हप्ता भरताना ऑनलाईन सेवा केंद्र (सीएससी), आपले सरकार सेवा केंद्र चालकांनी आधारकार्ड ,  सातबारा व बँक पासबुक इत्यादी कागदपात्रांवर शेतकऱ्यांच्या नावात किरकोळ बदल असेल ,  तर त्या शेतकऱ्यांचा प्रथम विमा हप्ता भरुन घ्यावा. तसेच विमा भरपाई मिळण्यास अवधी असल्याने दरम्यानच्या काळात शेतकऱ्यांनी त्यांच्या नावामधील दुरुस्ती करून घेण्याबाबत शेतकऱ्यांना मार्गदर्शन करावे. तसेच शेतकऱ्यांच्या नावात पूर्णत: बदल ,  असेल तर अशा शेतकऱ्यांचा विमा भरुन घेवू नये. कारण विमा भरपाई मिळताना शेतकऱ्यांच्या आधार कार्डशी जे बँक खाते लिंक आहे ,  अशा बँक खात्यावरच जमा होणार आहे. त्यामुळे बँकेचे पासबु

  जिल्ह्यातील सुशिक्षित बेरोजगार युवकांसाठी 28 जून रोजी  ‘ प्लेसमेंट ड्राईव्ह ’ लातूर ,  दि.  26 ( जिमाका) :  नोकरीसाठी इच्छुक युवक-युवतींना नामवंत खाजगी कंपन्या ,  कारखाने ,  उद्योग समूह यांच्या माध्यमातून उत्तमोत्तम रोजगाराच्या संधी उपलब्ध करुन देण्यासाठी लातूर जिल्हा कौशल्य विकास ,  रोजगार  व उद्योजकता ,  मार्गदर्शन केंद्रातर्फे 28 जून 2024 रोजी रोजगार मोहीम अर्थात  ‘ प्लेसमेंट ड्राईव्ह ’ चे आयोजन करण्यात आले आहे. लातूर कौशल्य विकास ,  रोजगार व उद्योजकता ,  मार्गदर्शन केंद्र हे कार्यालय वेळोवेळी जिल्ह्यातील वेगवेगळ्या भागात रोजगार मेळावे आयोजित करते. सर्व स्तरातील जास्तीत जास्त उमेदवारांना रोजगार मिळवून देण्याचा प्रयत्न केला जातो. त्याचाच पुढील टप्पा म्हणून आता  ‘ प्लेसमेंट ड्राईव्ह ’  मोहीम आयोजित करण्याचा निर्णय घेण्यात आला आहे. यामध्ये लातूर येथील क्रेडिट ऍक्सेस ग्रामीण लि. मध्ये फील्ड ऑफिसर पदांच्या  10  जागांसाठी इयत्ता बारावी ,  कोणतीही पदवी ,  टू व्हिलर लायसन्स असलेल्या उमेदवारांना रोजगाराची संधी मिळणार आहे. तसेच लातूर येथील इव्कीनॉस टेक्नोलॉजीमध्ये टेक्निशियन, सेल्सपर्सन , 

  लातूर येथे महाराष्ट्र राज्य परिवहन महामंडळामार्फत 47 शिकाऊ उमेदवारांची होणार भरती लातूर ,   दि.   2 6  ( जिमाका)  :  महाराष्ट्र राज्य परिवहन महामंडळाच्या लातूर विभागात सन 2024-2025 या सत्रासाठी वेगवेगळ्या व्यवसायासाठी 47 शिकाऊ उमेदवार (प्रशिक्षणार्थी) पदे ऑनलाईन पध्दतीने भरली जाणार आहेत. यामध्ये मोटार मेकॅनिक (यांत्रिक मोटारगाडी एमएमव्ही) 30 पदे, मोटारगाडी साठाजोडारी (एमव्हीबीबी) (शिट मेटल) 7 पदे ,  ॲटो इलेक्ट्रीकल तथा इलेक्ट्रीशयन (विजतंत्री) 2 पदे, सांधाता (वेल्डर) (गॅस ॲन्ड इलेक्ट्रॉनिक्स) 1 पद, पेंटर जनरल 1 पद, मेकॅनिक ॲटो इलेक्ट्रीकल ॲन्ड इलेक्ट्रॉनिक्स 3 पदे आणि मेकॅनिक रेफ्रिजरेशन ॲन्ड एअर कंडिशनर (प्रतिशन व वातानुकूलिकरण टेक्निशियन) 3 पदे अशी एकूण 47 पदे भरावयाची आहेत. संबंधित व्यवसायातील दहावी पास, आय.टी.आय (एनसीव्हीटी )  किंवा विहित व्यावसायात व्होकेशनल अभ्यासक्रम (एमएसबीएसव्हीईटी)पूर्ण केलेल्या, तसेच ॲटो इलेक्ट्रीकल तथा इलेक्ट्रीशयन (विजतंत्री) ,  सांधाता (वेल्डर) (गॅस ॲन्ड इलेक्ट्रॉनिक्स) ,  पेंटर जनरल ,  मेकॅनिक ॲटो इलेक्ट्रीकल ॲन्ड इलेक्ट्रॉनिक्स यापदांसाठी केवळ आयटीआय

  समता दिंडीतून राजर्षी छत्रपती शाहू विचारांचा जागर ! ·          समाज कल्याण विभागाचा उपक्रम लातूर ,   दि.   2 6  ( जिमाका)  :  राजर्षी छत्रपती शाहू महाराज यांच्या 150 व्या जयंतीदिनी सामाजिक न्याय दिनानिमित्त समाज कल्याण विभागाच्यावतीने समता दिंडीचे आयोजन करण्यात आले होते. या दिंडीच्या माध्यमातून सामाजिक न्यायाचा संदेश देत राजर्षी छत्रपती शाहू महाराजांच्या विचारांचा जागर करण्यात आला. जिल्हाधिकारी वर्षा ठाकूर-घुगे यांच्या हस्ते हिरवी झेंडी दाखवून राजर्षी छत्रपती शाहू महाराज चौक येथून समता दिंडीला सुरुवात झाली. समाज कल्याण विभागाचे प्रादेशिक उपायुक्त अविनाश देवसटवार, लातूर जिल्हा जात पडताळणी समितीचे उपायुक्त तेजस माळवदकर, सहायक आयुक्त शिवकांत चिकुर्ते, जिल्हा समाज कल्याण अधिकारी संतोषकुमार नाईकवाडी, प्रादेशिक समाज  कल्याण उपायुक्त कार्यालयातील समाज कल्याण अधिकारी विलास केंद्रे, उपशिक्षणाधिकारी मधुकर ढमाले यावेळी उपस्थित होते. प्रारंभी जिल्हाधिकारी श्रीमती ठाकूर-घुगे यांच्या हस्ते राजर्षी छत्रपती शाहू महाराज यांच्या प्रतिमेला पुष्पहार अर्पण करून अभिवादन करण्यात आले. समता दिंडीमध्ये मोठ्या

  लातूर जिल्ह्यात सापडलेल्या बालिकेच्या पालकांनी संपर्क साधण्याचे आवाहन लातूर ,   दि.   2 5  ( जिमाका)  :  जिल्ह्यात सापडलेली वैष्णवी ही सहा महिन्याची बालिका लातूर बाल कल्याण समितीच्या आदेशानुसार तिला उदगीर तालुक्यातील संधीनिकेतन शिशुगृह एस. टी. कॉलनी येथे 8 फेब्रुवारी 2024 पासून ठेवण्यात आले आहे. ही बालिका ही गोऱ्या वर्णाची आहे. या बालिकेचे जवळचे कोणी नातेवाईक किंवा आई-वडील असल्यास पुराव्यासह तीस दिवसाच्या आत बाल कल्याण समिती, मुलांचे निरीक्षण गृह, लेबर कॉलनी, लातूर (दूरध्वनी क्र. 02382-243543) किंवा जिल्हा महिला व बाल विकास अधिकारी कार्यालय, प्रशासकीय इमारत, पहिला मजला, लातूर (भ्रमणध्वनी क्र. 9822137327) येथे संपर्क साधावा. मुदतीच्या आत संपर्क न साधल्यास या बालिकेचे कोणीही नातेवाईक व आई-वडील हयात नाहीत अथवा ते या बालिकेची जबाबदारी घेण्यास तयार नाहीत, असे गृहीत धरून ,  दत्तकाची व पुनर्वसनाची कार्यवाही पूर्ण केली जाईल. त्यानंतर कोणाचीही कसलीही तक्रार व आक्षेप चालणार नाही याची नोंद घ्यावी, असे आवाहन जिल्हा बाल संरक्षण अधिकारी यांनी केले आहे. *****

  आजनसोंड येथे सापडलेल्या बालिकेच्या पालकांनी संपर्क साधण्याचे आवाहन लातूर ,   दि.   2 5  ( जिमाका)  :  जिल्ह्यातील आजनसोंड (ता. चाकूर) येथे आर्या ही 4 महिन्याची बालिका 8 जानेवारी 2024 रोजी सायंकाळी सापडली आहे. लातूर बाल कल्याण समितीच्या आदेशानुसार तिला मदर तेरेसा शिशुगृहात ठेवण्यात आले आहे. ही बालिका ही गोऱ्या वर्णाची आहे. या बालिकेचे जवळचे कोणी नातेवाईक किंवा आई-वडील असल्यास पुराव्यासह तीस दिवसाच्या आत बाल कल्याण समिती, मुलांचे निरीक्षण गृह, लेबर कॉलनी, लातूर (दूरध्वनी क्र. 02382-243543) किंवा जिल्हा महिला व बाल विकास अधिकारी कार्यालय, प्रशासकीय इमारत, पहिला मजला, लातूर (भ्रमणध्वनी क्र. 9822137327) येथे संपर्क साधावा. मुदतीच्या आत संपर्क न साधल्यास या बालिकेचे कोणीही नातेवाईक व आई-वडील हयात नाहीत अथवा ते या बालिकेची जबाबदारी घेण्यास तयार नाहीत, असे गृहीत धरून ,  दत्तकाची व पुनर्वसनाची कार्यवाही पूर्ण केली जाईल. त्यानंतर कोणाचीही कसलीही तक्रार व आक्षेप चालणार नाही याची नोंद घ्यावी, असे आवाहन जिल्हा बाल संरक्षण अधिकारी यांनी केले आहे. *****

  अनोळखी मृतदेहाबाबत माहिती देण्याचे आवाहन लातूर ,   दि.   2 5  ( जिमाका)  :  शहरातील विवेकानंद चौक पोलीस स्टेशन अंतर्गत मयत अनोळखी पुरुष (वय अंदाजे 55 वर्षे) हा 23 जून 2024 रोजी सरकारी दवाखाना येथे मृत अवस्थेत दाखल केले होते. अनोळखी इसमाचे शवविच्छेदन करण्यात आले असून प्रेताची ओळख पटविण्यासाठी सर्व पोलीस स्टेशनला तपास याद्या पाठवून दिलेल्या आहेत. तरी याबाबत कोणाला काही माहिती असल्यास त्यांनी विवेकानंद चौक पोलीस स्टेशनशी संपर्क साधावा, असे आवाहन पोलीस निरीक्षक यांनी केले आहे. *****

  आजी-माजी सैनिक, विधवा यांच्या अडीअडचणी सोडविण्यासाठी जुलै महिन्यात तालुकानिहाय बैठकांचे आयोजन लातूर ,   दि.   2 5  ( जिमाका)  :  आजी-माजी सैनिक ,  विधवा व त्यांच्या अवलंबितांच्या अडीअडचणी सोडविण्यासाठी जिल्हा सैनिक कल्याण अधिकारी व कल्याण संघटक यांच्या उपस्थितीत तालुकानिहाय बैठकींचे आयोजन करण्यात आले आहे. 3 जुलै ,  2024 रोजी उदगीर तहसील कार्यालय येथे दुपारी 12 वाजता, 4 जुलै ,  2024 रोजी जळकोट तहसील कार्यालय येथे दुपारी 12 वाजता, 9 जुलै ,  2024 रोजी अहमदपूर तहसील कार्यालय येथे दुपारी 12 वाजता, 16 जुलै ,  2024 रोजी रेणापूर तहसील कार्यालय येथे दुपारी 12 वाजता, 19 जुलै ,  2024 रोजी देवणी तहसील कार्यालय येथे दुपारी 12 वाजता, 23 जुलै ,  2024 रोजी औसा तहसील कार्यालय येथे दुपारी 12 वाजता, 29 जुलै ,  2024 रोजी शिरूर अनंतपाळ तहसील कार्यालय येथे दुपारी 12 वाजता आणि 30 जुलै ,  2024 रोजी लातूर तहसील कार्यालय येथे दुपारी 12 वाजता या बैठका होणार आहेत. तरी सर्व आजी ,  माजी सैनिक ,  विधवा व अवलंबितांनी यावेळी उपस्थित राहून आपल्या अडीअडचणी मांडाव्यात, असे आवाहन जिल्हा सैनिक कल्याण अधिकारी ले. कर्नल शर

  इतर मगास बहुजन कल्याण विभागामार्फत उच्च शिक्षण घेणाऱ्या मुला-मुलींसाठी वसतिगृह सुविधा ·           20 जुलैपर्यंत गृहपाल यांच्याकडे अर्ज करण्याचे आवाहन लातूर ,   दि.   2 5  ( जिमाका)  :  राज्य शासनाच्या इतर मागास बहुजन कल्याण विभागामार्फत इतर मागास वर्ग ,  विमुक्त जाती व भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी जिल्ह्याच्या ठिकाणी सन 2023-24 पासून वसतिगृह सुरू केलेले आहेत. या योजनेतंर्गत लातूर जिल्ह्यात मुला-मुलींची प्रत्येकी 100 विद्यार्थी क्षमतेची वसतिगृहे सुरु करण्यात आली असून या वसतिगृहात विद्यार्थ्यांना भोजन ,  निवास ,  शैक्षणिक साहित्य सुविधा निशुल्क स्वरुपात दिली जाणार आहे. वसतिगृहात प्रवेश घेण्यासाठी इच्छुक मुला-मुलींनी संबंधित वसतिगृहाचे गृहपाल यांच्याकडे 20 जुलै 2024 पर्यंत अर्ज करण्याचे आवाहन करण्यात आले आहे. वसतिगृह योजनेचा लाभ घेण्यासाठी विद्यार्थी महाराष्ट्रचा रहिवाशी असावा ,  त्याच्याकडे सक्षम प्राधिकारी यांनी दिलेले जातीचे प्रमाणपत्र तसेच जात वैधता प्रमाणपत्र असणे आवश्यक आहे. विद्यार्थ्यांच्या पाल्कानाचे वार्षिक उत्पन्न 2.50 लाख रु

  ऊसतोड कामगारांच्या मुला-मुलींच्या वसतिगृहाची प्रवेश प्रक्रिया लवकरात लवकर पूर्ण करावी -           वर्षा ठाकूर-घुगे ·           समाज कल्याण विभागाच्या विविध समितींची आढावा बैठक ·           मुख्यमंत्री वयोश्री योजनेचा लाभ ज्येष्ठ नागरिकांना द्यावा ·           जिल्हा दक्षता व नियंत्रण समितीमध्ये प्रलंबित प्रकरणांचा आढावा लातूर ,   दि.   2 5  ( जिमाका)  :  ऊसतोड कामगारांच्या मुला-मुलींच्या शिक्षणाचा मार्ग सुकर होण्यासाठी संत भगवानबाबा शासकीय वसतिगृह योजना कार्यान्वित करण्यात आली आहे. या अंतर्गत जिल्ह्यात मुला-मुलींसाठी प्रत्येकी दोन अशी एकूण चार वसतिगृहे मंजूर असून या वसतिगृहांची प्रवेश प्रक्रिया गतीने पूर्ण करावी ,  अशा सूचना जिल्हाधिकारी वर्षा ठाकूर-घुगे यांनी दिल्या. जिल्हाधिकारी कार्यालयात आयोजित समाज कल्याण विभागाच्या विविध समितींच्या आढावा बैठकीत त्या बोलत होत्या. समाज कल्याण सहायक आयुक्त शिवकांत चिकुर्ते ,  जिल्हा समाज कल्याण अधिकारी संतोषकुमार नाईकवाडी ,  लातूर शहर महानगरपालिकेचे उपायुक्त शुभम क्यातमवार ,  जिल्हा विशेष शाखेचे पोलीस निरीक्षक सुधाकर बावकर ,  सार्वजनिक बांधकाम विभाग

  अनुसूचित जमातीच्या विद्यार्थ्यांना वसतिगृहात मिळणार मोफत प्रवेश ·           छत्रपती संभाजी नगर, जालना, बीड व लातूर जिल्ह्यात 14 वसतिगृहे लातूर ,   दि.   2 5  ( जिमाका)  :  राज्य शासनाच्या आदिवासी विकास विभागामार्फत अनुसूचित जमातीच्या विद्यार्थ्यांना मोफत वसतिगृह प्रवेश योजना राबविण्यात येत आहे. छत्रपती संभाजीनगर एकात्मिक आदिवीसी विकास प्रकल्पातंर्गत छत्रपती संभाजीनगर ,  जालना ,  बीड व लातूर या चार जिल्ह्यातील 14 वसतिगहामध्ये प्रवेशासाठी व जिल्हास्तरावर इयत्ता अकरावीपासून नंतरच्या शिक्षणासाठी विद्यार्थ्यांना शासकीय वसतिगृहात प्रवेश दिला जाणार आहे. शैक्षणिक वर्ष 2024-25 या वर्षातील प्रवेश प्रक्रिया सुरु झालेलली असून वसतिगृह क्षमता 2 हजार 775च्या अनुषंगाने रिक्त असलेल्या 1 हजार 78 जागांवरऑनलाईन प्रणालीवर प्राप्त झालेल्या अर्जामधील पात्र विद्यार्थी, विद्यार्थींनींना प्रवेश देण्याची कार्यवाही वसतिगृह स्तरावर सुरु आहे. वसतिगृह प्रवेशासाठी संकेतस्थळ सुरू करण्यात आलेले असून विद्यार्थ्यांनी  swayam.mahaonline.gov.in   या संकेतस्थळावर अर्ज भरावा .  तसेच अर्ज भरल्यानंतर संबंधित गृहप्रमुख ,  गृह