ग्रामपंचायत निवडणूक लढविलेल्या उमेदवारांना 6 डिसेंबरपर्यंत पारंपारिक पद्धतीने निवडणूक खर्च सादर करता येणार
ग्रामपंचायत निवडणूक लढविलेल्या उमेदवारांना 6 डिसेंबरपर्यंत
पारंपारिक पद्धतीने निवडणूक खर्च सादर करता येणार
लातूर, दि. 05 (जिमाका) : राज्य निवडणूक
आयोगाच्या 3 ऑक्टोबर 2023 रोजीच्या निवडणूक कार्यक्रम आदेशानुसार जिल्ह्यात
नोव्हेंबर 2023 मध्ये ग्रामपंचायत सार्वत्रिक निवडणूक घेण्यात आली. ही निवडणूक लढविलेल्या
उमेदवारांनी ट्रु व्होटर अॅपचा वापर करून 6 डिसेंबर 2023 पर्यंत निवडणूक खर्च
हिशोब सादर करणे बंधनकारक करण्यात आले आहे. परंतु, ज्या उमेदवारांना ट्रु व्होटर
अॅप डाऊनलोड करणे शक्य नाही, अशा उमेदवारांना 6 डिसेंबर 2023 पर्यंत पारंपारिक
पद्धतीने निवडणूक खर्च सादर करण्यास राज्य निवडणूक आयोगाने परवानगी दिली आहे.
नोव्हेंबर 2023 मध्ये झालेल्या ग्रामपंचायत सार्वत्रिक निवडणुकीमध्ये
निवडणूक लढविलेल्या बिनविरोध उमेदवारांसह सर्व उमेदवारांनी 6 डिसेंबर 2023
पर्यानात निवडणूक खर्च सादर करण्याचे आवाहन सामान्य प्रशासन विभागाचे
उपजिल्हाधिकारी गणेश महाडिक यांनी केले आहे.
*****
Comments
Post a Comment