जिल्हा माहिती कार्यालय, लातूर

दुष्काळी परिस्थितीत जनावरांना चारा, हाताला काम आणि शेतकऱ्यांना मिळणार उत्पन्नाचे साधन ! • लातूर जिल्ह्यात 'व्हीबी-जी राम जी' योजनेतून चारा लागवडीचा पथदर्शी उपक्रम • शेतकऱ्यांना कोणताही खर्च नाही; बियाणे मोफत, मजुरी आणि इतर खर्चासाठीही तरतूद यंदा लातूर लातूर जिल्ह्यात वार्षिक सरासरीच्या केवळ ५१ टक्केच पाऊस झाल्याने आगामी काळात पाणी टंचाईच्या झळा सोसाव्या लागणार आहेत. पशुधनाच्या चाऱ्याचा प्रश्न निर्माण झाला आहे. मात्र, लातूर जिल्ह्याने या संभाव्य संकटाला सामोरे जाण्याचा अत्यंत नियोजनबद्ध मार्ग निवडला आहे. जिल्ह्यातील ५ लाखांहून अधिक पशुधनाला ऐन टंचाईत पौष्टिक चारा मिळावा आणि दुष्काळाच्या सावटात ग्रामीण भागातील हातांना रोजगाराचा आधार मिळावा, यासाठी जिल्हा प्रशासनाने 'व्हीबी-जी राम जी' (विकसित भारत-रोजगार व आजीविका हमी मिशन) योजनेच्या माध्यमातून एक नाविन्यपूर्ण पथदर्शी उपक्रम हाती घेतला आहे. जिल्हाधिकारी डॉ. भारत बास्टेवाड यांच्या कल्पकतेतून साकारलेली ही मोहीम केवळ चाऱ्याची सोय करण्यापुरती मर्यादित नाही. जनावरांना चारा, हाताला काम आणि शेतकऱ्यांच्या कुटुंबाला उत्पन्नाचा आध...

लातूर जिल्ह्यात 'सेवा संकल्प' अंतर्गत 'तिशीचा पल्ला, तपासणी अन् सल्ला' मोहीम • ५२ हजारांहून अधिक नागरिकांची मोफत आरोग्य तपासणी लातूर, दि. १४ : बदलत्या जीवनशैलीमुळे वाढणाऱ्या असंसर्गजन्य आजारांवर वेळेत नियंत्रण मिळवण्यासाठी लातूर जिल्हा आरोग्य विभागाच्यावतीने सेवा संकल्प अभियान अंतर्गत 'तिशीचा पल्ला, तपासणी अन् सल्ला' हे १०० दिवसांचे विशेष अभियान प्रभावीपणे राबविले जात आहे. या अभियानांतर्गत जिल्ह्यातील ३० वर्षांवरील सर्व नागरिकांची घरोघरी जाऊन तसेच विविध आरोग्य केंद्रांवर मोफत आरोग्य तपासणी केली जात आहे. १७ सप्टेंबरपासून ५२ हजार ६१६ लाभार्थ्यांची मधुमेह, उच्च रक्तदाब व कर्करोगासाठी मोफत तपासणी पूर्ण झाली आहे. मधुमेह (डायबेटीज), उच्च रक्तदाब (हायपरटेन्शन), तोंडाचा कर्करोग, स्तन व गर्भाशय मुखाचा कर्करोग यांसारख्या आजारांचे सुरुवातीच्या टप्प्यातच निदान करून रुग्णांना वेळेत योग्य उपचार मिळवून देणे हा या मोहिमेचा मुख्य उद्देश आहे. या अभियानासाठी गाव, वाडी आणि वस्ती पातळीवर आशा स्वयंसेविका, एएनएम, एमपीडब्ल्यू आणि समुदाय आरोग्य अधिकारी यांची विशेष पथके प्रत्यक्ष...

जिल्हाधिकारी डॉ. भारत बास्टेवाड बनले निक्षय मित्र; ‘टीबीमुक्त लातूर’साठी पुढाकार घेण्याचे आवाहन ! • स्वतः पाच क्षयरुग्ण घेतले दत्तक; पुढील ६ महिने घेणार पोषणाची जबाबदारी • दानशूर व्यक्ती, उद्योजक आणि संस्थांनीही जिल्हा सहकार्याचे आवाहन लातूर, दि. १४ : जिल्ह्यामध्ये दरवर्षी अडीच हजारांपेक्षा जास्त क्षयरुग्णांचे (टीबी) निदान होते. आरोग्य विभागामार्फत या सर्व रुग्णांवर मोफत निदान व उपचाराची सुविधा उपलब्ध करून दिली जाते. मात्र, वैद्यकीय उपचारांसोबतच रुग्णांना पोषक आणि प्रथिनयुक्त आहार मिळणे महत्त्वाचे असते. योग्य पोषण आहारामुळे रुग्णांची प्रतिकारशक्ती वाढून ते लवकर बरे होण्यास मदत होते. हीच गरज विचारात घेऊन, लातूरचे जिल्हाधिकारी डॉ. भारत बास्टेवाड यांनी स्वतः 'नि-क्षय मित्र' बनून पाच क्षयरुग्णांना दत्तक घेतले आहे. या सर्व रुग्णांच्या पुढील सहा महिन्यांच्या पोषण आहाराची पूर्ण जबाबदारी त्यांनी स्वीकारली आहे. याबाबत पोषण आहाराचे कीट त्यांनी जिल्हा क्षयरोग अधिकारी डॉ. एस. एन. तांबारे यांच्याकडे सुपूर्द केले. तसेच, नवरात्रोत्सवाचे औचित्य साधून अतिरिक्त जिल्हाधिकारी शिल्पा करमरकर यां...

सावित्रीबाई फुले आधार आणि पंडित दीनदयाल उपाध्याय स्वयंम योजनेसाठी ३० ऑक्टोबरपर्यंत ऑफलाईन अर्ज करण्याचे आवाहन लातूर, दि. १४ (जिमाका) : राज्य शासनाच्या इतर मागास बहुजन कल्याण विभागामार्फत इतर मागास वर्ग, विमुक्त जाती व भटक्या जमाती (भटक्या जाती 'क' वगळून) आणि विशेष मागास प्रवर्गातील उच्च शिक्षण घेणाऱ्या (व्यावसायिक व बिगर व्यावसायिक) वसतिगृहात प्रवेश न मिळालेल्या विद्यार्थ्यांसाठी सन २०२६-२७ या शैक्षणिक वर्षाकरिता सावित्रीबाई फुले आधार योजना आणि पंडित दीनदयाल उपाध्याय स्वयंम योजना सुरू करण्यात आली आहे. या योजनेच्या ऑनलाईन पोर्टलवर येणाऱ्या तांत्रिक अडचणींमुळे या योजनेचे अर्ज ऑफलाइन पद्धतीने स्वीकारले जाणार आहेत. तरी या योजनेअंतर्गत प्रति जिल्हा ६०० विद्यार्थ्यांना लाभ दिला जाणार असून, महसुली विभाग शहरातील व उर्वरित 'क' वर्ग महानगरपालिका क्षेत्रात उच्च शिक्षण घेणाऱ्या विद्यार्थ्यांसाठी भोजन, निवास व निर्वाह भत्ता म्हणून ४३ हजार रुपये, जिल्ह्याच्या ठिकाणी शिक्षण घेणाऱ्यांसाठी ३८ हजार रुपये, तर तालुक्याच्या ठिकाणी उच्च शिक्षण घेणाऱ्या विद्यार्थ्यांसाठी निश्चित केलेली रक...

इतर मागास वर्ग, विमुक्त जाती व भटक्या जमाती आणि विशेष मागास प्रवर्गातील विद्यार्थ्यांनी वसतिगृह प्रवेशासाठी ३० ऑक्टोबरपर्यंत ऑफलाईन अर्ज करावेत लातूर, दि. १४ (जिमाका) : राज्य शासनाच्या इतर मागास बहुजन कल्याण विभागामार्फत इतर मागास वर्ग, विमुक्त जाती व भटक्या जमाती आणि विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी जिल्हा स्तरावर सन २०२३-२४ पासून शासकीय वसतिगृहे सुरू करण्यात आली आहेत. या वसतिगृह प्रवेशाच्या ऑनलाईन पोर्टलवर तांत्रिक अडचणी येत असल्याने, सन २०२६-२७ या शैक्षणिक वर्षातील रिक्त जागांसाठी पात्र विद्यार्थ्यांनी आपले अर्ज ऑफलाईन पद्धतीने सहाय्यक संचालक, इतर मागास बहुजन कल्याण कार्यालय, लातूर येथे ३० ऑक्टोबर २०२६ पर्यंत सादर करावेत, असे आवाहन करण्यात आले आहे. या योजनेअंतर्गत लातूर जिल्ह्यामध्ये मुलांसाठी १०० विद्यार्थी क्षमतेचे आणि मुलींसाठी १०० विद्यार्थी क्षमतेचे अशी दोन शासकीय वसतिगृहे कार्यान्वित करण्यात आली असून, यामध्ये प्रवेशित विद्यार्थ्यांना भोजन, निवास आणि शैक्षणिक साहित्याची संपूर्ण मोफत व्यवस्था केली जाते. या वसतिगृह प्रवेशाच्या ऑनलाईन पोर्टलवर तांत्...

सेवा संकल्प अभियानाअंतर्गत लातूर जिल्ह्यात आयुष्मान भारत डिजिटल मिशनला गती ! लातूर, दि. १२ : जिल्ह्यामध्ये आयुष्मान भारत संख्यात्मक आरोग्य अभियानाअंतर्गत (एबीडीएम) आरोग्य सेवांचे बळकटीकरण करण्यासाठी आणि संख्यात्मक नोंदणी प्रक्रियेला गती देण्यासाठी जिल्हा आरोग्य प्रशासनाकडून विशेष पावले उचलली जात आहेत. या अभियानाच्या सद्यस्थितीचा आढावा घेण्यासाठी आणि पुढील नियोजनासाठी जिल्हा आरोग्य अधिकारी डॉ. बालाजी शिंदे यांच्या मार्गदर्शनाखाली सर्व तालुका आरोग्य अधिकाऱ्यांची आढावा बैठक घेण्यात आली असून, आपापल्या कार्यक्षेत्रात जास्तीत जास्त आरोग्य सुविधा नोंदणी (एचएफआर) आणि आरोग्य व्यावसायिक नोंदणी (एचपीआर) करून घेण्याबाबत सूचना व मार्गदर्शक सूचना देण्यात आल्या आहेत. या अभियानाअंतर्गत जिल्ह्यातील सर्व शासकीय व खाजगी रुग्णालये, प्राथमिक आरोग्य केंद्रे, उपकेंद्रे, दवाखाने, निदान केंद्रे (प्रयोगशाळा), औषधालये आणि औषध दुकाने यांची एकाच राष्ट्रीय नोंदणीपुस्तकात नोंद केली जात असून, नोंदणी पूर्ण झाल्यावर प्रत्येक संस्थेला एक अद्वितीय आरोग्य सुविधा नोंदणी क्रमांक (एचएफआर आयडी) मिळणार आहे, ज्यामुळे नागरिका...

क्षयरोग रुग्णांची नि-क्षय प्रणालीवर नोंदणी करणे अनिवार्य- जिल्हाधिकारी डॉ. भारत बास्टेवाड लातूर (जिमाका): जिल्ह्यातील सर्व खाजगी वैद्यकीय व्यावसायिकांनी क्षयरोग (टी.बी.) रुग्णांच्या अनिवार्य नोंदणी (टी.बी. नोटिफिकेशन) प्रक्रियेचे तंतोतंत पालन करावे, असे आवाहन जिल्हाधिकारी डॉ. भारत बास्टेवाड यांनी केले आहे. त्यांच्या अध्यक्षतेखाली जिल्हाधिकारी कार्यालयात आयोजित टी.बी. फोरम, टीबीमुक्त भारत अभियान कमिटी, टीबी फोरम कमिटी बैठक नुकतीच झाली. या बैठकीस अतिरिक्त जिल्हाधिकारी श्रीमती शिल्पा करमरकर, जिल्हा परिषद लातूरचे सहाय्यक गट विकास अधिकारी एस. एम. कानडे, जिल्हा शल्यचिकित्सक डॉ. सुनीता पाटील, अधिष्ठाता डॉ. उदय मोहिते, कुष्ठरोग अधिकारी डॉ. बालाजी बरुरे, डी.आर.सी.एच.ओ. डॉ. नितीन बोडके, आर.एम.ओ. डॉ. अशोक सारडा, जिल्हा क्षयरोग अधिकारी डॉ. एस. एन. तांबारे, जागतिक आरोग्य संघटनेचे सल्लागार डॉ. दासगुप्ता, जिल्हा क्षयरोग केंद्राचे वैद्यकीय अधिकारी डॉ. संतोष हिंडोळे, जिल्ह्यातील सर्व वैद्यकीय अधीक्षक व वैद्यकीय अधिकारी, एम.आय.एम.एस.आर. वैद्यकीय महाविद्यालयातील डॉ. राजकुमार तोष्णीवाल तसेच जिल्हा क्षयर...