शाळाबाह्य, अनियमित आणि स्थलांतरित बालकांचे 5 ते 20 जुलै दरम्यान होणार सर्वेक्षण
शाळाबाह्य, अनियमित आणि स्थलांतरित बालकांचे
5 ते 20 जुलै दरम्यान होणार सर्वेक्षण
लातूर, दि. 04 (जिमाका) : शाळाबाह्य, अनियमित व स्थलांतरित बालकांना शिक्षणाच्या प्रवाहात दाखल करून घेण्यासाठी 5 ते 20 जुलै 2024 या कालावधीमध्ये सर्वेक्षण मोहीम राबविणाय येत आहे. 2 जुलै 2024 रोजी जिल्हाधिकारी यांच्या कार्यालयात आयोजित जिल्हास्तर बैठकीत उपजिल्हाधिकारी नितीन वाघमारे यांच्या अध्यक्षतेखाली बैठकीत सर्वेक्षणाची प्रभावी अंमलबजावणी करण्याबाबत सूचना तथा मार्गादर्शन करण्यात आले.
जिल्हा परिषद शिक्षणाधिकारी (प्राथमिक) वंदना फुटाणे यांनी सर्व गट शिक्षणाधिकारी, सर्व विस्तार अधिकारी, सर्व केंद्रप्रमुख, सर्व बालरक्षक, सर्वसाधन व्यक्ती, समावेशित शिक्षण विषय तज्ज्ञ, सर्व मुख्याध्यापक (सर्व व्यस्थापन), सर्व शिक्षक (सर्व व्यस्थापन ), सर्व अंगणवाडी मदतनीस ताई, सर्व शाळा व्यस्थापन समिती सदस्य, अंगणवाडी सेविका, शिक्षिका, आरोग्य सेवक यांनी शाळाबाह्य, अनियमित व स्थलांतरित बालकांची सर्वेक्षण मोहीम यशस्वी करण्यासाठी सहभागी होण्याचे आवाहन केले आहे .
तसेच शाळाबाह्य, अनियमित व स्थलांतरित बालकांचे सर्वेक्षण मोहीम अंतर्गत विहित प्रपत्रे (अ, ब, क, ड) संकलित माहिती समग्र शिक्षा विभाग जिल्हा परिषदेद्वारे दिलेल्या गुगल फॉर्ममध्ये संबंधित मुख्याध्यपकाने सांख्यिकी माहिती संकलित करावी. तसेच सर्वेक्षणाबाबतची माहिती सॉफ्ट कॉपी एक्सेलशीटमध्ये व हार्ड कॉपी विद्यार्थीनिहाय संकलित माहिती 22 जुलै, 2024 रोजी लातूर जिल्हा परिषद समग्र शिक्षा विभाग येथे सादर करण्याचे आवाहन केले आहे.
*****
Comments
Post a Comment