लातूरकरांना मोठा दिलासा … आज जिल्ह्यात कोरोनाचा एकही पॉझिटिव्ह रुग्ण नाही, हे चित्र कायम राहावे यासाठी नागरिकांनी शासनाच्या मार्गदर्शक सुचनांचे तंतोतंत पालन करावे
लातूरकरांना मोठा दिलासा … आज जिल्ह्यात कोरोनाचा
एकही पॉझिटिव्ह रुग्ण नाही,
हे चित्र कायम राहावे यासाठी नागरिकांनी शासनाच्या
मार्गदर्शक सुचनांचे तंतोतंत पालन करावे
-जिल्हाधिकारी पृथ्वीराज बी.पी. यांचे आवाहन
लातूर दि.2(जिमाका):- मागच्या 24
तासात एकही कोरोना पॉझिटिव्ह रुग्ण जिल्ह्यात आढळून आलेला नाही. ही जिल्ह्यासाठी अत्यंत
दिलासादायक बातमी आहे. पण आज एकही रुग्ण आढळून न येण्यामागे मोठ्या प्रमाणात झालेले
लसीकरण आणि जिल्ह्यातील नागरिक करत असलेले कोविड-19 नियमांचे पालन आहे.
ज्या नागरिकांचे लसीकरण राहिले आहे, त्यांनी
लसीकरण केंद्रावर जावून आपले लसीकरण करुन घ्यावे. अजूनही कोविड पूर्णपणे संपलेला नाही.
त्यामुळे कोविड -19 चे नियम पाळू या, अजूनही त्रिसुत्रीचे पालन करु या, असे आवाहन जिल्हाधिकारी
पृथ्वीराज बी. पी. यांनी लातूर जिल्ह्यातील नागरिकांना केले आहे.
0000
Comments
Post a Comment