खेळाडूंना राज्याच्या विविध क्रीडा प्रबोधनीत प्रवेशाची संधी
खेळाडूंना राज्याच्या विविध क्रीडा प्रबोधनीत प्रवेशाची संधी
लातूर, दि. 02 (जिमाका) : महाराष्ट्रातून जास्तीत जास्त आंतरराष्ट्रीय दर्जाचे खेळाडू घडविण्यासाठी राज्यातील प्रतिभावान खेळाडूंची निवड करुन त्यांना शास्त्रोक्त प्रशिक्षण, सुंतुलित आहार व अद्यावत क्रीडा सुविधा पुरविण्यासाठी राज्यात विविध क्रीडा प्रबोधिनी कार्यरत आहेत. या प्रबोधनीमध्ये प्रवेश मिळविण्याची खेळाडूंना संधी मिळणार असून यासाठी 5 जुलै 2024 पर्यंत मूळ क्रीडा प्रमाणपत्रांसह जळ क्रीडा अधिकारी कार्यालयात नाव नोंदविण्याचे आवाहन करण्यात आले आहे.
सन 2024-2025 साठी शिवछत्रपती क्रीडापीठांतर्गत पुणे (म्हाळुंगे-बालेवाडी) कोल्हापूर, ठाणे, अमरावती, नाशिक, नागपूर, छत्रपती संभाजीनगर, गडचिरोली क्रीडा प्रबोधिनीत प्रवेशासाठी 15 ते 16 जुलै, 2024 दरम्यान सरळ प्रवेश आणि कौशल्य चाचणी प्रक्रियेतंर्गत निवासी व अनिवासी प्रवेश देण्यात येणार आहे. सरळ प्रवेशासाठी आर्चरी, हॅण्डबॉल, बॉक्सिंग, कुस्ती, बॅडमिंटन, अनिवासी, ॲथलेटिक्स, जलतरण, शुटिंग,सायकलिंग, हॉकी, फुटबॉल, ज्युदो, टेबल टेनिस, वेटलिफ्टिंग, जिम्नॅस्टिक्स या खेळांचा समावेश आहे. तर कौशल्य चाचणीमध्ये हॅण्डबॉल, जलतरण, सायकलिंग, फुटबॉल, जिम्नॅस्टिक्स खेळाचा समावेश राहील.
सरळ प्रवेश प्रक्रियेसाठी क्रीडा प्रबोधिनीतील असलेल्या संबंधित खेळात राज्यस्तरावर पदक प्राप्त केलेले खेळाडू किंवा राष्ट्रीय स्तरावर राज्याचे प्रतिनिधीत्व केलेले खेळाडू ज्यांचे वय 19 वर्ष आतील आहे, अशा खेळाडूंना संबंधित खेळाबाबतची चाचणी तज्ज्ञ समिती समक्ष देवून प्रवेश निश्चित केला जाईल.
खेळनिहाय कौशल्य चाचणीसाठी क्रीडा प्रबोधिनीतील असलेल्या संबंधित खेळात राज्यस्तर सहभागी खेळाडूंना ज्यांचे वय 19 वर्षे आतील आहे, अशा खेळाडूंना संबंधित खेळाच्या खेळनिहाय कौशल्य चाचणीचे आयोजन करुन गुणानुक्रमे प्रवेश निश्चित केला जाणार आहे. तरी जिल्ह्यातील इच्छुक व पात्र असलेल्या खेळाडूंनी 5 जुलै, 2024 पर्यंत मूळ क्रीडा प्रमाणपत्रासह जिल्हा क्रीडा अधिकारी कार्यालय, लातूर येथे कार्यालयीन वेळेत नाव नोंदणी करावी. अधिक माहितीसाठी क्रीडा मार्गदर्शक जयराज मुंढे ( भ्रमणध्वनी क्र. 8275273917) आणि चंद्रकांत लोदगेकर (भ्रमणध्वनी क्र. 9834988239) यांच्याशी संपर्क साधण्याचे आवाहन जिल्हा क्रिडा अधिकारी जगन्नाथ लकडे यांनी केले आहे.
****
Comments
Post a Comment