अनुसूचित जाती व नवबौध्द घटकांच्या स्वंयसहाय्यता बचत गटांनी मिळणार मिनी ट्रॅक्टर व उपसाधने

 अनुसूचित जाती व नवबौध्द घटकांच्या स्वंयसहाय्यता

 बचत गटांनी मिळणार मिनी ट्रॅक्टर व उपसाधने

·        5 डिसेंबर 2023 पर्यंत अर्ज करण्याचे आवाहन

लातूर दि. 9 (जिमाका) : सामाजिक न्याय व विशेष सहाय्य विभागाच्या 8 मार्च, 2017 रोजीच्या शासन निर्णयानुसार अनुसूचित जाती व नवबौध्द घटकांच्या स्वयंसहाय्यता बचत गटांना मिनी ट्रॅक्टर व त्याची उपसाधने यांचा पुरवठा करण्यात येतो. 2024 वर्षामध्ये या योजनेचा लाभ घेण्यासाठी इच्छुक पात्र बचत गटांनी  5 डिसेंबर 2023 पर्यंत आपले अर्ज समाज कल्याण सहाय्यक आयुक्त यांच्या कार्यालयात सादर करावेत, आवाहन समाज कल्याण सहाय्यक आयुक्त एस. एन. चिकुर्ते यांनी केले आहे.

या योजनेच्या मार्गदर्शक सूचना 8 मार्च 2017 रोजीच्या शासन निर्णयानुसार निश्चित करण्यात आल्या आहेत. हा  शासन निर्णय शासनाच्या www.maharashtra.gov.in या संकेतस्थळावर निरीक्षणासाठी उपलब्ध आहे. तरी जिल्ह्यातील अनुसूचित जाती व नवबौध्द घटकांच्या स्वयंसहाय्यता बचत गटांनी या योजनेसाठी  अर्ज करावेत, असे आवाहन श्री. चिकुर्ते यांनी केले आहे.