हरंगुळ बु. येथे ४ जुलै रोजी संवेदना दिव्यांग औद्योगिक प्रशिक्षण संस्थेत दिव्यांगासाठी पंडीत दीनदयाल उपाध्याय विशेष रोजगार मेळावा

वृत्त क्र. : 441 हरंगुळ बु. येथे ४ जुलै रोजी संवेदना दिव्यांग औद्योगिक प्रशिक्षण संस्थेत दिव्यांगासाठी पंडीत दीनदयाल उपाध्याय विशेष रोजगार मेळावा लातूर, दि. २ (जिमाका): लातूर येथील जिल्हा कौशल्य विकास, रोजगार व उद्योजकता मार्गदर्शन केंद्र, मॉडेल करिअर सेंटर आणि हरंगुळ (बु.) येथील संवेदना दिव्यांग औद्योगिक प्रशिक्षण संस्था यांच्या संयुक्त विद्यमाने दिव्यांग उमेदवारांसाठी पंडित दीनदयाल उपाध्याय विशेष रोजगार मेळाव्याचे आयोजन करण्यात आले आहे. हा मेळावा ४ जुलै २०२६ रोजी सकाळी १० वाजता लक्ष्मी नगर, बरड वस्ती, हरंगुळ (बु.), ता. जि. लातूर येथील संवेदना दिव्यांग औद्योगिक प्रशिक्षण संस्थेत होणार आहे. या रोजगार मेळाव्यात लातूर येथील साईबाबा जनता सहकारी बँक लि., ऑटोमोटिव्ह मॅन्युफॅक्चर प्रा. लि., सुजया एंटरप्रायझेस (जया ह्युंदाई), अजय फार्म मेकॅनायझेशन, राजयोग बजाज, राजयोग ऑटो प्रा. लि., राजयोग मोटर्स एलएलपी, राजर्षी फाउंडेशन, जबिल सर्किट इंडिया प्रा. लि. आणि बघिरा गारमेंट या नामांकित आस्थापना प्रामुख्याने सहभागी होणार आहेत. या विविध आस्थापनांमध्ये १८ ते ३५ वर्षे वयोगटातील दिव्यांग उमेदवारांना रोजगाराच्या संधी उपलब्ध असणार आहेत. यासाठी उमेदवारांची शैक्षणिक पात्रता १२ वी, कोणतीही पदवी, डिप्लोमा तसेच आय.टी.आय.च्या इलेक्ट्रॉनिक्स मेकॅनिक, इलेक्ट्रिशियन, ड्रेस मेकिंग आणि कॉम्प्युटर ऑपरेटर अँड प्रोग्रामिंग असिस्टंट या ट्रेड्सची असणे आवश्यक आहे. इच्छुक आणि पात्र दिव्यांग उमेदवारांनी ४ जुलै रोजी सकाळी १०:०० वाजता थेट मुलाखतीसाठी आवश्यक शैक्षणिक पात्रतेचे गुणपत्रक, प्रमाणपत्र, दिव्यांगत्वाचे प्रमाणपत्र, शैक्षणिक बायोडाटा आणि पासपोर्ट साईज फोटो यांच्या प्रत्येकी पाच प्रती (झेरॉक्स) सोबत घेऊन मेळाव्याच्या ठिकाणी उपस्थित राहावे. या रोजगार मेळाव्याच्या अनुषंगाने उमेदवारांना काही अडचण असल्यास, त्यांनी मार्गदर्शन केंद्रातील दत्तात्रय कांबळे (मो. ९०२८२३८४६५), लहू भंडारे (मो. ८०५५९९२९००) आणि प्रवीण वाघमारे (मो. ९९२२९२५८९५) यांच्याशी संपर्क साधावा. तसेच विशेषतः कर्णबधिर व दिव्यांग उमेदवारांच्या मदतीसाठी सिद्धांत मंडाळे (मो. ९६३७९२०६६५) व आकाश मगर (मो. ८२३७३२०८४९) या क्रमांकांवर संपर्क साधण्याचे आवाहन लातूरचे जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त नि. ना. सूर्यवंशी यांनी केले आहे. *****

Comments

Post a Comment

Popular posts from this blog

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन

मत्स्यव्यवसाय योजनांच्या लाभासाठी एन.एफ.डी.पी. पोर्टलवर नोंदणी करण्याचे आवाहन लातूर, दि. १६ : मत्स्यव्यवसाय विभागांतर्गत राबविण्यात येणाऱ्या विविध योजनांच्या लाभासाठी जिल्ह्यातील मत्स्यव्यवसायाशी संबंधित व्यक्ती व संस्थांनी 'राष्ट्रीय मत्स्यव्यवसाय डिजिटल प्लॅटफॉर्म' (एनएफडीपी) पोर्टलवर आपली नोंदणी करावी, असे आवाहन मत्स्यव्यवसाय विभागाच्या सहायक आयुक्त श्रीमती तेजस्विनी सिंधू प्रदीप करळे यांनी केले आहे. जिल्ह्यातील सर्व वैयक्तिक मच्छिमार, मत्स्यसंवर्धक, मत्स्य विक्रेते, मच्छिमार सहकारी संस्थांचे सभासद आणि मत्स्यउत्पादन शेतकरी संघ यांना विभागाच्या कोणत्याही योजनेचा लाभ घेण्यासाठी या पोर्टलवर नोंदणी असणे अनिवार्य आहे. ही नोंदणी https://nfdp.dpf.gov.in किंवा https://pmmkssy.dof.gov.in या लिंकवर स्वतः किंवा जवळच्या 'सीएससी' केंद्रात जाऊन विनामूल्य करता येईल. नोंदणीसाठी ओळखपत्र आणि बँक पासबुक सोबत असणे आवश्यक आहे. यासोबतच, ई-श्रम कार्डसाठीची नोंदणी https://eshram.gov.in या लिंकवर करावी. तसेच अपघात गट विमा नोंदणीबाबतची ३३ कॉलमची माहिती आणि 'केसीसी' संदर्भातील कागद...
Read more

माविमच्या नवतेजस्विनी महोत्सवाचा समारोप महिलांनो स्वप्न मोठी पहा आणि ते जिद्दीने पूर्ण करा जिल्हाधिकारी पी. बी. पृथ्वीराज यांचे महिला बचत गटांना आवाहन

Image
  माविमच्या नवतेजस्विनी महोत्सवाचा समारोप महिलांनो स्वप्न मोठी पहा आणि ते जिद्दीने पूर्ण करा जिल्हाधिकारी पी.   बी. पृथ्वीराज यांचे महिला बचत गटांना आवाहन   ▪ महिला बचत गटाच्या कायम स्वरूपी विक्री केंद्रासाठी जिल्हा प्रशासन प्रयत्न करणार ▪ महिला बचत गटाच्या 88 स्टॉल मधून 12 लाख रुपयांची विक्री   लातूर दि.27 ( जिमाका ) महिलांनो तुमच्यात मोठी गुणवत्ता आहे. काम करण्याची तयारी आहे त्यासाठी स्वप्न मोठी पहा आणि ते तेवढ्याच जिद्दीने पूर्ण करा असे आवाहन जिल्हाधिकारी पी.   बी. पृथ्वीराज यांनी महिला बचत गटांच्या महिलांना केले.                महिला आर्थिक विकास महामंडळ (माविम) जिल्हा कार्यालय लातूर यांच्या वतीने दि 24 ते 26 मार्च 2023 या कालावधीमध्ये कल्पतरू मंगल कार्यालय, दत्त मंदिर जवळ औसा रोड, लातूर येथे महिला बचत गटांनी उत्पादित केलेल्या वस्तूचे जिल्हा स्तरीय भव्य प्रदर्शन व विक्री “ नवतेजस्विनी महोत्सव ” चे आयोजन करण्यात आले होते.   त्या महोत्सवाच्या समारोप प्रसंगी ते बोलत होते.   ...
Read more

सहकारी संस्थांच्या लेखापरिक्षकांसाठी नामतालिका तयार करण्याची प्रक्रिया सुरू; ६ एप्रिलपासून ऑनलाईन अर्जांचे आवाहन

सहकारी संस्थांच्या लेखापरिक्षकांसाठी नामतालिका तयार करण्याची प्रक्रिया सुरू; ६ एप्रिलपासून ऑनलाईन अर्जांचे आवाहन लातूर, दि. २ (जिमाका): महाराष्ट्र सहकारी संस्था अधिनियम १९६० चे कलम ८१(१) (ब) आणि महाराष्ट्र सहकारी संस्था नियम १९६१ चे नियम ६९ (१) (फ) मधील तरतुदीनुसार, सहकारी संस्थांच्या लेखापरिक्षणासाठी सन २०२६-२०२८ या कालावधीची राज्यस्तरीय लेखापरिक्षकांची नवीन नामतालिका तयार करण्यात येणार आहे. या प्रक्रियेसाठी इच्छुक उमेदवारांकडून ६ एप्रिल ते २० एप्रिल २०२६ या कालावधीत ऑनलाईन पद्धतीने अर्ज मागविण्यात येत आहेत. पात्र लेखापरिक्षकांनी https://mahasahakar.maharashtra.gov.in/en/ या संकेतस्थळावर जाऊन विहित मुदतीत आपले अर्ज सादर करावेत. ऑनलाईन अर्जासंदर्भातील सविस्तर परिपत्रकीय सूचना सहकार विभाग, सहकार आयुक्त व निबंधक यांच्या संकेतस्थळावर उपलब्ध करून देण्यात आल्या आहेत. तसेच, या सूचनांची प्रत सर्व जिल्हा उपनिबंधक, जिल्हा विशेष लेखापरिक्षक आणि विभागीय सहनिबंधक यांच्या कार्यालयामध्येही इच्छुकांच्या माहितीसाठी उपलब्ध आहे. तरी संबंधित व्यावसायिक आणि संस्थांनी या संधीचा लाभ घेऊन वेळेत अर्ज सादर...
Read more