बारावी विज्ञानच्या विद्यार्थ्यांना जात पडताळणी प्रमाणपत्र काढण्यासाठी विशेष मोहिम

बारावी विज्ञानच्या विद्यार्थ्यांना जात पडताळणी

प्रमाणपत्र काढण्यासाठी विशेष मोहिम

 

       लातूर,दि.17(जिमाका):- बीड जिल्हा जात पडताळणी कार्यालयाने लातूर जिल्ह्यात शिकत असलेल्या मूळ बीड जिल्हावासीय विद्यार्थी ज्यांचे जात प्रमाणपत्र बीड जिल्ह्यामधील आहे, अशा इ. 12 वी (विज्ञान शाखा) या वर्गात शिकत असणाऱ्या विद्यार्थ्यांना जात पडताळणी प्रमाणपत्र मिळण्याकरीता स्वातंत्र्याच्या अमृत महोत्सवी वर्षानिमित्ताने विशेष मोहिम सुरु केली आहेअसे उपायुक्त, तथा सदस्य जिल्हा जात प्रमाणपत्र पडताळणी समिती, बीड यांनी प्रसिध्दी पत्रकाव्दारे कळविले आहे.

        पुढील शैक्षणिक वर्षात व्यावसायिक अभ्यासक्रमासाठी प्रवेश घेवू इच्छीणाऱ्या विद्यार्थ्यांसाठी जात प्रमाणपत्र पउताळणी प्रमाणपत्राचे अनन्य साधारण महत्व आहे. जून ते ऑगस्ट या कालावधी मध्ये अशा अभ्यासक्रमाचे प्रवेश सुरु होतात. या काळात ऐनवेळी या प्रमाणपत्रासाठी जात पडताळणी कार्यालयामध्ये विद्यार्थ्यांची गर्दी होते.

       या विद्यार्थ्यांनी जिल्हा जात प्रमाणपत्र पडताळणी समिती, डॉ. बाबासाहेब आंबेडकर सामाजिक न्याय भवन,  शासकिय  विश्रामगृह समोर,  नगर रोड बीड या समितीकडे वैधता प्रमाणपत्र मिळणेसाठीचा ऑनलाईन अर्ज   https://bartievvalidity.maharashtra.gov.in      करुन  अर्ज व आवश्यक   ते पुरावे कार्यालयात  प्रत्यक्ष दाखल  करावेत,  असे  आवाहन जिल्हा जात प्रमाणपत्र पडताळणी समिती , बीड  यांचे कडून करण्यात येत आहे.

000