जिल्हा माहिती कार्यालय, लातूर

  बंजारा बोलीभाषा-मराठी प्रमाणभाषा कृति पुस्तिकेचे प्रकाशन प्रत्येक शनिवारी वाडी-तांड्यावरील विद्यार्थ्यांसाठी विशेष वर्ग -           अनमोल सागर ·          वाडी-तांड्यावरील विद्यार्थ्यांशी शिक्षक साधणार बोलीभाषेत संवाद !   लातूर ,   दि.   २७ (जिमाका)  :   विद्यार्थ्यांचा अध्ययन स्तर वाढविण्यासाठी त्यांच्या मातृभाषेतील शिक्षण उपयुक्त ठरते. आपल्या मराठीमध्ये विविध बोलीभाषा असून शाळेमध्ये शिक्षकांनी प्रमाण भाषेसोबत बोलीभाषेत संवाद साधल्यास विद्यार्थ्यांना चांगले आकलन होते. त्यामुळे जिल्ह्यातील वाडी-तांड्याच्या ठिकाणी असलेल्या शाळांमध्ये प्रत्येक शनिवारी बोलीभाषेत शिक्षणासाठी विशेष वर्ग घेतले जाणार असल्याचे जिल्हा परिषदेचे मुख्य कार्यकारी अधिकारी अनमोल सागर यांनी सांगितले. मुरुड येथील जिल्हा शिक्षण व प्रशिक्षण संस्था आणि जिल्हा परिषदेच्या शिक्षण विभागामार्फत तयार करण्यात आलेल्या बंजारा बोलीभाषा-मराठी प्रमाणभाषा कृति पुस्तिकेच्या प्रकाशनप्रसंगी श्री. सागर बोलत होते. श्रीकिशन सोम...

                                                     जिल्हा क्रीडा संकुल येथे 1 ऑक्टोबर रोजी ज्येष्ठ नागरिक दिनानिमित्त आरोग्य शिबीर लातूर, दि.26 (जिमाका) :    दरवर्षी 01 ऑक्टोंबर हा दिवस जागतिक ज्येष्ठ नागरीक दिन म्हणून साजरा करण्यात येतो, या दिनाचे औचित्य साधून 1 ऑक्टोबर, 2024 रोजी सकाळी 6.30 ते 8.30 या वेळेत बॅडमिंटन हॉल, जिल्हा क्रिडा संकुल, लातूर येथे सहाय्यक आयुक्त, समाज कल्याण, लातूर व सह्याद्री हॉस्पिटल, लातूर यांचे संयुक्त विद्यमाने आरोग्य तपासणी शिबीराचे आयोजन करण्यात आलेले आहे. तसेच सकाळी 11 वाजता भारतरत्न डॉ.बाबासाहेब आंबेडकर सामाजिक न्याय भवन, मार्केट यार्ड, शिवनेरी गेटसमोर, डाल्डा फॅक्टरी कंपाऊंड, लातूर येथे जिल्हाधिकारी वर्षा ठाकूर - घुगे यांच्या अध्यक्षतेखाली ज्येष्ठ नागरिक दिनानिमित्त मुख्य कार्यक्रमाचे आयोजन करण्यात आलेले आहे. या कार्यक्रमास प्रमुख अतिथी म्हणून जिल्हा परिषदेचे मुख्य कार्यकारी अधिकारी अनमोल सागर, समाज कल्याण वि...

  ‘स्वच्छता ही सेवा’ अंतर्गत नेहरु युवा केंद्रामार्फत विविध उपक्रमांचे आयोजन   लातूर, दि.26 (जिमाका) :  “ स्वच्छता ही सेवा ”  हा कार्यक्रम १७ सप्टेंबर ते २ ऑक्टोबर २०२४   दरम्यान  आयो जि त करण्यात  आला  आहे. लातूर जिल्ह्यातील नेहरू युवा कें द्रामार्फत  स्वच्छता शप थ  , नुक्कड नाटक , स्वच्छता  रॅ ली, वाल रायटिंग, स्वच्छता अभियान संपूर्ण लातूर जिल्ह्यात राबविले जात आहे. २५   सप्टेंबर,  २०२४   रोजी   लातूर  नेहरू युवा केंद्र व दयानंद वाणिज्य महाविद्यालय  यांच्यावतीने   भारतरत्न डॉ. बाबासाहेब आंबेडकर पार्क  व गांधी चौकात स्वच्छता अभियान   राबविले गेले. तसेच चाकूर व रेणापूर ता लु क्यामध्ये  वॉ ल रायटिंगच्या माध्यमातून स्वच्छतेची जनजागृती  करण्यात आली.  त्याच बरोबर लातूर जिल्ह्यातील विविध शा ळां मध्ये स्वच्छता जनजागृती व शपथ  देण्यात आली. २६   सप्टेंबर,  २०२४  रोजी  नेहरू युवा केंद्र व दयानंद कला महाविद्यालय  यांच्यावतीने  दयानंद महाविद्याल...

 मांजरा,तेरणा नदी काठावरील गावांना सतर्कतेचा इशारा    लातूर, दि.25 (जिमाका) : मांजरा    प्रकल्पाचा पाणीसाठा 96.5 टक्के झाला आहे. पावसामुळे धरणात होणारी पाण्याची आवक पाहता धरण पाणी पातळी नियंत्रित करण्याच्या दृष्टीने 25 सप्टेंबर, 2024 रोजी मांजरा प्रकल्पाचे 2 दरवाजे हे 0.25 मीटर उंचीने उघडून मांजरा नदीपात्रात 1 हजार 730 क्युसेक (49.00 क्युमेक्स) इतका विसर्ग सोडण्यात आला आहे. तसेच निम्न तेरणा धरणाच्या पाणलोट क्षेत्रात पाण्याची पातळी नियंत्रित करण्योच्या दृष्टिने निम्न तेरणा 16 हजार 5 क्यूसेक (453.2 क्यूमेक्स) इतका विसर्ग नदीपात्रात सोडण्यात आला आहे. त्यामुळे मांजरा व तेरणा नदीकाठच्या गावाना, शेतकऱ्यांना, नदीकाठी वस्ती करुन राहिलेल्या नागरिकांना सतर्कतेचा इशारा देण्यात आला आहे. नागरिकांनी दुभती तसेच इतर जनावरे झाडाखाली, पाण्याच्या स्त्रोताजवळ, विद्युत खांबाजवळ बांधू नयेत. त्यांना सुरक्षित ठिकाणी बांधावे. आपल्या जनावरांना सुरक्षित ठिकाणी स्थलांतरित करुन स्वत: सुरक्षित ठिकाणचा आसरा घ्यावा. जलसाठ्याजवळ , नदीजवळ जावू नये. आपल्या मुलांना जलसाठ्यावर, नदीवर पोहण्यासा...

  नदी काठावरील गावांमध्ये खबरदारीच्या उपाययोजना तातडीने सुरू करा- पालकमंत्री गिरीश महाजन जिल्ह्यात पावसामुळे उद्भवलेल्या परिस्थितीचा आढावा पूर प्रवण गावातील पूर्वतयारीची घेतली माहिती लातूर, दि. 25 : जिल्ह्यात 24 सप्टेंबर रोजी झालेल्या पावसामुळे नद्या, सिंचन प्रकल्पात पाण्याची आवक वाढली आहे. त्यामुळे निर्माण होणारी संभाव्य पूर परिस्थिती लक्षात घेवून खबरदारीच्या उपाययोजना तातडीने सुरू करण्याच्या सूचना पालकमंत्री गिरीश महाजन यांनी दिल्या. जिल्ह्यात पावसामुळे निर्माण झालेल्या परिस्थितीचा त्यांनी आज दूरदृश्य प्रणालीद्वारे आढावा घेतला. पुराचा धोका असलेल्या गावांमधे प्रशासनाने केलेल्या पूर्वतयारीबाबत जिल्हाधिकारी वर्षा ठाकूर घुगे, जिल्हा परिषदेचे मुख्य कार्यकारी अधिकारी अनमोल सागर, निवासी उपजिल्हाधिकारी केशव नेटके यांच्यासह संबंधित अधिकाऱ्यांनी माहिती दिली. तेरणा आणि मांजरा नदीत सुरू असलेला पाण्याचा विसर्ग, तसेच इतर नद्यांच्या पाणी पातळीत वाढ होत असल्याने पूर परिस्थिती निर्माण होण्याची शक्यता असलेल्या सर्व नद्यांच्या काठावरील गावांमध्ये खबरदारीच्या उपाययोजना तातडीने सुरू कराव्यात. आवश्यकत...

                                                            दुभत्या जनावरांना खाद्य उपलब्धतेसाठी 100 टक्के अनुदानावर मिळणार बियाणे   लातूर, दि.25 (जिमाका) :    जिल्हा परिषद पशुसंवर्धन विभागामार्फत सन 2024-2025 या आर्थिक वर्षासाठी दुभत्या जनावरांना खाद्य उपलब्धतेसाठी सुधारणा कार्यक्रम, वैरण व पशुखाद्य कार्यक्रम अंतर्गत (सर्वसाधारण) या योजनेतून सुधारित बाजरा नं. 1 व मॅक्स सायलेज संकरीत मका बियाणे 100 टक्के अनुदानावर वाटप करण्यात येणार आहे. जिल्ह्यातील दहाही तालुक्यातून या योजनेसाठी अर्जदारांकडून अर्ज मागविण्यात येत आहेत. अर्जाचा नमुना व आवश्यक कागदपत्रे संबंधित तालुक्याचे पशुधन विकास अधिकारी (वि) , पंचायत समिती किंवा नजीकच्या पशुवैद्यकीय दवाखान्याकडून उपलब्ध करुन घ्यावेत. पूर्णपणे भरलेले विहीत नमुन्यातील अर्ज 25 सप्टेंबर, 2024 ते 3 ऑक्टोबर, 2024 या कालावधीत संबंधित पुशवैद्यकीय दवाखान्यात जमा करावेत. लाभार्थ्यांची निवड पात...

  रविवारी शौर्य दिनाचे आयोजन   लातूर, दि.25 (जिमाका) :    29 सप्टेंबर, 2016 रोजी भारतीय सैन्य दलाने पाकिस्तन हद्दीत घुसून सर्जिकल स्ट्राईकद्वारे अतिरेक्यांचा खात्मा केला . भारतीय सैन्याची ही अभिमानास्पद कामगिरी राज्यातील जनतेपर्यंत पोहचविण्यासाठी व माजी सैनिकांचा सन्मान करण्यासाठी प्रतिवर्षी दिनांक 29 सप्टेंबर रोजी शौर्य दिन साजरा करण्याचे शासनाने निश्चित केले आहे. त्यानुसार 29 सप्टेंबर, 2024 रोजी सकाळी 11 वाजता नवीन जिल्हाधिकारी कार्यालय सभागृह, बार्शी रोड , लातूर येथे शौर्य दिन साजरा करण्यात येणार आहे. यावेळी जिल्ह्यातील शहीद जवानांच्या वीरपत्नी, वीरमाता, वीरपिता व शौर्यपदक धारकांचा यथोचित सत्कार करण्यात येणार आहे. लातूर जिल्ह्यातील शहीद जवानांचे वीरपत्नी, वीरमाता, वीरपिता, शौर्यपदकधारक, माजी सैनिक, माजी सैनिकांच्या विधवा पत्नी, शासकीय अधिकारी, पदाधिकारी, कर्मचारी तसेच शाळा, कॉलेजमधील विद्यार्थी यांनी सदर कार्यक्रमाला उपस्थित राहण्याचे आवाहन जिल्हा सैनिक कल्याण अधिकारी ले. कर्नल शरद पांढरे (निवृत्त) यांनी केले आहे. ****

 जिल्हाधिकारी वर्षा ठाकूर-घुगे यांनी केली नागझरी बॅरेजची पाहणी • एनडीआरएफ पथकाच्या शिबिरास भेट  लातूर, दि. २५ : गेल्या दोन दिवसांपासून होत असलेल्या पावसामुळे निम्न तेरणा प्रकल्प, मांजरा धरण, तेरणा आणि मांजरा नदीवरील बॅरेजच्या पाणी पातळीत वाढ होत आहे. या अनुषंगाने संभाव्य पूर परिस्थितीचा सोमवारी रात्री दूरदृश्य प्रणालीद्वारे आढावा घेतल्यानंतर जिल्हाधिकारी वर्षा ठाकूर-घुगे यांनी आज मांजरा नदीवरील नागझरी बॅरेजला भेट देवून बॅरेज आणि नदीच्या पाणी पातळीची माहिती घेतली. तसेच संभाव्य पूर परिस्थितीच्या अनुषंगाने करण्यात आलेल्या उपाययोजनांचा आढावा घेतला. जिल्हा आपत्ती व्यवस्थापन अधिकारी डॉ. साकेब उस्मानी, पाटबंधारे विभागाचे शाखा अभियंता आशिष चव्हाण, गावातील सरपंच, मंडळ अधिकारी, तलाठी, ग्रामसेवक यावेळी उपस्थित होते. एनडीआरएफ पथकामार्फत नागझरी येथे आयोजित शोध व बचाव प्रशिक्षणालाही जिल्हाधिकारी श्रीमती ठाकूर-घुगे यांनी यावेळी भेट दिली. जिल्ह्यात एनडीआरएफ पाचवी बटालियनमार्फत आपत्ती व्यवस्थापन विविध ठिकाणी आपत्ती व्यवस्थापन प्रशिक्षणाचे आयोजन केले जात आहे. नागझरी येथील प्रशिक्षण भेटीवेळी ए...

  बालविवाह मुक्त लातूरसाठी चॅम्पियन्सचे दोन दिवसीय प्रशिक्षण उत्साहात   लातूर, दि.25 (जिमाका) : जिल्ह्यात बालविवाहाचे प्रमाण जास्त असून ते कमी करण्यासाठी जिल्हा प्रशासनमार्फत विविध उपाययोजना करण्यात येत आहेत.   यासाठी जिल्हाधिकारी वर्षा ठाकूर - घुगे यांच्या अध्यक्षतेखाली जिल्हा कृती दलाची स्थापना करण्यात आली आहे. बालविवाह मुक्त जिल्हा करण्यासाठी व त्याबाबत योग्य ते नियोजन , अंमलबजावणी व निर्णय या कृती दलामध्ये घेण्यात येतात. त्यानुसार सक्षम बालविवाह निर्मूलन कार्यक्रमांतर्गत महिला व बालविकास विभाग , युनिसेफ , एसबीसी-३ व जिल्हा प्रशासन यांच्या संयुक्त विद्यमाने   आरोग्य , पंचायत , शिक्षण , महिला व बालकल्याण आणि जिल्हा महिला व बालविकास विभाग मधील तालुकास्तरीय तसेच क्लस्टरमधील अधिकारी व कर्मचारी अशा ७५ अधिकारी यांना दोन दिवसीय बालविवाह निर्मूलन चॅम्पियन्स प्रशिक्षण देण्यात आले. प्रशिक्षणाचे उद्घाटन जिल्हा महिला व बालविकास अधिकारी तथा जिल्हा कार्यक्रम अधिकारी जावेद शेख यांनी केले. यावेळी माध्यमिक शिक्षणाधिकारी एन.एस. मापारी , जिल्हा बाल संरक्षण अधिकारी धम्मा...

  ‘एनसीडीसी’मार्फत जिल्ह्यातील मच्छिमारांना मार्गदर्शन लातूर, दि.25 (जिमाका) :    ‘एनसीडीसीचे’ लक्ष्मणराव इनामदार नॅशनल अकॅडमी फॉर को-ऑपरेटिव्ह रिसर्च अँड डेव्हलपमेंट प्रशिक्षण केंद्र आणि केंद्र शासनाच्या मत्स्य व्यवसाय विभाग, दयानंद विज्ञान महाविद्यालय यांच्या संयुक्त विद्यमाने मच्छीमारासाठी मंगळवारी प्रशिक्षण कार्यशाळा आयोजित करण्यात आली होती.   पंतप्रधान मत्स्य संपदा योजनेअंतर्गत आयोजित या कार्यशाळेला प्रशिक्षणादरम्यान महाराष्ट्र शासनाच्या मत्स्य व्यवसाय विभागाचे प्रादेशिक उपआयुक्त शिरीष गाताडे, सहाय्यक आयुक्त तेजस्विनी कराळे व दयानंद महाविद्यालयाचे प्र. प्राचार्य डॉ. एस. एस. बेल्लाळे, पुणे राष्ट्रीय सहकारी विकास निगम उपनिदेशक सुनिल शिंदे, तसेच जिल्ह्यातील मच्छिमार मोठ्या संख्येने उपस्थित होते. राष्ट्रीय सहकारी विकास निगमचे उपनिदेशक गणेश गायकवाड यांनी कार्यक्रमाची प्रस्तावना करून मान्यवरांचे स्वागत केले. दयानंद विज्ञान महाविद्यालयाचे प्र. प्राचार्य डॉ. एस. एस. बेल्लाळे यांनी पाण्याचे महत्व सांगताना जलसंपत्ती व मत्स्यपालनाचे महत्त्व अधोरेखित केले. गुणवत्ता...

  पाठ्यपुस्तक मंडळाची   विभागीय भांडारे 27 ते 30 सप्टेंबर दरम्यान राहणार बंद लातूर, दि.25 (जिमाका) :   दिनांक 27 ते 30 सप्टेंबर, 2024 या कालावधीत पुस्तके व कागदाची वार्षिक प्रत्यक्ष साठा मोजणी होणार असल्याने या कालावधीत मंडळाची गोरेगाव, पुणे, नागपूर, छत्रपती संभाजीनगर, लातूर, नाशिक, कोल्हापूर, पनवेल व अमरावती येथील विभागीय भांडारामधील व्यवहार (आवक-जावक, विक्री इत्यादी) बंद राहतील, असे पुणे पाठ्यपुस्तक मंडळाचे संचालक कृष्णकुमार पाटील यांनी कळविले आहे. ****

  निम्न तेरणा प्रकल्पातून पाण्याचा विसर्ग सुरू; तेरणा नदी काठच्या गावातील नागरिकांनी सतर्क राहण्याचे आवाहन लातूर, दि. २४ : माकणी येथील निम्न तेरणा प्रकल्पाच्या पाणलोट क्षेत्रात झालेल्या पावसामुळे प्रकल्पात येणारा येवा लक्षात घेऊन पाणी पातळी नियंत्रित करण्याचे दृष्टीने २४ सप्टेंबर २०२४ रोजी सायंकाळी ५.३० वाजता निम्न तेरणा प्रकल्पाचे ४ वक्रद्वारे १० सेंटीमीटरने उघडण्यात आले आहेत. यामधून निम्न तेरणा नदीपात्रात  १५२६ क्यूसेक्स  (४३.२२६ क्युमेक्स) इतका विसर्ग सोडण्यात येत आहे. धरणामध्ये येणारी पाण्याची आवक पाहून विसर्ग वाढवणे किंवा कमी करण्याबाबत निर्णय घेण्यात येणार असल्यामुळे प्रकल्पाखालील तेरणा नदी काठावरील नागरीकांनी खबरदारी घ्यावी, असे आवाहन निम्न तेरणा प्रकल्प पूर नियंत्रण कक्षामार्फत करण्यात आले आहे.

  मुख्यमंत्री माझी लाडकी बहीण योजना पात्र लाभार्थी महिलांच्या बँक खात्याला आधार सीडिंगची कार्यवाही तातडीने करावी - जिल्हाधिकारी वर्षा ठाकूर-घुगे ·           अंगणवाडी कार्यकर्तीच्या माध्यमातून प्रत्येक महिलेला माहिती द्यावी   लातूर ,   दि.   २३  :   मुख्यमंत्री माझी लाडकी बहीण योजनेसाठी दुसऱ्या टप्प्यात अर्ज सादर केलेल्या अनेक पात्र महिलांनी आपल्या बँक खात्याला आधार क्रमांक संलग्न (आधार सीडिंग) केलेले नाही. या योजनेच्या लाभाची रक्कम आधार संलग्न बँक खात्यात जमा होत असल्याने सर्व पात्र लाभार्थी महिलांचे बँक खाते आधार क्रमांकाला संलग्न करण्याची कार्यवाही तातडीने पूर्ण करावी ,  अशा सूचना जिल्हाधिकारी वर्षा ठाकूर-घुगे यांनी आज येथे दिल्या. मुख्यमंत्री माझी लाडकी बहीण योजनेसाठी पात्र लाभार्थी महिलांच्या बँक खात्याला आधार क्रमांक संलग्न करण्याच्या कार्यवाहीचा आढावा घेण्यासाठी आयोजित बैठकीत जिल्हाधिकारी श्रीमती ठाकूर-घुगे बोलत होत्या. जिल्हा परिषदेचे मुख्य कार्यकारी अधिकारी अनमोल सागर ,  जिल्हा महिला व बाल विकास...

    प्रधानमंत्री नरेंद्र मोदी यांच्या हस्ते झाले लातूर जिल्ह्यातील १९ आचार्य चाणक्य कौशल्य विकास केंद्रांचे उद्घाटन • महाविद्यालयातील युवक-युवतींना रोजगारक्षम बनविण्यासाठी उपक्रम  लातूर, दि. २० : महाविद्यालयीन युवक-युवतींना रोजगारक्षम बनविण्यासाठी प्रधानमंत्री नरेंद्र मोदी यांच्या हस्ते आचार्य चाणक्य कोशल्य विकास केंद्र योजनाचे वर्धा येथून दूरदृश्य प्रणालीद्वारे उद्घाटन करण्यात आले. यामध्ये लातूर जिल्ह्यातील १९ महाविद्यालयातील कौशल्य विकास केंद्रांचाही समावेश आहे. प्रधानमंत्री श्री. मोदी यांच्या हस्ते यावेळी पुण्यश्लोक अहिल्याबाई होळकर महिला स्टार्टअप योजनेचाही शुभारंभ करण्यात आला. वर्धा येथील कार्यक्रमात राज्यपाल डॉ.सी.पी. राधाकृष्णन, मुख्यमंत्री एकनाथ शिंदे, केंद्रीय मंत्री जीतन राम मांझी, केंद्रीय राज्यमंत्री जयंत चौधरी, उपमुख्यमंत्री देवेंद्र फडणवीस, उपमुख्यमंत्री अजित पवार, राष्ट्रीय मागासवर्ग आयोगाचे अध्यक्ष हंसराज अहीर, वनमंत्री तथा पालकमंत्री सुधीर मुनगंटीवार, उच्च व तंत्र शिक्षण मंत्री चंद्रकांत पाटील, उद्योग मंत्री उदय सामंत, कौशल्य विकास मंत्री  मंगलप्रभात...

  पीएम विश्वकर्मा योजनेतून पारंपरिकता आणि कौशल्याला नवीन ऊर्जा  - प्रधानमंत्री नरेंद्र मोदी Ø  वर्धा येथे पीएम विश्वकर्मा योजनेचा वर्षपुर्ती सोहळा उत्साहात Ø  अमरावती येथील पीएम मित्रा टेक्सटाईल पार्कचे भूमिपूजन Ø  राज्यातील 1 हजार आचार्य चाणक्य कौशल्य विकास केंद्रांचे उद्गाटन Ø  पुण्यश्लोक अहिल्याबाई होळकर महिला स्टार्टअप योजनेचा शुभारंभ Ø  ग्रामीण कारागिरांनी तयार केलेल्या कलाकृतींच्या प्रदर्शनास प्रारंभ वर्धा, दि.20 (जिमाका) : पीएम विश्वकर्मा योजनेच्या माध्यमातून पारंपरिकता आणि कौशल्याला नवीन ऊर्जा प्रदान करण्याचा संकल्प आम्ही केला आहे. ही योजना म्हणजे देशात हजारो वर्षापासून असलेल्या पारंपरिक कौशल्याचा वापर विकसित भारताचे स्वप्न साकारण्यासाठी करावयाच्या प्रयत्नांचा एक परिपूर्ण रोडमॅप आहे. या कौशल्यामध्ये सर्वाधिक भागिदारी अनुसूचित जाती-जमाती आणि इतर मागासवर्गीय समाजसमुहाची आहे. या समुहातील कारागिर उद्योजक व्हावेत असा आमचा प्रयत्न असून त्यांनी देशाच्या अर्थव्यवस्थेत मोठे योगदान देण्यासोबतच ‘सप्लाय चेन’सारख्या व्यवस्थेचा भाग व्हावे, अशी अपेक्षा प्रधान...