पेट शॉप व डॉग ब्रिडिंग सेंटरनी नोंदणी केल्या शिवाय सेंटर सुरु ठेवू नये

 

पेट शॉप व डॉग ब्रिडिंग सेंटरनी नोंदणी केल्या

 शिवाय सेंटर सुरु ठेवू नये

         

        *लातूर,दि.13 (जिमाका):-* माहे ऑगस्ट 2020 मध्ये सर्व पेट शॉप व डॉग ब्रिडींग सेंटर यांना महाराष्ट्र प्राणी कल्याण मंडळामार्फत नोंदणी प्रमाणपत्र प्राप्त करुन घेणे आवश्यक होते. परंतु अद्याप पर्यंत बहुतांश पेट शॉप व ब्रिडींग सेंटरनी महाराष्ट्र प्राणी कल्याण मंडळाकडे नोंदणी न करताच त्यांनी पेट शॉप व डॉग ब्रिडींग सुरुच ठेवलेली आहेत.

         लातूर जिल्ह्यातील सर्व पेट शॉप व डॉग ब्रिडींग सेंटर यांना कळविण्यात येते की, पाळीव प्राणी दुकान नियम, 2018 आणि श्वान प्रजनन व विपणन नियम, 2017 या नियमातील तरतुदी नुसार पाळीव प्राण्याची दुकाने तसेच श्वान प्रजनन व विनणन केंद्राची महारार्ष्ट प्राणी कल्याण मंडळाकडे नोंदणी करणे बंधनकारक असल्याने यापुढे कोणतेही पेट शॉप व डॉग ब्रिडींग सेंटर नोंदणी केल्याशिवाय चालू ठेवता येणार नाहीत याची गांभिर्यांने नोंद घेण्यात यावी. व तात्काळ महाराष्ट्र प्राणी कल्याण मंडळाकडे नोंदणी करुन घेण्यात यावी असे जिल्हा पशुसंवर्धन उपआयुक्त लातूर यांनी प्रसिध्दी पत्रकाव्दारे कळविले आहे.

 

                                                                      0000