सहकार विभागातील गट क संवर्गातील रिक्त पदांसाठी 14 व 16 ऑगस्ट रोजी ऑनलाईन परीक्षा

                      सहकार विभागातील गट क संवर्गातील रिक्त पदांसाठी

14 व 16 ऑगस्ट रोजी ऑनलाईन परीक्षा

·         सहकार विभागाच्या संकेतस्थळावर प्रवेशपत्र होणार उपलब्ध

लातूर, दि. 9 (जिमाका) : सहकार विभागातील गट क संवर्गातील सरळसेवेची रिक्त पदे भरण्यासाठी 6 जुलै, 2023 रोजी जाहिरात प्रसिध्द करण्यात आली होती. त्यानुसार विहीत मुदतीत अर्ज प्राप्त झालेल्या उमेदवारांची टी.सी.एस. कंपनीमार्फत 14 ऑगस्ट, 2023 आणि 16 ऑगस्ट, 2023 रोजी ऑनलाईन परीक्षा घेण्यात येणार आहे. या परीक्षेच्या प्रवेशपत्राबाबतच्या सूचना अर्ज सादर करतेवेळी नोंदणीकृत केलेल्या भ्रमणध्वनी क्रमांक आणि ई-मेल आयडीवर पाठविण्यात आल्या आहेत.

प्रवेशपत्र डाऊनलोड करावयाची लिंक आणि याबाबतच्या सूचना सहकार आयुक्त व निबंधक, सहकारी संस्था, महाराष्ट्र राज्य, पुणे यांच्या https://sahakarayukta.maharashtra.gov.in या अधिकृत संकेतस्थळावर प्रसिध्द करण्यात आलेल्या आहेत. या वरील संकेतस्थळावरील आणि परीक्षेचे प्रवेशपत्रात नमूद सूचनांचे उमेदवारांनी तंतोतंत पालन करावे, असे जिल्हा उपनिबंधक सहकारी संस्था कार्यालयाचे व्ही.एल. पोतंगले यांनी कळविले आहे.

*****