‘दिव्‍यांग मतदारांची नोंदणी’साठी प्रत्येक तहसील कार्यालयात 13 ऑक्टोबर रोजी विशेष शिबीर

 ‘दिव्‍यांग मतदारांची नोंदणी’साठी प्रत्येक तहसील कार्यालयात 13 ऑक्टोबर रोजी विशेष शिबीर

 

लातूर, दि. 11 (जिमाका) : दिव्यांग नागरिकांच्या मतदार नोंदणीसाठी जिल्ह्यातील प्रत्‍येक तहसील कार्यालयामध्ये शुक्रवार, १३ ऑक्टोबर, २०२३ रोजी विशेष मतदार नोंदणी शिबिराचे आयोजन करण्यात आले आहे. या मतदार नोंदणी शिबिरात  पात्र दिव्‍यांग नागरीकांनी आपला सहभाग नोंदवून ‘दिव्‍यांग मतदारांची नोंदणी’चा उपक्रम यशस्‍वी करावा, असे आवाहन जिल्‍हाधिकारी तथा जिल्‍हा निवडणूक अधिकारी श्रीमती वर्षा ठाकूर-घुगे यांनी केले आहे.

भारत निवडणूक आयोग व राज्याचे मुख्‍य निवडणूक अधिकारी यांच्यामार्फत १ जानेवारी २०२४ या दिनांकावर आधारित मतदार याद्याचे संक्षिप्‍त पुनरिक्षण कार्यक्रमांतर्गत मतदार यादीत १८ ते १९ वयोगटातील व्यक्तींची नोंदणी करणे, महिला मतदार यांची नोंदणी करणे, तृतीयपंथी मतदरांची नोंदणी करणे तसेच दिव्‍यांग व्‍यक्‍तीची मतदार यादीत नोंदणी करण्‍याच्‍या सूचना करण्यात आल्या आहेत. 

या अनुषंगाने लातूर जिल्ह्यामध्ये ऑक्‍टोंबर महिन्‍यातील प्रत्‍येक आठवड्यात विशेष मतदार नोंदणीचे आयोजन करण्‍यात येणार आहे. त्‍यांतर्गत १३ ऑक्टोबर, २०२३ रोजी जिल्‍हाधिकारी तथा जिल्‍हा निवडणूक अधिकारी श्रीमती वर्षा ठाकूर-घुगे यांनी संपूर्ण जिल्ह्यामध्ये  ‘दिव्‍यांग मतदारांची नोंदणी’ उपक्रम राबविण्याच्या सूचना केल्या आहेत. 

****