जिल्हा माहिती कार्यालय, लातूर

क्रीडा व युवक कल्याण मंत्री संजय बनसोडे यांचा दौरा लातूर, दि. ३१ : राज्याच्या क्रीडा व युवक कल्याण, बंदरे विभागाचे मंत्री संजय बनसोडे हे रविवार, १ सप्टेंबर, २०२४ रोजी लातूर जिल्हा दौऱ्यावर येत आहेत. त्यांचा दौरा कार्यक्रम पुढीलप्रमाणे आहे. क्रीडा व युवक कल्याण मंत्री ना. बनसोडे यांचे १ सप्टेंबर रोजी सकाळी ६.३० वाजता लातूर रेल्वे स्टेशन येथे आगमन होईल व मोटारीने शकुंतला निवासस्थानकडे प्रयाण करतील. सकाळी १० वाजता लातूर येथून मोटारीने उदगीरकडे प्रयाण करतील. सकाळी ११ वाजता उदगीर शहरातील नळेगाव रोडवरील ललित मंगल भवन येथील स्वा. सै. मन्मथअप्पपा चिल्ले शताब्दी आयोजन समिती व आर्य समाज करडखेलच्यावतीने स्वा. सै. मन्मथअप्पा भद्रअप्पा चिल्ले (पू. आनंदमुनिजी) यांच्या गौरव शताब्दी समारंभास उपस्थिती. सकाळी ११.४० वाजता उदगीर शहरातील कौळखेड रोडवरील वसंतराव नाईक चौक येथे आनंद व्यसनमुक्ती केंद्राच्या उद्घाटन सोहळ्यास ते उपस्थिती. दुपारी १२ वाजता उदगीर शहरातील कौळखेड रोडवरील शिवम फंक्शन हॉल येथे महामहीम राष्ट्रपती द्रोपदी मुर्मू यांच्या ४ सप्टेंबर, २०२४ च्या उदगीर दौरा अनुषंगाने सर्व पत्रकार बांधवांशी स...

सुधारीत विशेष संक्षिप्त पुनरिक्षण कार्यक्रम अंतर्गत अंतिम मतदार यादी प्रसिध्द लातूर, दि. 30 : आयोगाच्या आदेशानुसार 1 जुलै 2024 या अर्हता दिनांकावर आधारित छायाचित्र मतदार याद्यांचा सुधारीत दुसरा विशेष संक्षिप्त पुनरिक्षण कार्यक्रम घोषित केला होता. या पुनरिक्षण कार्यक्रमातंर्गत 30 आगस्ट, 2024 रोजी लातूर जिल्ह्यातील सर्व 2 हजार 142 मतदान केंद्रावर अंतिम मतदार यादी प्रसिध्द करण्यात आली आहे. तसेच लातूर जिल्ह्यातील तहसील कार्यालय, उपविभागीय अधिकारी कार्यालय येथेही मतदार यादी प्रसिध्द करण्यात आली आहे. या यादीनुसार लातूर जिल्ह्यात 20 लाख 16 हजार 990 मतदारांचा समावेश आहे. यामध्ये 10 लाख 55 हजार 252 पुरुष मतदार आणि 9 लाख 61 हजार 676 महिला मतदार आणि 62 इतर मतदारांचा समावेश आहे. 234-लातूर ग्रामीण मतदारसघांत 1 लाख 74 हजार 92 पुरुष मतदार, 1 लाख 56 हजार 105 महिला मतदार आणि इतर 3 असे एकूण 3 लाख 30 हजार 200 मतदारांचा समावेश आहे. 235-लातूर शहर मतदारसघांत 2 लाख 3 हजार 374 पुरुष मतदार, 1 लाख 90 हजार 887 महिला मतदार आणि इतर 26 असे एकूण 3 लाख 94 हजार 287 मतदार, 236-अहमदपूर मतदारसघांत 1 लाख 80 हजार 5...

महिलांच्या सन्मानासाठी सर्वजण संवेदनशील राहूया-जिल्हाधिकारी वर्षा ठाकूर-घुगे ▪️लातूर शहरातील विविध संघटना, आस्थापनाधारकांशी संवाद ▪️प्रत्येक आस्थापनेत महिला सुरक्षेसाठी उपाययोजना कराव्यात ▪️गणेशोत्सवात स्त्री-सन्मानाचा जागर करण्याचे आवाहन लातूर, दि. ३१ (जिमाका) : महिलांची सुरक्षा ही आपली सामाजिक बांधिलकी आहे. आपल्या संस्कृतीत महिलांना नारीशक्ती म्हटले जाते. त्यामुळे या नारीशक्तीच्या सन्मानासाठी आपण सर्वजण संवेदनशील आणि सजग राहूया, असे आवाहन जिल्हाधिकारी वर्षा ठाकूर-घुगे यांनी शुक्रवारी येथे केले. जिल्हाधिकारी कार्यालयाच्या जिल्हा नियोजन समिती सभागृहात शहरातील शाळा, महाविद्यालये, दवाखाने, उद्योग, वाहतूक संघटना यांच्या प्रतिनिधींशी संवाद साधताना त्या बोलत होत्या. जिल्हा परिषदेचे मुख्य कार्यकारी अधिकारी अनमोल सागर, पोलीस अधीक्षक सोमय मुंडे, प्रभारी अपर जिल्हाधिकारी संगीता टकले, जिल्हा पुरवठा अधिकारी प्रियांका आयरे, उपविभागीय अधिकारी रोहिणी नऱ्हे-विरोळे, जिल्हा आरोग्य अधिकारी डॉ. हणमंत वडगावे, पोलीस उपअधीक्षक श्री. भातलवंडे यावेळी उपस्थित होते. आपला लातूर जिल्हा हा संवेदनशील आणि सामाजि...

लातूर जिल्हा होमगार्ड सदस्य नोंदणीसाठी झालेल्या मैदानी चाचणीचे तात्पुरते गुणपत्रक जाहीर ▪️ उमेदवारांना 30 ऑगस्टपर्यंत आक्षेप नोंदविण्याची संधी लातूर, दि. 29 : लातूर जिल्हा होमगार्ड सदस्य नोंदणीसाठी बाभळगाव येथील पोलीस मुख्यालय येथे 26 ऑगस्ट ते 28 ऑगस्ट 2024 या कालावधीत पथकनिहाय होमगार्ड नोंदणी प्रक्रिया घेण्यात आली. यामध्ये उमेदवारांची कागदपत्रे पडताळणी, शारिरीक व मैदानी चाचणी घेण्यात आली. या प्रक्रिये दरम्यान मैदानी चाचणीत दिनांकनिहाय सहभागी झालेल्या उमेदवारांचे तात्पुरते गुणपत्रक https://maharashtracdhg.gov.in/mahahg/enrollmentadd.php या संकेतस्थळावर करण्यात आले आहे. सहभागी उमेदवारांनी तात्पुरत्या गुणपत्रकाचे अवलोकन करून त्याबाबत काही आक्षेप असल्यास लातूर जिल्हा समादेशक होमगार्ड कार्यालयाच्या homeguardlatur123@gmail.com ई-मेल आयडीवर किंवा 7558600220 या व्हॉटस्अप किंवा प्रत्यक्ष जिल्हा समादेशक होमगार्ड कार्यालय, मुख्य प्रशासकीय इमारत, बार्शी रोड, लातूर येथे लेखी स्वरूपात 30 ऑगस्ट 2024 रोजी सायंकाळी 6 वाजेपर्यंत सादर करावेत. सायंकाळी 6 वाजेनंतर येणारे आक्षेप ग्राह्य धरण्यात येणार न...

प्रधानमंत्री मत्स्यसंपदा योजना लाभार्थी, मत्स्य कास्तकारांसाठी शुक्रवारी विशेष कार्यक्रम लातूर, दि. 28 : प्रधानमंत्री नरेंद्र मोदी यांच्या महाराष्ट्र दौऱ्याच्या अनुषंगाने त्यांच्या उपस्थित होणाऱ्या कार्यक्रमाचे थेट प्रक्षेपण आणि इतर मार्गदर्शन कार्यक्रमाचे आयोजन सहाय्यक आयुक्त मस्त्य व्यवसाय (तां), लातूर व संभाजीराव केंद्र महाविद्यालय, जळकोट यांच्या संयुक्त विद्यमाने करण्यात आले आहे. 30 ऑगस्ट, 2024 रोजी सकाळी 11 वाजता हा कार्यक्रम होईल. जिल्हयातील प्रधानमंत्री मत्स्य संपदा योजना लाभार्थी व मत्स्य व्यवसाय सहकारी संस्था तसेच मत्स्य कास्तकार यांनी जळकोट येथील संभाजीराव केंद्र महाविद्यालय येथे होणाऱ्या कार्यक्रमास उपस्थित राहण्याचे आवाहन सहाय्यक आयुक्त मत्स्यव्यवसाय (तां ) तेजस्विनी करळे यांनी केले आहे. ****

उपमुख्यमंत्री अजित पवार यांचे लातूर विमानतळावर स्वागत लातूर, दि. २८ (जिमाका) : राज्याचे उपमुख्यमंत्री अजित पवार यांचे आगमन झाले. यावेळी क्रीडा व युवक कल्याण मंत्री संजय बनसोडे, जिल्हाधिकारी वर्षा ठाकूर-घुगे यांनी त्यांचे स्वागत केले. आमदार विक्रम काळे, जिल्हा पोलीस अधीक्षक सोमय मुंडे, जिल्हा परिषदेचे मुख्य कार्यकारी अधिकारी अनमोल सागर, जिल्हा नियोजन अधिकारी सोमनाथ रेड्डी यावेळी उपस्थित होते. उपमुख्यमंत्री ना. पवार यांच्यासोबत राज्य महिला आयोगाच्या अध्यक्ष रुपाली चाकणकर, खासदार सुनील तटकरे यांचेही आगमन झाले. *****

उदगीर तालुक्यात २ ते ४ सप्टेंबर दरम्यान ड्रोन वापरास बंदी लातूर, दि. २८ : राष्ट्रपती द्रौपदी मुर्मू यांच्या दौऱ्याच्या अनुषंगाने कायदा व सुव्यवस्था अबाधित राखण्यासाठी लातूर जिल्ह्यातील उदगीर तालुका हद्दीत २ सप्टेंबर, २०२४ रोजीचे ००.०१ पासून ४ सप्टेंबर, २०२४ रोजीचे २४.०० या कालावधीत ड्रोनचे विना परवाना व बेकायदेशीर ड्रोन प्रक्षेपण आणि ड्रोनचा (तात्पुरता रेड झोन) वापर करण्यास बंदी घालण्यात आली आहे. भारतीय नागरिक सुरक्षा संहिता २०२३ चे कलम १६३ अन्वये प्राप्त अधिकारांचा वापर करून जिल्हाधिकारी तथा जिल्हादंडाधिकारी वर्षा ठाकूर-घुगे यांनी याबाबतचे आदेश निर्गमित केले आहेत. ****

येता संकट बालकावरी 1098 मदत करी लातूर,दि.28(जिकाका) आपल्या आजूबाजूला आपल्याला जर बालकामगार, बाल भिक्षेकरी, लैगिंक अत्याचार ग्रस्त बालके, हरवलेली बालके तसेच सापडलेली बालके, मदतीची आवश्यकता असलेली संकटग्रस्त बालके आढळल्यास अश्या बालकांना त्वरित आवश्यक मदत कोठून व कशी मिळवून देता येईल, या करीता कोठे संपर्क करावा या बाबत सामान्य नागरिकांमध्ये संभ्रम असतो. अश्या संकटग्रस्त बालकांना त्वरित मदतीकरिता भारत सरकार, महिला व बाल विकास विभाग नवी दिल्ली व महाराष्ट्र शासन, महिला व बाल विकास विभाग यांच्या मार्फत 0 ते 18 वयोगटातील कोणत्याही प्रकारच्या अडचणीत / संकटात सापडलेल्या तसेच काळजी व संरक्षणाची गरज असलेल्या सर्व बालकांसाठी चाईल्ड हेल्प लाईन सेवा 1098 संपूर्ण महाराष्ट्रात कार्यान्वित आहे. सदर सेवेअंतर्गत संकटग्रस्त बालकांना 24/7 हेल्पलाईन सेवा उपलब्ध्‍ आहे. सदर सेवेचा लाभ बालक स्वत:घेवू शकतो किंवा इतर कोणतीही सदर सेवेव्दारे बालकाला मदत मिळवून देऊ शकतात. या निवेदनाव्दारे 1098 या टोल फ्रि क्रमांकावर कॉल करुन संकटग्रस्त बालकांना मत करावी असे अवाहन आयुक्त महिला व बाल विकास डॉ. प्रशांत नारनवरे य...

मुख्यमंत्री माझी लाडकी बहीण योजनेच्या लाभार्थी महिलांनी बँक खात्यांना आधार क्रमांक संलग्न करण्याचे आवाहन • आधारक्रमांक संलग्न असलेल्या बँक खात्यावर रक्कम जमा होणार लातूर, दि. २८ : मुख्यमंत्री माझी लाडकी बहीण योजनेतील रक्कम ही पात्र लाभार्थी महिलांच्या आधार संलग्न बँक खात्यात जमा करण्यात येते. त्यामुळे योजनेसाठी पात्र ठरलेल्या प्रत्येक महिलेचे बँक खाते आधार संलग्न असणे गरजेचे आहे. अद्याप ज्या महिलांनी आपले बँक खाते आधार क्रमांकाशी संलग्न (आधार लिंक) केलेले नाही, अशा महिलांनी आपले खाते असलेल्या बँकेत जावून आधार क्रमांक संलग्न करून घेण्याचे आवाहन जिल्हा प्रशासनाने केले आहे. मुख्यमंत्री माझी लाडकी बहीण योजनेसाठी लातूर जिल्ह्यात आतापर्यंत जवळपास ५ लाख अर्ज प्राप्त झाले आहेत. यापैकी पहिल्या टप्प्यात २ लाख ६७ हजार महिला योजनेसाठी पात्र ठरल्या आहेत. तसेच काही अर्जांमध्ये त्रुटी असल्याने हे अर्ज दुरुस्तीसाठी परत पाठविण्यात आले होते. दुसऱ्या टप्प्यात प्राप्त झालेल्या अर्जांची छाननी प्रक्रिया गतीने सुरु आहे. पहिल्या टप्प्यात पात्र ठरलेल्या, तसेच दुसऱ्या टप्प्यात अर्ज केलेल्या अनेक महिलांच्या ब...

उदगीर येथील बुध्द विहार उद्घाटन समारंभाला राष्ट्रपती द्रौपदी मुर्मू यांची राहणार उपस्थिती लातूर, दि. २८ : उदगीर येथे नगरपरिषदेने उभारलेल्या बुद्ध विहाराचे उद्घाटन ४ सप्टेंबर २०२४ रोजी होत आहे. या कार्यक्रमाला भारताच्या राष्ट्रपती द्रौपदी मुर्मू उपस्थित राहणार आहेत. तसेच यादिवशी राज्य शासनाच्यावतीने आयोजित मुख्यमंत्री महिला सशक्तीकरण अभियानालाही त्या उपस्थित राहणार असल्याची माहिती जिल्हा प्रशासनाने दिली आहे. या समारंभाला राज्यपाल सी. पी. राधाकृष्णन, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, पालकमंत्री गिरीश महाजन, क्रीडा व युवक कल्याण मंत्री संजय बनसोडे, महिला व बालविकास मंत्री आदिती तटकरे यांच्यासह विविध मान्यवर उपस्थित राहणार आहेत. राज्य शासनाने उदगीर नगरपरिषदेला दिलेल्या निधीतून उदगीर शहरातील तळवेस येथे बुध्द विहाराचे बांधकाम करण्यात आले आहे. कर्नाटकातील कलबुर्गी येथील बुध्द विहाराची प्रतिकृती असलेल्या उदगीर येथील बुध्द विहाराचे उद्घाटन राष्ट्रपती द्रौपदी मुर्मू यांच्या उपस्थितीत ४ सप्टेंबर रोजी होणार आहे. राज्य शासनामार्फत मुख्यमंत्री महिला...

उपमुख्यमंत्री अजित पवार यांचा लातूर जिल्हा दौरा लातूर, दि.27 (जिमाका) : राज्याचे उपमुख्यमंत्री अजित पवार बुधवार, दिनांक 28 ऑगस्ट, 2024 रोजी लातूर जिल्हा दौऱ्यावर येत असून त्यांचा दौरा कार्यक्रमाचा तपशिल पुढीलप्रमाणे राहील. उपमुख्यमंत्री ना. पवार यांचे 28 ऑगस्ट रोजी सकाळी 9-15 वाजता लातूर विमानतळावर आगमन होईल. सकाळी 11 वाजता चाकूर तालुक्यातील महाळंग्रा बस स्टँडजवळ आगमन. येथून सकाळी 11.05 वाजता स्वागत रॅलीला सुरुवात होईल. त्यानंतर अहमदपूर शहरातील चाकूर रोडवरील छत्रपती शिवाजी महाराज चौक येथील छत्रपती शिवाजी महाराजांच्या पुतळ्यास पुष्पमाला अर्पण करतील. दुपारी 12.10 वाजता थोडगा रोडवरील चामे गार्डन व फंक्शन हॉल येथे जनसन्मान यात्रा - लाडक्या बहिणींसोबत संवाद कार्यक्रमाला उपस्थित राहतील. त्यानंतर उजना येथील सिध्दी शुगर ॲण्ड अलाईड इंडस्ट्री येथे राखीव. दुपारी प्रयाण. 4 वाजता रुध्दा पाटी येथील श्री साई गणेश मिलिटरी ट्रेनिंग सेंटर येथील येथे आगमन. 4.05 वाजता हेलिकॉप्टरने नांदेडकडे प्रयाण करतील. ****

‘मिशन साद’ आरोग्य तपासणी शिबिराचे जिल्हाधिकाऱ्यांच्या हस्ते उद्घाटन श्रवणदोषाच्या लवकर निदानासाठी प्रत्येक बालकाची आरोग्य तपासणी करून घ्यावी - जिल्हाधिकारी वर्षा ठाकूर-घुगे लातूर, दि. २६ (जिमाका) : जिल्ह्यातील शून्य ते सहा वर्षे वयोगटातील श्रवणदोष असलेल्या बालकांचा शोध घेवून, त्यांच्यावर वेळीच आवश्यक उपचार करण्यासाठी जिल्हा प्रशासनाने 'मिशन साद' हा अभिनव उपक्रम हाती घेतला आहे. या अंतर्गत प्रत्येक बालकाची आरोग्य तपासणी करून घेण्याचे आवाहन जिल्हाधिकारी वर्षा ठाकूर-घुगे यांनी आज येथे केले. जिल्हा प्रशासन, उमंग इन्स्टिट्यूट आणि राष्ट्रीय बाल स्वास्थ कार्यक्रम यांच्या संयुक्त विद्यमाने ‘मिशन साद’ अंतर्गत आज प्रबोधनकार ठाकरे चौक येथील अंगणवाडीमध्ये तपासणी शिबीर आयोजित करण्यात आले होते. जिल्हाधिकारी श्रीमती ठाकूर-घुगे यांच्या हस्ते या शिबिराचे उद्घाटन झाले. लातूर शहर महानगरपालिकेचे आयुक्त बाबासाहेब मनोहरे, जिल्हा पुरवठा अधिकारी प्रियांका आयरे, उपायुक्त डॉ. पंजाब खानसोळे, जिल्हा महिला व बाल विकास अधिकारी जावेद शेख, नायब तहसीलदार गणेश सरोदे यांची यावेळी प्रमुख उपस्थिती होती. लहान म...

क्रीडा दिनानिमित्त गुरुवारी विविध स्पर्धांचे आयोजन लातूर, दि.26 (जिमाका) : महाराष्ट्रातील क्रीडा संस्कृतीची जोपासना व जनतेमध्ये क्रीडा वातावरण निर्मिती करण्याच्या दृष्टीने राज्यातील प्रत्येक जिल्ह्यात दरवर्षी मेजर ध्यानचंद (हॉकीचे खेळाडू) यांचा दिनांक 29 ऑगस्ट हा जन्मदिन क्रीडा दिन म्हणून साजरा केला जातो. राज्यामध्ये क्रीडा व खेळाचा प्रचार व प्रचार व्हावा, शहरी व ग्रामीण भागातील नागरिकांपर्यंत क्रीडा व खेळांचे महत्व पोहोचविणे, निरोगी राहण्याचा संदेश जावा, युवक - युवतीमध्ये क्रीडा विषयक वातावरण निर्माण व्हावे, क्रीडा संस्कृतीचे संवर्धन व जतन व्हावे यासाठी विविध उपक्रम राष्ट्रीय क्रीडा दिनाच्या निमित्ताने आयोजित करण्यात येणार आहेत. या निमित्ताने 29 ऑगस्ट रोजी 18 वर्षे ते 40 वर्षे वयोगटासाठी 100 मीटर धावणे, योगासन, कॅरम, बुध्दीबळ, आर्मरेसलींग, फन गेम. 40 वर्षे ते 60 वर्षे वयोगटासाठी 50 मीटर धावणे, 300 मी. धावणे, 1 कि.मी. चालणे, खो-खो, योगासन, बुध्दीबळ, पुशअप इ. 60 वर्षेवरील वयोगटासाठी 300 मीटर जलद चालणे, योगासन, 1 कि.मी. चालणे बुध्दीबळ इ. इयत्ता पहिली ते पाचवीसाठी 50 मी. धावणे , य...

उदगीर उपप्रादेशिक परिवहन कार्यालयात आकर्षक वाहन क्रमांकासाठी 28 ऑगस्टपर्यंत नोंदणीचे आवाहन लातूर, दि.26 (जिमाका) : उदगीर (MH55) येथेनवीन उप प्रादेशिक परिवहनकार्यालय सुरु झालेले आहे. या अंतर्गत उदगीर, अहमदपूर,जळकोट, देवणी, शिरुर अनंतपाळ तालुक्यातील नागरिकांना सेवा दिली जाणार आहे. त्याअनुषंगाने या कार्यालयात दुचाकी, चारचाकी, परिवहन संवर्गातील तीन चाकी व परिवहन संवर्गातील चारचाकी व जड वाहनांसाठी नवीन वाहन मालिका संगणकीय वाहन 4.0 प्रणालीवर दि. 28 ऑगस्ट, 2024 रोजी दुचाकी मालिका MH55वाहन क्रमांक 0001 ते 9999, चारचाकी मालिका MH55-A वाहन क्रमांक 0001 ते 9999, परिवहन संवर्गातीलहलके चारचाकी वाहने व जड वाहने मालिका MH55-Bवाहन क्रमांक 0001 ते 9999, परिवहन संवर्गातील तीन चाकी वाहने मालिका MH55-C वाहन क्रमांक 0001 ते 9999 या मालिकेतील शासकीय नियमानुसार शुल्क भरुन घेणे चालू केले जाईल. ज्या वाहनधारकांना आपल्या वाहनास आकर्षक क्रमांक घ्यावयाचा आहे, त्यांनी 28 ऑगस्ट रोजी उदगीर उपप्रादेशिक परिवहन कार्यालयाशी संपर्क साधून आपले आकर्षक क्रमांक शुल्क भरुन आरक्षीत करुन ठेवावेत. पसंतीचा नोंदणी क्रमांक ...

जिल्ह्यात शस्त्रबंदी व जमावबंदी आदेश जारी लातूर, दि.26 (जिमाका) : कायदा व सुव्यवस्था, सार्वजनिक शांतता व सुरक्षितता अबाधित राखण्यासाठी अपर जिल्हादंडाधिकारी केशव नेटके यांनी महाराष्ट्र पोलीस अधिनियम 1951 च्या कलम 37 (1) व (3) नुसार संपूर्ण लातूर जिल्ह्याच्या हद्दीत शस्त्रबंदी व जमावबंदी आदेश जारी केले आहेत. हा आदेश संपूर्ण लातूर जिल्ह्याच्या हद्दीत 28 ऑगस्ट, 2024 रोजीच्या 00.01 वाजेपासून ते 11 सप्टेंबर, 2024 रोजीच्या 24.00 वाजेपर्यंत (दोन्ही दिवस धरुन) लागू राहील. शस्त्रबंदी व जमावबंदी काळात या आदेशान्वये शस्त्रे, सोटे, तलवारी, भाले, दंडे, बंदुका, सुरे, काठ्या, लाठ्या किंवा शारीरिक इजा करण्यासाठी वापरता येईल, अशी कोणतीही वस्तू सोबत घेऊन फिरता येणार नाही. कोणताही दाहक पदार्थ किंवा स्फोटक पदार्थ बाळगता येणार नाही, दगड किंवा इतर क्षेपणास्त्रे, सोडावयाची किंवा फेकावयाची उपकरणे बाळगणे किंवा जमा करणे किंवा तयार करण्यास मनाई राहील. व्यक्तीचे प्रेत, आकृत्या किंवा प्रतिमा यांचे प्रदर्शन करता येणार नाही. तसेच जाहीरपणे घोषणा करणे, गाणे म्हणजे वाद्य वाजविण्यास मनाई राहील. ज्यामुळे सभ्य...

अपघातामध्ये मृत अनोळखी व्यक्तीची ओळख पटविण्याबाबत आवाहन लातूर दि. 26 : रोड अपघातामध्ये मृत झालेल्या 40 वर्षीय इसमाचे प्रेत विलासराव देशमुख शासकीय वैद्यकीय महाविद्यालय येथे 25 ऑगस्ट, 2024 रोजी सकाळी 5.15 वाजता दाखल करण्यात आले आहे. या अनोळखी इसमाचे शवविच्छेदन करण्याबाबत एम. एल.सी. पत्रक व पोलीस रिपोर्ट सह विवेकानंद चौक पोलीस स्टेशनला 25 ऑगस्ट, 2024 रोजी 7.22 वा. प्राप्त झाले आहे. याबाबत पुढील तपास पोलीस हवलदार पी. ए. कोकणे हे करीत आहेत. मृत अनोळखी इसमाचे वय अंदाजे 40 वर्ष, उंची अंदाजे -165 से.मी. , केस काळे, , पांढरे, रंग सावळा, शरीर बांधा-सडपातळ, अंगा काळी पॅन्ट , मेहंदी रंगाची अन्डरवेअर, उघड्या स्थितीत, दाडी व मिशी पांढऱ्या काळ्या रंगाची, कमरेला लाल व काळ्या रंगाचा करदोड, उजव्या हातात केशरी व लाल रंगाचा दोरा बांधलेला, उजव्या हाताच्या पोटरीवर (मेरा -2) असे गोंदलेले आहे. तसेच रोड अपघातामुळे शरीरावर ठिकठिकाणी व डोक्यावर गंभीर जखमा झालेल्या दिसत आहेत. या वर्णनाच्या अनोळखी मयताची माहिती मिळाल्यास विवेकानंद चौक पोलीस स्टेशनला माहिती कळवावी, असे आवाहन लातूर येथील पोलीस स्टेशन विवेकान...

मुख्यमंत्री माझी लाडकी बहीण योजनेच्या अर्जातील त्रुटींची पूर्तता, आधार सीडिंगला गती द्यावी-जिल्हाधिकारी वर्षा ठाकूर-घुगे • अद्याप अर्ज न केलेल्या महिलांनी पोर्टलवर अर्ज करण्याचे आवाहन लातूर, दि. २३ (जिमाका) : मुख्यमंत्री माझी लाडकी बहीण योजनेसाठी प्राप्त काही अर्जामध्ये त्रुटी असल्याने, असे अर्ज ऑनलाईन स्वरुपात परत पाठविण्यात आले आहेत. या अर्जांमधील त्रुटींची पूर्तता करून अर्ज पुन्हा जिल्हास्तरीय समितीकडे पाठवावेत, अशा सूचना जिल्हाधिकारी वर्षा ठाकूर-घुगे यांनी आज येथे दिल्या. ज्या महिलांनी अद्याप बँक खात्यांना आधार क्रमांक संलग्न केलेला नाही, अशा महिलांनी आपले खाते असलेल्या बँकेत जावून बँक खात्यांना आधार क्रमांक जोडण्याची कार्यवाही करवी. तसेच आतापर्यंत अर्ज न केलेल्या पात्र महिलांनी मुख्यमंत्री माझी लाडकी बहीण योजनेच्या पोर्टलवर अर्ज सादर करण्याचे आवाहन त्यांनी केले. शासकीय योजनांच्या अंमलबजावणीचा आढावा घेण्यासाठी जिल्हाधिकारी कार्यालयात आयोजित बैठकीत जिल्हाधिकारी बोलत होत्या. जिल्हा परिषदेचे मुख्य कार्यकारी अधिकारी अनमोल सागर, लातूर शहर महानगरपालिका आयुक्त बाबासाहेब मनोहरे, प्रभारी...

लातूर जिल्हा होमगार्ड भरतीसाठीशारिरीक क्षमता चाचणीचेवेळापत्रक जाहीर   लातूर दि. 23 :  जिल्हाहोमगार्डमधील रिक्त असलेल्या 143 जागा भरण्याकरिता होमगार्ड नाव नोंदणीचे (भरतीचे)आयोजन करण्यात आले आहे. त्यासाठी पुरुष व महिला उमेदवारांसाठी शारिरीक क्षमताचाचणीचे वेळापत्रक जाहीर करण्यात आले आहे. लातूर पथकामधील 2हजार 160 उमेदवारांची 26 ऑगस्ट 2024 रोजी, उदगीर व निलंगा पथकातील 2 हजार 74 उमेदवारांची शारिरीक क्षमता चाचणी 27ऑगस्ट 2024 रोजी आणि लातूर, औसा, उदगीर, अहमदपूर व निलंगा या सर्व पथकांमधील 704महिला उमेदवारांची शारिरीक क्षमता चाचणी 28 ऑगस्ट 2024 रोजी होणार आहे.लातूर जिल्ह्यातील ऑनलाईन अर्ज केलेल्या उमेदवारांनी शारिरीक क्षमताचाचणीकरिता बाभळगांव पोलीस मुख्यालय येथे वेळेत हजर रहावे, असे आवाहन अपर पोलीसअधीक्षक तथा जिल्हा होमगार्ड समादेशक अजय देवरे यांनी केले आहे.**** 

उत्कृष्ट ग्रंथालय पुरस्कार, उत्कृष्ट ग्रंथालय कार्यकर्ता व सेवक पुरस्कारासाठी प्रस्ताव आमंत्रित लातूर दि. 23 : महाराष्ट्र शासनाच्या उच्च व तंत्र शिक्षण विभागांतर्गत ग्रंथालय संचालनालयाकडून राज्यातील शासनमान्य सार्वजनिक ग्रंथालयांचा गुणात्मक विकास व्हावा, ग्रंथालयाकडून जनतेला अधिक चांगल्या ग्रंथालय सेवा उपलब्ध करुन द्याव्यात, वाचन संस्कृती वृध्दींगत करण्यासाठी प्रोत्साहन मिळावे या उद्देशाने डॉ. बाबासाहेब आंबेडकर उत्कृष्ट ग्रंथालय पुरस्कार देण्यात येतो. तसेच ग्रंथालय चळवळीतील कार्यकर्ते व सेवक यांना भारतीय ग्रंथालय शास्त्राचे जनक डॉ. शियाली रामागृत रंगनाथन यांच्या नावाने डॉ. एस. आर. रंगनाथन उत्कृष्ट ग्रंथालय कार्यकर्ता व सेवक (ग्रंथमित्र) पुरस्कार देण्यात येतो. या पुरस्कारासाठी 25 सप्टेंबरपर्यंत जिल्हा ग्रंथालय अधिकारी कार्यालयात प्रस्ताव सादर करण्याचे आवाहन करण्यात आले आहे. राज्यातील शहरी व ग्रामीण विभागातील अ, ब, क, ड वर्गातील उत्कृष्ट शासनमान्य सार्वजनिक ग्रंथालयांना अनुक्रमे 1 लाख रुपये, 75 हजार रुपये, रुपये 50 हजार रुपये, रुपये 25 हजार रुपये सन्मानचिन्ह, प्रमाणपत्र , ग्रंथभेट आ...

क्रीडा व युवक कल्याण मंत्री संजय बनसोडे यांचा दौरा लातूर दि. 22 : राज्याच्या क्रीडा व युवक कल्याण, बंदरे विभागाचे मंत्री संजय बनसोडे हे शुक्रवार, 23 ऑगस्ट, 2024 रोजी लातूर जिल्हा दौऱ्यावर येत आहेत. त्यांचा दौरा कार्यक्रम पुढीलप्रमाणे आहे. क्रीडा व युवक कल्याण मंत्री ना. बनसोडे यांचे 23 ऑगस्ट, 2024 रोजी सकाळी 6.30 वाजता लातूर रेल्वे स्टेशन येथे आगमन होईल व मोटारीने शकुंतला निवासस्थानकडे प्रयाण करतील. सकाळी 10 वाजता शकुंतला निवासस्थान येथून मोटारीने उदगीरकडे प्रयाण करतील. सकाळी 11 वाजता उदगीर तालुक्यातील माळेवाडी येथे ओंमकार गुंडाप्पा स्वामी यांच्या नूतन वास्तुच्या वास्तुशांती व गृहप्रवेश कार्यक्रमास उपस्थित राहतील. सकाळी 11.30 वाजता उदगीर शहरातील पत्तेवार चौक मेन रोड येथे राजीव माधवराव पारसेवार यांच्या पारसेवार ब्रदर्स (सुटींग, शर्टींगचे भव्य दालन) च्या शुभारंभ सोहळ्यास उपस्थित राहतील. दुपारी 1 वाजता उदगीर तालुक्यातील हाळी हंडरगुळी येथील नियोजित बालाजी मंदीर  येथे श्री सदगुरु रंगनाथ महाराज परभणीकर, आर्य वैश्य सामाजिक प्रतिष्ठान येथे बालाजी मंदिर भूमिपूजन सोहळ्यास उपस्थित राहतील. ना....

सुधारीत महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धेसाठी 31 ऑगस्टपर्यंत अर्ज करण्याचे आवाहन लातूर, दि. 22 : राज्य शासनाच्या पर्यटन व सांस्‍कृतिक कार्य विभागामार्फत राज्यातील गणेशोत्सव मंडळांसाठी उत्कृष्ट सार्वजनिक गणेशोत्सव मंडळ स्पर्धा जाहीर करण्यात आली आहे. याबाबत 31 जुलै 2024 रोजी शासन निर्णय निर्गमित करण्यात आला आहे. 7 सप्टेंबर 2024 पासून सुरु होणाऱ्या गणेशोत्‍सवात राज्‍यातील उत्‍कृष्‍ट गणेशोत्‍सव मंडळांना राज्‍य शासनाकडून पुरस्‍कार देण्‍यात येणार आहे. यासाठी 31 ऑगस्ट 2024 पर्यंत अर्ज करण्याचे आवाहन करण्यात आले आहे. या स्‍पर्धेत धर्मादाय आयुक्‍त यांच्‍याकडे नोंदणी केलेल्‍या किंवा स्‍थानिक पोलीस स्‍टेशन यांची किंवा स्‍थानिक स्‍वराज्‍य संस्‍था यांची परवानगी घेतलेल्‍या सार्वजनिक गणेशोत्‍सव मंडळांना सहभागी होता येणार आहे. राज्‍यातील प्रथम, द्वितीय आणि तृतीय क्रमांक मिळविणाऱ्या गणेशोत्‍सव मंडळाना अनुक्रमे 5 लाख रुपये, 2 लाख 50 हजार रुपये आणि 1 लाख रुपये पारितोषिक व प्रमाणपत्र देऊन गौरव करण्‍यात येणार आहे. तसेच राज्‍य समितीकडे 36 जिल्‍ह्यातील प्रत्येकी 1 याप्रमाणे 36 प्...

जर्मनीस जाण्यास इच्छुक वाहनचालकांनी प्रादेशिक परिवहन कार्यालयाकडे अर्ज करावेत लातूर, दि. 22 : जर्मनी देशातील बाडेन वुटेनबर्ग या राज्यास महाराष्ट्रातील विविध क्षेत्रातील कुशल मनुष्यबळ पुरविण्याबाबत 25 फेब्रुवारी 2024 रोजी सामंजस्य करार करण्यात आला आहे. ज्यामध्ये वाहन चालकांचा समावेश आहे. तरी जर्मनीमध्ये जाण्यासाठी इच्छुक वाहनचालकांनी प्रादेशिक परिवहन कार्यालयात अर्ज करण्याचे आवाहन परिवहन अधिकारी विजय चव्हाण यांनी केले आहे. महाराष्ट्रातील विविध क्षेत्रातील 10 हजार कुशल मनुष्यबळ पुरविण्याबाबतच्या पथदर्शी प्रकल्पाच्या अनुषंगाने यंत्रणा, प्रशिक्षण व्यवस्था व कार्यपद्धती निश्चित करण्यास शासनाची मान्यता प्रदान करण्यात आलेली आहे. त्या अनुषंगाने यंत्रणा कार्यपद्धती व प्रशिक्षणाबाबत जिल्हास्तरीय सनियंत्रण समिती गठित करण्यात आलेली आहे. कराराप्रमाणे बाडेन वुटेनबर्ग या राज्यास कुशल वाहनचालक पुरविण्यासाठी परिवहन विभागामार्फत आवश्यक कार्यवाही करण्यात येत आहे. त्याअनुषंगाने या प्रकल्पाअंतर्गत जर्मनीस जाण्यासाठी इच्छुक वाहनचालकांनी शासनामार्फत जारी करण्यात आलेल्या क्युआर कोड (QR CODE) वर स्कॅन करुन...

खरीप हंगामात अन्नधान्य, कडधान्य व गळीतधान्य पिकांसाठी राज्यातंर्गत पीक स्पर्धेसाठी 31 ऑगस्टपर्यंत अर्ज करण्याचे आवाहन लातूर, दि. 22 (जिमाका) : राज्यामध्ये पिकाची उत्पादकता वाढविण्यासाठी विविध भागांमध्ये शेतकऱ्यांकडून विविध प्रयोग करण्यात येतात व उत्पादकतेत वाढ करण्यात येते. अशा प्रयोगशील शेतकऱ्यांना मिळालेल्या उत्पादकतेबाबत प्रोत्साहन देवून गौरव केल्यास त्यांचे मनोबल वाढून उमेदीने नवनवीन अद्ययावत तंत्रज्ञानाचा वापर केला जाईल. यामुळे कृषि उत्पादनामध्ये भर घालण्यासाठी शेतकऱ्यांचे योगदान मिळेल. तसेच त्यांचे मार्गदर्शन परिसरातील इतर शेतकऱ्यांना होऊन राज्याच्या एकूण उत्पादनात मोलाची भर पडेल, हा उद्देश ठेवून राज्यातंर्गत पीक स्पर्धा योजना राबविण्यात येत आहे. यासाठी 31 ऑगस्ट 2024 पर्यंत अर्ज करण्याचे आवाहन कृषि विभागाने केले आहे. कृषी विभागामार्फत खरीप हंगामन सन 2024 मध्ये सर्वसाधारण व आदिवासी गटासाठी भात, ज्वारी, बाजरी, मका, नाचणी (रागी), तूर, सोयाबीन, भुईमुग, सुर्यफुल या पिकांसाठी पीक स्पर्धेचे आयोजन करण्यात आले आहे. खरीप पीक स्पर्धेसाठी अर्ज दाखल करण्याची भात, ज्वारी, बाजरी, मका, नाचणी ...

विद्यार्थी लाभाच्या सर्व योजना पात्र विद्यार्थ्यांपर्यंत प्रभावीपणे पोहचवा- शिक्षणाधिकारी तृप्ती अंधारे लातूर, दि. 22 : शिक्षणाधिकारी (योजना) कार्यालयांतर्गत असलेल्या विद्यार्थी लाभाच्या सर्व योजना पात्र लाभार्थ्यांपर्यंत प्रभावीपणे पोहोचवाव्यात, असे आवाहन शिक्षणाधिकारी (योजना) तृप्ती अंधारे यांनी केले. लातूर जिल्ह्यातील सर्व गटशिक्षणाधिकारी, शिक्षण विस्तार अधिकारी, केंद्रप्रमुख, सहाय्यक योजना अधिकारी व विषय साधनव्यक्ती यांची आढावा बैठक दयानंद विज्ञान महाविद्यालयातील सभागृहात आयोजित करण्यात आली होती. या प्रसंगी त्या बोलत होत्या. या बैठकीमध्ये उल्हास नवभारत साक्षरता कार्यक्रमाचा प्रसार व प्रचार करणे, असाक्षर व स्वयंसेवक यांची नोंदणी करणे, एन. एम. एम. एस. शिष्यवृत्ती योजना, राजीव गांधी विद्यार्थी अपघात सानुग्रह अनुदान योजना छत्रपती राजाराम महाराज सारथी शिष्यवृत्ती योजना यासारख्या विद्यार्थी लाभाच्या विविध योजनांचा तालुका स्तरावर सुरू असलेल्या कामाचा आढावा घेण्यात आला. याप्रसंगी विभागीय शिक्षण उपसंचालक कार्यालय लातूरचे सहायक शिक्षण संचालक डॉ. दत्तात्रय मठपती, शिक्षण उपनिरीक्षक धनंजय...

नागरिकांच्या तक्रारींचे गुणवत्तापूर्ण निराकरण करण्यासाठी आपले सरकार पोर्टल उपयुक्त - जिल्हाधिकारी वर्षा ठाकूर-घुगे आपले सरकार पोर्टल २.० बाबत जिल्हास्तरीय शासकीय विभाग प्रमुखांना प्रशिक्षण लातूर, दि. २२ : सर्वसामान्य नागरिक हा आपल्या शासन, प्रशासनाचा केंद्रबिंदू आहे. त्याच्या तक्रारींचे गतीने आणि गुणवत्तापूर्ण निराकरणासाठी 'आपले सरकार पोर्टल २.०' ही प्रणाली उपयुक्त आहे. या प्रणालीद्वारे प्राप्त तक्रारींचा निपटारा विहीत कालावधीत करण्याला सर्व शासकीय विभागांनी प्राधान्य देण्याच्या सूचना जिल्हाधिकारी वर्षा ठाकूर-घुगे यांनी दिल्या. आपले सरकार पोर्टल २.० प्रणालीच्या वापराबाबत आयोजित प्रशिक्षणावेळी जिल्हाधिकारी बोलत होत्या. जिल्हा पोलीस अधीक्षक सोमय मुंडे, परिषदेचे मुख्य कार्यकारी अधिकारी अनमोल सागर, प्रशिक्षक देवांग दवे, विनोद वर्मा, प्रभारी अपर जिल्हाधिकारी संगिता टकले, प्रभारी निवासी उपजिल्हाधिकारी अहिल्या गाठाळ यांच्यासह जिल्हास्तरीय शासकीय विभाग प्रमुख, अधिकारी व कर्मचारी यावेळी उपस्थित होते. तक्रारींचा निपटारा गतिमान होण्यासाठी आपले सरकार पोर्टलमध्ये नव्याने काही बदल करण्या...

एकात्मिक सोयाबीन व इतर तेलबिया उत्पादकता मूल्यसाखळी विकास योजनेंतर्गत 100 टक्के अनुदानावर मिळणार बॅटरी ऑपरेटेड फवारणी पंप • अर्ज करण्यास 26 ऑगस्ट, 2024 पर्यंत मुदतवाढ लातूर, दि. 22 : राज्य पुरस्कृत एकात्मिक सोयाबीन आणि तर तेलबिया उत्पादकता वाढ व मूल्य साखळी विकासासाठी विशेष कृती योजना सन 2022-2023 ते 2024-25 या तीन वर्षात राबविण्यात येत आहे. या अंतर्गत शेतकऱ्यांना 100 टक्के अनुदानावर बॅटरी ऑपरेटेड फवारणी पंप दिले जाणार आहेत. यासाठी अर्ज करण्यासाठी 26 ऑगस्ट 2024 पर्यंत मुदतवाढ देण्यात आली आहे. सोयाबीन व इतर तेलबिया आधारित पीक पध्दतीस चालना देवून शेतकऱ्यांच्या उत्पन्नात वाढ करणे, सोयाबीन इतर तेलबिया मूल्यसाखळीस चालना देणे या उद्देशाने राज्य पुरस्कृत एकात्मिक सोयाबीन आणि तर तेलबिया उत्पादकता वाढ व मूल्य साखळी विकासासाठी विशेष कृती योजना राबविण्यात येत आहे. सन 2024-2025 मध्ये योजनेतंर्गत चालू खरीप हंगामाध्ये या योजनेचा लाभ घेण्यासाठी लाभार्थ्यांची निवड महाडीबीटी पोर्टलवर केलेल्या ऑनलाईन अर्जातून ऑनलाईन पध्दतीने करण्यात येणार आहे. तरी जिल्ह्यातील जास्तीत जास्त शेतकरी बांधवांनी mahadbt.m...

रस्त्यांवरील खड्ड्यांची तक्रार आता मोबाईल ॲपद्वारे नोंदविता येणार सार्वजनिक विभागाकडून खड्डे तक्रार निवारण प्रणाली विकसित लातूर, दि. 21 : सार्वजनिक बांधकाम विभागाने 1 लाख 18 हजार किमीपेक्षा अधिक रस्त्यांचे जाळे तयार केले आहे. यामध्ये प्रमुख राज्य महामार्ग, राज्य महामार्ग व प्रमुख जिल्हा मार्गांचा समावेश आहे. या रस्त्यांवर पावसाळ्यानंतर पडणाऱ्या खड्ड्यांची माहिती सार्वजनिक विभागाला देण्यासाठी खड्डे तक्रार निवारण प्रणाली विकसित करण्यात आली असल्याची माहिती सार्वजनिक बांधकाम विभागाचे अधीक्षक सलीम शेख यांनी दिली. सार्वजनिक बांधकाम विभागामार्फत नियमित दुरूस्ती केली जाते. मात्र, सर्वसाधारणपणे पावसाळ्यानंतर रस्त्यांवर खड्डे पडतात. त्यामुळे या खड्ड्यांच्या तक्रारींचे निराकरण करण्यासाठी खड्डे तक्रार निवारण प्रणाली (पीसीआरएस) विकसित करण्यात आली आहे. या अँड्रॉइड ॲपद्वारे सर्व नागरिकांना सार्वजनिक विभागाच्या रस्त्यांवरील खड्ड्यासंबंधी तक्रारी नोंदविता येणार आहेत. हे मोबाईल ॲपल http://mahapwd.gov.in/PMIS/PWPCRS_CITIZEN.apk या लिंकचा वापर करून सार्वजनिक बांधकाम विभागाच्या वेबसाईटवरून डाऊनलोड करता...

मुख्यमंत्री एकनाथ शिंदे यांचे जिल्हाधिकारी वर्षा ठाकूर-घुगे यांनी लातूर विमानतळावर स्वागत केले. परळी वैजनाथ येथील राज्यस्तरीय कृषि महोत्सवाला उपस्थित राहण्यासाठी त्यांचे लातूर विमानतळावर आगमन झाले होते. नांदेड परिक्षेत्राचे विशेष पोलिस उपमहानिरीक्षक शहाजी उमाप, पोलीस अधीक्षक सोमय मुंडे, जिल्हा परिषदेचे मुख्य कार्यकारी अधिकारी अनमोल सागर, लातूर शहर महानगरपालिका आयुक्त बाबासाहेब मनोहरे यावेळी उपस्थित होते.

उपमुख्यमंत्री देवेंद्र फडणवीस यांचे लातूर विमानतळावर स्वागत लातूर, दि. 21 : उपमुख्यमंत्री देवेंद्र फडणवीस यांचे जिल्हाधिकारी वर्षा ठाकूर-घुगे यांनी लातूर विमानतळावर स्वागत केले. परळी वैजनाथ येथील राज्यस्तरीय कृषि महोत्सवाला उपस्थित राहण्यासाठी त्यांचे लातूर विमानतळावर आगमन झाले होते. आमदार पंकजा मुंडे त्यांच्या सोबत होत्या. नांदेड परिक्षेत्राचे विशेष पोलिस उपमहानिरीक्षक शहाजी उमाप, पोलीस अधीक्षक सोमय मुंडे, जिल्हा परिषदेचे मुख्य कार्यकारी अधिकारी अनमोल सागर, लातूर शहर महानगरपालिका आयुक्त बाबासाहेब मनोहरे यावेळी उपस्थित होते. ****

  उपमुख्यमंत्री अजित पवार यांचे लातूर विमानतळावर स्वागत; महिलांनी राखी बांधून दिल्या शुभेच्छा लातूर, दि. २१ : उपमुख्यमंत्री अजित पवार यांचे परळी वैजनाथ येथील राज्यस्तरीय कृषि महोत्सवाला उपस्थित राहण्यासाठी लातूर विमानतळावर आगमन झाले. जिल्हाधिकारी वर्षा ठाकूर-घुगे यांनी यावेळी त्यांचे स्वागत केले. तसेच यावेळी उपस्थित महिलांनी उपमुख्यमंत्री श्री. पवार यांना राखी बांधून शुभेच्छा दिल्या. आमदार विक्रम काळे, जिल्हा पोलीस अधीक्षक सोमय मुंडे, जिल्हा परिषदेचे मुख्य कार्यकारी अधिकारी अनमोल सागर, लातूरच्या उपविभागीय अधिकारी रोहिणी नऱ्हे- विरोळे यावेळी उपस्थित होत्या. **** 

 विधानसभा सार्वत्रिक निवडणुकीसाठी नियुक्त नोडल अधिकारी यांनी आपली जबाबदारी काळजीपूर्वक पार पाडावी-जिल्हाधिकारी वर्षा-ठाकूर • कामकाजाचे सूक्ष्म नियोजन करण्याच्या सूचना लातूर, दि. २० (जिमाका) : आगामी विधानसभा सार्वत्रिक निवडणुकीच्या अनुषंगाने विविध पथके स्थापन करण्यात आली आहे. या पथकांच्या नोडल अधिकाऱ्यांनी आपल्यावर सोपविलेली जबाबदारी काळजीपूर्वक पार पाडावी, अशा सूचना जिल्हाधिकारी तथा जिल्हा निवडणूक अधिकारी वर्षा ठाकूर-घुगे यांनी आज येथे दिल्या.जिल्हाधिकारी कार्यालयात आयोजित निवडणूक नोडल अधिकारी यांच्या बैठकीत त्या बोलत होत्या. प्रभारी अपर जिल्हाधिकारी संगीता टकले, अपर पोलीस अधीक्षक डॉ. अजय देवरे, उपजिल्हा निवडणूक अधिकारी डॉ. भारत कदम, उपजिल्हाधिकारी नितीन वाघमारे, अहिल्या गाठाळ, जिल्हा पुरवठा अधिकारी प्रियांका आयरे, उपविभागीय अधिकारी शरद झाडके, अविनाश कोरडे, सुशांत शिंदे, रोहिणी नऱ्हे-विरोळे, मंजुषा लटपटे, जिल्हा नियोजन अधिकारी सोमनाथ रेड्डी, जिल्हा परिषदेचे मुख्य वित्त व लेखा अधिकारी आप्पासाहेब चाटे, प्रादेशिक परिवहन अधिकारी विजय चव्हाण, समाज कल्याण सहायक आयुक्त शिवकांत चिकुर्ते ...

 मुख्यमंत्री युवा कार्य प्रशिक्षण योजनेतून आतापर्यंत 401 जणांची निवड लातूर, दि. 20 : राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन नोकरी मिळण्याची त्यांची क्षमता वाढविण्यासाठी मुख्यमंत्री युवा कार्य प्रशिक्षण योजना सुरू करण्यात आली आहे. या योजनेतून जिल्ह्यात आतापर्यंत 2 हजार 133 पदे अधिसूचित झाली आहेत. यापैकी 401 जणांची निवड प्रक्रिया पूर्ण झाली आहे. तसेच पदे अधिसूचित करण्याची व निवडीची प्रक्रिया सुरू आहे. मुख्यमंत्री युवा कार्य प्रशिक्षण योजनेतून  उद्योजक, खासगी क्षेत्रातील आस्थापना, सेवा क्षेत्र, केंद्र व राज्य शासनाच्या शासकीय तथा निमशासकीय आस्थापनांना मनुष्यबळ मिळणार आहे. यासाठी इयत्ता बारावी पास प्रशिक्षणार्थींना 6 हजार रुपये, आयटीआय, पदविकाधारक प्रशिक्षणार्थींना 8 हजार रुपये आणि पदवीधर, पदव्युत्तर प्रशिक्षणार्थींना 10 हजार रुपये प्रतिमाह विद्यावेतन मिळणार आहे. शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्यामार्फत संयुक्तपणे ‘मुख्यमंत्री युवा कार्य प्रशिक्षण योजना’ राबविण्यात येत आहे. या योजनेंतर्गत खा...

  मुख्यमंत्री माझी लाडकी बहीण योजनेच्या लाभातून बँकांनी कोणतेही कर्ज समायोजन न करण्याच्या सूचना लातूर, दि. 20 (जिमाका) : राज्य शासनाने महिलांच्या सक्षमीकरणासाठी सुरु केलेल्या मुख्यमंत्री माझी लाडकी बहीण योजनेच्या लाभाची रक्कम महिलांच्या बँक खात्यात जमा झाली आहे. या रक्कमेतून बँकांनी कोणत्याही कर्जाचे समायोजन करू नये, अशा सूचना जिल्हाधिकारी वर्षा ठाकूर-घुगे यांनी दिल्या आहेत. जिल्हाधिकारी कार्यालयामध्ये आयोजित बैठकीत त्या बोलत होत्या. लातूर शहर महानगरपालिकेचे आयुक्त बाबासाहेब मनोहरे, प्रभारी अपर जिल्हाधिकारी संगीता टकले, उपजिल्हाधिकारी अहिल्या गाठाळ, जिल्हा पुरवठा अधिकारी प्रियांका आयरे, जिल्हा नियोजन अधिकारी सोमनाथ रेड्डी, जिल्हा अग्रणी बँकेचे प्रबंधक प्रमोद शिंदे, जिल्हा कौशल्य विकास व उद्योजकता मार्गदर्शन केंद्राचे सहायक संचालक बालाजी मरे, समाज कल्याण सहायक आयुक्त शिवकांत चिकुर्ते आदी यावेळी उपस्थित होते. मुख्यमंत्री माझी लाडकी बहीण योजनेतून हस्तांतरित केलेली रक्कम कोणत्याही थकीत कर्जाच्या बदल्यात समायोजित न करण्याच्या सूचना राज्य शासनाने दिल्या आहेत. त्यानुसार जिल्ह्यातील सर्व ब...

  महात्मा जोतिराव फुले शेतकरी कर्जमुक्ती योजना प्रोत्साहनपर लाभासाठी शेतकऱ्यांनी आधार प्रमाणिकरण करण्याचे आवाहन लातूर, दि. 20 :      महात्मा जोतिराव फुले शेतकरी कर्जमुक्ती योजना 2019 अंतर्गत प्रोत्साहनपर लाभ योजनेमध्ये पात्र ठरलेल्या परंतू आधार प्रमाणिकरण न झालेल्या शेतकऱ्यांनी आधार प्रमाणिकरण करुन घेण्यासाठी महा-आयटी यांनी 12 ऑगस्ट, 2024 ते 7 सप्टेंबर, 2024 पर्यंत आधार प्रमाणिकरणासाठी टॅब उपलब्ध करुन दिला आहे. तसेच या संबंधित राष्ट्रीयकृत बँका, महाराष्ट्र ग्रामीण बँका व जिल्हा मध्यवर्ती सहकारी बँकानीदेखील लाभार्थी शेतकऱ्यांना व्यक्तीश: कळविण्याबाबत संबंधित बँकांना सूचित करण्यात आले आहे. जे शेतकरी या योजनेतंर्गत लाभासाठी पात्र ठरले आहेत व ज्यांना विशिष्ट क्रमांक देण्यात आलेला आहे. तथापि ज्यांचे आधार प्रमाणिकरण झालेले नाही, अशा शेतकऱ्यांनी संबंधित बँक शाखांशी संपर्क साधून व आधार प्रमाणिकरण तात्काळ करुन घ्यावे, असे आवाहन सहकारी संस्थेचे जिल्हा उपनिबंधक यांनी केले आहे. ***  

  ‘एक पेड, माँ के नाम’ मोहिमेंतर्गत केंद्रीय राखीव पोलीस दल प्रशिक्षण केंद्रात वृक्षारोपण लातूर, दि. १९ :  प्रधानमंत्री नरेंद्र मोदी यांच्या संकल्पनेतून  ' एक पेड माँ के नाम '  ही विशेष मोहीम राबविण्यात येत आहे. या अंतर्गत लातूर येथील केंद्रीय राखीव पोलीस दल प्रशिक्षण केंद्रात उपमहानिरीक्षक अमीरुल हसन अन्सारी यांच्या उपस्थितीत वृक्षारोपण मोहीम राबविण्यात आली. यावेळी अधिकारी, कर्मचारी यांनी आपल्या आईच्या नावाने वृक्ष लागवड करीत सहभाग नोंदविला. पोलीस उपमहानिरीक्षक अमिरुल हसन अन्सारी यांच्या हस्ते वृक्ष लागवड करून वृक्षारोपण मोहिमेस सुरुवात झाली. निसर्गाच्या रक्षणासाठी वृक्ष लागवड अतिशय आवश्यक आहे. झाडांमुळे प्राणवायू मिळण्यास मदत होते, ज्याठिकाणी अधिक वृक्ष आहेत, तिथे पाऊस अधिक पडतो. त्यामुळे वृक्ष लागवड आणि त्यांचे संवर्धन करण्यासाठी प्रयत्न करावेत. यापुढे प्रत्येक वर्षी प्रशिक्षण केंद्रामध्ये वृक्षारोपण केले जाईल, असे पोलीस उपमहानिरीक्षक अमीरुल हसन अन्सारी यांनी सांगितले. या मोहिमेअंतर्गत फळझाडे, फुलझाडे आणि षधी वनस्पतींची लागवड करण्यात येणार आहे. या मोहिमेत सीआरपीएफ...

  कपाशीवरील गुलाबी बोंड अळीचे व्यवस्थापन करण्याचे आवाहन लातूर ,  दि. १९ (जिमाका) :  कापूस पिक हे सध्या ५० ते ६० दिवसाचे झाले असून बऱ्याच ठिकाणी फुलावर येत आहे. गुलाबी बोंड अळीचा प्रादुर्भाव डोंमकळ्याच्या स्वरूपात ऑगस्ट महिन्याच्या पहिल्या आठवड्यापासुनच दिसून येत आहे. किटकशास्त्र विभागाच्या चमूने शेतकऱ्यांच्या शेतावर भेटी दिल्या असता ,  अकोला ,  वाशिम व बुलढाणा येथील कपाशी जेथे फुलावस्थेत आहे अश्या ठिकाणी डोमकळया आढळून आल्या आहेत. बोंड अळीचा प्रादुर्भाव ५ ते ७ टक्के पेक्षा जास्त आढळून आला आहे. सततचे ढगाळ वातावरण पिकावरील किडींना पोषक असते ,  किडींचे व्यवस्थापन करण्यास उशिर केल्यास या किडीचा प्रादुर्भाव झपाट्याने वाढण्याची शक्यता असते म्हणुन सुरूवातीपासुनच या किडींचे व्यवस्थापन करून या किडीमुळे होणारे नुकसान बऱ्याच प्रमाणात कमी करता येते. त्यामुळे शेतकऱ्यांनी गुलाबी बोंड अळीचे व्यवस्थापन करण्याचे आवाहन कृषी विभागाने केले आहे.   पिकातील डोमकळ्या नियमित शोधून त्या अळीसहीत नष्ट कराव्यात. दर पंधरा दिवसांनी ५ टक्के निंबोळी अर्काची किंवा अॅझॅडिरेक्टिन ३०० पीपी...

  सोयाबीनवरील विषाणूजन्य हिरवा आणि पिवळा मोझॅक रोगाचे व्यवस्थापन लातूर ,  दि. १९  ( जिमाका) :  सद्यास्थितीत मराठवाड्यातील बऱ्याच भागात सोयाबीन पिकावर पिवळा मोझॅक तसेच काही ठिकाणी हिरवा मोझॅक म्हणजेच केवडा रोगाचा प्रादुर्भाव दिसून येत आहे. पिवळा मोझॅक हा रोग मुंगबीन यलो मोझॅक वायरस या विषाणूंमुळे होतो. तर हिरवा मोझॅक हा सोयाबीन मोझॅक वायरस या विषाणूमुळे होतो. कडधान्य आणि तणे ही या रोगाची पर्यायी यजमान पिके आहेत. या विषाणूजन्य रोगामुळे सोयाबीनमध्ये १५ ते ७५ टक्के पर्यंत उत्पादनात घट येऊ शकते. शेतकऱ्यांनाही या रोगाची लक्षणे ओळखुन एकात्मिक व्यवस्थापन करावे, असे आवाहन कृषी विभागाने केले आहे. हिरवा मोझॅकची लक्षणे झाडाची पाने ही जाडसर ,  आखूड तसेच कडक होतात व खालच्या बाजूने सुरकुतलेली किंवा मुरगळलेली असतात. पाने साधारण पानांपेक्षा जास्त गर्द हिरव्या रंगाची दिसतात. प्रादुर्भावामुळे झाडाची वाढ खुंटते. हा विषाणू बियाणे व पानातील रसामार्फत पसरतो आणि हा प्रसार मुख्यतः मावा या रसशोषक किडीद्वारे केला जातो. पिवळा मोझॅकची लक्षणे सोयाबीनच्या पानाच्या मुख्य शिरीपाशी विखुरलेल्या अ...

  चित्ररथाद्वारे ‘महाज्योती’च्या योजनांची होणार जनजागृती लातूर ,  दि. १९  ( जिमाका) :  राज्य शासनाच्या इतर मागास बहुजन कल्याण विभागाची स्वायत्त संस्था असलेल्या महात्मा ज्योतिबा फुले संशोधन व प्रशिक्षण संस्था (महाज्योती) मार्फत विविध योजनांची अंमलबजावणी करण्यात येते. याबाबत जिल्ह्यात चित्ररथाद्वारे जनजागृती केली जाणार असून प्रभारी अपर जिल्हाधिकारी संगीता टकले यांनी आज या चित्ररथाला हिरवी झेंडी दाखविली. उपजिल्हाधिकारी अहिल्या गाठाळ, जिल्हा पुरवठा अधिकारी प्रियांका आयरे, जिल्हा नियोजन अधिकारी सोमनाथ रेड्डी, इतर मागास बहुजन कल्याण विभागाचे सहायक संचालक शिवकांत चिकुर्ते यावेळी उपस्थित होते. राज्यातील इतर मगासवर्ग, विमुक्त जाती-भटक्या जमाती व विशेष मागास प्रवर्गातील विद्यार्थी, युवकांसाठी ‘महाज्योती’मार्फत विविध योजना राबविल्या जात आहेत. या योजनांची जनजागृती करण्यासाठी ‘महाज्योती’मार्फत चित्ररथ तयार करण्यात आला आहे. हा चित्ररथ जिल्ह्यातील ग्रामीण भागात जावून योजनांची माहिती देणार आहे. ***** 

  परळी वैद्यनाथ येथे 21 ते 25 ऑगस्ट, 2024 या कालावधीत राज्यस्तरीय कृषी महोत्सव 2024 चे आयोजन     लातूर, दि. 19 :  21 ते 25 ऑगस्ट, 2024 या कालावधीत बीड जिल्ह्यातील परळी वैद्यनाथ येथील कृषी उत्पन्न बाजार समिती कॉटन मार्केट यार्ड नाथ रोड येथे राज्यस्तरीय कृषी महोत्सव 2024   आयोजित करण्यात आला आहे. कृषी महोत्सवामध्ये कृषी प्रदर्शन, पशुप्रदर्शन, कृषी विद्यापीठे दालन, परिसंवाद , चर्चासत्र, उत्पादक ते ग्राहक थेट विक्री केंद्र, विक्रेता , खरेदीदार संमेलन शेतकरी सन्मान समारंभ, सेंद्रिय शेतीमाल विक्री, रानभाजी महोत्सव, आधुनिक कृषी अवजारे प्रदर्शन, स्वंयसहाय्यता महिला बचत गट निर्मित वस्तू पदार्थांचे विक्री व प्रदर्शन असे विविध प्रकारचे स्वतंत्र दालन व चर्चासत्र आयोजित करण्यात आलेली आहेत. तरी लातूर जिल्ह्यातील सर्व शेतकरी, बचत गट, शेतकरी उत्पादक कंपनी यांनी राज्यस्तरीय कृषी महोत्सवामध्ये सहभाग घ्यावा, असे आवाहन जिल्हा अधीक्षक कृषि अधिकारी आर.टी. जाधव यांनी केले आहे. ****