18 वर्षे पूर्ण केलेले आणि अद्याप मतदार नोंदणी केली नाही अशा नागरिकांसाठी विशेष मोहिम
18 वर्षे पूर्ण केलेले आणि अद्याप मतदार नोंदणी केली नाही
अशा नागरिकांसाठी विशेष मोहिम
लातूर,दि.10,(जिमाका):-
मा.भारत निवडणूक आयोगाचे निर्देशानुसार दिनांक 01 जानेवारी 2022 या अर्हता दिनांकावर
आधारित मतदार यादीचा विशेष संक्षिप्त पुनरिक्षण कार्यक्रम घोषित केला आहे.
या पुनरिक्षण कार्यक्रमानुसार
दिनांक 1 नोव्हेंबर 2021 ते दिनांक 30 नोव्हेंबर 2021 या कालावधीत दावे व हरकती स्वीकारण्यात
येणार आहेत. तसेच दिनांक 1 नोव्हेंबर 2021 रोजी प्रारूप मतदार यादी प्रसिद्ध करण्यात
आलेली असून अंतिम मतदार यादी दिनांक 5 जानेवारी, 2022 रोजी प्रसिद्ध होणार आहे.
दिनांक 1 जानेवारी,
2022 रोजी 18 वर्ष पूर्ण करणारे नागरिक मतदार म्हणून नोंदणीस पात्र होणार आहेत. नुकत्‍याच
पार पडलेल्या विशेष पुनरिक्षण कार्यक्रमातंर्गत मतदार म्हणून नोंदणी झालेली नाही अथवा
आपण अद्याप मतदार म्हणून नोंदणी केली नसेल, अशा नागरिकांना छायाचित्र मतदार यादीच्या
विशेष पुनरिक्षण कार्यक्रमांतर्गत आपले नाव मतदार म्हणून नोंदवता येणार आहे.
मा.मुख्य निवडणूक अधिकारी यांचे निर्देशानुसार दिनांक
13 व 14 नोव्हेंबर, 2021 व दिनांक 27 व 28 नोव्हेंबर, 2021 या दिवशी प्रत्‍येक मतदान
केंद्रांवर मतदार नोंदणीसंदर्भात विशेष मोहिमेचा कार्यक्रम आयोजित करण्यात येणार आहे.
या कार्यक्रमांतर्गत लातूर
जिल्ह्यातील सर्व मतदान केंद्रांवर मतदान केंद्रस्तरीय अधिकारी बीएलओ (BLO) यांना नागरीकांकडून
नांव नोंदणीबाबतचे अर्ज स्विकारण्यासाठी उपस्थित राहण्याचे निर्देश देण्यांत आले आहेत.
तसेच जिल्ह्यातील सर्व मान्यताप्राप्त राजकीय पक्षांचे मतदान केंद्रस्तरीय अभिकर्ता बीएलए (BLA) यांना या मोहिमेस उपस्थित राहण्याबाबत
कळविण्यांत आलेले आहे. या कार्यक्रमास सहायक मतदार यादी निरीक्षक तथा उपायुक्त (पुरवठा),
विभागीय आयुक्त कार्यालय, औरंगाबाद हे दिनांक 12 नोव्हेंबर, 2021 रोजी भेट देणार असून
या दिवशी सकाळी 11-30 वाजता मान्यताप्राप्त राजकीय पक्षांचे प्रतिनिधी यांच्या समवेत
बैठक आयोजित करण्यात आलेली आहे. तसेच, दिनांक 16 नोव्हेंबर, 2021 रोजी लातूर जिल्ह्यात
विशेष ग्रामसभा आयोजित करण्यात येणार असून ग्रामसभेत मतदार यादीचे वाचन करण्यात येणार
आहे.
छायाचित्र
मतदार ओळखपत्र हे मतदारांची ओळख पटविण्‍यासाठी असून मतदारांचे नाव मतदार यादीत असेल,
तरच मतदान करता येते. त्‍यासाठी त्‍यांचेकडे ओळखपत्र असले तरीही मतदार यादीत नाव असल्‍याची
खातरजमा करून घेणे आवश्यक आहे. जेणेकरून मतदानाच्या दिवशी मतदानाचा हक्क गमावण्याची
वेळ येणार नाही. नागरीकांना आपले नाव मतदार यादीत तपासण्‍यासाठी
https://ceo.maharashtra.gov.in या संकेतस्थळाला भेट द्यावी किंवा Voter Helpline
App या मोबईल ॲपचा वापर करावा. तसेच, 01 नोव्हेंबर
2021 रोजी प्रसिद्ध करण्यात आलेली प्रारूप
मतदार यादी मतदान केंद्रस्तरीय अधिकारी (BLO) यांच्याकडे उपलब्‍ध करुन देण्‍यात आलेली
आहे. सदरच्या मतदार यादीमध्येही आपले नावाची तपासणी करता येईल.
या कार्यक्रतंर्गत मतदार
म्हणून नोंदणी करण्यासाठी किंवा आपल्या नोंदीमध्ये दुरुस्ती करण्यासाठी आपणास
Voter Helpline App या मोबाईल ॲपद्वारे किंवा
https://www.nvsp.in या संकेतस्थळावर भेट देवून नोंदणी करता येईल.
लातूर जिल्ह्यातील दिनांक 01 जानेवारी, 2022 रोजी
18 वर्ष पूर्ण करणारे नागरिक व अद्याप मतदार म्हणून नोंदणी केली नसेल अशा सर्व पात्र
नागरीकांनी छायाचित्र मतदार यादीचा विशेष पुनरिक्षण कार्यक्रमांतर्गत मतदार नोंदणीसंदर्भात
विशेष मोहिमेत विहित नमुन्यातील अर्ज भरून ( आवश्यक कागदपत्रासह) आपले नाव मतदार यादीमध्‍ये
नोंदवावे, असे आवाहन लातूर जिल्हाधिकारी तथा जिल्हा निवडणूक अधिकारी पृथ्वीराज बी.पी.
यांनी केले आहे.
**
Comments
Post a Comment