पदोन्नतीनंतर प्रशासकिय गतीमानता वाढवा -मुख्य कार्यकारी अधिकारी -अभिनव गोयल

                                            पदोन्नतीनंतर प्रशासकिय गतीमानता वाढवा

                         -मुख्य कार्यकारी अधिकारी -अभिनव गोयल

 

*लातूर दि.19 (जिमाका)* लातूर जिल्हा परिषद अंतर्गत प्रशासनातील सेवांच्या गुणवत्तेमधील वाढ, लोकाभिमुखता, निर्णयक्षमता तसेच पारदर्शकता आणण्याकरिता तसेच सर्वांच्या सहकार्यातून उत्तम व गतीमान प्रशासन कार्यान्वीत करण्याकरिता लातूर जिल्हा परिषदेचे मुख्य कार्यकारी अधिकारी अभिनव गोयल यांच्या संकल्पनेतून जिल्हा परिषद लातूर अंतर्गत दि.१७ ऑक्टोबर, २०२२ रोजीच्या निवडसमितीद्वारे विविध संवर्गातील एकुण-६२ कर्मचा-यांना पदोन्नती देण्यात आलेल्या कर्मचा-यांना पदस्थापना देण्यासाठी दिनांक १९ ऑक्टोंबर, २०२२ रोजी सकाळी ११.०० ते दुपारी ०२.०० या वेळेत स्थायी समिती सभागृह जिल्हा परिषद लातूर येथे समुपदेशन प्रक्रिया राबविण्यात आली असून समुपदेशानावेळीच संबधीत कर्मचा-यांना पदस्थापनेचे आदेश निर्गमित आले आहेत.

     सर्व विभागांत विविध संवर्गातील अधिकारी / कर्मचारी यांना त्यांच्या सेवाजेष्ठतेनुसार पदोन्नती देण्यात येते. जिल्हा परिषद लातूर अंतर्गत विविध संवर्गातील पदोन्नतीच्या विचारक्षेत्रात येणा-या वर्ग-३ व वर्ग-४ कर्मचारी यांना पदोन्नती देण्यासाठी दि.१७ ऑक्टोंबर, २०२२ रोजी पदोन्नतीनिवड समितीची बैठक आयोजित करुन एकुण-६२ कर्मचा-यांची पदोन्नतीसाठी निवड करण्यात आली. असून सामान्य प्रशासन विभाग-वरिष्ठ सहाय्यक-६, कनिष्ठ सहाय्यक-८ असे एकुण-१४, पंचायत विभागातील ग्रामविकास अधिकारी-एकुण-२, कृषी विभागातील विस्तार अधिकारी (कृषी) एकुण-२, अर्थ विभागातील सहाय्यक लेखाधिकारी-१,कनिष्ठ लेखाधिकारी-२, वरिष्ठ सहाय्यक लेखा-४ असे एकुण-७, पशुसंवर्धन विभागातील सहाय्यक पशुधन विकास अधिकारी-३, वृणोपचारक-९ असे एकुण-१२, आरोग्य विभागातील आरोग्य पर्यवेक्षक-४,आरोग्य सहाय्यक(पुरुष)- ११,आरोग्य सहाय्यक (महिला)-१० असे एकुण-२५, असे एकुण-६२ कर्मचा-यांची पदोन्नती करण्यात आली.

    या समुपदेशन प्रक्रिया ही मुख्य कार्यकारी अभिनव गोयल,उप मुख्य कार्यकारी अधिकारी (सा.प्र.) नितीन दाताळ, मुख्य लेखा व वित्त अधिकारी रत्नराज जवळगेकर, तसेच संबधीत विभागातील खातेप्रमुख उप मुख्य कार्यकारी अधिकारी(पं.) दत्तात्रय गीरी, जिल्हा कृषी अधिकारी एस.आर.चोले, जिल्हा पशुसंवर्धन अधिकारी आर.डी.पडिले, जिल्हा आरोग्य अधिकारी एच.व्ही.वडगावे यांचे उपस्थितीत पार पडली.