अंत्योदय व प्राधान्य कुटुंब लाभार्थी योजनेच्या परिमाणात बदल

 

अंत्योदय व प्राधान्य कुटुंब लाभार्थी योजनेच्या परिमाणात बदल

           *लातूर,दि.8,(जिमाका):-*कोरोनाच्या पार्श्वभूमीवर सुरु असलेल्या प्रधानमंत्री गरीब कल्याण अन्न योजनेअंतर्गत लक्ष निर्धारित सार्वजनिक वितरण व्यवस्थेअंतर्गत पात्र लाभार्थ्यांसाठी माहे मे-2022 ते सप्टेंबर-2022  करीता अंत्योदय व प्राधान्य कुटुंब योजनेतील लाभार्थ्यांसाठी प्रती सदरस्य 5 किलो मोफत अन्नधान्य वितरीत करण्यासाठी शासनाकडून दि. 5 मे 2022 च्या पत्रानुसार सुधारित नियतन प्राप्त झाले आहे.

        सुधारीत नियतनानुसार प्रधानमंत्री गरीब कल्याण अन्न योजनेतील अंत्योदय व प्राधान्य कुटुंब लाभार्थी योजनेच्या परिमाणात बदल करण्यात आलेला आहे. माहे मे-2022 ते सप्टेंबर -2022 या कालावधीसाठी अंत्योदय योजनेचे परिमाण गहू 2 किलो प्रती सदस्य व तांदुळ 3 किलो प्रती सदस्य असे देण्यात आले आहे. प्राधान्य कुटुंब लाभार्थी योजनेचे परिमाण गहू 1 किलो प्रती सदस्य व तांदूळ 4 किलो सदस्य असे देण्यात आले आहे.PMGKAY योजनेचे धान्य पात्र लाभार्थ्यांना मोफत वितरित करावयाचे आहे.

        प्रधानमंत्री गरीब कल्याण अन्न योजनेचे परिमाण माहे मे-2022 ते सप्टेंबर-2022 पूढील प्रमाणे आहे. योजना, सध्याचे परिमाण व सुधारित परिमाण (मे-2022 ते सप्टेंबर-2022) योजना- (PMGKAY) अंत्योदय, गहू- 3 किलो / सदस्य, तांदूळ -2 किलो/ सदस्य, गहू-2 किलो/ सदस्य, तांदूळ 3 किलो/ सदस्य, (PMGKAY) प्राधान्य कुटुंब लाभार्थी- गहू- 3 किलो/ सदस्य, तांदूळ- 2 किलो / सदस्य, गहू- 1 किलो / सदस्य, तांदूळ- 4 किलो / सदस्य.

         तसेच शासनाचे पत्र दिनांक 18 मे 2022 अन्वये अंत्योदय व प्राधान्य कुटुंब लाभार्थी योजनेच्या परिमाणात बदल करण्यता आलेला आहे. माहे जून-2022 ते माहे मार्च-2023 या कालावधीसाठी अंत्योदय येाजनेचे परिमाण गहू 15 किलो प्रती कार्ड व तांदूळ 20 किलो प्रती कार्ड असे देण्यात आले आहे. प्राधान्य कुटुंब लाभार्थी योजनेचे परिमाण गहू 2 किलो प्रती सदस्य व तांदूळ 3 किलो प्रती सदस्य असे देण्यात आले आहे.

       अंत्योदय व प्राधान्य कुटुंब लाभार्थी योजनेचे परिमाण माहे जून-2022 ते मार्च-2023 पूढील प्रमाणे आहे. योजना, सध्याचे परिमाण  (जून-2022 ते मार्च-2023) योजना- अंत्योदय योजना गहू-20 किलो / कार्ड, तांदूळ- 15 किलो / कार्ड, गहू- 15 किलो / कार्ड व तांदूळ- 20 किलो / कार्ड, प्राधान्य कुटुंब लाभार्थी योजना- 3 किलो / सदस्य, तांदूळ- 2 किलो / सदस्य, गहू- 2 किलो / सदस्य व तांदूळ- 3 किलो / सदस्य, व धान्याचे वितरण गहू -2 रु. प्रती किलो व तांदूळ 3 रु. प्रती किलो या प्रमाणे करण्यात यावे असे  जिल्हा पुरवठा अधिकारी, लातूर यांनी प्रसिध्दी पत्रकाव्दारे कळविले आहे.

 

                                                     0000