तृतीयपंथी व्यक्तींना प्रमाणपत्र व ओळखपत्र मिळण्यासाठी अर्ज करण्याची सुविधा उपलब्ध
तृतीयपंथी
व्यक्तींना प्रमाणपत्र व ओळखपत्र मिळण्यासाठी
अर्ज
करण्याची सुविधा उपलब्ध
*लातूर,दि.8,(जिमाका):-* सामाजिक न्‍याय व अधिकारीता मंत्रालय, भारत सरकार, नवी दिल्‍ली यांच्याकडून तृतीयपंथीय व्‍यक्‍तींसाठी https:transgender.dosje.gov.in हे राष्‍ट्रीय पोर्टल सुरु करण्यात आलेले आहे. या पोर्टलवर
तृतीयपंथी व्यक्तींना प्रमाणपत्र व ओळखपत्र मिळण्यासाठी अर्ज करण्‍याबाबतची
सुविधा उपलब्ध करुन देण्‍यात आलेली आहे.
राज्‍यातील तृतीयपंथीय व्‍यक्‍तींची निश्‍चीत आकडेवारी
उपलब्ध नसल्‍याने त्‍यांच्यासाठी नाविन्‍यपूर्ण व कौशल्‍य विकासाच्‍या योजना राबविण्‍यास अडचणी निर्माण होत आहे. त्‍यासाठी तृतीयपंथीय व्यक्तींना प्रमाणपत्र
व ओळखपत्र उपलब्ध करुन देण्‍यासाठी एकदिवसी शिबीराचे
आयोजन दिनांक 9 जून 2022 रोजी सामाजिक न्‍याय भवन, आडत लाईन, शिवनेरी गेट च्‍या समोर, लातूर येथे करण्यात
येणार आहे.
लातूर जिल्ह्यातील ज्‍या
तृतीयपंथीयांनी https:transgender.dosje.gov.in या पोर्टलवर ऑनलाईन नोंदणी केलेली नाही, अशा तृतीयपंथी समुदायातील व्‍यक्‍तींनी आपल्या कागदपत्रांसह (आधारकार्ड झेरॉक्‍स प्रत, पासपोर्ट साईज फोटो, 100 रु. बॅंड पेपर)
सह सामाजिक न्‍याय व विशेष सहाय्य विभाग, आडत लाईन, शिवनेरी गेट च्‍या समोर लातूर या ठिकाणी उपस्थित राहावे, म्‍हणजे त्‍यांना तृतीयपंथी असल्या बाबतचे
प्रमाणपत्र व ओळखपत्र उपलब्ध करुन देण्‍यात येईल. अधिक माहितीसाठी या कार्यालयातील संदेश घुगे ( समाज कल्‍याण
निरीक्षक) (9405446216) व शिवाजी पांढरे (
कनिष्‍ठ लिपीक ) (9823768188) यांच्‍याशी
संपर्क साधावा, असे आवाहन सहायक आयुक्त समाज कल्‍याण यांनी केले आहे.
000
Comments
Post a Comment