जिल्हा माहिती कार्यालय, लातूर

  राजर्षि छत्रपती शाहू महाराज यांच्या पूर्णाकृती पुतळ्याचे अनावरण वंचितांना सामाजिक न्याय देण्याचे कार्य राजर्षि शाहू महाराजांनी केले -           खासदार सुधाकर शृंगारे लातूर ,   दि .   26   (जिमाका) :   राजर्षि छत्रपती शाहू महाराज   यांनी समाजातील वंचित घटकाला आरक्षण देवून त्यांना न्याय देण्याचे कार्य केले. तसेच डॉ. बाबासाहेब आंबेडकर यांना या समाज घटकासाठी काम करण्यासाठी पाठबळ दिले. त्यामुळे राजर्षि छत्रपती शाहू महाराज यांचे सामाजिक न्यायाच्या प्रक्रियेतील योगदान अतिशय महत्वपूर्ण असल्याचे प्रतिपादन खासदार सुधाकर शृंगारे यांनी केले. राजर्षि छत्रपती शाहू महाराज चौक   येथे लातूर शहर महानगरपालिकेच्यावतीने उभारण्यात आलेल्या राजर्षि छत्रपती शाहू महाराज यांच्या पूर्णाकृती पुतळ्याच्या अनावरणप्रसंगी खासदार श्री. शृंगारे बोलत होते. उत्तराखंडचे माजी मुख्यमंत्री तथा खासदार तिरतसिंह रावत , औरंगाबाद विभाग शिक्षक मतदारसंघाचे आमदार विक्रम काळे , लातूर ग्रामीणचे आमदार धीरज देशमुख , मध्यप्रदेश पर्यटन विकास महामंडळा...

  विशेष लेख लातूर जिल्ह्याची आरोग्य भरारी... लातूर म्हटलं की पॅटर्न नजरेत येतो , लातूरने शिक्षण , कृषी पूरक उद्योग त्यातही सोयाबीन उत्पादन आणि प्रक्रिया उद्योगात देशात आघाडी घेतली आहे... त्याच तोडीच काम आरोग्यवर्धिनीतून जिल्ह्यात झाले... एवढेच नव्हे तर लातूर जिल्ह्याने आरोग्य सेवेत राज्यातच नव्हे तर देशात प्रथम क्रमांक मिळवला..जिल्ह्यातील आयुष्मान भारत योजनेच्या अंतर्गत ‘ आरोग्यवर्धिनी ’ ची अंमलबजावणीची तसेच आरोग्य क्षेत्रातील उपक्रमांची दखल घेवून प्रधानमंत्री नरेंद्र मोदी यांच्या हस्ते 21 एप्रिल 2023   रोजी दिल्लीत लातूर जिल्ह्याला राष्ट्रीय स्तरावर गौरविण्यात आले. आरोग्य यंत्रणा मजबूत करण्यासाठीही गेल्या वर्षभरात शासन स्तरावरही प्रयत्न झाले , त्यावर प्रकाश टाकणारा हा लेख...!! लातूर जिल्ह्यातील 233 आरोग्यवर्धिनी केंद्रामधून सातत्याने गुणवत्तापूर्ण सेवा दिली जात आहे. त्यात प्रामुख्याने यामध्ये गरोदर माता बालक , किशोरवयीन मुलींच्या आरोग्यविषयीच्या सेवा , संसर्गजन्य व रक्तदाब , मधुमेह , कर्करोग यासारख्या असंसर्गजन्य आजारांवरील उपचार , आपत्कालिनी आरोगय सेवा , कान नाक घसा वि...

  लातूर जिल्ह्यात शस्त्रबंदी व जमावबंदी आदेश जारी   लातूर , दि.23 ( जिमाका): जिल्ह्यात कायदा व सुव्यवस्था , सार्वजनिक शांतता व सुरक्षितता अबाधित राखण्यासाठी अपर जिल्हादंडाधिकारी विजयकुमार ढगे यांनी मुंबई पोलीस अधिनियम 1951 च्या कलम 37 (1) (3) अन्वये लातूर जिल्ह्याच्या संपूर्ण हद्दीत शस्त्रबंदी व जमावबंदी आदेश जारी केले आहेत. हा आदेश 16 जून 2023 रोजीच्या 00.01 वाजेपासून ते दि. 30 जून 2023   रोजीच्या 24.00 वाजेपर्यंत (दोन्ही दिवस धरुन) लागू राहील.        या आदेशान्वये शस्त्रे , सोटे , तलवारी , भाले , दंडे , बंदुका , सुरे , काठ्या , लाठ्या किंवा शारीरिक इजा करण्यासाठी वापरता येईल , अशी कोणतीही वस्तू सोबत घेऊन फिरता येणार नाही. व्यक्तीचे प्रेते , आकृत्या व प्रतिमा यांचे प्रदर्शन करता येणार नाही. जाहीरपणे घोषणा , गाणे म्हणणे , वाद्य वाजविणे यास प्रतिबंध राहील. तसेच कोणत्याही रस्त्यांवर किंवा कोणत्याही एका ठिकाणी पाच किंवा अधिक व्यक्तींना एकत्र जमण्यास किंवा मिरवणूक काढण्यास मनाई करण्यात आली आहे. हा आदेश धार्मिक सभा , अंत्ययात्रा , विवाह , अधिक...

  राजर्षी शाहू महाराज जयंतीनिमित्त लातूर येथे सोमवारी समता दिंडीचे आयोजन लातूर, दि. 23 (जिमाका): राजर्षी छत्रपती शाहू महाराज यांचा 26 जून हा जन्‍मदिन सामाजिक न्‍याय दिन म्हणून साजरा करण्‍यात येतो.   त्‍यानिमित्‍त 26 जून 2023 रोजी सकाळी साडेसात वाजता राजर्षी छत्रपती शाहू महाराज चौक येथून समता दिंडीचे आयोजन करण्यात आले आहे. समाज कल्याण प्रादेशिक उपायुक्‍त अविनाश देवसटवार यांच्या हस्ते राजर्षी छत्रपती शाहू महाराज यांच्या पुतळ्यास अभिवादन करून समता दिंडीला सुरुवात होईल.   राजर्षी शाहू महाराज पुतळा , शाहू चौक, साहित्यरत्न लोकशाहीर अण्णा भाऊ साठे चौक, गंजगोलाई, महात्मा गांधी चौक , भारतरत्‍न डॉ. बाबासाहेब आंबेडकर पुतळा या मार्गे समता दिंडी काढण्यात येणार आहे. भारतरत्न डॉ. बाबासाहेब आंबेडकर पार्क (टाऊन हॉल) दिंडीचा समारोप होईल. समता दिंडीच्या माध्यमातून नागरिकांचे मूलभूत अधिकार व कर्तव्ये याविषयी जनजागृती करण्यासाठी घटनेतील विविध अनुच्छेद, जसे कायद्यासमोर समानता , भेदभाव प्रतिबंध , अस्पृश्यता प्रतिबंध , अभिव्यक्ती स्वातंत्र्याचे अधिकारी व कर्तव्याची माहिती देण्यात येणार आ...

  गोवर्धन गोवंश सेवा केंद्र योजनेसाठी 21 जुलैपर्यंत प्रस्ताव सादर करण्याचे आवाहन लातूर, दि. 23 (जिमाका) : राज्यस्तरीय योजने अंतर्गत सुरु असलेली गोवर्धन गोवंश सेवा केंद्र ही नवीन सुधारीत योजना सुरु करण्याबाबत प्रक्रिया पूर्ण करण्यासाठी गोशाळांनी 22 जून 2023 ते 21 जुलै 2023 या कालावधीत अर्ज सादर करण्याचे आवाहन जिल्हा पशुसंवर्धन उपायुक्त डॉ. नानासाहेब कदम यांनी केले आहे. या योजनेंतर्गत निवडण्यात येणाऱ्या गोशाळेस त्यांच्याकडे असलेल्या पशुधन संख्येनुसार अनुदान दोन टप्प्यात देण्यात येणार आहे. गोशाळेत 50 ते 100 पशुधन असल्यास 15 लाख रुपये, 101 ते 200 पशुधन असल्यास 20 लाख रुपये आणि 200 पेक्षा जास्त पशुधन असल्यास 25 लाख रुपये अनुदान देण्यात येईल. पहिल्या टप्प्यात 60 टक्के, तर दुसऱ्या टप्प्यात 40 टक्के अनुदान देण्यात येणार आहे. यासाठी करावयाच्या अर्जाचा नमुना, मार्गदर्शक सूचना, अर्ज करण्याची पद्धत याविषयीची माहिती पंचायत समितीमधील पशुधन विकास अधिकारी यांच्याकडे उपलब्ध आहे. या क्षेत्रामध्ये काम केल्याचे अनुभव प्रमाणपत्रासह अर्ज करावेत, असे आवाहन डॉ. कदम यांनी केले आहे. ******

  शंखी गोगलगायीलाचे करा सामूहिक व्यवस्थापन ! गोगलगाय ही बहुभक्षी कीड असून ती विशेषतः रोपावस्थेत पिकाचे अधाशासारखे पाने खाऊन अतोनात नुकसान करते. निशाचर असल्याकारणाने रात्रीच्या वेळी बाहेर पडणाऱ्या गोगलगायी रोपांची पाने खातात व शेताचे नुकसान करतात. जून ते सप्टेंबर या काळात गोगलगायी अत्यंत सक्रिय असतात व रोपावस्थेतील पिकांचे मोठ्या प्रमाणात नुकसान करतात. त्यामुळे पीक पूर्ण नष्ट होते. केवळ एका शेतकऱ्याने उपाययोजना करून हा उपद्रव पूर्णतः दूर होत नाही. हा उपद्रव टाळण्यासाठी एकाच वेळेस सामूहिकरीत्या गोगलगायीचे निर्मुलन करणे आवश्यक आहे. शंखी गोगलगायीसाठी पोषक वातावरण शंखी गोगलगायीला पाऊस , ढगाळ वातावरण , जास्त आर्द्रता व कमी तापमान (20 अंश सेल्सिअस ते 320 अंश सेल्सिअस) पोषक आहे. शंखी गोगलगाय अतीथंड व अति उष्ण हवामानात आपल्या कवचाचे तोंड पातळ पापुद्रयाने बंद करुन झाडाला अथवा भिंतीला चिटकून सुप्त अवस्थेत जातात. आगामी हंगामात खरीप मागील वर्षी प्रमाणेपरिस्थिती उद्भवू नये, यासाठी शेतकरी बांधवांनी जास्त सतर्क राहण्याची आवश्यकता आहे. पेरणीपूर्वी करावयाच्या उपाययोजना उन्हाळ्यात खोल नांगर...

  गृहप्रमुख, गृहपाल आणि मुख्याध्यापक यांच्या कामाचा समाज कल्याण आयुक्त डॉ. प्रशांत नारनवरे यांनी घेतला आढावा लातूर, दि.22(जिमाका): लातूर विभागातील गृहप्रमुख, गृहपाल आणि मुख्याध्यापक यांच्या कामकाजाचा समाज कल्याण आयुक्त डॉ. प्रशांत नारनवरे यांनी आढावा घेतला. शासकीय वसतिगृहे व निवासी शाळेतील विद्यार्थ्यांचे 100 टक्के प्रवेश पूर्ण करावेत. तसेच विद्यार्थ्यांना शासन निर्णयानुसार सर्व सोयी-सुविधा पुरविण्यात याव्यात, अशा सूचना डॉ. नारनवरे यांनी यावेळी दिल्या. लातूर विभागाचे प्रादेशिक उपायुक्त अविनाश देवसटवार , उस्मानाबाद जिल्हा जात प्रमाणपत्र समितीचे उपायुक्त बलभीम शिंदे , लातूर जिल्हा जात प्रमाणपत्र पडताळणी समितीचे उपायुक्त डॉ. तेजस माळवदकर , सहाय्यक आयुक्त एस. एन. चिकुर्ते , जिल्हा समाज कल्याण अधिकारी संतोषकुमार नाईकवाडी , नांदेडचे सहाय्यक आयुक्त बापु दासरी यांच्यासह लातूर विभागातील सर्व गृहप्रमुख , गृहपाल तसेच शासकीय निवासी शाळेचे मुख्याध्यापक व कर्मचारी यावेळी उपस्थित होते. वसतिगृहामध्ये पालक मेळावे घेण्यात यावेत. गृहपाल यांना देण्यात आलेल्या घरवापसी या उपक्रमाची अंमलबजावणी ...