राज्य उत्पादन शुल्क विभागाची मोठी कारवाई 35 लाख 14 हजार रुपयांचा मुद्देमाल जप्त
राज्य उत्पादन शुल्क विभागाची मोठी
कारवाई
35 लाख 14 हजार रुपयांचा मुद्देमाल
जप्त
लातूर, दि.7(जिमाका):- राज्य उत्पादन शुल्क विभागाचे आयुक्त कांतीलाल उमाप,
संचालक श्रीमती उषा वर्मा, जिल्हाधिकारी पृथ्वीराज बी.पी. यांनी दिलेल्या
आदेशानुसार व मा. विभागीय उप-आयुक्त प्रदिप एच. पवार यांच्या मार्गदर्शनाखाली लातूर
जिल्ह़यातील अधीक्षक गणेश बारगजे निरीक्षक, उदगीर यांचा स्टाफ यांनी
सिध्द़ार्थनगर, चाकूर, ता. चाकूर, जि. लातूर तसेच माळेवाडी रोड,अहमदपूर, ता.
अहमदपूर, जि. लातूर या ठिकाणी दिनांक 5 एप्रिल, 2022 रोजी दुपारी 4-30 वा. पासून दि. 6 एप्रिल, 2022 रोजी पहाटेपर्यंत टाकलेल्या
छाप्यामध्ये बनावट दारु बनविण्याचे बाटली, बुचे, लेबल व बॉक्स असे साहित्य असे
एकूण 35 लाख 14 हजार अवैध मुद्येमाल जप्त करण्यात आला असल्याचे राज्य उत्पादन
शुल्कचे अधीक्षक गणेश बारगजे यांनी प्रसिध्दी पत्रकाद्वारे कळविले आहे.
गुन्हा क्र. 64/2022
या गुन्ह्यात अज्ञात इसमांविरुद्व तसेच गुन्हा क्र. 65/2022 यामध्ये
अनुज्ञप्तीधारकांविरुद्व गुन्हा नोंद करण्यात आला.
या कारवाईमध्ये
अधीक्षक गणेश बारगजे, निरीक्षकआर. एम. चाटे, निरीक्षक आर. एम. बांगर, दुय्यम
निरीक्षक विजय पी. राठोड, देवदत्त पाचपोळे, एल. बी. माटेकर, अमोल शिंदे, सहाय्यक
दुय्यम निरीक्षक अनंत कारभारी, गणेश गोळे, जवान सुरेश काळे, ज्योतीराम पवार,
श्रीकांत एस. साळुंके, अनिरुद्व देशपांडे, हनुमंत मुंडे, के. बी. गोसावी, वाहनचालक
एकनाथ फडणीस, विक्रम परळीकर यांनी सहभाग नोंदविला. पुढील तपास
निरीक्षकआर. एम. चाटे हे करित आहेत.
अशा अवैध मद्यविक्री
विरोधात कारवाई यापुढेही चालू राहणार असून, अवैध मद्याबाबत माहिती असल्यास टोल
फ्री 8422001133 क्रमांक व या कार्यालयास माहिती दिल्यास माहिती देणा-याचे नांव
गुप्त ठेवले जाईल असे लातूर राज्य उत्पादन शुल्कचे अधीक्षक गणेश बारगजे यांनी
सांगून अवैध मद्याबाबतची माहिती कळविण्याचेआवाहन केले
आहे.
****
Comments
Post a Comment