अनुसूचित जाती, अनुसूचित जमाती प्रवर्गातील शेतकऱ्यांनी विविध योजनांसाठी महाडीबीटी पोर्टलवर अर्ज करण्याचे आवाहन

 अनुसूचित जाती, अनुसूचित जमाती प्रवर्गातील शेतकऱ्यांनी

विविध योजनांसाठी महाडीबीटी पोर्टलवर अर्ज करण्याचे आवाहन

लातूर, दि.26 (जिमाका) : एकात्मिक फलोत्पादन विकास अभियान सन 2023-24 अंतर्गत अनुसूचित जाती प्रवर्गातील शेतकऱ्यांसाठी फुलपिक लागवड, मशरुम उत्पादन, हरीतगृह, शेडनेट हाऊस, प्लॅस्टिक मल्चिंग, टॅक्टर 20 एचपी, शेतकरी अभ्यास दौरा, सामुहिक शेततळे, वैयक्तिक शेततळे अस्तरीकरण, कांदाचाळ, पॅक हाऊस व प्राथमिक प्रक्रिया केंद्र इत्यादी बाबींसाठी 23 लाख रुपये व अनुसूचित जमाती प्रवर्गासाठी 3 लाख रुपये निधी प्राप्त झालेला आहे. या योजनेसाठी अनुसूचित जाती, अनुसूचित जमाती प्रवर्गातील पात्र शेतकऱ्यांनी महाडीबीटी पोर्टलवर अर्ज करण्याचे आवाहन करण्यात आले आहे.

अर्ज करताना महा-डीबीटी पोर्टलचे https://mahadbt.maharashtra.gov.in/farmer/login/login किंवा https://mahadbtmahait.gov.in/ या संकेतस्थळावरील शेतकरी योजना हा पर्याय निवडावा. तसेच संगणक अथवा लॅपटॉप, सामुदायिक सेवा केंद्र (सीएससी), ग्रामपंचायतीतील संग्राम केंद्राच्या माध्यमातून अर्ज करता येतील. पोर्टलवर अर्ज करण्यासाठी लागणारी कागदपत्रे सातबारा, आठ अ, बँक पासबुक व आधारकार्ड लिंक असलेला मोबाईल सोबत असणे आवश्यक आहे. तरी इच्छुक पात्र  शेतकऱ्यांनी महाडीबीटी पोर्टलवर विविध घटकांसाठी अर्ज करण्याचे आवाहन जिल्हा अधिक्षक कृषि अधिकारी एस.व्ही.लाडके यांनी केले आहे.

*****